洪家手作 洪瑞珍三明治 (Closed)

因為疫情關係，暫時無得去最喜歡的台灣旅行，想起台灣美食真係好想食架，今日放工經過觀塘工廈，見到竟然有台灣洪瑞珍二代 - 洪家手作三文治擺美食攤位，正呀！實在忍唔住要買呢～今晚全家人一於食三文治做晚餐啦。洪家手作原來係香港自設工場，每日新鮮製造的。觀塘正正可以買到，實在方便，唔洗去台灣都可以品嚐到台灣味道了三文治一共有八款不同口味：滿漢三明治、招牌火腿、招牌起司、草莓起司、橙醬起司、藍莓起司、花生醬、芝麻醬，每件價錢＄22，滿六件就＄20一件。每件三文治都包裝得好好和衞生，味道香甜，配合奶油和起司，吃得特別滿足，嗜甜的朋友會喜歡呢！特別喜歡滿漢三明治，厚厚的三文治內有火腿、起司、蛋、沙拉、奶油和吐司，多重口感爽集在鬆軟的厚切的三文治內，實在是大滿足，另外，草莓起司呢款也是我喜歡的，甜甜的草莓三文治令人很有童年吃塗上草莓果醬方包的回憶，甜而不膩，很不錯呢！

台灣洪瑞珍～成日都好想試，但一路去都未食過。而家香港都有勁方便，仲有埋工場每日新鮮製造😙～咁就唔怕佢變壞～去開觀塘就買晒咁多款味番屋企share✨招牌起司：個面包真係好軟綿綿，奶油好軟滑，味道甜甜地又有d 牛油香，夾埋芝士都幾得意。✨草莓起司： 草莓jam 唔會太甜～～甜道啱啱好✨招牌火腿： 咸既火腿加埋甜甜地既醬～配搭起上黎我覺得幾好食，想味道豐富d 就要黎個滿漢，有齊火腿芝士同蛋。✨花生醬： 香而不膩，再多d 花生醬就更加正。✨芝麻醬：少少甜又帶d 芝麻香，呢款我幾鍾意✨桔醬： 有d 似橙味，幾清新～

還記得上年經已在消閒新聞上看到 #洪瑞珍三明治登陸香港 的新聞。但當時沒太上心，如此一別便是大半年，在巧合下來到觀塘的附近逛街，想不到會遇上「洪瑞珍」！其實早在數年前遊台，都經已試過他們的招牌三明治，挺難忘的味道，的確是只此一家，香港怎樣也找不到一模一樣的味道，於是便一口氣買了所有味道回去！做了少少search，得知今次登陸香港，是在香港自設工場每日新鮮製作三文治，自然更有信心保證。打口吃下一口，麵包口感鬆軟，甜味適中，有種莫名的幸褔感，而由於我貪心地買下了所有口味，本想可以慢慢品嚐，但怎料真的會令人欲罷不能，我最後一口氣鯨吞了三件三文治呢！而個人最愛的還是花生醬及黑芝麻款，當然還有招牌起司，一樣令我恨不得能一吃再吃呢！

係每次去台灣必食嘅洪瑞珍三文治！之前香港代購洪瑞珍試過出事之後就無曬代購。好彩宜家有二代黎左香港開店，今次就去左佢觀塘分店購買。原來佢哋喺觀塘有自設工場，食材都係台灣空運到港，包保三文治新鮮今次一次過試左6款，因為6件買都會平啲我最鍾意都係果醬系列配起司果醬嘅份量好多 酸酸甜甜好開胃配上中間帶有鹹香嘅起司同奶油加埋三層口感軟熟麵包 真係好好食係好掛住嘅味道 冇得去台灣但都可以頂住先真係食幾多都唔厭，係台灣嘅味道！😭

而家唔使去台灣都食到洪瑞珍😍 洪家手作嘅三文治真係食過返尋味，而且仲有多款味道。入邊個奶油醬真係經典😋薄薄地但係味道好香滑。佢有多款不同嘅味道：有滿漢、招牌火腿、起司、花生醬、草莓、桔醬。最鍾意食招牌火腿，因為火腿同奶油好夾。貪心啲就想食滿漢，咩都有😛一次過食晒所有醬。同埋佢個麵包軟林林，入邊嗰醬又香又滑。真係好特別🙂 平凡中的不平凡。而家唔使去台灣都食到洪瑞珍😍 洪家手作嘅三文治真係食過返尋味，而且仲有多款味道。入邊個奶油醬真係經典😋有滿漢、招牌火腿、起司、花生醬、草莓、桔醬。最鍾意食招牌火腿，貪心啲就想食滿漢，咩都有😛麵包軟林林，入邊嗰醬好香。真係好特別🙂

去得台灣最出名嘅手信除咗鳳梨酥另外一樣一定係洪瑞珍三文治但係有試過幾次 搭完長途飛機一返嚟會變臭食唔到我孤陋寡聞原來香港已經開咗洪瑞珍☺️☺️今日去到觀塘見到招牌先至知位置其實幾方便 亦都好易搵價錢好平 20蚊左右舊舊都分量好足😁.💟滿漢三文治最掛住就梗係滿漢啦蛋忌廉火腿 真係世界級 D cream又濃又香 加埋火腿蛋真心勁好食.💟因為買夠六件可以20蚊件基本上我隻隻味都有揀叫咗藍莓 士多啤梨 花生 芝士 橘醬生果味唔會搶咗蛋香 同埋唔會過甜 好食最正就梗係花生醬味 勁濃勁香相對麻麻係芝士味 因為塊芝士味道唔係好特別.💟總括嚟講 唔使山長水遠就已經食到同台灣一模一樣嘅洪瑞珍價錢唔貴 大件抵食買夠6件就$20!!!!! 如果去開觀塘買嚟做第二日早餐 或者即食都好抵.🎀洪家手作 洪瑞珍三明治🎀觀塘開源道55號開聯工業中心A座8樓20室

洪瑞珍三文治係台灣出名嘅食物，佢獨特嘅味道實在會使人迷試同對佢念念不忘。好多香港人去台灣都會特登去洪瑞珍排隊買嚟食，什至買返嚟香港當手信。同好多海外好多出名嘅食店/品牌一樣，洪家手作洪瑞珍二代就經香港總代理，喺香港自設工場每日生產，以後想食嘅時候就可以去佢哋嘅售賣地點買每日新鮮製造嘅洪瑞珍三文治嚟食喇。相信好多人都會問同樣嘅問題：香港依個三文治同台灣賣嘅味道一樣嘛？我可以答到你，就算係台灣嘅洪瑞珍，唔會話件件都一模一樣，但味道，賣相，香港版絕對同台灣嘅無咩分別。因為佢哋嘅配方、原材料及技術，亦都係由台灣入口、同埋都係由洪家二代新自教授同監督。香港嘅三文治暫時有8款口味：滿漢 (起司+火腿)、招牌起司、招牌火腿、草莓起司、橙醬起司、藍莓起司、芝麻醬同埋花生醬。原本諗住買哂8種嚟試嘅，不過我晏咗去買，無哂芝麻醬口味。招牌火腿三文治：即係台灣嘅招牌三明治。內餡火腿、蛋、沙拉、奶油，同台灣一樣咁好味，口感清爽順口。招牌起司三文治：即台灣嘅芝士三明治。內餡芝士片、蛋、沙拉、奶油，一樣同台灣賣緊嘅咁好食。口感清爽、芝士味濃郁。滿漢三文治：可以話係招牌火腿同招牌起司嘅結合。清爽之餘芝士味濃郁。草莓起

洪瑞珍三文治平時都聽聞過，但就冇咩機會可以食到。而依家佢喺觀塘開左分店，筆者我又點可以唔幫襯下。佢地三文治以四片為之一件，同平時喺香港食到兩片三文治唔同。洪瑞珍三文治每層麵包夾餡料分明，例如第一層第三層係沙拉同牛油，中間火腿，唔會把主菜同醬料混埋一齊。每款三文治賣$22，價錢唔算貴，合理範圍之內。 我買左六種口味，分別係 草莓起司﹑藍莓起司﹑芝麻醬﹑招牌起司﹑招牌火腿 和 滿漢。草莓起司﹑藍莓起司 兩款差別唔大，用上的草莓醬﹑藍莓醬都十分清新香甜，但又唔會覆蓋左起司的味道。十分適合喜歡食甜的人。帶點鹹味的芝麻醬與沙拉同牛油十分配對!如果你係好牛油的人，筆者推薦你食招牌起司﹑招牌火腿依兩種口味。依兩款口味可以讓你細緻地品嚐到沙拉同牛油配塔所帶來的香滑口感! 讓人欲罷不能!以上幾款三文治份量並不算多，如果想有飽滿感，可以嘗試食 滿漢 這款三文治。它基本上係 招牌起司同招牌火腿的集合體，但滿漢更突顯鹹味。

喺台灣食過一次洪瑞珍嘅三文治念念不忘，最近驚訝地發現原來香港有以洪瑞珍二代之名開嘅小店，決定放工之後去買返嚟試下。店面頗細，位於工業大廈地舖，非常平民化，隨便選了幾款返屋企品嘗招牌火腿最有名嘅火腿奶油三文治，奶油係自製，滲住好香嘅椰子同牛奶味，配上微咸香嘅火腿，聽落好似怪怪的，但食落會覺得好夾，完全帶出咗香甜嘅味道花生醬有碎粒花生製成嘅花生醬，味道好香濃，加上奶油無得輸，而且麵包極軟熟，質感一流橘醬起司 及草莓起司兩款果醬都有真果肉，甜度味道都剛剛好，中間夾一層奶油忌廉芝士，香而幼滑，亦是不錯之選！

唔知道大家喺台灣必買既手信係咩呢？“洪瑞珍三文治”就係我必買既手信之一洪瑞珍第二代 👉「洪家手作」🥪喺香港已經有得賣啦🤩洪家手作既食材全部由台灣空運到港仲喺香港自設工場新鮮製造終於唔使飛去台灣都可以食到台灣嘅原味啦！·三文治共有八款口味，每件$22，買滿6件以上$20件！ 鹹味三文治包括招牌火腿、招牌起司及滿漢口味，薄薄一層既火腿、起司、沙律醬及奶油夾住鬆軟的麵包外層，個人覺得當中微微香甜嘅奶油，絕對係三文治嘅精髓！哩層薄薄既奶油有說不出嘅獨特口感及味道，令整份三文治味道更加突出及帶來幸福的感覺💓·另外調味三文治包括藍莓醬、草莓醬、橙醬、芝麻醬及花生醬，當中芝麻醬及花生醬的味道頗為突出，味道濃郁且香氣四溢，推薦大家選擇這兩款呢！

之前聽朋友講香港都有得買台灣好出名嘅洪瑞珍三文治，所以今日決定放工後到觀塘工廠區，買幾件帶返屋企慢慢品嚐。我地最後選擇了八種唔同嘅味道，打算試匀他們家所有味道。味道分別有草莓、藍莓芝麻、花生、招牌火腿、招牌起司、滿漢和桔醬起司。價錢為22蚊/件，六件或以上為20蚊件。首先，當然要試招牌滿漢口味。味道完全同台灣吃的一樣，芝士配合奶油簡直是絕配，火腿甜甜的，簡簡單單的配搭已經好完美😭外層的麵包也很鬆軟，很有彈力。我地分開咗兩日嚟食，即使將三文治放進雪櫃一晚後，三文治仍然保持鬆軟新鮮。今次是第一次吃桔醬起司，十分有驚喜。中間餡料夾着清新嘅橘子果醬和起司，味道酸酸甜甜的很開胃。之前一直都是吃招牌鹹的味道，原來甜的也十分出色！

洪瑞珍早期作為台灣手信hit到爆！原來依家香港都買到🤣又可以俾大家過下口癮啦！掛住台灣既食返嚿頂住癮先😝👉🏿✨洪瑞珍三文治 hkd 22@1 💸📌6件以上就20蚊件🤣可以同朋友夾份買又可以平啲啦！基本上都係試左啲大眾口味👍🏿📌必食招牌火腿同滿漢😍其實佢個重點真係入面個醬！甜甜地，唔會膩。同我係台灣食過既味道一模一樣😆第一次食建議買滿漢！咩都有！食左一次好難有人會唔愛上😝（算係偏甜既三文治📌特別啲既會有草莓/藍莓味！藍莓個個幾有驚喜喎，藍莓醬係多既，仲食到有啲果肉，而且中間啲cream真係無敵！食緊三文治既同時又好似食緊甜品咁😇的確幾正下👌🏽

洪瑞珍三明治是不少港人到台灣必吃美食之一， 現在香港已經自設工場，每日新鮮製作， 在香港隨時都食到了。 公司老闆請吃下午茶， 平時都是茶餐廳， 今次同事建議吃洪瑞珍三文治， 可以轉下口味大家當然開心。 同事們每種口味都想試， 一次過我們買了8款，花生醬、桔醬起司、芝麻醬、招牌火腿、招牌起司、草莓起司、藍莓起司和滿漢。滿漢～簡單的配料有火腿、蛋皮、奶油， 口感紮實， 帶有奶油香的味道。招牌火腿～ 入口滋味， 奶油和火腿兩者口味很夾，不膩而入口即化。招牌起司～ 非常濃郁的味道， 口感豐富。花生醬～ 花生醬的甜膩口感，甜甜滋味剛剛好。桔醬起司～ 酸酸甜甜的金桔， 味道特別，是一種新的甜滋味。芝麻醬～ 黑芝麻香味， 又不算太甜。草莓起司～ 草莓醬的味道很香甜， 做甜品 也不錯。藍莓起司～ 藍莓味道很獨特， 藍莓和草莓味我都很喜歡。新鮮又美味的三文治， 是早餐和下午茶的好選擇， 又有個別包裝， 非常衛生。

聽說洪瑞珍來了香港🇭🇰，又順路經過，就去試下食唔食得返當年味道，加上呢段時間環境關係，能食異地味道是非常高興😊搵埋家人夾埋一齊食，咁就唔駛選擇困難，隻隻味都試，以前印象好似只食過火腿芝士這個滿漢，其實食落都好難🤯諗通點解叫滿漢，但我估係signature, 因為認真好食的，有特有的butter cream (個人認為是），又有cheese, 有火腿，包有keep 到軟熟，凍食都ok 至於其他味道，都係每份食一啖，butter cream 搭其他醬既味，最好都係每次食一種味，連住食唔係太分到

📍Wan Chai📍...呢幾年成日都聽人講關於洪瑞珍既三明治， 反應都好兩極🤭🤭🤭有部分人既反應好誇張， 讚到唔停😂😂什至係台灣買返黎俾我做手信😮😮但都有部份人話麻麻地， 就算有foodie 推薦我去試， 我一直都的唔起心肝去買黎食👉🏻👈🏻🥺 因為佢外形真係唔係好吸引， 好似好大舊好厚既包， 包住份量好少， 好薄既材料咁😭😭😭 今日真係好岩路過， 又咁岩係我格離😂所以我又寫緊review👉🏻👈🏻🤭🤭...📍招牌起司味💰HKD20.00呢個三明治望落真係好唔吸引🥺🥺🥺但係試左第一淡後， 原來俾佢外表呃左😭😭😭佢好好食咖😭😭😭🤡， 會麵包係好軟熟， 唔銀口， 而且原來佢個麵包一咬開， 佢個包入邊係茶左超多好香好香既奶油 cream😫😫total 一共茶左4個包既面😂😂因爲佢太多奶油既關係所以根本入邊既肉同蛋係唔雖要多， 因為味道已經好足夠😊😊😊✌🏻所以點解d人成日話佢個樣同味道個落差係咁..我都食完覺得好意外🤪 ...📍環境：6/10分 （take away, 乾淨整齊）📍Outdoor area is not available...📌不可帶寵物黎餐廳🐶📌不要加1