Homeland (東昌街) (Closed)

食過幾次既餐廳～ 菜式幾特別，今次試其他，質素都唔錯😆 order左2個dinner set.🔸慢煮雞胸凱撒沙律雞胸肉幾滑🤓 沙律都新鮮.🔸秘製法式龍蝦濃湯幾濃郁～ 仲有少少龍蝦肉.🔸烏克蘭獵人牛面燉飯燉飯加左唔同香腸一齊煮，份量唔少，女仔可以share食🔸伊比利亞豬肩肉配蘋果蓉及薯菜係慢煮豬肩肉，揀左八成熟，肉質唔會好鞋，個汁幾好食😛🔸香草蒜香焗田螺配薯蓉薯蓉焗得好滑，田螺幾大粒，有驚喜🙈🔸爆炸糖玫瑰荔枝梳打爆炸糖會放埋係野飲入面，幾特別🤓🔸康仙花有蠟燭一直燒住花茶，keep住有熱茶飲，越後越濃味～

昨晚我同朋友去咗呢間大埔嘅Homeland Kitchen，真係令人驚喜！我哋叫咗一堆嘢食，碟碟都好鬼好味！首先我地叫左煙三文魚凱撒沙律，啲沙律菜好新鮮好脆，加埋煙三文魚嘅煙燻香氣，真係好開胃！我地仲試左佢地既法式龍蝦湯，啲湯底濃郁鮮甜，有小小龍蝦肉，飲落去鹹度岩岩好，龍蝦味好出！再嚟就係冬陰功赤蝦闊條麵啦，辣度就適中啦，岩曬我呢d唔食得辣既人，赤蝦同麵條嘅味道搭配得好完美，食完都想叫多碟！之後又叫咗伊比利亞豬肩肉加薯菜，豬肉要左8成熟，煮得好滑好嫩，肉汁好juicy，同埋啲薯菜清甜好好食。跟餐仲可以叫一個小食，我地選左香草牛油白酒煮青口，啲青口鮮美多汁，白酒香濃，隻隻都好肥美！有嘢食當然都要有嘢飲，我地叫咗黑糖紅茶鮮奶同紅玫瑰花茶，兩樣都好好飲！黑糖紅茶鮮奶完全拍得住d茶飲店質素，紅玫瑰花茶就更加無得頂，單睇個樣都覺得正，仲要有有淡淡玫瑰花香，好chill！今次Homeland Kitchen嘅菜式真係好驚喜好好味！估唔到可以食到一次咁特別既意大利餐，可以睇到到廚師嘅用心同技巧！如果你想搵一個高質素又可以靜靜地chill下嘅意大利餐廳，就記得去Homeland Kitchen啦！

今晚行過這裡見到個set dinner 都幾抵食，於是就係咁入去了，這間餐廳都算係飯堂之一，餐廳地方闊落，有上下兩層，今晚就係上層，望望單點餐牌同埋晚餐套餐餐牌，晚餐款式啱口味之餘，還有餐湯或沙律配搭同飲品，計落都係較抵食！跟餐可以選擇沙律或餐湯，我同朋友就各點款一個，煙三文魚凱撒沙律，大大塊煙三文魚配上爽脆沙律菜同濃郁嘅凱撒沙律菜汁，十分清新；而秘製法式龍蝦濃湯，湯底有濃郁嘅龍蝦味道外，湯中還有彈牙爽口龍蝦肉，夠晒足料！加了個優惠小食自選醬料炸雞翼，選擇了冬陰功口味，雞翼外面香脆帶點冬陰公香味，肉質嫩滑入味，餐前必食推介之物！而主食就係餐牌推介嘅63°C溫泉蛋卡邦尼意粉，在卡邦尼意粉上有隻蕩漾嘅溫泉蛋配埋個彈牙意粉十分入味！另一個烏克蘭獵人牛面燉飯，個人面肉質軟淋嫩滑，加埋十分之厚身，配上吸了肉汁嘅燉飯，同樣出色好味！而跟餐飲品可以半價升級，黑糖紅茶鮮奶，紅茶香味配上香滑鮮奶同黑糖唔會太甜但味道十分濃郁！而爆爆珠士多啤梨紅茶，爆爆珠入口爆開嘅口味加上陣陣士多啤梨香味，入口都十分吸引醒神！整體抵食有質素，套餐相對吸引！

我地叫左2個Set Dinner （$148)慢煮雞胸凱撤沙律🥗蔬菜新鮮，有足夠的沙律味道蜂蜜柚子酥炸雞翼🍯(+$58)雞翼夠酥脆，配上酸甜的蜂蜜柚子汁，夠開胃，而且一碟有6隻，抵食！秘製法式龍蝦濃湯🦞(+18)真係啖啖龍蝦肉，一筆起已經有幾粒，足料，加埋咸香的龍蝦湯。冬蔭功赤蝦闊條麵🦐唔算辣，係少少香辣的味道，赤蝦一般，意粉不錯伊比利亞豬肩肉配蘋果蓉及薯菜🐖(+$18)豬肩肉有食！肉質彈牙，配上酸酸甜甜的蘋果蓉，開胃好食，薯菜的味道剛好牡丹花茶🌹(+$24)睇樣子似玫瑰花，飲落啖啖花香金盞菊茶🌻(+$24)味道較濃，少少甘苦味

見好多人介紹呢間大埔嘅西餐，等我約埋朋友試吓先🥂～廚師精選濃湯🍅好濃嘅蕃茄湯，酸酸甜甜，幾開胃👍🏻，絕對唔係罐頭湯❌🥫慢煮雞胸凱撒沙律🥗雞胸肉夠鮮嫩，配上新鮮的生菜、香脆的麵包塊同芝士碎，清新開胃🏖️墨西哥芝士餡餅（烤肉）🌮餡餅裡面有烤肉、玉米、洋蔥和芝士等，材料豐富又好味🤤餅皮薄脆，烤得恰到好處👏🏻🇲🇽伊比利亞豬肩肉配蘋果蓉及薯菜豬肉肉質鮮嫩多汁，搭配蘋果蓉同薯菜，令口感更加豐富。蘋果蓉口酸甜嘅味道同豬肉好夾🐖🍎🍏皇胎菊花茶 🌼食完飯飲返杯養生花茶，每啖都充滿花香好fresh🫖士多啤梨莫希托（無酒清）顏色鮮豔，充滿新鮮水果嘅清香，入口清甜🍓🍸蜂蜜柚子酥炸雞翼炸到外皮香脆嘅雞翼，表面淋咗蜂蜜柚子醬汁，幾特別🍯🐥

- 冬陰功 虎蝦 蘆筍 接骨木花 小青檸 意粉超美的擺碟 可以見到廚師的功力接骨木花放在碟上是超美的 虎蝦新鮮 而且是第一次吃到冬陰功味的意粉做法是冬陰功汁在意粉的底部 沒有好濃 但又有冬陰功的調味蘆筍做裝飾作用only- 牛臉肉櫻桃番茄義大利飯 係朋友點到的主菜小櫻桃番茄有解膩的效果而且顏色可愛牛肉的部分唔會太多飯係牛肉湯熬製成的 味道在neutral的區間- 黑松露現炸粗薯條好喜歡這樣足料口感的薯條呢雖然名字是黑松露 但有紅色辛味粉其實是mix口感小食的話其實很飽肚- 荔枝爆炸糖玫瑰花soda特別飲品點餐時見到飲品單有三版幾十種那麼多會擔心特飲糖分但staff 好耐心話都不會落太多糖 好甜 這樣有真的新鮮荔枝果肉在杯底好好食這間店的食物味道真的好棒 如果住在附近是可以專門來吃的晚餐時間（weekday排隊 大概15- 20min

今次嚟到嘅Homeland，真係有種回到家嘅感覺。由入門到坐低，一路都好舒適，座位闊落，彩色嘅牆上掛上左不少油畫，令人感受到溫暖溫馨既氣氛。講返食物，我同朋友叫左2份1人餐，148$包前菜主食飲品，真係幫你plan好咗，唔洗苦惱簡咩食。前菜方面，我哋揀左慢煮雞胸凱撒沙律同法式龍蝦湯。雞胸因為慢煮既關係，keep到水份好好食，凱撒沙律新鮮爽口，味道正；龍蝦湯濃味仲有粒粒蝦肉，推薦。主菜方面，我哋揀左黑松露牛肝菌薄餅同伊比利亞猪肩肉薯菜。黑松露牛肝菌薄餅超濃黑松露味，薄批好脆口，令人食完都仲想食多幾舊；而伊比利亞猪肩肉有8成或全熟選擇，都係慢煮保留到鮮味同滑度，真係好好味。飲品方面，我哋揀左白桃氣泡伯爵茶同爆爆珠荔枝紅茶。白桃氣泡伯爵茶好特別，伯爵茶味出得好好；而爆爆珠荔枝紅茶份量十足，爆珠有益力多既口感，紅茶味道又唔會太甜。最後嚟到小食，我哋揀左香草薯蓉蒜香焗田螺。小食上嚟就超熱，印象中有十粒，粒粒都好大粒，田螺彈牙，薯蓉香滑，真係一流。總括黎講，Homeland係一間好有心思同用心嘅餐廳，食物新鮮美味，令人食完都想再黎一次。如果你想尋覓一間舒適同好食嘅餐廳，Homeland絕對係好推介

Homeland 喺大埔來講都算出名，之前都食過一次，新加左晚市套餐都幾抵！😇 $148就已經有主菜、前菜、同埋嘢飲。⭐️自選醬料酥炸雞翼有冬陰功味同柚子味，冬陰功味真係未試過，雞翼炸得香脆，酸酸麻辣咁樣，好開胃👍🏼⭐️香煎澳洲安格斯西冷扒配薯菜 +$68牛扒叫左五成熟，熟度啱啱好，好肉質亦都算淋，無乜筋位，加上配搭黑椒汁，味道更上一層樓！🥩👌啲配菜做得好出色⭐️烏克蘭獵人牛面頰燉飯 呢個都算係呢度嘅特別菜😂 一上枱嘅時候就已經覺得好靚，色彩繽紛。雖然唔知烏克蘭🇺🇦獵人係咩特別配方，但個味都唔錯，個汁酸酸地幾幾胃，牛面頰粒都炆得夠淋，入味。餐廳上菜好快，有效率👍🏻另外大家如果想慶生嘅話，都係一間幾唔錯嘅選擇，因為有bday set: 惠顧甜品可享免費甜品畫碟、免費贈送一杯汽酒🍾、彩色扭紋蠟燭🕯️、即影即有一張📸Homeland gift card🔖同免切餅費💰

好幾年前食過homeland 記得Risotto係好出色 今次再返黎食 叫左三樣野 分別係 青口 大蜆手工意粉 同 Risotto青口黎到時候入面係唔熱 而且好唔新鮮 好難咬好難分出黎 仲冇調味料咁 手工意粉麵質係OK既 但麵同蜆都啖口到得陣橄欖油味 幾乎冇鹹味蒜味同辣味終於最後食到Risotto係正常少少 起碼有味關於服務 平日夜晚唔多人 都幾多空枱 而且朋友有訂座 但餐廳竟安排每台客都坐二樓堆埋一齊好迫既二人台 出入都有d困難唔知係咪青口唔熟，我同朋友夜晚腸胃都唔係好舒服，冇下次😖😖😖

氣氛休閒溫馨，好適合適合約會或家庭聚會🥂 食物創新有特色，提供全日早餐、手工意粉、手工薄餅、漢堡等等，選擇豐富🥰 食物質素高，價格合理 晚市套餐好抵食～性價比高👍🏻💖💖💖食評💖💖💖🍽️精選套餐 ($148/份)✨𝑨𝒑𝒑𝒆𝒕𝒊𝒛𝒆𝒓🥗慢煮雞胸凱撒沙律✨🥘廚師精選濃湯 (蕃茄湯)✨𝑭𝒐𝒐𝒅🍔香城和牛漢堡 配薯條 (+$18)✨和牛漢堡 • 蕃茄 • 洋蔥 • 芝士 • 生菜推薦，高質素漢堡！和牛份量十足好厚身，牛肉味濃，五成熟肉質軟嫩 口感一流，咬下肉汁溢出🤤 薯條好有驚喜，特別香脆可口🍟 整體份量多，好飽肚好滿足👍🏻 🍝63°C溫泉蛋卡邦尼意粉✨必點招牌菜😋 採用粗身手工意粉 口感更佳，香濃卡邦尼醬汁配上蛋漿 好好味！🤤 擺盤精緻，份量多，好飽肚👍🏻𝑺𝒏𝒂𝒄𝒌🍯蜂蜜柚子酥炸雞翼 (+$58/6件)✨推薦！賣相吸引😍 甜味十足，外皮好香脆👍🏻🐚香草牛油蒜香焗田螺 (+$58)✨熱騰騰，新鮮出爐🔥 田螺彈牙有嚼勁😋 薯蓉有驚喜，牛油蒜蓉味十分香濃，份量多𝑫𝒓𝒊𝒏𝒌🫖浮華墨紅玫瑰花花茶✨🫖金盞菊花茶✨必點花茶🥰 清甜滋潤

放工同男朋友黎左依間位於大埔墟，人氣高企既西式Cafe度食晚餐～店鋪門面別具風格，由外面望入面都感覺到內裡既氣氛～餐牌選擇豐富，食物同飲品都有好多選擇，岩晒一大班朋友黎呀！我地就每人都叫左一個套餐，百幾蚊好抵食呀！跟餐可以優惠價叫飲品～男朋友就叫左枝獅子山下既手工啤，果香味勁香呢！佢超鍾意飲！而我就叫左杯凍朱古力～好濃郁既朱古力呀！好好飲～又唔會過甜湯方面我地分別叫左法式龍蝦濃湯＆精選濃湯法式龍蝦濃湯真係大推介！龍蝦味勁香濃，味道上絕對不遜於高級西餐廳既龍蝦湯！！而精選濃湯都好好飲～蔬菜味並帶有香甜主菜方面，我地就叫左伊比利亞豬肩肉配蘋果蓉及薯菜賣相真係勁吸引呀！豬肩肉好大塊，色澤亮麗。食落去肉質嫩滑，而且好Juicy！平時食豬肩肉最怕肉質鞋＆乾，依度完全將兩個擔憂都掃去！！另外個蘋果蓉同薯菜都好好味！醬汁亦非常配合個豬肩肉！另一個主菜我地就叫溫泉蛋卡邦尼意粉勁正勁邪惡的卡邦尼意粉呢！！面頭鋪滿好多芝士碎，再將溫泉蛋與意粉撈暈，每條意粉都掛住濃濃既汁液！意粉軟硬適中，有Al Dente的口感，而蛋汁及芝士既味道非常之香～極速清晒的一道意粉最後我地仲叫左個柚子炸雞翼食柚子味好香甜，食幾隻

前排經過見到裝修特別既一間西餐廳🍴見地點方便就約左朋友係到食生日飯餐廳用左唔少畫作裝飾舒服得黎有點寫意套餐都係$148～216已經有頭盤。主菜。飲品🍀鮮打法式龍蝦湯香濃龍蝦湯 仲有龍蝦肉🦞爽滑彈牙🍀慢煮雞胸凱撤沙律🍀冬陰公赤蝦闊條麵特色fusion 菜式 冬陰公夠哂惹味🍀伊比利亞豬肩肉薯菜一向都鍾意蘋果醬配豬扒 好味😋加配左一個小食：🍀香草薯蓉蒜香焗田螺🍀熱檸檬水🍀熱蜂蜜柚子茶🍀檸檬蛋白撻酸酸甜甜 夠哂過癮加上蠟燭🕯️畫碟 壽星勁開心🥳特別日子 記得預先訂位打過去先知佢有個Homeland birthday/Anniversary Celebration gift set甜品🍮可享免費甜品畫碟😍仲送一杯汽酒 味道唔錯架👍配上仙女棒 🪄佢仲幫你影返張即影即有留住這magic moment同Homeland gift card📣📣📣仲要免切餅費呀

入去大埔約好耐冇見嘅朋友食晚飯 網上見到呢間西餐廳Homeland 就去試吓 餐廳地點其實唔難搵 坐巴士落車行四分鐘到步。餐廳佈置同環境都幾舒適 一共有兩層。小擺設都幾溫馨有Set dinner 可供選擇 都係$148 up 先揀咗法式龍🦐湯 +$18濃湯 湯味道濃郁又 creamy 小食揀咗白酒煮青口 青口冇沙唔腥有洋蔥同白酒煮嘅清香主食揀咗伊比尼亞豬肩肉 揀左慢煮肉質都唔韌 燒得幾香 配既蘋果汁醬甜甜地中和一下肉嘅油份 配薯菜都唔錯 薯蓉好正墨西哥雞肉夾餅 🌶️。呢個有辣嘅成份 加上芝士蔬菜同雞肉餡料 再餅兩面都有煎過再點啲 牛油果醬同酸忌廉 味覺大滿足熱情果水果茶特飲 酸酸地夠fresh洛神花水果茶 一壺茶咁上 有埋火keep住熱又唔甜 又大壺可以同朋友開心share @homeland.kitchen #homeland#homelandhk#homeland 梓里#大埔美食#香港美食#香港西餐廳#西餐廳#香港探店#大埔探店#香港必食餐廳#新派意大利餐廳#hkfood#hkfoodie #hkfoodsnap #hkfoodblog#hkfoodblogger

平時好少入大埔食野，呢間新派意大利餐廳係一條橫行入面~ 餐廳佈置同裝飾都好有心思，色彩繽紛~Dinner Set 定價 $148，價錢好親民!!忌廉蘑菇湯，有蘑菇粒粒，有口感亦有菇味，味道不錯冬陰公赤蝦寬條麵大大隻既赤蝦新鮮入味，寬條麵冬陰公醬汁味道濃郁，有咬口伊比利亞豬肩肉配蘋果蓉及薯菜蘋果蓉酸甜開胃，薯菜正常豬肩肉肉質柔軟帶點脂肪, 有香濃肉汁味，唔錯

今晚同朋友兩個人行完街，朋友話想去食下西餐，咁就去左試下大埔既homeland, 去到門口見到佢鋪內單位乾淨企理的，不過位置就有少少難搵，唔熟大埔既朋友仔可能黎之前要睇睇地圖。跟住我地叫左兩個精選dinner set, 先講講套餐裡包括既秘製法式龍蝦濃湯，我同朋友一見到有龍蝦湯，都即時心心眼揀左呢款試試，湯夠濃，仲有少少龍蝦肉系湯裡面，絕對有誠意！之後店員就先幫我地送上兩份小食（蒜香焗田螺同埋蜂蜜柚子酥炸雞翼，小食黎講質素絕對唔失色，而雞翼既柚子汁味道可口開胃，值得一讚！跟住我同朋友分別主菜揀左和牛漢堡配薯條，同埋安格斯西冷扒配薯蓉。漢堡講真正常水準，但就不算太突出，反而西冷扒做得幾好，用既材料食得出係有質素，少少美中不足係牛扒配薯蓉，如果配薯條相信我會更加鐘意。最後講講餐飲，我同朋友分別叫左薄荷朱古力同埋抹茶拿鐵，飲品質素高質，比較難得係份量，我地食完成餐飯都仲有得飲，唔會好似出面部分餐廳既飲品咁飲兩啖就無哂。總括講，homeland值得推介的，最後臨走前見到佢既生日優惠，可以免費試一杯佢地既汽酒，先發覺原來佢仲有一個酒類list，可能要下次再黎先可以嘗試了。而生日優惠又包埋免切餅費