Hokahoka

Open Now

Now Closed

朋友返尖東，話有間日本餐廳係佢既午餐飯堂，整得好食同多日本人去，就約左佢收工食晚餐。油甘魚腩刺身-日本師傅既刀工真係有分別架，朋友話壽司同刺身都係日本師傅負責整，同另一間我好鍾意但香港師傅既店，真係有對比有傷害。真係食落去唔會剔住好滑口蕃茄沙律🥗-本身叫係因為好掛住蕃茄伴糖食，唸住會有少少糖，不過係我自己既落差姐。蕃茄新鮮，係上面既蟹肉有少少腥燒明太子-唔係間間都整得好食，呢間既係有水準唔腥易送酒，不過如果青瓜可以夠分落每一粒明太子到就好啦吞拿魚腩卷-極速食完，不過$140叫一份好啦，少食多滋味燒牛脷-香口不過少少難咬吉列豬肉露荀卷-呢個真係要叫，一出即刻食係好夠脆又唔肥膩架，差d食埋朋友個份😅燒飯團🍙-外面夠脆夠香入面唔會散梅味茶漬飯-最後個wrap up一定係茶漬飯，同埋呢個係最睇到餐廳工架如何，結論係可以再食既！

琴日同朋友搵咗一間黃店 適合傾計放鬆 食物質素都唔錯🤤訂位嘅時候可以request要坐榻榻米 嗰邊有live Music會唱下日文歌 而我當日去到聽到唱緊日文版海闊天空 氣氛好好🥳叫咗一個海鮮三色丼$150 有三文魚子 海膽同吞拿魚蓉 除咗海膽唔係好食得慣都唔錯😆 料都好豐富 一啖飯一啖餸🤤 同朋友share咗個串燒拼盤$90 都幾抵食 有齊青椒 豬五花 牛舌 雞皮 同雞軟骨 每樣嘅調味都啱啱好 尤其是雞皮好邪惡但係好好食呀😆 黎到居酒屋點可以唔飲啲酒呢 我哋就揀咗枝熟成梅酒$240 又幾好飲喎！甜甜地又開胃又唔會嗆喉 飲咗啲酒講嘢都開心啲😆

上星期約埋兩個老朋友，繼續去罰黃店，今次帶大家嚟呢間Hokahoka！餐廳嚟講係高質，因為係居酒屋🏮，所以野食係會偏味道重，同埋每份野食份量唔多，但勝在高質。我同朋友覺得牛肉真唔錯😋！牛肉配埋味噌係鐵板上燒，真好juicy! 牛肉仲未熟透，所以肉質好嫩！刺身拼盤相比下就一般，吞拿魚、鮪魚口感好滑，帶微微鮮味，加上厚切，唔錯！而鰤魚本身肉質比其他有少少硬，有唔同口感。小食方面，我地叫左露荀卷同餃子雞翼。我自己覺得餃子雞翼好得意😎，雞翼入面有豬肉餡料，非常多肉汁！露荀卷外面既豬肉用麵包糠炸過，非常脆口！居酒屋🏮野食主要係送酒，所以份量唔多，但可以每樣都淺嘗！我覺得價錢係貴左少少，但勝在品質唔錯，建議一大班朋友嚟呢度聚會，就可以試到唔同菜式！不過提提你，呢度係預約制，請先用whatsapp/ facebook 預約左再嚟食好西！

今天去了hokahoka ほかほか。看名字就知是一間十分日本的居酒屋。因為今天我自己一人去用膳的關係，我選了坐吧枱。在吧枱可以見到壽司師傅處理魚生，十分有趣。店內裝修主要是以木為主，很像在日本時去過的居酒屋。店內有很多日文的雜誌，感覺真的好像去了日本。今天點了刺身+沙律定食（$120）。定食還附了我最愛的茶碗蒸蛋及烏龍麵。首先上菜的是茶碗蒸蛋。蛋十分滑，入口即溶，內裡有鳴門魚片。味道十分好。只不過可惜沒有銀杏。刺身十分新鮮，甜美。以這個價錢，完全超乎我的期望。那2顆帶子真的是極品。另外的油甘魚也十分鮮甜。沙律中有日本的海帶，沙律汁在酸甜中拌了山葵，很好的組合。烏龍麵的質感十分彈牙，超好吃的。最後，給大家一個小貼士。這間店可以用WhatsApp 訂位。我今天就是先訂了位才去的。今天午市也很多人等位，建議大家可以先訂位喔。

今日三五知己聚餐，尖沙咀黎講地址都唔難搵，我坐卡位，空間就岩岩好，周圍都係日本清酒，好有身於日本既氣氛！一坐底就有頭盤食，都係一啲蔬菜，冇咩特色！冷面都唔算話好特別，都一般般，不過不失！不過，炸芝士筍有啲特別，筍煮得好軟身，加芝士煙韌，一個唔錯既配合，但一咬荀和外皮就會被分離，餘下的只有外皮。（圖中 不是完整圖）餐廳食物質素都可以接受，我比較欣賞，對客人有禮貌，會不時斟茶，會主動跟進上菜進度。我同朋友點菜都唔多，一坐就坐左三個鐘，我係差唔多最後離開既客人，環境係好合適集餐。

想去好耐, 但實在太太太多人排隊, 在於排到都食唔切既情況下, 唯有推遲到而家先有機會去! 網燒牛肉定食 $88 ~ 又滑又嫩又有牛肉味! 粉粉嫩嫩的牛扒, 配上新鮮蔬菜沙律……我只係分到一件牛試味! 打食評睇番先知原來係網燒…嗯…又唔太似! 不過好味道才是最重要的…Hokahoka 定食 $110 ~ 超抵食之選! 帶子及八爪魚刺新 (超新鮮), 蛋卷2件 (嫩滑而厚), 炸物有炸生蠔及忌廉餅 (生蠔送左比同事, 忌廉餅好滑唔膩) 炸粉唔厚, 天婦羅蝦夠爽, 南瓜同蕃薯夠甜, 粉漿唔厚! , 連醃菜都唔錯, 飯用上珍珠米, 略濕! 壽司定食 $148 ~ 全部靚材料! 刺身新鮮, 厚而順喉! 飯唔會太濕或太酸, 友人表示十分滿足! 

星期六嘅中午想同朋友食飯，之前已經想食喱間餐廳，唔想排隊所以一早book位。餐廳電話成日都打唔通… 不過可以其他通訊APP訂座，其實仲方便，溝通又清楚d。餐廳環境好舒服，好適合三五知己小聚。嘢食方面，因為係午市，所以食物選擇唔多，多數都係定食。叫左壽司定食，跟餐有沙律茶碗蒸同麵豉湯。上菜好快，沙律嘅菜好新鮮好爽；茶碗蒸料唔多但蛋好滑；麵豉湯食到尾有少少咸。食物都幾好味，壽司唔加豉油都好夠味。值得一讚嘅係，我地食晒之後繼續傾計，侍應都有繼續幫我地添水，完全冇唔耐煩。可以同朋友好好傾下計。整體嚟講，餐廳質素上佳。

死佬飯局因多重原因，都停咗成年幾、兩年，暫未知幾時會搞番，不過，就有同個別死佬食吓飯、聚一聚。今晚，就多幾個死佬一齊，一行8人，就搞咗個小飯局。時間、選址都喺由佢哋負責，小弟就跟大隊按時出席，而所揀嘅餐廳喺尖東嘅「Hokahoka」居酒屋。個場好多柱位，又有少少轉嚟轉去嘅感覺，但整體其實地方都幾大，周圍都擺滿充滿和風嘅裝飾。其中一個大房更設置成「榻榻米」形式，更具日本風情。唔單止門口嘅飾櫃放滿大大細細嘅日本清酒、吟釀，更連牆身、枱墊紙都印上唔同嘅日本酒，可見店主對日本酒幾咁專注。前菜 $20咪以為只有酒樓收你前菜費，其實唔少日式居酒屋都一樣收，而且，比酒樓仲搶錢，斷人頭計。不外乎都喺啲甘筍絲、牛蒡絲，味道OK咁啦。本主餐牌又大又厚，又做成膠底，反反哋光，盡量影啦。翻一轉，就知佢哋賣嘅菜式甚多種類，刺身、壽司、卷物、串燒、炸物、一品料理、燒物、天婦羅、茶漬飯、雜炊、食事……等等一應俱全。此外，仲有一張類似推介嘅餐牌，製作簡單，有啲手寫嘅感覺。鮮茄沙律 $55雖然叫話鮮茄沙律，但裡面放咗好多青瓜，以及面面放咗啲雞肉。拌以黑醋汁，食落好清爽，但啲蕃茄就唔算話好甜、好濃蕃茄味嗰種。凍豆腐 $5

真係一入門口就知黃店無誤^^💛同行兩位朋友就嗌咗幾樣小食share嚟食價錢唔平，但食嘅野同食放題差不多但放題仲多款🤣不過有啲幾好食嘅1️⃣炸雞軟骨2️⃣燒牛脷呢個好食！雖然好bullshit，但真係好有牛脷味3️⃣芝士年糕熱辣辣係幾好食嘅，好想去放題瘋狂食芝士年糕☺️4️⃣ 鰻魚飯鰻魚好肥美，但啲飯就太淋5️⃣芝麻雞翼芝麻雞翼咁嘅味👻6️⃣唔記得咩名但記得唔平 (>$100) 但味道好普通好普通7️⃣ 牡丹蝦壽司最失望就係呢個，大拿拿成$50左右一舊，但味道都係好一般，嚿飯又大。。😢原本想嗌三文魚同玉子都無哂☹️整體而言，食放題抵啲，但黃店仍是要撐的💛

呢間餐廳由我開始係呢區番工開始，每月lunch起碼食一次，同事都幫襯左十幾年，每個月都期待佢出既日替menu，同事過時過節既「造節」lunch都係佢，工作受左氣都靠佢釋放。附近既打工仔應該都識佢，尤其日本人。老實講，寫太多好評太多人黎食我冇位食點算😹不過都介紹下lunch黎食過好多次，每月都有唔同lunch日替menu，以下係lunch既相個人：比起刺身，呢到一定係熱食好味好多，網燒牛，燒魚，炸雞都係我至愛網燒牛肉，超香牛味！唔會un 吉列池魚，all-time favourite，缺點係份量太多又太好味，就算飽都想食哂佢，最後太熱氣個口會損😹日替lunch menu例Lunch食得多，晚市黎食都係第一次今日點左魚生飯，喜之次開邊燒，串燒拼盤，芝麻雞翼，再點埋酒個人好愛食魚，燒喜之次魚燒到皮脆脆地，肉仲超嫩，魚油慢慢滲出黎，感覺到每一啖魚油入面啲omega3衝緊入味蕾串燒-炭燒好香，又係要趁熱食今晚最最最好食係雞翼，熱辣辣脆卜卜好惹味，送酒一流個人推介熱食：燒魚、串燒、雞翼、炸池魚、炸雞、網燒牛等等，我本身唔太好刺身，刺身新鮮就好食，始終都係日本食新鮮啲。曾經有次日替有燒年糕，好食到真

今天是我和老婆相識的12周年紀念日在半個月之前已經知曉這間餐廳的特色及主題，以我老婆個非常喜歡日本菜及用餐體驗的習慣下，我選擇了這間餐廳在我們的12周年紀念日的晚餐地點當晚預約左下午七時有一現場人數眾多，所以都要等一陣先有位入，，我們安排在吧枱位置自成一角我們先點了一瓶梅酒、梅酒一直是我老婆的至愛自重有了小孩之後我一直都比較少飲，這瓶梅酒比較偏甜身、女士因物，當我看見他一杯又一杯的時候、我知道他正在享受這個用餐非常感謝主一坐下的時候會有前菜上台，這個前菜配酒非常好👍然後我們點了七品刺身、天婦羅拼盤個天婦羅感覺非常之正、 刺身亦都非常新鮮串燒方面：我們點了牛舌、豬腩肉（呢個非常之值得推介）、雞皮雞脯魚乾（呢個係食過咁多個之中真係真係非常之好食）一分錢一分貨， 80幾蚊抵比在此非常感謝店家的出品應該可以好享受這頓飯非常感謝

友人在附近工作未曾嘗過此餐廳，決定到我必點的定食餐廳。每次都吃也不減我對它的喜好。是次的魷魚刺身要讚，天婦羅蝦夾著明太子炸起來吃很美味。還有熱騰騰的蒸蛋，蒸得滑滑口味適中，好吃。吃完整個定食飽飽再上班。

中午食飯時間，近尖東的一間日本居酒屋，位於時好商場入面，餐廳入面有卡位或榻榻米的選擇，我們在訂座的時候，要求選擇坐榻榻米位置，地方闊落，比較舒服。😊當日午市套餐都有不同的選擇優惠而當日就有三色丼飯（細）蕎麥麵 （$83）三色丼飯，有甜蝦，帶子，三文魚，用料新鮮，雖然唔係大碗，但食完這碗三色丼飯，感覺都幾飽，再加上蕎麥麵，飽到上心口。另外點了炸蠔套餐（$86）炸蠔咬落去香脆可口，另有湯有前菜，好抵食。

嚴選我最愛的日本餐廳，HokaHoka 一定係頭三甲！唔係咩高級日本料理，但就係用心經營、有風格嘅餐廳。我唔算係熟客仔，但大大話話同不同嘅朋友組合幫襯過6-7次，每逢話去尖沙咀食飯，又想食日本嘢的話，我都會推薦呢間。今日同一位朋友又嚟到，旨在摸下酒杯底，簡單食吓嘢咁，所以就叫咗個雜錦壽司、明太子雞翼、芝士酒盗同雞泡魚乾，每款都係送酒菜。芝士酒盗係醃製魚內臟，配上北海道軟芝士，前者咸香，後者軟滑creamy，不知不覺就會飲晒成杯酒！壽司拼盤款式雖然普通咗d，但勝在每一款都好新鮮。海膽澎湃足料不在話下，吞拿魚小卷嘅魚肉都好有鮮味！其餘兩款佐酒小食，明太子雞翼同燒雞泡魚干都好食。雞翼熱辣辣，外皮夠脆，雞泡魚干淋淋地夠惹味。下次再去又食乜好呢？

約咗朋友喺尖沙咀食飯，本來想去嘅餐廳裝修，暫停營業然後誤打誤撞入咗呢間日本餐廳睇Openrice見到啲餐牌有定食，入到去睇餐牌又唔見有，可能係午餐先有，晚餐就只可以散叫入到餐廳可以揀坐普通枱櫈，亦可以坐榻榻米揀咗坐榻榻米，本身以為真係要成餐跪坐，但原來榻榻米係有個窿放對腳落地下嗰款，所以都坐得好舒服3個女仔食，嗌咗3個主食同一個薄餅雖然天氣有啲凍，見到餐牌有蕎麥麵就好想食～～天婦羅蕎麥麵麵汁好有驚喜，麵汁上面嘅配料碟有常見到嘅蔥花同白蘿蔔蓉，仲有隻鵪鶉蛋！！麵汁唔會太鹹，蕎麥麵沾完麵汁加埋配料味道一流，喺香港好耐無食過咁地道嘅蕎麥麵而且份量好多，一個人食絶對飽肚天婦羅有兩隻炸蝦，兩舊青椒同埋茄子（好似係？！）雞肉雜炊雜炊即係日本嘅粥，喺突然轉冷嘅日子，食碗暖笠笠嘅粥真係好滿足～雞肉雜炊無乜特別，味道比較淡，雞肉都算多成餐飯嘅重頭戲～～刺身飯大愛！全部刺身都好新鮮，有吞拿魚、三文魚、帶子、八爪魚、蝦同埋唔知咩魚三文魚入口即融，非常好味～帶子鮮甜、蝦都好新鮮！十分出色～薄餅無影到相，本來以為係大阪燒，但送到來發現有啲唔似味道亦都唔錯另外欣賞餐廳用布餐墊，清洗後可以循環再用，十分環保。餐廳亦