Video
Opening Hours
Today
07:00 - 23:00
Mon - Sun
07:00 - 23:00
Above information is for reference only. Please check details with the restaurant.
今日同老人家去了青葉飲下午茶，家人成日同朋友去話幾好，我就第一次。✅五穀炒飯粒粒分明但不油膩！有好多菜粒添加左爽脆既口感，食齋都覺得好味。✅ 薑葱叉燒撈麵味道還好，食到勁重薑味，其實落薑可以輕手d。話係撈面，但勁多汁水，應該要整得乾身D，面才會掛汁又不會比水浸到淋晒！✅ 水晶鮮蝦餃中上發揮，餡料入面無用太多肥豬肉，調味較清淡幾好✅ 蟹子燒賣皇蝦既比例多過豬肉，所以較爽口，幾好食，又係清淡的style✅ 焗叉燒餐包都唔錯的，包包少少煙韌幾軟熟，包面搽滿糖水幾好，但入面既叉燒粒太細粒！✅ 焦糖蜂巢糕幾香甜有焦糖味，但口感係淋的，仲以為係黃糖糕帶有煙韌口感嗰種…？✅ 翠綠帶子腸唔記得影！腸粉無乜透明度，但都有煙韌口感，內餡既帶子係細粒既，用了好動胡椒調味，一般。總結一下，都算唔錯，口味幾清淡I like
continue reading
阿爸想食片皮鴨，之前係青葉食過，話父親節想黎食。6月14日打電話book位時，問父親節當日有無片皮鴨，佢答唔一定，當日要打黎問。到父親節正日，當日朝早專登打黎再問，職員答我話有。中午一到酒樓坐底，叫茶時即刻落order要隻片皮鴨，之後再揀其他野食。大家傾傾下計時，奇怪點解隻片皮鴨咁耐都唔見既？同個部長追單時，先話原來無落到單，咁都不得止，佢話當日原來無片皮鴨。明白大時大節，酒樓既套餐可能會有調整，所以當日專登都打個電話問清楚，坐底第一時間都落單先，到追單先話當日無？玩咩？我當日打電話問時，就應該知道當日唔會有片皮鴨啦！平時日子都算，父親節正日，老人家一心想食隻片皮鴨而無得食。。。呢間野無下次！！！
continue reading
呢間酒楼位於土瓜灣， 舊區附近，從食評所知，有甚多老人家光顧，令揾食肥華以為佢係一間，地痞式街坊酒楼，但當4月9日肥華和靚媽踏入此間酒楼一睇個格局，就知肥華個想法錯到不堪，此酒楼嘅楼面裝修格局除咗比同區嘅，富臨及龍寶兩問優勝外，奉客茶具亦比佢哋兩間酒楼高級，加上此店早茶所供應嘅點心味道亦Ok，而個干蒸牛肉拼燒賣及煲鳳爪排骨飯，更係高水準食品，本來在呢個環境及食物都令人滿意情況下，嘆個早茶應是一件賞心樂事，可惜此酒楼廁所卻乏人清理， 尿兜有滿到瀉嘅情況出現 啲氣味更有渗出酒楼大廳感覺，真係大煞風景，必須扣分👍👍
continue reading
女友小熊一直想食龍蝦伊同片皮鴨，龍蝦伊就滿足咗佢，片皮鴨就未有著落.上網左搵搵右搵搵，係鄰近搵到一間酒樓叫青葉，不單只有片皮鴨，仲有龍蝦伊𠻹，一次過滿足哂兩個要求!但最擔心係..... 近期幫襯D餐廳，三翻四次出問題，上 open 睇青葉食評，話佢服務態度好差，個心即刻冷咗一半!心諗幻覺嚟啫! 嚇我唔到嘅!照去! 睇吓服務係咪噤差!點咗個片皮鴨兩食，片皮之後殼就薑蔥炒，芝士焗波士頓龍蝦伊同蒜子上湯浸娃娃菜.芝士焗波士頓龍蝦芝士濃郁龍蝦肉豐富又鮮甜，滿意.娃娃菜份量足，早排去長洲蘇波記食娃娃菜，蘇波記少一半! 可想而知蘇波記偷工減料幾過份!好多時食片皮鴨之後嘅鴨殼都煮得唔太好食，通常炒得過柴又韌，但青葉薑蔥炒鴨肉仍算嫩口 Juicy，只係D蔥炒得過火唔夠爽脆.片皮鴨皮脆肉嫩，同樣滿意!食哂D薄包皮，叫侍應加多一籠! 佢地話加多一籠"摸摸" (唔知點解薄包皮叫摸摸?) 要加錢，無問題，但人地D"摸摸"嚟齊上哂枱，我地D"摸摸"就無聲氣! 一話取消"摸摸"就9秒9 極速上枱!問D侍應想話攞D濕紙巾，完全被無視!服務態度果然好差! 如果唔係龍蝦伊同片皮鴨掂! 相信會俾負評!扣分最多原因係想要摸摸無摸摸!
continue reading
員工全無衞生安全意識！客人用饍中，職員整個人伏上枱，跨越整個枱面去攞個＂枱號＂牌來望一眼！我枱面俾佢＂伏＂過嘅食物仲要唔要食！？開句聲叫客人俾個牌睇下唔得嘅！？啞嘅！？啞都可以寫出要求啩！？
continue reading