香港人冰室

Open Now

Now Closed

天氣又凍返，朋友約埋我一齊去長沙灣食羊腩煲，我梗係即刻噏頭啦。餐廳有多款小炒、小菜、燒味飯等，選擇都幾多，而且價錢相宜。枝竹羊腩煲配有生菜🥬，雖然是一人份量但羊腩都幾多，有枝竹、冬菇、馬蹄，羊腩炆得軟腍入味，沒有羊羶味，加入生菜至正。雞油炒豆苗，用了雞油去炒豆苗，口感會更嫩滑，而且撇除了菜青味。雙魷蒸肉餅，用了土魷、鮮魷兩種魷魚去蒸，肉餅多了一份鹹香，同埋更有口感。配返杯恐龍蛋美祿，解渴又清爽。

夜晚經過深水埗，就係順寧道附近搵餐廳，見到呢間食客滿多，裝修整齊夠靚，給了一些信心，所以門外等一兩張就有得食。 餐牌上選擇多，除了煲仔菜同碟頭飯，仲有一人羊腩煲套餐，每樣都唔算貴，十分吸引。我地最後叫左2個主菜，套餐跟飯同湯，另外加飲品，埋單平均每位100蚊，經濟實惠！ =雙冬枝竹羊腩煲 $148=羊腩份量多，至少有6至8件，每舊羊腩肉大件又煮得入味，湯底足料，調味唔會太鹹，另有生菜附送，十分圓滿。這個一人煲的設計剛剛好，不會食剩或太少，完全滿足到兩三口子，想食羊腩肉但食唔晒的情況。 =胡椒豬肚雞煲 $78=煲仔菜的香味十足，胡椒豬肚的味道濃郁，加上雞件夠肥美嫩滑，在天氣轉涼的日子，食落特別暖身，配埋白飯，整體豐富惹味。 =阿華田雪山 $24=傳統的阿華田，加上麥芽碎，唔會太甜，飲落口每啖的口感豐富，而且麥芽減低阿華田的邪惡感，入面有豐富營養，高鈣高纖。 =巨峰椰果 $24=椰果煙韌有咬口，提子味濃郁又唔會酸，果味清新，可以清剛才晚飯的油膩感，好fresh!

呢排好鐘意係深水埗搵食，和朋友放工後來到呢間不少街坊食客幫襯香港人冰室。店主熱情待客，落單時親切同客人講定當晚較多外賣單，讓客人打定底有心理準備需時等待。先俾例湯俾我哋，邊飲邊等。中湯：青紅蘿蔔湯，清淡中湯，沒有味精，飲完不會口渴。先來豉汁炒蜆，蜆肉沒有沙，入面有不少洋蔥、青椒片，夠晒惹味~羊腩煲$148：好多件羊肉，大大嚿，啖啖肉，獨有羊肉韌性。枝竹、荀、冬菇、馬蹄等，配料豐富。豉汁豆腐蒸盲曹魚 $78：盲曹魚好滑，細骨不多，加豉汁豉油顯鮮味，仲有豆腐墊底。紅豆冰：底層有粒粒紅豆，奶香味濃滑香甜~阿華田雪山：頂層有五穀麥芽，好似雪山咁，阿華田香濃~

上網見到呢間嘅一人羊腩煲幾抵食，決定試下，不過時間太早，廚房未出到，所以就改為試下即叫即蒸嘅嘢食～🐓 蟲草花雲耳蒸雞 $68好嘢係值得等待嘅，蒸雞嘅肉質嫩滑，送飯一流，仲有蟲草花同埋雲耳，入味又健康養生，配埋蔥花更提味。白飯真係好大碗，堆到好高，飯粒飽滿👍🏻🍍 菠蘿冰（少冰）+$10因為即叫即蒸需時，所以上住呢杯飲品解下渴先。飲落清甜爽口，菠蘿嘅份量十足，咬落多汁，我好快飲晒成杯😂🌾 阿華田雪山（少冰）$24太快KO咗杯菠蘿冰，於是嗌多杯飲品配飯食～ 呢個有驚喜，面層嘅五穀麥芽甜甜地、好有咬口，而且充滿營養價值。阿華田一開頭好似coffee shop嘅dirty咁，一冷一熱好有層次感，後尾就凍冰冰涼爽😋下次晚市我要試埋個羊腩煲😆

出左長沙灣送貨，搞掂後就到附近搵食，見到有間香港人冰室，作為香港人梗係要幫襯下。店內不大，七點幾去到約八成滿坐，同朋友坐左呢張大壁紙下的卡位，兩個人坐都幾濶。點了兩份晚餐再加左個羊腩煲，期待中～朋友點左紅豆冰，紅豆不過甜，軟腍得黎有部份又硬硬地，特登咁樣增加口感？幾得意喎。自己點左雪山阿華田，之前去過另一間冰室個雪山阿華田太失望，今次試下呢間得唔得先，個賣相就好得啦。阿華田夠晒濃郁又唔過甜，上面加咗胚芽同五穀粉，多咗陣麥香又有口感，好飲喎。晚餐有例湯送，今晚係紅蘿蔔豬骨湯，好甜好好味，最正係夠晒熱，靚湯熱飲係最正㗎。餐牌寫住羊腩煲送生菜，但我估無晒生菜送左菜心？超大條菜心，仲長過個煲，哈哈，夾硬塞佢落個煲度，吸左羊腩煲啲油好味呀。今晚主角羊腩煲，雖然係一人份細細煲，但都好足料㗎，入面滿晒唔係得啲汁。羊腩有好幾件，無認真數，一人都食左幾件啦。全部大大件，軟腍入味，但皮同脂肪真心正，入口即化。其他配料有冬菇，馬碲，枝竹同筍等，好味好味。唔少得點埋個腐乳醬，靈魂呀～晚餐叫左雞油炒豆苗，好大碟，真係好大碟，自己出去買一斤炒起都無咁大碟！雞油炒夠香口，條條嫩葉好好味，抵叫呀！另一味叫左醬爆尖椒五

秋冬季節好多地方都開始有羊腩煲食啦🐑 我哋今日都去咗食羊腩煲🥳 呢間「香港人冰室」裝修雅緻，光猛舒服，仲有一個大電視📺，啱晒一路食飯一路睇波啦⚽️完全係男人的浪漫😂 呢個羊腩煲好抵食呀🤤只係$148，咪睇佢細細鍋，佢份量都真係幾大㗎‼️羊腩啖啖肉，我都數唔到自己食咗幾多舊啦🤣啲羊腩炆到好林又入味👍🏻又唔會好騷，附送既腐乳醬好好味😻點羊腩一流🤩羊腩煲入邊其他配料都好豐富，有大量嘅枝竹、馬蹄、冬菇、荀等等，跟餐加$10要咗鹹檸七，簡直係Perfect match😎隨餐附送一碟生菜同埋一碗白飯，食完真係飽到上心口啊😮呢度除咗羊腩煲仲有好多嘢食，見到其他食客飯同小炒都好大碟，感覺都幾抵食，有機會會再黎🤗

🐏雙冬枝竹羊腩煲 $148天氣凍涷地，又係食羊腩煲嘅時候啦!!! 羊腩軟腍入味，唔會韌，入口油脂豐富😋 夠晒惹味，點埋腐乳食就更加正👍🏻👍🏻👍🏻嗌羊腩煲仲會送埋生菜，放落羊腩煲度滾就啱晒！吸收左羊腩煲嘅精華，yummy😚🥬蒜蓉炒豆苗 $80好少見冰室有豆苗食，鐘意食豆苗嘅我點會錯過🤤🤤🤤炒得夠晒鍋氣，豆苗又嫩又翠綠👍🏻 🍲跟餐嘅例湯清甜😚 推介要飲~餐廳仲有好多家常小菜，個人覺得都好吸引🤤

有鑊氣小炒店去式呢間深水埗的街坊小炒店！好好食小菜，味道好好又吾會太咸！叫左個斗豉零魚炒油麥菜，菜好新鮮又清甜，用嚟送飯一流！三杯雞又係好入味，醬汁配埋大葱好好食，朋友讚不絕口！海皇煲用料豐富又上乘，蠔油味好配合海鮮！椒鹽九肚魚又香又脆，椒鹽味好香！呢個菜水凖吾錯，建議一試！特飲都好好飲，跟餐只係加十蚊！個菠蘿特飲好好飲👍！連個餐湯都吾錯！食感多野埋單都係三百蚊左右，吾怪得之我地七點前到都爆滿啦！

位於著名的孖八車房旁邊，晚飯時段門外大排長龍，亦有很多是外賣自取的，可見餐廳在區內相當有地位。店員哥哥和店主君，親切友善風趣。雙冬枝竹羊腩煲 配白飯 $148～必食推介 雖然為一人羊腩煲，但羊腩份量相當澎湃，超過10件，用上黑草羊配以馬蹄、冬菇、冬筍、枝竹、大蒜、芹菜與其他配料炆煮。令羊腩相當入味，而且油脂與羊肉分布均勻，一層一層的五花羊肉，軟綿滋味。羊肉沾上腐乳醬，別有一番風味。另附生菜一大碟。阿華田雪山（+$10 特飲）阿華田上層鋪滿五穀麥芽、麥芽小麥胚芽、大豆、薏仁及黑白芝麻。口感相當豐富，非常飽肚，增加膳食纖維。豉椒炒蜆 $71火候十足，蜆肉鮮甜無砂，不會過鹹，拌炒的蔬菜新鮮多汁。晚餐D 薑蔥火腩生蠔煲 $76配白飯 （凍飲加$3/ 送餐湯）薑蔥爆得香口，腩肉大件，蠔肉肥美，配飯一流。

今日去深水埗搵幾個朋友 朋友帶咗我去佢屋企附近嗰間香港人冰室到食野🤣 聽個名都覺得應該幾地道設計好用心 依個牆真係好靚 好代表到香港😁😆環境舒服食都食得快心d 生炒臘味糯米飯🍚好香臘肉味 面頭加咗蛋絲同蔥花 色澤幾靚 味道較重 重口味之選下午茶時間🕒梗係叫下午茶餐啦瑞士汁乾炒牛河 夠鑊氣上枱已經香噴噴 連芝麻都好多🤣洋蔥豬扒飯🍚 d豬扒好淋 加上甜甜的洋蔥汁 正常操作鹹牛肉滑蛋潛艇🌭 D蛋極之嫩滑 加上鹹牛肉依個配搭係perfect match!!可以再encore

氣溫突然有一兩日下降，凍凍地搵返啲滋潤補暖食材就最為不過。今次嚟到朋友之前介紹嘅香港人冰室試試佢個黑草羊腩煲！黑草羊皮口感煙韌，一啲都唔肥，一啖皮一啖肉👍🏻👍🏻 一煲大概有8塊肉，非常夠食👏🏻配埋枝竹冬菇，加一碗白飯，真係冬天一大樂事。雖然叫羊腩煲有生菜送，但都叫多咗個通菜炒牛肉，食多啲菜健康啲😹 馬拉盞夠惹味，個餐都係包埋白飯，個菜送飯一流😬見到牆邊有推介阿華田雪山🏔️跟餐加$10就有🥤 啲冰未溶第一啖飲落去微暖，個味道又出奇地好，有熱版應該都唔錯😂所有小菜都好抵，$68-80有交易，成餐飯無論環境，服務，食物質素都令我會想食多次🤪呢間冰室嘅老闆同伙記嘅交談方式都帶住濃濃嘅人情味，份外親切，好似同朋友傾計咁最後一提，都好多人排隊，想食嘅人唔好介意，耐心等一等🤘🏻🤘🏻

秋風起，又是食羊腩煲的好時機，行過深水埗順寧道，見到香港人冰室的招牌羊腩煲，被吸引住了，餐廳已經非常多人，我們入到餐廳，已是差不多是最后一張枱，遲小小就要等位了。我們是被羊腩煲吸引的，所以我們要了每人一煲一人份量的羊腩煲。雙冬支竹羊腩煲黑草羊 一人份量 $148羊腩煲裏面材料豐富， 雖然比較細煲但是滿滿一大煲，裡面還有支竹、大蒜葉、冬菇、冬筍、馬蹄……等，羊腩頗大件，一人份量羊肉也不少，羊肉炆得肉質軟腍，羊腩間肥間瘦帶著皮，食落又腍又香又有羊肉味，不用點腐乳都已經夠味，點上腐乳，更為滋味。跟配一個生菜，沾滿著羊腩汁，非常爽口美味！巨峰椰果7up 跟餐加$10巨峰椰果裏面的椰果肉煙韌有口感，甜度剛剛好，邊食羊腩煲邊飲，食得好滋味！凍檸蜜跟餐加$5還有這個凍檸蜜，酸酸甜甜，冰冰凍凍，配食煲仔的好拍檔。見到餐廳除羊腩煲夠平民，其他菜式小炒等也是價錢夠平民抵食。

秋風起，又是食羊腩煲的好時機，行過深水埗順寧道，見到香港人冰室的招牌羊腩煲，被吸引住了，餐廳已經非常多人，我們入到餐廳，已是差不多是最后一張枱，遲小小就要等位了。我們是被羊腩煲吸引的，所以我們要了每人一煲一人份量的羊腩煲。雙冬支竹羊腩煲黑草羊 一人份量 $148羊腩煲裏面材料豐富， 雖然比較細煲但是滿滿一大煲，裡面還有支竹、大蒜葉、冬菇、冬筍、馬蹄……等，羊腩頗大件，一人份量羊肉也不少，羊肉炆得肉質軟腍，羊腩間肥間瘦帶著皮，食落又腍又香又有羊肉味，不用點腐乳都已經夠味，點上腐乳，更為滋味。跟配一個生菜，沾滿著羊腩汁，非常爽口美味！巨峰椰果7up 跟餐加$10巨峰椰果裏面的椰果肉煙韌有口感，甜度剛剛好，邊食羊腩煲邊飲，食得好滋味！凍檸蜜跟餐加$5還有這個凍檸蜜，酸酸甜甜，冰冰凍凍，配食煲仔的好拍檔。見到餐廳除羊腩煲夠平民，其他菜式小炒等也是價錢夠平民抵食。

一星期都會經過二至三次見佢成日都爆棚今日又經過👫🏻，見有位就入去坐低😘老公👨🏻見👀餐牌推介👍🏻咖喱牛腩飯～佢話食咖喱牛腩飯最高境界係第一啖,就知道水準如何🤣🤣當然冇嗌錯啦👍🏻我就突然間想鋸扒🍴都幾抵食個喎👏大大塊魚柳、牛扒😘薯條🍟好香牛油味，吾錯👍🏻見佢個下午茶有好多唔同款類、價錢仲好經濟喎👍🏻就嗌咗XO腸粉、第一啖食落去好似乾炒牛河咁、好夠鑊氣👍🏻如果面頭有D芝麻就好😋我叫咗杯紅豆冰🧋啲紅豆熱辣辣㗎，啲嘢食未黎🤣我已經食晒啲紅豆😋😋你話杯野幾好飲😋😋😋#睇片知道幾好味#香港人冰室

每星期六或日假期,去深水埗買嘢行街後,必到「香港人冰室」吃晚飯,港式小炒鑊氣夠,味道好,價錢公道,性價比高,還可以一路食飯一路睇英超👍🏻👍🏻👍🏻今晚吃雙冬枝竹羊腩煲、菜膽雞及瑤柱扒豆苗連飯飲品$348. 吃到飽飽滿足🤓冬天必吃推介雙冬枝竹羊腩煲-羊腩分量多、一人份量也有8-10件多,羊腩入味,再加上有很多配菜,冬菇、冬筍、馬蹄、支竹.$148一人份量抵食,加送生菜菜膽菜$70, 份量不少,雞肉質嫩滑,每次必食之選冬天合時瑤柱扒豆苗,鑊氣夠,豆苗嫩味道好吃飽飽,大滿足,價錢實惠味道好,又有英超睇,店員服務好.深水埗区必食推介