住家菜 (Moved) New Location

本來去開尖沙咀食飯，如女友想食小菜都會去妹記，但聽朋友讚好食又抵食，亦講到平時排長龍嘅銅鑼灣住家菜，原來響尖東都有，未食過，所以便去試試。去到九點左右，無乜人，連位都唔使等。同女友兩個人不算食得太多，叫了一個鮑魚雞粒竹筒飯，梅菜蒸肉餅同埋欖菜肉鬆四季豆，我自己再要多一碗例湯。先來例湯，係赤小豆粉葛煲豬𦟌，同佢地所標榜一樣不含味精，一小碗十五蚊都可同女友共享，唔錯！四季豆比較油咗少少，但送飯一流，算係小弟最愛；梅菜蒸肉餅不會蒸得太乾，略嫌薄咗啲，同埋如果多少少豉油就好喇！至於竹筒飯都幾好味，啲雞肉幾大粒，而且有飯香。飯後侍應送上兩碗五花茶，清清地不太甜，比涼茶舖嘅五花茶，佢無咁濃藥材味。總括來講環境企理，食物又唔錯，確係一個幾理想嘅飯局好地方，尤其適合兩口子去食，若然一大班麻甩佬又恐怕細碟得滯，會去番妹記。不過順帶一提，門口係有個牌寫上是日晚餐，最好坐低後再問問侍應，因為佢地只會遞上散叫餐牌，又唔會提你有晚餐。最後到離開時女友同我講：「咦！點解唔記得叫晚餐？抵好多喎！」

昨天朋友生日到上地址晚飯,竟然換來一肚氣>.<我自己做了一個雪糕蛋糕到來,再三叮囑一定要放進冰格,過了一會,又有一位年輕侍應走過來問是否雪糕蛋糕,我話係,所以要放冰格,佢亦回應話好~大家開始點菜,發現其中一位朋友沒有餐具,便跟侍應說,到上菜餐具都還未來,便跟另一位中年(頭髮及肩)的女侍應說,他面露不悅,立即拿來一套餐具,然後跟我的朋友說,下次不要再叫我拿餐具,聽罷我的朋也友呆了,從未遇過如此惡劣的對待,係佢地自己放少了一套餐具還這樣的態度... 我們都忍了......晚飯時的service 就正如其他食評一樣,成班師奶好似開party 咁,圍埋一齊大聲講大聲笑,仲喺度唱歌,除了有人上菜外,沖茶執枱全部欠奉,上菜位起緊菜,有侍應竟然急不及待要喺我地之間插位上其他餸菜,又危險,又冇禮貌......最後我叫他們上蛋糕,那個金毛短髮的中年女侍應,不單沒有走過來,還很串的靠著牆,大聲喝道:"你要咩呀?啲菜咪上晒law!" 我地再說係蛋糕呀!之後佢地又黑晒面咁攞個蛋糕出來,一打開,我真係慾哭冇淚,蛋糕表面的朱古力全部溶晒落底,中間的雪糕已經變漿,好明顯佢地根本冇放入冰格,如果這裡冰

前排有晚去左住家菜, 叫左四"食送" 一湯~一早book 左位, 但去到見晚飯時間都唔太多人第一次去, 諗住試下阿"女麻"雞, 不過無預先叫定,佢話賣哂...服務態度麻麻, 落單唔專心, 而且唔會主動招呼客人1. 先黎碗例湯, 無味精都ok 架~ 但係見人話一碗夠兩個飲, 一人一碗就差唔多...2. 御膳豆腐, 無乜特別... 覺得有少少呃錢3. 豆豉鯪魚油麥菜, 普通啦... 咸左少少咁4. 黃金蝦, 炸ge 功夫同味道好一般, 我寧願食普通炸蝦, 因為面層d 咸蛋黃好高卡路里... 5. 咸魚茸煎肉餅,幾好~ 香脆得黎唔會太油膩食完奉上糖水一碗, 都係咁啦... 普通啦 鋪面無乜點啦~我地坐卡位, 對正出風口, d 食送好快就凍哂... 住家菜...真係好似屋企煮d 菜咁囉...

去看反轉夾餅, 剛好姊妹Y又係看尾場, 就一齊去吃個晚餐. 近近地, 又來了這裡. 一早訂了位, 有個卡位, 幾舒適的.三個人, 要了三菜一湯, 已經吃不完了.住家老火湯$35: 8分, 是晚例湯係粉葛煲赤小豆湯, $35一大窩, 好夠飲, 也抵飲. 湯都應該係沒有加味精的, 好清甜, 夠火候.阿麻雞$45: 5分, 這裡的招牌之一, 也吃過好幾次, 最差的應該係這一次, 雞大部份都係斬得太碎, 太多碎骨. 肉質也偏老, 也不太入味.老少平安$40: 6分, 魚肉有骨, 味道也太淡了.西蘭花班片$48: 7分, 沒有鑊氣, 不過班片悟腥, 西蘭花也新鮮的.矛根竹蔗水: 7分, 糖水係矛根竹蔗水, 不過這個點看也不似糖水, 就當係煩後飲品吧. 係非常熱的, 但係甜了點.整體水準下滑了一點, 不過總好過去火車站隔離逼.

昨晚與幾位友人七點有多到這裡吃晚飯~~~點選了6個餸1個湯~~~除了免費送上的甜品糖水，樣樣都很美味~~價錢又不貴~~~但這裡的服務態度就只是一般~~~很多時也不會自動自覺地招呼客人~~~

同爸媽和佢嘅朋友聚餐10次有9次都離唔開中餐, 但係每次我見倒啲油同食倒啲味精我都嚇死! 睇倒雜誌話呢度啲無落味精所以過黎試菜. 可能位置有啲僻同係weekday嘅關係, 所以都唔算好多人.菜單:1. 蓮藕老火湯唔錯嘅! 2. 阿麻雞有蔴油味嘅雞, 都幾滑3. 南瓜排骨盅成個南瓜都食得家, 仲好稔, Good! 不過入面太多汁喇4. 南乳齋煲啲菜有啲overcooked同咸左小小5. 咸魚蒸肉餅因為唔鍾意食咸魚所以無試到6. 糖水–唔記得左係咩添明付其實嘅糖水, 甜死我啦味有小小偏濃, 但係overall都唔錯, 而且真係好底食!

第一次到呢間餐廳食野,朋友說晚晚都爆, 所以再三提醒要book枱. 我地book左6點的, 指明要"卡位".當日我地係第一枱食客, 因為有點口渴, 見到枱上的'特價飲品- 有汽提子汁&有汽蘋果汁, 買2枝$20, 單買1枝$12"的menu...我地4個人, 叫了3枝提子汁, 1枝蘋果汁.........(你地而家計下4枝要幾多$$?? 一陣再跟進呢單case....)食物我就唔詳細講啦, 都係跟其他食家既食評一樣, 係唔差既, 好快上枱添.... d蝦都好新鮮... 個老火湯都好好飲...不過令我地唔開心既係...我地食到7:15pm度, 有個staff(門口登記的)行過係同我地講: 你地入黎既時候, 同你地講左7:15要交枱架bor....(語氣係ok既) 我地四人同時O晒嘴, 佢根本就無講過,, 佢仲話佢好confirm 講過.. 枱上有d餸係未食完既,,,不過比佢一咁講, 令到我地都無晒mood啦.. 再講, 如果真係限時, 我地一定唔會幫襯佢. 最奇怪既係,, 我地眼見都仲有2,3張"吉"枱. 超奇怪! 再過了一陣, (我地都未叫埋單>_<) 就有staff

同屋企人出街食飯，雖然揀番食住家飯，但比起晌自己屋企好餸好多，唔係普通家常小菜。4個人點咗4個餸（阿麻雞、南瓜排骨盅、蒜茸菜心、西蘭花花枝片），1個飯（鮑魚雞粒竹筒飯）同1個老火湯（霸王花煲雞腳），你話喇，屋企食邊有咁好餸呀？阿麻雞同南瓜排骨盅係訂枱時個侍應推介，問使唔使預訂一客，見推介得都不妨一試，反正個雞都係$45（例牌）一客，而個南瓜盅就貴D，要$75一客。前者，我覺得佢好似豉油雞同沙薑雞嘅混合版，個樣好似豉油雞，食落又好有沙薑味，味道係唔錯，雞都算嫩滑，此外就無乜特別，未食過可以點哩試吓，但下次再哩可以慳番。至於後者，真係好掂，首先賣相幾得，原個南瓜跟炆排骨一齊上，不單止裡面嘅排骨可以食，成個南瓜殼一樣食得。仲唔只咁，個南瓜起晒裡面D肉，去咗皮，只留番薄肉一層嘅南瓜殼蒸腍，用匙羹好易軋開D南瓜肉哩食，好方便；而排骨唔肥，更意想不到係佢將之前起晒嘅南瓜肉用哩一齊炆排骨，所以，D排骨好有南瓜香味；你見到個南瓜盅裡面有好多汁，其實可以講係南瓜蓉，再加埋有D素翅係度，撈飯更加一流，所以，$75都好值！另外，佢個鮑魚雞粒竹筒飯都唔錯，個竹筒都唔細，成尺幾長，裡面由頭到尾都裝得滿滿鮑魚雞粒

元旦日一家人圍枱食飯，食D簡簡單單嘅家常小菜。一諗起"家常小菜"就想起去呢度...小菜每碟只係平均四五十大洋。叫個十碟八碟，都只係五嚿幾六嚿水，實在便宜得發笑...叫到一枱都係--- 阿嫲雞及鹹魚茸煎肉餅係上次食過嘅，都保持水準。雞雖肥咗一D，但肉頗滑；煎肉餅薄薄一片，鹹鹹香香頗惹味，用嚟送酒一流...其他之前未試過嘅餸水準有點參差--- 沙律蝦球普普通通，蝦幾爽口，但過濃嘅沙律醬完全蓋過蝦嘅鮮味，而且作為伴菜嘅生果竟然有提子，感覺係相當奇怪；雜菜煲夠足料，蝦乾大大條，抵食；老虎班蒸得骨肉剛好分離，肉質夠滑。$198一條唔算貴嘞；蜜糖豬扒蜜味不足，豬扒有用鬆肉粉處理，鮮味全無，係相當失色嘅一碟...十碟餸再加兩煲湯，九百多大洋。响尖東中心地帶，去邊度揾到咁平?如果有，請相告...

If you are looking something just for TAKE AWAY, this is not a bad choice. But if for Dine In, never have this thought.Their service is so fake- I've heard they are talking over the phone with the customers, just like debating in the law court- and I heard "we do not want to have business with you! And I make a correction here- we are full house tonight and dont come!"I was just like... shocked- there are only 3-4 tables (at ~8pm). Well, the food is not that really great but when I thought o

set lunch每款小菜$35包湯及糖水,雖然小菜細細碟,但都算抵霸王雞:雞好嫰滑蓮藕炆排骨:此餸的汁好稠,蓮藕的香味入晒排骨裏面,味道好夾蒸魚:魚太細條了湯:好濃好甜的奶白色湯,但嚐不出是用什麼材料煲

個仔由BB開始每年都帶佢去睇聖誕燈飾，今年都唔例外。睇完燈飾就尖東食飯，估唔到帝國中心內幾間中式食肆都好旺，尤其係依間，人龍最長所以揀佢。好彩都係等了二十分鐘就有位。見佢標榜老火湯無落味精就要一煲，其他有鎮江骨、中式牛柳、粟子雞煲及蒜茸白菜仔，仲有紅棗糖水送。佢地所賣菜式全部都係好普通住家菜正如其名，至於是否健康烹煮就見仁見智。個人最欣賞係煲湯，真材實料正宗老火湯，老婆最欣賞係糖水，至於D唔係話佢唔好，只不過用料方面差少少，所有肉類都係雪藏貨，無肉味，全靠烹調功夫。但係每樣都只賣四十幾，已經好超值。

Went there for dinner on Saturday with my mum. It was pretty crowded so we had to wait about 20 mins before we could get a table. During the waiting time, the receptionist had very helpfully provided us with a menu and a piece of paper to write down our orders. We ordered 3 dishes and 1 bowl of soup each. The chestnut chicken hot pot was really good. The vegi hot pot was however a little salty so I had to order some rice. Unfortunately, the waiters kept of mixing up my order for rice with

已經食過好多次,水準穩定,價錢合理,尤其煲湯38蚊夠十個人分.最鍾意個黃金蝦,好好味! 鹹魚煎肉餅,蝦醬炒飯都好好味.樣樣餸都係40-50蚊,坐得舒服,每人100蚊都唔洗就食到飽飽,真係可以當飯堂.

唔係第一次光顧住家菜,之前幫趁過利舞台果間,覺得呢間好似好味d,6點幾都有10幾人等緊,好在朋友醒目有訂位,4人叫了菜、雞、咸魚餅、排骨, 咸魚餅幾好味,太座事後重笑我鍾意食到最尾果舊都食埋...... 晚飯後有糖水送,都唔錯.