HOKO Farm (Closed)

鑽石山因為比較少辦公室又有大商場，lunch hour通常唔使等位👍🏻🫶🏻見天氣咁熱就決定直接入商場食個lunch🔥🥵✨餐包👍🏻餐包外脆內鬆軟，伴士多啤梨醬🍓幾開胃✨烤大啡菇藜麥沙律🥗 $96食菇類嘅食品最怕係有草青味😥大啡菇冇草青味之餘都幾鮮👍🏻個人唔係太鍾意沙律醬，藜麥沙律配上油醋汁好清新🍃另外份量都幾大，兩個人share啱啱好😬✨水牛雞翼 $72雞翼有五隻份量好充足，味道方面唔會太辣，反而會偏酸多少少♨️✨秘制香草即烤原隻燒春雞🍗 $158雞烤得頗香脆，充滿香草味，尤其係雞胸位置😋配上熱辣辣嘅鮮炸粗直薯🔥✨輕煎日本帶子三文魚籽野菜忌廉扁意粉🍝 $148三粒帶子好厚身，份量黎講好充足👍🏻另外意粉唔係spaghetti，係偏向厚身少少嘅扁意粉，有咬口同好creamy，翠玉瓜好淋，配上三文魚籽，整體口感好豐富😋不過最好趁熱食咗個意粉，因為凍咗會比較膩✨✨雪山芝士士多啤梨沙冰🍓 $30夏天咁熱最緊要係飲品🥵奶蓋奶味少重，唔會好漏😋另外有三片士多啤梨乾同一堆果乾粒喺奶蓋表面，好睇之餘增加咗飲品嘅口感，另外飲到底粒粒果肉💯消暑一流兩個人食黎講份量有少少多，餐牌都有好多其他主食同埋小食嘅選擇👍🏻

放工過咗嚟荷里活廣場買嘢，就順便喺度晚餐，見HOKO Farm咁光猛同闊落，就入嚟試下清辣酒煮蜆野菜扁意粉($138) - 汁嘅辣度啱啱好，意粉口感好特別，爽彈好咬香草烤燒春雞伴薯條($158) - 燒春雞肉好嫩滑，皮金黃香脆，調味亦香；粗薯條亦炸得好好水牛雞翼($72) - BBQ醬加埋辣味，愈食愈開胃烤大啡菇藜麥沙律配日式油醋汁($96) - 大啡菇好香，沙律菜好新鮮，配埋藜麥、蕃茄仔同醋，又清新又健康雪山芝士芒果沙冰、雪山芝士士多啤梨沙冰(各$30) - 芝士好香濃，果味沙冰好清新，甜度啱啱好，賣相亦好吸引蔬菜湯好香蔬菜味，加埋黑椒好好飲；餐包軟熟，配士多啤梨果醬好好食餐廳光猛、闊落同乾淨，枱同枱之間距離好足，坐得好舒服餐牌提供嘅選擇好多，食物賣相同份量都唔錯，服務亦好，值得推介

荷李活廣場很多購物點都齊備，最適合買東西再在這裡吃個飯。這間餐廳環境舒適，而且食物選擇多，所以就試一試😄。🚩秘制香草即烤原隻燒春雞伴薯條(900G) $158大大份好juicy，特別雞腿部位的肉汁非常多。而且這個main的薯條也很多，完全不像伴菜，如果兩個女生吃，真的一個main已經夠。🚩輕烤日本帶子三文魚子野菜忌廉扁意粉 $148這個菜式有驚喜，雖然碟看似很小，但都裝了不少意粉，而且醬汁調教得剛好，帶子也很大很有味。🚩烤大啡菇藜麥沙律配日式油醋汁 $96又一個驚喜，不但份量大，大啡菇這樣切磋了一樣juicy，而且大啡菇份量很多，配搭著醋汁很夾。而近來我們都喜歡吃藜麥，想不到配搭沙律也很夾。🚩金沙薯條 $78有滿滿的鹹蛋黃，但不算太鹹，喜歡鹹蛋黃口味的我們喜歡再鹹一點🙈，不過薯條很脆，整體都很好味。🍧雪山芝士荔枝沙冰 加配$30這個飲品又是一個驚喜，本身看著紫色怪怪的，怎料很好喝，荔枝味道明顯，帶有酸酸的，很開胃。配上奶蓋亦很夾。🍧 雪山芝士芒果沙冰 加配$30芒果是百搭及安全的配搭，予預期中的味道差不多，都好飲。但若二選其一，會較喜歡荔枝的。

睇完《鈴芽之旅》，真係好鍾意！新海誠繼《你的名字》和《天氣之子》之後的第三部曲！勇敢的女主角，為了責任和愛情，最終和自己的童年妥協了，有可愛的貓咪，魅力男神和搞笑的凳，偉大的阿姨和幽默的老友！加上中間兩個大貴人幫助，構成一個動人的故事！睇完戲都已經兩點了，同朋友去食返餐飽飽的！未試過呢間《Hoko Farm》，經過門口感覺唔錯，見到set lunch都有幾多選擇，即管又試吓。是日南瓜例湯都唔錯，熱辣辣飲落好舒服。主菜我叫了《日本帶子三文魚子忌廉闊條麵》，個配汁好creamy 好好味，可能肚餓掛，唔覺得油膩仲要食得晒😝朋友就叫了個《夏威夷pizza配沙律》，佢覺得都唔錯！再加多一個炸蘑菇小食大家share，我覺得如果點沙律汁會更加好味。兩杯咖啡係另外叫的，兩隻熊貓好似孿生兄弟咁可愛！我叫了一個薄荷咖啡，不過嚟到都分唔出邊杯打邊杯😝

去開荷里活行街發現呢間餐廳新出咗杯芝士奶蓋飲品寫住期間限定去到五月尾就想試吓張相幾靚加配只係$30幾抵平日去食晚飯都幾多人同圖片一樣咁靚士多啤梨真係靚好多上面啲士多啤梨講到好脆幾好食但我覺得芒果好飲啲同奶蓋夾啲見佢靚啲就影多幾張另外仲叫左個金沙薯條🍟覺得平時當Cafe去食都唔錯影出嚟幾靚佢又有雞翼同薯條每一條都薯條都比好多鹹蛋黃包圍住非常邪惡估唔到佢餐包同餐湯都幾好食都好有誠意因為上網睇佢啲包係自家製加上送上嚟嗰包都仲係熱嘅幾好食呢個沙律都唔錯好鍾意佢個汁好fresh 份量都好多2個人share都可以呢個意粉都好好食呢度嘅意粉係扁意粉，幾有口感我係食呢個辣酒辣辣地勁開胃啲蜆肉都好新鮮呢個日本帶子意粉正在佢居然有3粒咁大嘅日本帶子味道每樣野食都唔錯～推介大家

今日去行街，見到呢間野有下午茶，只有小小餓又唔想食太多，就叫咗個窩夫雪糕食，賣相唔錯（不過我影得唔靚），份量又唔算太多，窩夫食落又唔會太甜有小小咸既感覺，連同雪糕一齊食好正！另外加$10有杯熱咖啡（唔記得影相）味道都唔錯，下次會試其他野食

放假休閑時想叹返個醒神早餐！行去荷里活广场逛咗一圈、见到HoKo farm嘅早餐menu有好多款選擇！於是入去揀咗個C餐，佢嘅北海道牛乳炒蛋真係好正，成個餐嘅配搭既飽肚又美味😋，餐飲杯熱即磨咖啡與其它店嘅真係唔同，好香濃幼滑！夠曬醒神！侍應服務態度好好，見到隔離枱有位長者婆婆，會溫馨提示：今日天氣有啲凉，需唔需要一杯暖水？👍 餐廳屬於開放式設計，環境舒適！是一個值得一試嘅早餐好去處！有下次😊好正~

中午經過荷里活廣場，見到呢間舖幾多人，所以就入去試吓，眼見隔籬幾張枱都有叫呢個牛扒餐，所以我都叫左一份試吓大嘅等左10分鐘左右，終於都出咗嚟，塊肉眼扒雖然薄左少少，但都好大塊，目測有10安士左右，但估唔到$168肉眼既質素都唔錯，唔算貴，但就薯條淋左少少，可能我最後先食薯條凍左，整個lunch set有包埋餐包、餐湯，$168加一可以接受，整體食物同服務都唔錯，有機會會帶埋屋企人試吓其他食物，見佢哋仲有其他pizza、意粉，下次試試

小朋友系荷里活商場做show，睇度哩間西餐就入去試下，叫咗野食先記得睇埋openrice，睇到好多差評，以為今次要中伏，但系食完覺得根本可能系同行競爭太大，根本就係非常好生意，食物質素好打得，服務都系有叫必到，唔知點解都系一張相都冇嘎差評，唔知老細系咪得罪咗人餐廳成個環境系開放式，唔會覺得好焗，地方都好大餐前叫咗餐包同埋墨西哥三文魚卷，餐包好香有果醬或者黃油，三文魚卷同埋蔬菜都系幾新鮮，要咗2碗羅宋湯開胃，甜甜酸酸都算系平均水準之上。意粉同埋肉眼扒，意粉可能加咗cream我個人唔中意食太甜，但系反而好岩小朋友口味。肉眼牛扒肉質素好高，一眼就知系原切牛肉，肉香味好濃好juicy，份量超大。最後系一個芝士大蝦同埋夏威夷薄餅，個人覺得應該都系新鮮活蝦，芝士好香蝦肉都系好緊實，最後個薄餅基本上食唔曬，唯有拎走。

1個字：伏！2個字：好_伏！唔知點解咁嘅質素可以有咁多好評，唯一可取係面包個醬，但應該都係現成㗎啦 燒雞： 份量的確算多，但唔好食，幾大隻都無用，無味㗎喎。。。 呀SORRY有陣雪味意粉： 大量CREAM，除咗CREAM就係CREAM，我有係其他餐廳食過唔同嘅意粉，無一隻係咁㗎喎 叫極都無乜人理，上菜極慢，食晒隻雞碟意粉都未嚟，之後我哋見到佢應該係儲埋啲單一次過煮一次過上，所以預著無乜人叫嘅嘢就有排等   

不會再有下次！1）意心醬汁太甜，煮得太耐，青口不新鮮，完全無鮮味。2）雞扒飽太甜，汁太多，砌菜刀不乾淨，搞都蕃茄有怪味！總之物非所值！兩個可以坐三個人的用餐位，反而三個人要坐兩個人嘅位。服務員全部唔理顧客，應該叫啲顧客（已食完好耐嗰啲）走嘅，佢哋又唔叫，等其他想入嚟嘅客喺出邊呆等。我哋啱啱嚟到啱啱上完第一份菜反而問我哋食晒未啊！？係咪可以收走？你買份pizza中搞笑，冰火二重奏！海上面嘅三文魚，未解凍又不新鮮，CP值性價比極低！

本身唔寫開食評，但今次真係要警世。行開荷里活商場去睇完電影諗住食個好啲既晚餐開心下，行過見呢間啲海鮮飯份量大又好似好多海鮮咁，雖然價錢唔算平，$295到，但都入去試下點知海鮮全部都唔新鮮，蜆喺臭嘅，一食落口就吐出來。蝦全部都霉曬，食落口一灘野咁。好彩叫左個pizza，中規中矩，叫做有野落肚。但食完冇耐個肚就有啲唔舒服，肚痛，服務員態度都好差，入去個時見到成間鋪都吉吉地，明明有更好既位，隨手就指左個門口位俾我地坐，埋單差唔多$500兩位，仲有收加一，建議大家可以唔洗幫襯。

因為住在此商場附近，亦經常幫襯此餐廳。但今晚發生不遇快事件。今晚本來去這間餐廳食飯，在門口取了票後，因要等五張枱，我就走去望望附近的商鋪，返到該餐廳，見過了一張飛，就問吓職員點安排，職員話下張飛叫我，咁我就企定定係餐廳門口等啦，之後由職員安排入座，坐定定睇完餐牌，打算叫餐時，有另一個在餐廳工作的阿嬸走埋嚟，同我講話過咗一張飛要等五張，在我嗰位隔離對住我不斷囉嗦，所以我決定今晚唔食佢，俾返個位佢…….但咁嘅服務態度我真係未見過👎🏻👎🏻

小妹通常都介紹好西， 唔好食個啲根本就唔想哂時間寫。 但今次就第一次長文寫個 👎🏻 🫠 🍝 清酒辣煮蜆野菜扁意粉set lunch HKD 135⁡今次係星期六1 點去Hoko Farm 食lunch , 見佢都有8成滿，唔洗等位就去試下啦。 Set lunch 包橙黃色既湯， 除左忌廉就知有咩味， 唔肯定係咪南瓜湯，不過我覺得係好多餐廳都未必飲到一碗濃郁嘅南瓜湯，咁我唔會特別怪佢。水果茶以唔洗加錢嚟講就算不過不失。 ⁡今次食既扁意粉唔知邊到入貨定浸太耐？ 好似發脹左既油麵/ 伊麵之間， 一啲都唔扁🫣 但未算林到一咬即斷既，食完碟意粉底下有灘水。 味道微辣但唔係好知想表達乜嘢。 食到第一隻蜆size ok 亦都鮮甜，但之後嗰啲比較細隻，仲有一隻有沙，成碟意粉都係得5隻蜆仔，同啲青瓜翠玉瓜粒就完啦。⁡成個餐+1 後要HKD150咁濟， 係中環呢個價位好普遍，但估唔到鑽石山食個lunch 都要，仲要意粉唔好食亦冇乜料。希望餐廳可以改善一下～ ⁡

Lunch食咗個帶子寛麵，寛麵唔係寛麵，個人覺得係窄麵，帶子同魚子唔錯，輕煎食落軟軟，不過個麵同汁完全無味，汁又厚又滯。咖啡要加$10, 真係無唸過餐飲咖啡都唔包，唔緊要, 照加，但咖啡非常酸又鞋口，唔值得加。最後賣單加埋一, $162.8, 佢自動round up$163, 個店員仲理直氣壯話四捨五入係咁架啦，個人認為，唔係$0.2多與少嘅問題，而點解唔可以收正價？依家大多係電子貨幣跟本唔洗收毫子，又或者店舖round down去整數？咁樣夾硬要個客俾？總之又貴又難食，仲要無理收貴，呢間我個人會以後black list, 不會要幫襯！