好彩海鮮酒家

Open Now

Now Closed

兩星期內已第二次光顧，保持水準。除燒雞加蟹煲水準保持外，👍鵝掌煲也很好！生炒上肉也不錯。服務也很好！👍...........................

晚餐，脆皮雞🐔皮脆肉滑，連蟹煲🦀套餐B很抵！😋服務態度良好！😊..............................

可憐叉燒包// 中點一個二個淨係掛住食奶黃包（雖然我都係），但為左叉燒包唔會面臨瀕危絕種，所以今日我決定破例點左叉包大臣！係好味嘅！但呢個煎薄餅真係不得了！唔係好食到不得了，而係佢脆過塊膠片，食完可以介爆你個個嘴💋💀💀💀#卜卜脆 #煎膠片#食評 #foodreview

一行13人，叫左三千幾蚊嘅圍餐，無汽水，只有兩窄橙汁，味道方面無特別，但份量真係少，完全無可能係12人分。落單時部長都主动建議多加錢要多件帶子，是知道我地叫12人餐！上菜上到糯米飯時，真是不可接受，係茶餐听碟頭飯嘅size.估計只可分6-7碗，通知部長，部長竟說12人餐只提到有糯米飯，不是說糯米飯係供12人食，但追問下，他都說餐是12人的，說不會拗，另外多提供了一份糯米飯，但再三說12人餐份量沒問題

第二次去好彩酒樓下午茶，這個時段不會爆滿，所以只等了兩分鐘便入座。一行三人點了六個點心。豉汁蒸美國珍寶鳳爪(中點) 四隻鳳爪果然大隻， 味道很濃，濃味之中又有少少辣味。雞肉不會過熟而爛，無令我失望，真是爪住我的心。蜜汁好彩叉燒包(小點), 有三個小小的叉燒包，確實從未見過有如此少細小的叉燒包， 很別緻。內裏的叉燒幾軟熟，蜜汁夠甜。如果餡料多一些更好，可惜包皮就比較實，不知是否因為攤涼了。賽螃蟹餃 ($15), 餃皮夠煙韌，餡料雖然不覺有賽螃蟹，但仍然覺得很香，尤其是有幾粒粟米令到餃子更加清新可口。蔥花純正蒸蘿蔔糕 ($12), 確實很純，是味道單純，沒有什麼味道，如果加辣醬或甜醬食就會更加好， 蘿蔔味亦也不濃，質感就比較軟，十分適合小朋友和老人家吃。蜜餞雞蛋散 ($11), 不覺得油膩，香脆可口，加上蜜糖漿更加好味， 每次來這間酒樓都一定會點。黑松露燒賣 兩隻16蚊，黑松露的鮮味提升了燒賣的肉味。小朋友也覺得好味， 今次燒賣的豬肉味沒有那麼臊，比起上次更加好味。在荃灣區下午茶時間，這裏是不錯的選擇，一定有位，點心水準又不差。下次一定要食燒乳鴿，已經幾年沒有吃過，這個時段只需$36,

我點左兩次點心，都有十五六款，最後黎得7款(連飲茶三寶 蝦餃，燒賣，粉果 咩都無得吃)，佢仲話 你早d黎咪有，無得吃你早响。最後有野吃，搬點心姐姐仲要講 叉燒包最後一籠 你真係好彩(食正鋪名)，你係咪咁黎潤我其實咁樣既一間酒樓，係咪汁得？

今日下午我們去咗荃灣享和街嘅「好彩海鮮酒家」飲下午茶！我們叫咗鎮江醬油鷄嘅肉質相當嫩滑，配上鎮江醬油汁，再加埋香蔥同生蒜粒，感覺都幾特別同非常惹味！芹香櫻花蝦腸嘅腸粉好嫩滑，櫻花蝦嘅味道好似蝦米咁，但就比較大隻，芹菜嘅味道好芳香！特級鮮蝦餃嘅餃皮相當煙煙韌韌，蝦肉非常大隻同爽甜彈牙！瑤柱菠菜魚肚餃嘅餃皮極之晶瑩剔透，餡料份量超多，有鮮味嘅瑤柱絲，青嫩嘅菠菜同爽口嘅魚肚，口感非常豐富！薑蔥煲仔棉花鷄嘅魚肚好爽滑彈牙，鷄肉嘅肉質好鬆軟嫩滑，加埋薑蔥令到味道更加惹味，完全唔會有腥嘅味道！

事先聲明，這是一篇自費食評，不是試食。(最近有兩篇都被質疑是試食，要我再提交，很麻煩呀！)以前去過好彩不同的分店飲茶食飯，每每都有新鮮感和驚喜，而這間荃灣的好彩卻充滿懷舊色彩！鎮江醬油雞($20) 鎮江汁比較淡，油雞肉厚很滑但可惜鎮江汁沒有入味於雞肉內，我反而愛吃汁內的生蒜粒，少許辛辣味再加鎮江汁少許鹹味，感覺特別。黑松露燒賣($ 16/2隻)燒賣細細粒，重點應該係上面少少的黑松露，$16 當然不會是好貨式，過下癮吧！但燒賣是彈牙的。翡翠帶子腸($16) ，腸厚而皮滑，做得不錯，帶子無鮮味，亦沒調味，一定要加醬油吊吊味！美味芋粒餃($13) 貌似潮州粉果，外皮一樣，口感亦相似，內有美味芋粒，確實比起普通粉果多一重口感！懷舊千層糕($14) 有少少三件，甜甜哋，有些椰絲和奶黃餡料，又繼續帶出多一點懷舊情懷。哈哈！蜜餞雞蛋散($11) 真的要讚，炸得鬆脆而不油膩，沾上蜜糖吃真的有懷舊情懷！下午茶時段三個人只吃了$130, 真抵！同枱的一個婆婆等了很久，茶又未到(等了十分鐘) ，點心都未到(等了20分鐘以上) ，追了又追，整個過程她都很燥。有一兩位姐姐對她的態度也不太友善，服務真是有待改善！

今早去飲茶，地點唔係我揀，無選擇權之下去左好彩。點心款式唔多，我只揀到黑松露燒賣，另外既由家人揀吧。黑松露燒賣 - 皮較厚，但肉超級淋，雖然係熱辣辣新鮮整出黎，不過...食落其實冇咩味同埋太過淋了。豬潤腸粉 - 好足料既豬潤，腸粉厚薄適中，可惜食落味道只係普通。紅油抄手 - 拎出黎既時候得微暖，食落皮厚有d韌，可以話係難食。炸魷魚鬚 - 同想像既一樣係兩回事，完全冇魷魚味，個皮炸得好差。。。馬友肉片煲仔飯 - 呢個係最好食既，至少真係熱辣辣!!生煎蓮藕餅 - 味道唔錯，但超級油....我諗呢度可能唔係唔好，而係我唔岩食姐....

突然好想食金銀蛋莧, 呢日收工, 自己一個去左食, 因為得自己一個, 所以叫個菜叫個白飯就夠.上台唔算好熱, 暖暖地既, 上面有好多金銀蛋, d咸蛋黃有d硬, 皮蛋就切得有d太細粒, 不過佢好多蒜粒, 因為我個人鐘意食蒜粒, 所以加返分, 而且菜都算新鮮, 唔會又黃又老.

啲嘢一啲都唔好食！貨不對辦！帶子腸粉冇帶子……翠肉瓜就好多！炸蝦角原本以為好似蝦餃咁款嘅……但係出到嚟個造型真係第一次見咁樣嘅炸蝦角……而且餡料亦都好小！好小家囉～！！煲仔棉花雞……油淋淋！原個椰皇燉鮮奶……水嚟嘅？都埋唔到！山竹牛肉好似公仔點心咁嘅size……食咗八樣嘢……冇樣好食！

炸雲吞，炸得好香口，不過蝦細左d, 汁酸酸甜甜好開胃腸粉，夠鑊氣，好入味煙煙韌韌, 不太甜炸芋蝦，好脆，竽頭好淋，蝦有爽口蝦餃，蝦好鮮甜爽口，好味揚州炒飯，夠鑊氣，炒飯一粒粒

約左兩位老人家👴🏼👵🏻飲茶，知道起碼要等一粒鐘先有得飲，所以早一個鐘去等位。入到去已好多人企向度等。由於等位地方不太大，只有很少的座位可以俾人坐著等😐。。。老人家企得耐唔得。。。如果可以多d地方俾d老人家坐著等就好。。。等左57分鐘終於到我了🎉🎉叫到你時佢會問埋你飲咩野茶。一上到去，好快就會送上茶來。很不錯！呢度嘅點心真係很不錯。價錢合理。係要等位等耐d。不過食好味野，我又不介意要等咁耐洗好d杯碗筷後，兩老終於抵達👏🏻可以叫野食成日覺得呢度點心紙好似六合彩咁😅畫完你想要嘅點心，放向呢個筒度就會好快有人黎收👍🏻潮州蒸粉果 - 👍🏻😋皮薄饀靚。味道剛好！蒜蓉蒸鮮魷 - 有粉絲墊底。鮮魷厚得黎多林。仲有少少蝦醬味👍🏻菠菜魚肚餃 - 第一次見有魚肚餃咁特別，所以叫左試下。味道幾好食，但好似食唔到有咩野魚肚馬拉糕 - 飲親茶都覺得要食返個馬拉糕先得。呢度整得不錯。食落去係幾香！蝦餃 - 👍🏻👍🏻真係好食。超大隻蝦向入面，蝦肉又爽口😋鮮竹牛肉球 - 都好好食。粒牛肉球唔會落左好多粉咁。仲要都有幾多腐竹墊底👍🏻👍🏻係細粒左少許粥 - 自選材料。最少要叫兩個餸。我就叫左鮮牛片加鯪魚球。d粥唔會杰撻撻。

今日中午我們去咗荃灣享和街嘅「好彩海鮮酒家」飲中午茶！ 我們叫咗特級鮮蝦餃、香芹櫻花蝦腸、蜜汁叉燒包 同午市超優惠套餐：老火粉葛湯「小」、燒味小食拼盤同鹹魚鷄粒炒飯！ 特級鮮蝦餃嘅蝦相當爽口彈牙， 餃皮亦好煙韌！香芹櫻花蝦腸嘅腸粉好嫩滑， 香芹嘅味道相當惹味！蜜汁叉燒包嘅包質非常香滑鬆軟， 叉燒嘅味道相當香甜！係本人嘅必食推介！ 午市超優惠套餐：老火粉葛湯「小」嘅火候十足，湯料好豐富，味道相當濃郁！ 燒味小食拼盤叉燒嘅肉質比較腍，海蜇好彈牙，牛𦟌嘅肉味好濃郁！鹹魚鷄粒炒飯炒得非常乾身，鹹魚嘅香味令到味道更加惹味！

今晚我們去咗荃灣享和街嘅「好彩海鮮酒家」食晚飯！我們叫咗花生眉豆鷄腳鰂魚煲唐排、一品脆皮燒鷄、芹香浸鑽石蚌、法式燴牛尾煲、生炒薑汁酒玉蘭遠、臘味糯米飯同椰汁西米露！花生眉豆鷄腳鰂魚煲唐排真係火候十足，味道相當濃郁，湯料亦非常豐富！一品脆皮燒鷄燒得非常皮脆肉嫩，肉質極之嫩滑！係本人嘅必食推介！芹香浸鑽石蚌相當大隻，肉質好鮮甜彈牙！法式燴牛尾煲炆得好腍好入味，牛尾嘅份量都幾多！生炒薑汁酒玉蘭遠嘅芥蘭好嫩同無根，薑汁酒亦辟除咗草青味！臘味糯米飯嘅糯米好煙煙韌韌，臘味嘅味道好芳香濃郁！