老上海飯店

Open Now

Now Closed

鹽水鴨無鹽味。春卷太硬。弗正宗。馬蘭頭無賣相，只有甜味。上海烤夫無金針云耳，水汪汪。弗太上海style.醃篤鲜，一D都弗鮮，肉有“蘇味”。一次令人失望的上海菜。用上海钣店的名，似乎名过其實。

接上回講到去了「家上海」吃了一頓未能滿意的大閘蟹套餐，今晚特別走到老上海飯店，尋找傳統老店生拆之味。兩個人吃，貴精不貴多。羊羔凍 $108羊羔凍原來很好吃，我真是後知後覺！本來只因見餐牌樣子特別，但身為羊痴的我竟然未吃過！怎料有意外驚喜，這份羊肉凍口感甜甜哋，涼涼哋，口感鮮香，入口即化，嘴內夾雜羊湯及羊肉的味道，我非常喜歡。伴以幾絲大蔥可同吃，另一碟深色醬汁放得遠我沒有留意沒有蘸，原來估計是甜醬，我錯蘸了蟹醋，出奇亦夾。蟹粉魚唇 $698眾多蟹粉菜式之中，思前想後點了這款，一次過嘗了兩個心願，生拆的蟹粉，果然不同，非常甘香，口感豐滿；尤其是這晚的魚唇非常厚，膠質豐富，柔軟黏稠，想到骨膠原美顏已經心花怒放。兩者極之合拍，魚唇不會掠奪蟹粉之豐腴甘香，大啖大啖吃，多麼滿足！蟹粉小籠包（5隻）$190賣相標緻，黃油滿瀉，一綴橙色蟹膏在頂端，包身穩紮，輕輕夾起不破，入口爆汁，蟹粉香郁湧出，美味無比。並非吃過中最好的，但水準之上，價錢合理。高力豆沙 $68可惜高力豆沙比較遜色，蓮蓉不足，冇咩味道，普普通通而已。老派飯店的服務態度，看來有不少熟客，傳統的裝修。

同屋企人飯聚很喜歡到這個地方，由舊鋪到現在已有十多年，現鋪地方比較細，但無阻我地繼續光顧。這裏的經理都是股東，位位都是銀髮一族，但全都服務貼心，很勤快的，見到他們快手快腳很佩服。屋企人大都住得很遠，但知道訂了這裡都必定出席。這裏的冷盤豬腳仔很出色，很爽口。小排骨是我的至愛，酸酸甜甜很開胃。今日還點了蟹粉小籠包，食到很濃的蟹粉味，很滿足。 賽螃蟹不太油，雪菜毛豆百業、雪菜肉絲炒年糕、蔥油餅及蔥油拌麵都是每次必點的菜式。而煙燻小黃魚因為已經賣晒，所以食唔到。由於吃貨的哥哥沒有出席，所以無點他的至愛炆豬手。一家不起眼的上海老店，但每次總是坐無虛設，一定有他的原因。🥰

品酒班要搞謝師宴，一班同學七嘴八舌，每人都有自己的想法，結果場地遲遲未決。小的一直不願參與，因為早預料到其中的麻煩。闊太死都要有房坐得舒服，另一些人卻希望經濟實惠，最重要是大伙兒玩得開心盡興。無奈小的被迫上梁山，終於要出手，並在前幾晚特意到「老上海」試菜去。「老上海」位於英皇中心的1樓，地點鄰近咱們上堂的位置。在閒日的晚上五個人闖到「老上海」，餐廳未見人潮。在灣仔夜市一向水靜蛾飛，加上如今的社會氣氛及經濟環境，空山不見人乃意料中事。雖然大堂沒有許多食客，不過廂房則已然預訂。於是咱們便隨意地坐在鄰近門口的卡廂位置去。這夜純粹是找個借口試試菜，各人都沒有特別的要求，只聽憑掌櫃的推介。既無心水，掌櫃提意先來些小吃。上海四小吃分別有海蜇、燻蛋、素鵝與醉雞。四式小點先後出場，每項出品都做得饒有風味。海蜇質地爽脆冰涼，雖然小的較欣賞英皇駿景酒店那富四川滋味的微辣海蜇頭，後者在口感及味道方面都更合心意，不過「老上海」之海蜇亦算不錯。燻蛋也是小的非常喜愛之美食，這兒做出來的燻蛋煙香甚濃，不覺滷水鹹味，餐廳以正宗傳統的上海煮法純粹地利用煙燻帶出燻蛋的鹹香。素鵝弄得軟綿濕潤，比起一般較乾身粗糙的出品更見可

工作繁複，和同事出來一起食下嘢，唞一唞，好耐冇食過上海嘢，於是訂了老上海，服務態度唔錯，隔籬枱有人生日，侍應幫忙影相，一邊影一邊唱生日歌，都是第一次見😂，今次我們叫了1. 燻蛋 - 流心蛋黃，好香煙熏味道，每次都必食👍🏻2. 鎮江肴肉 - 冷盤，啫喱嘅肉汁，入口即溶，都是每次必食👍🏻3. 齋菜肉絲炒年糕 - 不是太濃味，喜歡淡味的，可以一試4. 酸辣湯 - 少少辣，足料，亦是每次必飲👍🏻5. 蔥爆牛肉 - 今次比較濃味，少少鹹，但味道都唔錯👍🏻6. 蔥油大餅 - 今次芝麻和蔥都比以前少，所以冇咁香口7. 鮮肉小籠包 - 皮薄，肉汁較多，食時要小心肉汁泌出嚟8. 銀絲卷 - 今次一般，可能攤凍咗先至食，所以皮有少少韌9. 綠豆沙 (送) - 足料綠豆沙，唔錯👍🏻

老正興前身，今晚要請客食飯，客戶點名要吃這間，還要點蟹粉菜色同翅。由於我都是當日先知這要求，沒有預定之下，要了六月黃-蟹粉粉皮，紅燒翅，每日人2兩，松鼠大桂魚⋯⋯五點下單，七點可上菜，也不過不失。

因為公司喺附近 所以已經第三次嚟食lunch今次同同事5個人 無叫套餐每人點咗個小菜 埋單$160/人糖醋排骨 賽螃蟹 小籠包同四季豆都係食唔停服務都好好 會同我哋傾計講下笑一定會再去！

預祝同事生產順利既飯局聽同事讚呢間上海野抵食同好食，甘就黎試下叫左熏蛋，蛋味夠香，味道唔會喊，剛剛好賽螃蟹，不過不失，無咩特別獅子頭，有啲失望，無擺盤，菜同獅子頭好亂；另外啲芡汁偏咸。火腿津白，調味剛剛好，啲菜都好新鮮蘿蔔絲酥餅，個皮好酥脆，但個饀既調味略嫌不足，無乜味另外叫左小籠包+雲吞雞，好可惜忘記左影相小籠包，值得一試，味道好好雲吞雞好足料，好好食下次去可以試下其他菜式

要喺香港食上海菜，幾年前成日都會去土瓜灣美善同道嘅上海美華菜館。自從冇再喺九龍嗰邊返工之後，要喺港島食到好味嘅上海菜，仲要價錢係可接受範圍之內，真係唔容易。最近同同事去咗灣仔嘅老上海飯店，估唔到有驚喜。疫情呢一排大家都知道生意難做，我哋搵咗好耐唔想去啲人流太多嘅舖頭，呢間唔係地舖，要搭扶手電梯先上到去。一上到去嘅時候發現企喺門口位嘅女員工同唔知經理定負責人，好好招呼即刻問幾位同埋招呼入座，都唔使點等位。佢哋仲會記得其他客人姓甚名誰，唔怪得知疫情都見有熟客捧場。環境就唔算裝修得好高級，但有勝在感覺夠樸實，有種懷舊味道。入正題，成餐飯印象最深嘅就係醉蟹，非常之入味，食入口嗰陣香味好難忘。最方便我呢啲懶人，唔使自己慢慢拆蟹，一早剪開晒先上碟上菜嘅員工都幾好態度其他菜都唔會好肥膩，幾啱我同同事，火腿津白清得嚟又唔會冇味最衰疫情冇得一大班人嚟食，如果唔係除翻開都幾抵。有啲戥佢地可惜，撞正新年冇得一家大細幾代同堂嚟食返餐團年飯慶祝。食物質素唔錯，員工都ok nice，多得同事介紹，下次會帶埋屋企人再嚟～

突然好想食醉蟹，所以就決定去前身係老正興嘅老上海飯店。醉蟹係老上海嘅名菜，這𥚃挑選的蟹蟹膏算多，蟹膏豐腴甘香，伴著濃濃嘅洒香，令人齒頰留香👍😋。美中不足嘅係解凍時間不足，蟹身咬落去有吃雪條嘅感覺😅海蜇頭都算爽脆👌外型唔錯，半凝固的金黃蛋汁，再加上淡淡的煙熏香氣，滋味尤佳👍😋生煎包底煎得一啲都唔脆，咬開也冇乜肉汁，失敗之作😓普通，冇乜特別😅未見過外型咁肉酸嘅蘿蔔絲酥餅，咬開還見內𥚃麵粉未炸透😰比侍應睇，佢睇都唔睇就話你唔吃，我就收走囉！😱本來想叫甜品嘅念頭都打消埋😓 又多一間唔想再去的老字號店舖😢

食過老上海幾次. 印象唔深. 今次刮目相看. 可能係因為點咗啱嘅食物.燻蛋. 煙燻味啱啱好. 個糖心都做得唔錯.馬蘭頭. 唔夠草青香味. 整體Ok.蟹粉粉皮. 蟹粉同粉皮好夾. 好食. 可能係粉皮相對大份. 定係蟹粉比較少. 蟹粉食落冇其他餐廳嘅咁香. 鯽魚蘿蔔湯. 掂. 呢個魚湯好好飲. 成堆白蘿蔔絲都入哂味. 條魚係煎過嘅. 成條攞返出嚟食. 冇煲爛. 肉好滑. 係骨比較多.整體食物質素OK喎. 不過食蟹粉菜式稍為遜色. 其他上海食物可以再試.

門口帶位那位服務女工友非常無禮貌，態度極差。。高聲呼喝食客。客人光顧此食店，尤如扣門向她乞討食物。太可怕食物質素再好，客人的心情都被她的態度嚴重受影響。食而不知其味。

Autumn is a blessed season. Lots of great ingredients only supply in these few months. And Hair Crab is definitely top of the chart to HK diners! Here I am to devour this golden treasure at this traditional Shanghainese restaurant😋𝗠𝗮𝗹𝗲 𝗛𝗮𝗶𝗿𝘆 𝗖𝗿𝗮𝗯 𝗣𝗮𝘀𝘁𝗲 𝗡𝗼𝗼𝗱𝗹𝗲 公蟹蟹粉粉皮The main reason why I was there. Look at that plateful of golden crab paste. It still makes me drooling by looking at the photos🤤 It was rich and creamy that the strong flavour filled your palate immensely. We specially ordered the ma

呢間上海菜一直喺wishlist上面，但一直都未有機會試。咁啱媽咪想母親節食上海菜，所以就預先喺openrice訂位。餐牌上款式好多，但我哋得幾個人所以就只點咗以下幾樣。紅燒獅子頭一上枱睇個樣都估到好味，醬汁色水夠深，而且令立立。獅子頭有兩大件，肉質鬆軟可以用筷子輕易夾開，入口鬆化，無肉渣。雖然都知道一定係肥豬肉比例多先做到呢個口感，但食落唔算油膩。肉絲炒麵麵底炸得夠乾身好酥脆，唔會過份油膩。茨汁好多肉絲筍絲非常足料。蜜汁火方係每次食上海菜必點，呢度個金華火腿比一般嘅切得更厚更大塊。火腿肥瘦適中，伴碟嘅蓮子鬆化。用饅頭夾住火腿同蓮子食，一啖食到火腿嘅鹹香同蜜汁嘅甜味。另外仲點咗蘿蔔絲酥餅，千層酥皮紋路明顯，賣相好靚。餡料除咗清甜嘅蘿蔔絲仲有金華火腿粒，食落比較重口味。本身想留肚食甜品，例如拔絲香蕉、高力豆沙同豆沙窩餅。但係都食唔落喇，唯有下次再嚟啦。

看格局應該係比較傳統正宗的高檔上海菜館，但最終無一碟啱口味： 醉轉彎 － 無什麼特別，雞肉總算唔嚡，亦不會太鹹，之前係杭州酒家食醉雞，雞肉好鬼嚡。 蘇州脆鱔 － 嚇死人，又黑又幼一條硬柴柴，撈pat如糖膠般的漿糊，魚條質地似超市買回來的包裝脆口零食! 蟹粉排翅 － 一揭開碗蓋，好香蟹粉，但得個鹹字毫無鮮味，又多蟹殼碎（都好，證明係堅嘢），同粵菜雞鮑翅的鮮甜無得比，好失望，重好鬼貴！ 炒花腰 － 腰爽脆，無羶味，好多竹筍，但個醬也是太甜，無脆鱔嗰個咁離譜甜，但仍是甜漿糊一pat！ 蟹粉小籠包 － 皮太厚，又無咩湯係包裡面，連味道都唔吸引，無平日小籠包的鮮甜! 可能傳統上海菜獻汁係又甜又杰，實在唔啱我口味，未食飽都唔再叫嘢!