部屋咖啡室

Open Now

Now Closed

唔知而家一大班人仲興唔興去啲有boardgame提供嘅cafe度食嘢同玩呢？我以前都有去開呢類嘅cafe玩，實在太令人懷念了～呢間餐癮就係呢類，提供大量boardgame嘅cafe，仲會有嘢食提供～本來我都冇期望話會好好食，因為感覺呢啲都唔係主打嘢食嘅餐廳，但係味道竟然出奇地唔錯，而且我係平日夜晚去食，估唔到都時不時有客人入嚟食吓野～我叫咗個二人套餐($358)，份量都幾多，包10吋手拉pizza，意粉/飯，炸魚餅，同埋兩杯嘢飲，絕對夠兩個人食～( ˶ˊᵕˋ)੭♡  ✎ BBQ 烤雞蘑菇pizza 材料有烤雞、洋蔥、蘑菇同落咗燒烤醬。食落整體都幾惹味，唔會有一種材料嘅味特別突出，蓋過另一種材料嘅味，樣樣材料味道都試到！✎ 黑松露雜菇意大利飯 有啲餐廳煮到Risotto口感幾硬身，反而呢間嘅意大利飯食落口幾軟腍，不錯，個人比較鍾意食啲感覺煮熟咗嘅飯哈哈，同埋黑松露同忌薕味都幾濃郁，岩哂我口味～而佢啲菇都幾滑嫩～好味O̤̮K̤̮‬ ✎ 炸魚餅 表面乾身，入面軟腍，魚餅嘅魚味勁濃！！配埋泰式辣醬，酸酸地，十分開胃！✎ 奇異果沙冰 飲過一啲餐廳嘢飲，奇異果味道勁酸，而佢呢杯就唔會太酸，淡淡奇異果味

疫情之下，好多朋友都見唔到，乘情況好轉，就約番出嚟相聚。為咗方便大家，選址旺角，貪佢就腳。呢間部屋咖啡室從來未嚟過，但係睇到OpenRice上佢嘅評分幾好，環境適合三五知己傾偈，最緊要係唔會趕人走，所以就決定喺呢度聚會。因為對旺角唔熟悉，搵咗一輪至睇到個入口。呢幢樓其實都有幾多食肆，排隊搭lift上樓嘅人十分之多，我等咗成五分幾鐘先至入到個電梯。到達之後發覺我係第一個到嘅，對正電梯口嘅餐廳位置已經滿座，仲諗住唔通要等位？好在掃咗安心出行之後，侍應就帶我去另外一間房坐，冇幾耐啲朋友就上晒嚟喇。等朋友嘅時候我就睇咗個餐牌，因為今晚大家都係志在傾偈敘舊，所以人一齊就決定要個四人套餐。套餐$698可以選擇一個14吋嘅Pizza，一個沙律，兩份主食同埋四杯餐飲。我哋加咗25蚊要個越式炸蟹餅，另外又使多少少錢upgrade咗飲品。先上嘅喺Caesar salad，份量唔算多，味道還可以，但係如果醬汁俾多啲會更好。跟住上嘅係越式炸蟹餅，一份有六件，跟埋一碟泰式甜醬。蟹餅約麥樂雞咁上下大細，炸到金黃色，都幾香口好食，可惜一時之間唔記得影返張靚相😝。主食有意式辣肉腸意粉同埋黑松露雜菇意大利飯。我個人對意

呢度係鬧市中嘅小店, 細細地可以玩board game,唔會太嘈,幾有人情味嘅感覺今日我哋帶咗個二人餐 分別有一個Pizza我揀咗BBQ CHICKEN PIZZA(手拉PIZzA)BBQ烤雞蘑菇PIZZA, 食落口嘅時候覺得好脆 好鬆軟；之後睇返Menu先知道原來係一個手拉pizza，唔怪之得特別好味一啲都唔漏BBQ sauce 到恰到好處, 唔會too much too little另外有一個小食 - 係一個蝦餅嚟嘅，配埋泰式辣醬，幾好味，仲要有好多塊，兩個人食絕對夠之後嗌咗個意粉，係CREAMY CHICKENFETTOCCINE烤雞磨菇潤條面呢個闊條麵幾好味，煮得幾有水準然後仲有杯嘢飲，其中我揀咗邪惡嘅 朱古力沙冰；另外就有杯水蜜桃綠茶呢餐都食得幾滿足😊😊😄

登打士廣場出名多Cafe同酒吧今次同朋友去左12/F部屋咖啡室餐廳簡單裝潢及寬敞的座位燈光合適是談天的好地方店內提供各式不同的Board Game適合一班朋友聚會或聚舊​食物款式選擇多當晚點了二人餐COMBO FOR TWO $358內容相當豐富10吋手拉PIZZA(自選)X1意粉/飯(自選)X1炸蟹餅X1(可惜當晚蟹餅售罄轉了魚餅)餐飲X2​西西里Pizza SISILIA PIZZA $218(單點)點了10吋手拉Pizza配料包括茄醬、蘑菇、辣肉腸、腸肉粒、火箭菜等很喜歡有大量火箭菜外觀非常吸引餅底係用意大利麵粉製作咬口軟硬適中​香辣虎蝦海鮮意粉 SPICY TIGER SHRIMP $158(單點)配料包括茄醬、虎蝦、青口、洋蔥、青椒等意粉咬口軟硬適中醬汁掛滿每條意粉上味道濃郁 微辣開胃​炸魚餅原定是炸蟹餅但當晚店員告知已售罄轉了魚餅配上泰式辣醬​Mint 翡翠朱古力碎雪芭 $58(單點) +$22(跟餐)薄荷朱古力口味​Strawberry Milkshake小紅帽 $56(單點) +$22(跟餐)強烈的草莓味口感順滑甜度適中​除了薄餅、意粉、飯等還有漢堡、ALL DAY B

我哋嗌咗一個二人套餐（$358）（揀咗要黑松露雜菇意大利飯、BBQ烤雞蘑菇Pizza、炸蟹餅同埋兩杯嘢飲）咁首先講咗嗰個Pizza先啦我覺得呢個Pizza真心幾高質❤️❤️食落去幾脆口之餘亦都唔會好乾而且完全做到拉芝嘅效果👍👍雞肉食落去亦都好嫩滑之後就講吓黑松露雜菇意大利飯啦我覺得呢個飯黑松露味係真心幾濃郁嘅☺️☺️而且配埋蘑菇呢個組合係無得輸如果嗰個飯食落去再Creamy啲就會更加正跟住就講埋其他小食啦炸薯條係新鮮滾熱辣炸起嘅所以食落去真係好脆口🔥🔥（因為炸蟹餅賣曬所以變左炸魚餅🥺🥺）炸魚餅食落去都幾有泰式風味最後就講吓我哋嗌咗嘅嘢飲啦我就揀咗要薄荷朱古力（套餐加配價+$6）飲落去嘅味道比我想像中濃郁😗😗而我朋友就揀咗要巨峰提子梳打（套餐加配價+$12）飲落去味道幾啱啱好😜😜唔會太甜

L部屋咖啡室 係一間座位舒適 嘢食質素唔錯既cafe 位於登打士街 非常就腳方便餐廳裝修簡約 但係座位舒適 仲有一大堆board game 有最鍾意玩嘅卡檀島😆二人套餐 $3581️⃣10吋西西里pizza🍕 ： 茄醬 辣肉腸 腸肉粒 蘑菇火箭菜Pizza即叫即烤 好香 😍每一塊都有拉絲芝士 Pizza大大份 夠晒飽肚2️⃣烤雞闊條麵白汁夠juicy香濃 雞肉夠滑 麵條熟度岩岩好👍🏻3️⃣炸薯條4️⃣飲品叫咗楊枝甘露同朱古力沙漠 兩樣飲品都要加$22楊枝甘露係楊枝甘露冰 裏面有啲果粒 好味 朱古力沙漠 係咖啡加朱古力 仲有雪糕 一飲落去飲到超濃嘅朱古力味

男朋友book左呢度同我慶祝生日🥰間cafe有好多board games不過職員見我地兩個人就叫左我地去另一間房，全部一pair pair, 靜啲都好，方便傾偈兩個人叫左二人set, 叫左個雞肉pizza，一個意粉同小食，基本上都係跟open rice 食評最多人推薦嘅食物小食啱啱炸起，熱辣辣好好味😋好脆口😋點埋個泰式辣醬仲惹味Pizza 就一般，少少燶，比較乾身意粉見佢好耐無上，好似漏左單，職員好快手，即刻煮，熱辣辣好好味😋辣海鮮意粉好大碟，有隻大虎蝦，有兩隻青口、蜆肉，好足料，不過我唔係好食得辣，對我黎講都偏辣，但好惹味，辣都照食😌男朋友本身食得辣，完全無問題男朋友趁我去望一望有冇廁所嘅時候叫左甜品，豆味cheese cake, 仲有碟邊寫左happy birthday! 原來佢book餐廳一早同左餐廳老闆講，好窩心🥰食埋個甜品好滿足😋

🍽 部屋咖啡室📍 地址: 旺角登打士街43H號登打士廣場12樓 😋咁啱嚟旺角行街行到攰攰地 又想搵個地方Hea下就上咗呢間樓上Cafe小作休息順便食埋個飯環境都幾闊落 話晒都係Cafe梗係唔少有board game👉🏻COMBO FOR TWO二人套餐 $358👉🏻小食炸蟹餅 6pcs可能佢知我哋肚餓 所以勁快上咗小食填左我個肚先仲以為跟餐會係得3-4粒 原來有半打 熱食夠曬好味 配埋個泰式辣醬 食完一啖又一啖👉🏻10吋西西里手拉pizza推介‼️佢嘅手工pizza係薄底嘅香脆之餘仲有少少煙煙韌韌既口感 辣肉腸配埋茄汁酸酸甜甜又帶啲辣味 夠晒醒神開胃當然唔少得佢有啲火箭菜響面 成個感覺夠晒Flash唔怕油膩👉🏻香辣虎蝦海鮮意粉估唔到佢隻蝦係咁大隻，非常之有誠意同埋兩隻青口都好巨型 正啊隻蝦都幾新鮮 夠晒彈牙 配埋意粉 有少少辣味 味道一流👉🏻焦糖咖啡 跟餐+6咖啡拉花好靚 睇得出好有心思同埋勁香濃嘅咖啡味 唔會苦澀👉🏻朱古力 跟餐+$6香濃嘅朱古力味 唔係幾飲到鮮奶嘅味道總括嚟講味道都唔錯好味指數: 3.5/5 性價比: 3.5/5 有加一環境: 3/5

二人餐➰ $358▫️10吋手拉pizza▫️炸魚餅▫️意粉/飯▫️餐飲x2〰️〰️〰️〰️〰️〰️〰️〰️〰️〰️〰️〰️〰️〰️〰️〰️🍕西西里pizza呢個pizza 用意大利oopizza面粉製，連牌子都有講埋係用LE 5 STAGIONIPizza 皮好脆係芝心邊，呢個位好用心，因為如果唔係芝心邊既pizza，冇咁吸引我去食😆上面的配料充滿西西里風情，辣肉腸同火箭菜真係好夾。而且火箭菜唔係得幾條做裝飾咁，而係好多。火箭菜果種獨有既烤芝麻甘苦味令其他濃味既pizza的配料達到清新的風味。10‘大小適到好處，填飽到2-3個女仔的胃。〰️〰️〰️〰️〰️〰️〰️〰️〰️〰️〰️〰️〰️〰️〰️〰️🍗烤雞蘑菇闊條麵 忌廉意粉一定要夠熱，唔係好快凝固成一團。而佢都好夠熱出哂煙，忌廉汁都幾多，包住每條意粉，雞肉好香口，蘑菇都好入味闊條麵比較薄身，但都掛到汁，整體都好食。〰️〰️〰️〰️〰️〰️〰️〰️〰️〰️〰️〰️〰️〰️〰️〰️炸魚餅 魚餅入面有檸檬葉碎碎，令魚餅香味提升，增加豐富嘅口感，點埋雞醬食，真係好好味😋〰️〰️〰️〰️〰️〰️〰️〰️〰️〰️〰️〰️〰️〰️〰️〰️Latte 好香奶味，拉花拉到好靚的心心，打卡一流熱檸菊蜜唔係好甜，所以飲到菊同檸檬味〰️〰️〰️〰️〰️〰️〰️〰️〰️〰️〰️〰️〰️〰️〰️〰️店內裝修好似屋企咁，有全部

部屋咖啡室 📍旺角登打士街43H號登打士廣場12樓上網搵到呢間樓上Cafe~同朋友來試下我地叫左個COMBO FOR TWO 二人套餐 $358 。手工Pizza。意粉🍝/飯。炸薯條🍟。餐飲。大推呢款10 吋手工pizza ～簡左至尊辣肉腸pizza材料有肉醬、辣肉腸、青椒🫑蘑菇佢係手工pizza~個餅底自家製好正入口煙韌，烤得非常香脆同埋好足料～芝士🧀爆多🤭。烤雞蘑菇闊條麵忌廉闊條麵配上烤雞肉、蘑菇、洋蔥、青椒味道唔會過於濃味～份量適中👌🏻。炸薯條🍟係粗坑紋薯條來😁。餐飲熱檸茶 & 熱檸菊花蜜+$4 冬天飲返熱野幾正見到Cafe 仲有好多board game ～岩哂同friend 上黎玩～人均$200～可以慢慢坐👌🏻

近日同朋友聚會多左難得係鬧市搵到安靜好似家的感覺嘅cafe 雖然食物唔太突出但聚吓舊 玩吓boardgame 談吓心的確唔錯.2人餐…………………….$358🍰 辣虎蝦意粉酸酸甜甜辣辣蝦🦐彈牙無雪味最鍾意佢夠熱辣辣上碟🍰 西西里pizza手拉薄餅標明係「意大利oopizza麵粉製」食落都真係同連鎖度有啲分別芝士好夠份量亦好夠應該係呢間cafe 必點嘅菜式🍰 炸春卷當日無炸蟹餅叫左炸春卷香脆可口入面包住蔬菜一路食一路玩👍🏻

今日去旺角整耳機，呢間cafe係正附近，就黎試下。入到去岩岩開門，得我地一枱客，餐牌主要係小食，意粉同pizza。🦐香辣虎蝦海鮮意粉🦐$158首先係唔辣ge，意粉質感爽口，唔會好爛，每條意粉亦有蕃茄味包渾，算係入味，唯大蝦同青口好實淨，應該係未完全解好凍。🐟炸魚餅🐟$48本來想叫炸蟹餅，點知冇貨改左做炸魚餅，根本就係平時打邊爐個塊魚餅，不過點泰式辣醬都正常好味。🥤百香果綠茶🥤$46正常，當中有椰果口感更好。評語：門面唔算好靚，但食物算用心煮店內有很多board game/書供食客玩或睇，可以邊食邊玩

登打士街最出名除左掃街之外就係樓上cafe，約左朋友係附近食野又未揀到餐廳，講講下竟然想重拾下中學回憶，就搵左呢餐部屋咖啡室試試😆😆小小Cafe五臟俱全，board game 都放滿晒成個櫃，如果一大班friend上黎就岩晒，今次得2個人就專心食野😆🍄黑松露雜菇意大利飯 $152廚房一煮既時候已經聞到好濃既黑松露香味🤤🤤一上枱香氣撲鼻🤤意大利飯煮得軟硬適中，好creamy, 菇菇量都幾多，而且份量都比想像中大😂🦐香辣虎蝦海鮮意粉 $158其實唔算好辣，不過幾惹味👍🏻除左大蝦，仲有青口，魷魚，洋蔥，青椒，都好足料，蝦肉彈牙，意粉都煮得軟硬適中，最怕意粉煮到發漲，加上濃郁茄醬掛上條條意粉，十分開胃🍅炸魚餅 $25 （跟餐加配）本身想叫炸蟹餅🦀不過廚房話冇貨轉左魚餅🐟不過都好食既，香口小食，仲配埋泰式辣醬可以點黎食🥭楊枝甘露 $22 （跟餐加配）🍹百香果綠茶 $6 （跟餐加配）飲品真心有驚喜！印象中樓上cafe既飲品唔係甜到糖尿就係有陣假味，不過呢間杯楊枝甘露又幾好飲👍🏻唔會太甜，比較稠身，又有少少果肉係入面，幾有口感🍹百百香果綠茶都正常發揮，甜度適中，幾清新👍🏻

@部屋咖啡室 趣味多多Board Game Cafe又食又玩💛️成日出街行玩具鋪都心思思想買啲Game玩下，又三分鐘熱度性格好容易玩厭！最啱就係去borad game cafe玩返兩鋪人地嘅game過下癮就最惜荷包🪀(✿◡‿◡)今次同男朋友一齊去仲以為得兩個人玩唔到咩GAME，但出奇地都揀到咗兩隻Game玩，而食物都係美味抵食！兩個人加埋先400蚊落樓真係好抵玩！人都不算太多，有埋卡位坐得好舒服，推推！~推薦✨：Combo for two 2人套餐 $358 包括任揀一個10吋pizza 、任揀一個意大利飯/ 意粉、炸蟹餅 、兩杯熱檸檬茶/水，但轉飲咖啡☕️都係＋6蚊～每日一咖啡人士覺得好抵！仲要有埋靚靚拉花～認真有誠意😳👍BBQ醬烤雞Pizza🍕見大家都激推話PIZZA好出色！果不其然真心GOOD GOOD~o(*￣▽￣*)ブ熱辣辣嘅piizza超多超多超多超多芝士真係拉絲到不得了呢！而烤鷄都大塊不乾柴~配上甜甜的BBQ醬認真惹味！最出色係連批邊都超好味~食落鬆軟會回彈好似麵包質地我好愛>3<兩個人食10吋真係好飽！~懷疑個餐三個人食都得TVT👌香辣虎蝦海鮮意粉🍝賣相比想

今次少咗一個辣腸pizza ，同埋煙三文魚意粉，叫咗兩杯嘢飲，個店員一開始都有問要唔要叫套餐，但係諗住個特飲都係+$22，同埋佢個打蟹餅轉魚餅，所以冇諗住叫套餐。點知又貴，份量又唔多，仲要嘢飲勁貴，+$22個飲品真係要睇清楚啲，睇漏咗就好似俾人呃咗咁。每人最低一杯嘢飲或者嘢食，可以坐2.5hrs，雖然可以坐耐啲，不過我覺得好評又未至於去到咁高，大家try完，就知道我講咩。冷氣凍，個地方嘈（因為有啲人會喺度打牌），服務員態度差（會話唔知你想點咩），所以其實去到仲要受氣，唔會再光顧