學利 (翠屏花園商場)

Open Now

Now Closed

由細食到大嘅炸墨丸河依舊好味！細細個放學或weekend，屋企人都會帶我黎學利食炸墨丸。食過咁多次終於記得要寫食評。-位於大埔中心巴士站隔離嘅學利，係大中已經好多年。炸墨丸係佢地招牌，其他粉麵都好正。今次晚餐時間黎食，around 9點都幾full，keep住有客人黎。Order咗炸墨丸河、香茅雞翼及蔥拌魚皮。炸墨丸河6粒炸墨丸配蜜糖🍯勁Match蜜糖比較水但都好濃味！每粒都點勁多黎食而碗河粉超出色！零味精！清清地又唔難食。河粉有咬口唔會散哂爛哂。兩樣加埋唔會油膩。蔥拌魚皮可以揀辣、唔辣或小辣，更可以揀麻辣。正宗嘅魚皮做洗係滾完過冷河，令到魚皮有咬口。已經好少地方有得食到，重要係保留到傳統做法，個人認為只係得呢到有。其他地方食過都冇做過冷河嘅動作。一碟入面配菜及魚皮份量都多！揀左小辣，因為之前食過太辣，食唔到落去。魚皮十分有咬口又香，而且唔係個種成碟紅油做出黎嘅辣，值得一試。香茅炸雞翼炸到熱辣辣，唔會炸到有焦。放左陣再食都勁熱！要咬開或吉洞比佢散一散熱先。皮脆肉嫩！碟上有紙索油但一啲都唔油！單係雞翼已經好好食，唔需要點醬食。—整體好推薦的食店有自己特色之餘，食物質素好，更係正常粉面店價

一直都有食開學利，今日叫左碗魚蛋河食學利D外賣粉麵一向都好足份量，料多，麵又多，食到你好飽佢嘅白魚蛋好爽，都幾彈牙，魚片就普通水準，但都好好味至於河粉，佢河粉有D粗，有D幼，而且都幾滑，加埋D蔥食都好香另外我好鍾意佢個辣椒油，佢會分開比你，等你自己落，而我通常都落好多加左辣椒油之後成碗野生色左好多，更香，更開胃，非常推薦落少少落去佢個辣椒油唔會太辣，但好香，唔食得辣嘅人落少少應該都接受到一碗魚蛋河36蚊，作為晚餐而言係唔錯嘅選擇

今日下午途經大埔中心, 在附近看到這間標榜古法炸魚蛋的粉麵店, 便內進試試. 點了他們標榜有名的古法炸魚蛋及古法炸墨魚丸河粉, 加一杯凍檸茶. 不用2分鐘便送到. 食魚蛋粉麵湯底當然非常之重要; 首先試一啖湯, Sorry, 小弟不材, 只知道正宗的魚蛋粉麵湯底一定要用大地魚淆製而. 但飲過湯後只感覺到重重的味精味, 味道十分之喊. 如果要講自己是正宗的魚蛋粉, 湯底已大大扣分. 非常失望. 之後嘗試他們的古法炸魚蛋及炸墨魚丸, 還可以說是彈口, 這方面合格. 不過以這樣的質素合共$52, 可以不再來了.

很多時候，其他朋友都喜歡大時大節去人多擠迫的地方，又或是吃什麼特別有節慶的食肆，但是我一概都不喜歡，隨便走走，吃喜歡吃的更好，所謂節日喜慶的東西，其他日子吃其實都一樣🤔。因此，這天就到了這個學利，點了這個一人一個火鍋。原來，除了大家樂、大快活、美心、吉野家這些著名的連鎖店舖的一人火鍋之外，這間學利亦都提供一人火鍋。火鍋的餐牌之中，有牛肉以及煙肉可以揀選，結果大家都點了牛肉。好多湯底可選，就有沙嗲湯、麻辣湯、以及蕃茄薯仔湯。我的就選配料蕃茄薯仔湯，友人對面的就是沙嗲湯底。牛肉的賣相不算非常出眾，畢竟他不是你平日到貴價火鍋的那些名貴牛肉，不敢隨意涮牛肉10秒然之後就進食，都要徹底煮熟才敢吃，因此吃起上來可能會變老，而且牛肉味比較淡。學利這個餐其實已經算是比起連鎖餐廳的火鍋，食物比較多，因為一個餐裏邊，已經包括了墨魚滑，又有幾件粟米，而且底下墊底的生菜，每一款都起碼有三四片。古法魚蛋跟魚片頭好像只看名字，兩種都沒有什麼大分別。而其實，魚片頭其實反而是一大片那種，即是平日吃魚蛋粉一整條長形的那些，然之後有切片出來，因此白色的範圍比較多，魚味比較香濃。古法魚蛋就是每一件都包上外皮再炸過，因此吃上

好耐冇去學利食魚蛋粉，所以星期六晏晝再去回味一下！魚蛋魚片河粉（$33）魚蛋爽滑彈牙，魚片味道更濃。水準都keep到。河粉夠滑，加埋炸蒜一齊食，更加好味道😋黃金炸墨魚🦑丸河粉（$36）首先黃金炸墨魚丸是另上的，墨魚丸可以話內外兼備，賣相夠晒靚😍外脆而且裏面爽彈，口感不錯👍🏻裏面真係有墨魚肉㗎！😍墨魚味突出，再加埋旁邊嘅蜜糖漿一齊食，更有另一番風味！真係值得推介👏🏻👏🏻👏🏻河粉就同魚蛋河嗰啲一樣，都幾滑㗎！加$8就可以加支型仔汽水

每次來到也是雲吞牛腩河小蔥多蒜多腩汁和另加炸墨魚丸配蜜糖💛💛💛雖然略貴 但總好過D十幾二十幾一碗不好吃又小料的😃😃雲吞牛腩河-雲吞有三粒 入邊有鮮蝦👍🏻👍🏻爽口的牛腩好入味,淋淋的👍🏻👍🏻配學利的辣椒油 絕配🤩🤩香香的👍🏻👍🏻👍🏻👍🏻👍🏻👍🏻👍🏻炒墨魚丸配蜜糖-6粒口感不錯 彈牙 配蜜糖甜甜的，更香口👍🏻👍🏻👍🏻👍🏻👍🏻👍🏻✨

8點幾想食一人火鍋，好多地方都要等，想即刻有得食，就要去學利啦，其實我無諗過呢到有得打邊爐，而且啲料仲唔差㗎，好抵食！一人火鍋($70)自選湯底有5款，今次揀咗沙嗲湯底，有牛肉或煙肉，但我覺得個牛就麻麻地，個墨魚滑真係幾好食！如果多少少就好啦跟住可以揀兩個餸，我就揀咗雲吞(有4粒同應該似係自家岀品)同炸魚皮，炸魚皮好好味啊好脆唔會話好硬，係沙嗲湯底必備嘅！如果你覺得好食可以另外買返屋企食。主食可以揀一樣粉麵，而我就揀咗岀前一丁(唔洗另外加錢)。仲有生菜同粟米，兩樣都好新鮮，粟米都好甜。火鍋有包埋嘢飲，轉支裝可樂都係加8蚊咋

係大埔行下，順便食lunch，清清地食粉麵都好，咁岩經過呢間店子，於是入去試下了。 好多人幫襯呀。 餐牌，要了套餐，粉麵+餐飲。 熱檸蜜，潤下喉。 古法炸魚蛋，$40，見幾有特色下，好奇一試，咬落爽口彈牙，唔算好香魚味，味道正常水準，湯底味道不濃，清清地，河粉份量適中呀。 鳳城水餃，$40，水餃賣相不算飽滿，試了少許，尚算足料，味道正常水準。 黃金炸墨丸，$29，賣相金黃，熱騰騰的炸墨丸，口感外脆，爽彈，有墨魚味，用蜜糖醬伴食，甜甜地幾好味呀。 味道正常水準，價格貴了點呀。 大埔安慈路3號翠屏花園商場6號

又加價，不停加價，但質素態度越黎越差.....但野食就無變過，早餐太貴聽電話既阿姐永遠態度都唔良好仲要好趕收線，試過地址都未講就收左線，唯一好處就係佢送外賣送得快

今晚一支公，最啱自私嘆返一碗粉。平時牛腩牛什都食得多不過唔係呢間，見到牆上海報推介三寶，見有白魚旦魚片同埋唔知金黃色炸乜丸，就一於試下啦。三寶河加色其實，我極力想提及嘅係加咗色嘅湯，勁香牛味勁正，仲有，一碗魚旦粉要加色嘅優勝之處係師父會畢湯時會畢到少少牛腩肉碎，哈哈真係正! 魚旦魚片同埋炸魚旦。原來全部都係魚旦。樣樣都彈彈彈，又入味! 都夠晒經典! 不過要成42蚊就貴咗d囉。

學利魚蛋粉係喺大埔咁出名，咁一定要試吓！叫咗個墨魚丸拼魚蛋河。首先試一啖湯底，味精都幾重唔係大地魚湯底，有啲失望。墨魚丸尚算彈牙，不過口感冇乜層次，名店來講普通左少少。魚蛋就真係相當唔錯，真材實料，魚味濃郁，而且好爽彈。河粉煮得啱啱好尚算滑溜。下次想試埋佢個炸魚片，相信應該都唔會差

又是一間從小吃到大的食店，本來我們還在思考吃學利還是嘗試新開的一間，不過學利的婆婆熱心的請我們進去吃午飯，所以就決定是妳了！學利的河粉仍然維持一貫高級數，份量多，有嚼勁，不會一夾就斷！魚蛋很彈牙又入味，令玉桂來學利都會選魚蛋！魚皮餃皮薄但不會一夾就穿，而且仍有肉汁喔！飲品是加錢配的，一般般的華田。這個炸墨丸也是學利必點食物！香口爽脆的墨魚丸點上蜜糖一流！飽飽的一餐（根本吃不完，真的很多河粉），下次點餐可以叫少粉嚕！

去到大埔行街, 口痕想食粉麵,但超級城都幾難揾倒粉麵食,揾左一大餐, 最後去左食學利魚蛋, 好食ge, 不過魚蛋唔會勁特別｡牛腩好食, 夠淋又重牛味｡要求加腩汁, 好味的牛腩汁, 有乾蒜｡42蚊有凍飲, 但都係無咩人食, 譚仔反而勁多人排隊入,學利連一人火鍋都出埋,唔知捱倒幾耐了

今晚又要食自己，收工返到大埔都係照舊食自己，好眼瞓呀 ﹗好想食勁辣勁辣勁勁辣舒緩一下低落情緒，是但求其要快要近要好食既，就學利啦 ﹗食完返屋企發呆 ﹗突然好想食河粉，拿拿聲倒碗河粉落肚就即刻返屋企 ﹗依家十點已經趕客走喇 ﹗五香牛筋腩撈粗走蔥，最穩陣之選，好少會失手。五香牛腩汁撈麵好好味，牛味濃郁而帶五柏味道，濃而不濁。牛腩軟腍鬆化，入味非常，好好食 ﹗學利粗麵係我食過最爽口彈牙又乾爽既一間，到目前為止無人能及 ﹗大大碗魚湯好美味，每次都比我飲晒架。侍應姐姐又唔記得走蔥，請換過碗湯吧 ﹗大大碗魚清湯，非常清甜，加埋炸蒜就更香口濃郁，搞到每次都要飲到一滴都無剩先肯離開，但今次有點淡。今晚沒有淨牛腩？只可以筋腩？牛腩唔夠？居然差不多賣晒，侷住要食牛筋腩撈，只得兩小舊牛腩真陰功。五香牛腩炆得異常地香濃入味，軟棉中又鬆化，無渣而且多汁，牛筋膠口滑潺潺又美味，超高質既演繹。依碟撈麵既五香腩汁特別多，咸左少少啊。湯雖然淡了一點，不過至少還有學利辣椒油，淨食辣椒渣好正呀 ﹗勁香勁辣，味道沉實帶微微甜味。滿滿一羮辣椒渣免強夠我食碟撈麵既，啜啜啜不停，轉眼已剩下隻碟乍 ﹗多年都只食撈粗，食得粗麵多有點悶

五香牛腩撈粗走蔥，依然係獨孤一味 99% 都只係食依樣。不過今次質數大跌，失水準喎 ﹗係咪因為將近 11 點收檔所致呢？五香牛腩雖然炆得香甜味美，但口感乾鞋硬齊晒囉。粗麵就滑溜彈牙又清爽，魚湯濃郁清香，保持水準。五香牛腩粗麵走蔥，幫襯左幾年絕大部份時間都係食撈粗，今朝就試一試湯粗啦 ﹗噢，第一次黎學利食早餐，比得兩塊仔牛腩同兩舊仔牛腩，少得可憐喎，琴晚賣剩貨黎架？早餐同晚餐份量差咁遠架咩？定係撈麵同湯麵之分呀？牛腩好少、粗麵好少、湯汁好多，大海撈針好痛苦，賣相好差，完全提唔起食慾。牛腩碎味道可以，但又鞋又韌，劣質。五香牛筋腩粗麵走蔥，食左咁多次牛腩最差今次，而且仲係第一次叫牛筋腩湯麵，每次都係食撈麵架乍。牛腩乾硬，鞋烚烚又碎濕濕，牛筋硬屈屈。份量又少，得兩細舊牛腩加兩大舊牛筋。雖然係炆得入味香甜，但質地強差人意，好失望。以往食開既撈麵每次都好好食，唯獨今次湯麵差得那麼利害。牛腩墨魚丸河走蔥，專登試河粉，經常都係食麵，睇下您點先。河粉只係略略灼過，浸一浸，口感實淨，滑而不棉。聽聞過依度既炸墨魚丸好食，我其實想叫炸架，一時口快快講錯左添。墨魚丸一般貨色，應該係外購喇，口感硬實、粉多死實，仲