韓淼莊 (Closed)

今次黎食晚餐，全場滿座，好熱鬧。點左2人套餐，二百蚊好多野食超飽，真係好味又抵食。招牌炆牛助骨好多舊助骨，仲有舊舊都多肉，炆到好淋，好正呀！啲蘿白仲索晒啲汁好入味添呀！個湯底好味，成碗飲晒。人參竹絲雞湯 （半隻）人參雞湯好重人參味，我見有片片人參，我以為會係一條。。。但唔會苦，所以怕人參苦既人可以放心大啖大啖飲。竹絲雞有半隻，嫩滑可口。極黑豚肉炒飯WoW！大大隻雞蓋喺炒飯上面，炒飯好有鑊氣！食落味道似揚州炒飯？！秋都魚（2條）兩條秋都魚比我想像中大，煎得香香，食時要小心幼骨。套餐包三款前菜和兩杯飲品。

呢間餐廳係一個住附近嘅街坊同事介紹初頭search覺得間嘢好似有啲噏耷但上次嚟過呢度食晏發現又抵又好食所以今次同男朋友再嚟食多次夜晚.其實佢都有啲唔同嘅晚市套餐有百幾蚊去到二百幾都有但因為唔完全啱我哋食，所以我哋都係散叫～.前菜方面我好鍾意食佢個豆腐！！輕輕炸過再煮 咬落好多汁超級推介！！我哋叫咗：🔸韓式牛肋骨 $72呢個牛肋骨裏便超級重料！勁多舊牛肋骨同埋白蘿蔔而且煮得超入味！！好好食！而且仲要性價比勁高！價錢只係出面尖沙咀嗰啲1/2但質素絕對係好高！！🔸公司豆腐鍋一樣係材料超級豐富裏面有勁多蜆肉同豆腐調味都好正！！已經book mark左呢間係op同心中就算唔係經過附近應該會突然間想再嚟食！

叫完野食～先黎4款前菜同埋湯2個餐包埋的，估唔到一個餐有咁多野食辣豆腐雜錦煲 $52（配白飯）(牛肉，蜆 •白蘿蔔片，翠王瓜片）包特飲個湯比較淡，唔夠辣，後來用前菜既泡菜落落去，味道再辣d, 蘿蔔片翠玉瓜片都切到好薄細細片👍🏻烤雜錦飯(豬，牛，雞) 配白飯 包特飲 $66 鐵板熱辣辣，烤肉肉味好香，鼓油都唔洗點d肉已經好入味，不過雞肉韌左少少。海鮮煎蔥餅 $50以咁既價錢食到咁多野，真心唔錯。服務態度都好好👍🏻

呢間韓國餐廳內部比較舊，不過食物份量和味道都唔錯，價錢亦唔貴，幾抵食。餐湯係薯仔湯，飲落似住家港式，無咩韓 feel小菜每個餐可自選兩款, 我地兩個餐所以有4款，選：酸蘿蔔，甜魚仔，薯仔，泡菜。細細碟，可能因為覺得好味，所以覺得唔夠食。烤牛仔骨配白飯牛仔骨有六薄片，喺鐵板上炸炸聲好正，好香好味。牛仔骨下面墊左椰菜，索晒肉汁好味道。烤肉併（牛肉，豬肉，雞肉）配白飯烤肉送到黎喺鐵板上也炸炸聲，好香烤肉味。三款肉加埋肉量都幾多， 加埋下面既椰菜，堆成一座小山丘。不過肉質和肉味唔夠牛仔骨好味。午餐送韓色特飲，叫左梨子茶，我覺得似梨子水多啲，普通無特別。

今日大風大雨，想食啲熱野暖下個身，同朋友都不約而同叫左公司豆腐鍋。首先，個價錢已經好吸引，$50 包2個前菜，1個主菜同1杯飲品。前菜我叫左泡菜同薯仔，正常發揮。朋友話豆腐好好食。豆腐鍋上菜個陣，個鍋仲「渣渣聲」，好夠熱。個飯都乾身，粒粒分明，但係唔會硬嘅。飲品我就叫左生薑茶，估計都係啲現成沖劑加水，冇乜特別，呢個價錢唔會要求太多。不過值得提嘅係我地食左1/3都冇就飽曬，份量好大，男士黎嘅話都一定夠食。樓面只有兩個姐姐，禮貌ok，落餐買單都要等一陣，假日午餐人流約8成full。大家都唔會坐得好逼。

平民食堂黎黎講尙可 呀爸叫左個牛肋骨湯 配飯 感覺幾好食 幾香，65蚊 感覺可以 而且個餐係配兩款前菜，有野飲。感覺抵食 我自己就叫左個 極黑豚肉炒飯 無上面其他comment 講到咁好食，個人認為就係普普通通 🙈😂就係一個普通炒飯 同埋我自己就覺得少少油 整體黎講 如果當佢係一間家常餐廳 感覺係幾好 🙈😂😛

我以前經常會來這裡吃牛肋骨湯，有點掛念那種油脂肉香，配飯可以令食量小的我鯨吞一碗飯。今次一試它的燒牛肋骨。一如既往每人可以先選兩種配菜。我們選了的芽菜、泡菜、青瓜、薯仔都不錯。我獨愛它薯仔的甜味。烤牛肋骨味道不輸牛肋骨湯，油脂很足又不太膩，就是只有六塊份量有點小。同行朋友的烤牛肉也不錯。有點失望是菜不夠熱，油脂足的食物一冷下來就滿嘴油味，可能是放在廚房一段時間了。留意到其他食客上菜時，有些鐵板會熱得滋滋聲一片蒸氣，有些就像我們的沒有，摸上鐵板熱熱的但完全不燙手。看來上菜夠不夠熱全憑運氣。

因為同一條街有兩間都係食韓國菜，平時比較多去隔離嗰間，每次都好自然忽略左依間。其實本身都無諗住入嚟食，係咁岩經過見鋪裡面幾多人，生意幾好，加上自己又諗唔到食咩好就一於試下。見佢menu款式都唔少，我今次叫左公司辣豆腐湯($50)，不過因為唔食得辣，專登叫左佢走辣。依度都幾好，野食可以選擇辣度，岩哂唔食得辣嘅人。其實我覺得依個lunch set幾抵食，佢包左兩個前菜、湯同埋飲品。前菜仲可以自由選擇，我揀左豆腐同薯仔。兩樣我都覺得超好食，我諗依兩款應該都好受歡迎，過左陣已經聽到同客人講賣哂。湯同小菜都好快送到，但係主食就真係等得比較耐，唔知係咪咁岩多客人嘅原因，加上餐廳似乎都接左好多外賣單，搞到有啲做唔切嘅感覺，比較混亂。不過食物方面其實係唔錯嘅，我依個豆腐湯勁足料有超多豆腐，啲豆腐都好滑，攞黎拌飯簡直一流。而且裡面仲有窩蛋同蜆肉，蜆肉有成十幾隻，出乎我意料之外。食完啲飯之後仲有好多豆腐湯淨底，食到勁飽。覺得依個set幾抵食，而且我下次都會想再encore豆腐湯。不過餐廳服務就一般啦，希望如果下次再嚟嘅時候會有好轉。

9點後只可外賣～$120買咗一個牛肋湯飯同埋泡菜豚肉飯外賣......包嘢飲同每人兩款前菜😳結果返到屋企飲第一啖牛肋骨湯已經覺得不得了😍好有牛同蘿蔔嘅鮮甜味！最後兩個人都忍唔住用晒牛肋骨湯嚟送飯😂😂冷落左泡菜豚肉～泡菜豚肉湯微辣，幾醒胃。但係豚肉就有啲過火豆腐幾滑～但相比起牛肋湯真係冇得比！前菜一般般🤭下次經過一定會再幫襯🤤由於佢哋嘅鋪面裝修唔係太特別，所以對佢哋嘅食物都冇乜10分期待，所以食之前亦都冇影相😋食完覺得實在太好食啦所以專登上嚟打返個好評❤️牛肋湯真係好好味呀 x100

今晚和另外三個朋友外賣自取了這間韓國菜，我叫了一個人蔘烏雞湯，配一盒白飯和前菜，正價六十幾，外賣自取有折扣。人蔘烏雞湯裏面有半隻烏雞，尺寸比較小，不過都算多肉。人蔘係切薄片兩三條，可以接受。烏雞裏釀左紅棗和糯米，糯米煲得比較軟爛。湯都幾好飲，唔會話飲咗好口渴。前菜方面，照片中是四個餐的份量，不算多。前菜的味道都十分濃重，比其他韓國餐廳的前菜味道都咸/酸，空口食會比較辛苦，配飯或者泡湯中和一下比較好。

呢間韓國餐廳係我以前中學附近，以前lunch成日都會黎食。雖然呢間韓國餐廳唔係主打新派嘅韓國菜，但我覺得其實簡單嘅款式其實更好味同令人回味。我同屋企人都好鍾意食呢間餐廳，我地都覺得野食又好味又抵食。幫襯佢好多年，值得同大家分享下。極黑豚肉炒飯雖然望落好普通，但事實上炒得好有鑊氣又夠味，絕對係飽肚抵食之選。🤓呢個烤牛仔骨每次必點！最鍾意牛仔骨烤到帶小小焦糖色，食落好香口，而且肉質口感好。🤩🤩呢個係公司辣豆腐，好鍾意佢d豆腐好滑👍，口感很正，值得推介。呢個係花枝大虎蝦🦐，正常一份係2隻蝦，但由於我地叫左2份，所以鐵板一次過上4隻。平時我地叫二人精選套餐會包含2隻大虎蝦，套餐都好抵食架！但今次我地想食多d蝦，所以選擇散叫。隻蝦同蒜頭，牛油結合真係超級香！！而且蝦好大隻，值得推介俾鍾意食蝦嘅朋友。

因為之前有朋友同我講過話大角嘴有間食韓國野而且好便又好食 所以就係放lunch過黎同朋友試下👍🏻一坐低就會叫我地任揀兩款前菜同埋附送一碗餐湯😽圖一係海鮮辛拉麵 朋友點嘅 因為我為食就試左一下🤣 辣度係可以隨便選擇 我朋友就叫左小辣 辣度啱啱好 湯底好夠味 下次黎食我都要叫呢個！😍而公司辣豆腐有肉碎 蜆 豆腐 一直半生熟蛋可以撈渾一齊食 佢啲豆腐真係好滑 😋😋😋😋 總體而言真係好抵食 撈飯食真係好開胃 而且唔係好辣 以後一定會再幫襯！！哈哈✌🏻✌🏻

呢個係我網上外賣平台叫既，唔好理d粟米，我自己加既，因為唔加真係唔想食。我叫左韓式牛肉伴飯，點知佢配菜得芽菜，白菜同隻蛋，同有少少牛肉咁。佢連汁都唔比，又少配菜，連泡菜都冇，食落一d都唔韓國，唔講我以為係普通中式菜，仲要冇咩味既。第一次食一個咁唔韓國既伴飯，超Fail，Fail到我不得不上黎Openrice話比大家知。其實簡簡單單咁放多d配菜都唔係好難，同埋白菜同韓國伴飯真係唔好match。我期望韓國餐廳有韓國味，呢間餐廳真係冇。

係奧海城睇完戲過左大角咀試呢間韓國餐廳。當日係閒日，餐廳得2-3檯客，比較安靜都幾舒服。叫左以下幾款野：抄雜菜，無咩味，菜仲有小小沙😢牛仔骨，味道其實ok ge, 但似中國牛仔骨多D, 同埋好明顯係煮好左，放上鐵板上菜，唔夠熱。韓式抄年糕，無辣醬味，魷魚同年糕都好硬，食左幾舊就放棄左😣😣整體黎講，如果一心想食韓國野就會幾失望，但抱住食小菜既心，就可以一試。價錢係抵既，但係似小菜多D。

今日去用餐時，我點了一份下午茶餐黑豚肉炒飯，之後同翻職員講，佢只講左一句咁你飲左碗餐湯嘛，所以要收翻正價。態度令人十分失望。黑豚肉炒飯口感比較濕但尚可接受，牛肉飯很好吃而且份量十足。