蠔得喜 (Closed)

📍蠔得喜📍香港荃灣建明街7號昌華大廈地下15C-2號舖這家店絕對是我去荃灣的榜單第1位，不管有沒有順路也一定要去的愛店，5年來風雨不改😂XO醬炒腸粉(32hkd)小辣不要芝麻味道超級讚，醬給的很足不會有些沒沾到就沒有味道，小份的蠔餅(35hkd, 大份50hkd)份量已足夠2人分食，蠔給的很大氣而且炸的很酥脆，就算會上火也值得吃😂而且這個店家的燒賣好像也很不錯，每次來都看到有人在買，而且還加入了燒賣關注組，希望我下次可以留點肚子嘗嘗看！

大食妹今日去荃灣覓食, 雖然成日已經係度食食食, 但臨走嘅時候, 都係要帶啲手信俾屋企人嘅大食妹今次就去左之前bookmark左嘅蠔得喜<戲棚蠔餅(細)>話明係蠔得喜, 梗係要食佢招牌嘅戲棚蠔餅啦細份要已經有幾多, 而且即叭即炸, 超級香可惜大食妹係外賣返屋企先食, 炸皮已經軟曬而且蠔仔都唔係好多, 建議口痕可以面壁即場食<香爆蝦米腸>其實大食妹係沖住佢嘅蝦米腸而去喺香爆蝦米腸超級入味, 蝦米同青蔥落得一啲都唔手軟, 必食之選

經過路德圍，見佢個名叫蠔得喜，咁心諗蠔餅應該好出色啊，就買左一塊細$36黎試吓，返到去打開見到個份量都幾細，有五六舊咁上下而且睇相都見到炸得都幾乾身下，但都唔緊要佢講明係炸蠔餅，咁當然會脆口啲。食咗兩舊之後，都覺得冇乜特別，都係食唔到入邊有蠔嘅存在，感覺得好多餅嘅粉漿，平時食蠔餅幾好重味，好重好濃。希望其他朋友見到佢個名唔好俾佢呃咗，上網睇到原來佢出名係腸粉唔係蠔餅，佢個名比左假希望人，唉十分失望

其實依間野我食過好多次 食過好幾樣野食 都認為好食既。。但係對上一次係上個月食佢既蠔仔泡飯既時候應該係d蠔仔有變味既情況 令到成個湯飯係變左有陣怪味之後已經打去同佢地反映過意見 佢地話會跟進改善 。。直到今日買左個炸燒賣同蠔仔泡飯外賣拎走返到屋企食到得番3份之1既時候 我係見到成隻 係成隻既烏蠅係到我即時反胃 之後打左去同佢地反映意見。。我知道出面好多食肆其實都有好多都好那渣 但係眼不見為乾淨 係估唔到成隻烏蠅都會睇唔到

🥢荃灣外脆內軟蒜香炸燒賣🥢請支持即刻俾心👍🏻🥢燒賣控注意！荃灣地鐵站附近橋底，一間其貌不揚的外賣小店，最出名是戲棚蠔餅同xo 醬辣炒腸粉之外，原來炸燒賣都好好食🥢蒜香炸燒賣 $13/6 粒 $18/10 粒燒賣炸得表層外表金黃鬆脆，咬落中間軟糯有口感不死實，表面還沾滿蒜粒，底部鼓油可以自選大中小辣，建議由中辣開始，因為小辣真係不辣的🥢之前試過這家的xo 醬炒腸粉，絕對夠鑊氣夠曬香辣，絕對好吃蠔得喜地址: 荃灣建明街7號昌華大廈地下15C-2號舖按右上角按三點，要按 就唔會錯過貼文啦#荃灣美食#蠔得喜#炸燒賣#燒賣#燒賣控#辣#香港美食#香港小店#今晚食咩好#今晚食乜好#食好西#食好西系列#非廣告#吃貨#吃貨日常#吃貨人生#吃貨日記#支持小店#旅行日記#食評#食好西理想與現實#hongkongfood#food#foodie#hongkongfoodie#eat#eatgoodwesteatbadwest#Eeeeeats#FoodPhotography

行過見到呢間小食店竟然有炸蠔餅忍五住買左一份試下蠔餅即叫即炸等左十幾分鐘後就有得食蠔餅放上辣醬，甜醬同芫荽份量比想像中細份同埋略嫌炸得太乾身蠔餅入面既蠔仔都五係有好多隻應該五會再試

真係咁岩經過 見到幾吸引於是叫左個細炸蠔餅 炸燒賣同香爆炒腸粉所有都係即叫即做細蠔餅份量都大 而且有厚度 食落超脆 好香鴨蛋味 而且脆得來不太油  蠔仔份量一般啦加少少甜醬配蠔餅好match  食到後面口感有層次 有助解味道食到悶炸燒賣又係好得 外脆內軟 再加上落左少少蒜辣 保留到燒賣味道而又唔干 外面可以做到咁脆 勁炒腸粉又係幾得意 似XO醬 少少辣好開胃第一啖令我覺得似炒河粉 但用腸粉食落厚身之外 外面醬汁濃 咬到腸粉中間會味道中和反

荃灣路德圍有唔少小食同台式野飲，但係我要講既依間鋪係近期好hit既小食店，開係路德圍附近一個好暗既轉角位到。-戲棚蠔餅（細）$30雖然話係細size，但如果一個人食既話都夠曬飽👍🏻，蠔餅既炸粉唔會落得太多，唔會怕食落成啖都係粉咁。除此之外，蠔粒亦都落得唔算姑寒，每一啖都可以食到一兩粒蠔仔😈。加埋辣醬同埋甜醬真係超級正！-香爆蝦米炒腸粉 $25腸粉可以揀辣度同埋落唔落芝麻，今次試左小辣都好夠辣味🤩。成盒炒腸粉好夠鑊氣，加埋xo醬非常之惹味。腸粉炒完之後唔會好乾爭爭咁，仲係好滑。-炸燒賣（六粒）$10事關食完上面果兩樣野我都已經好飽，所以都係叫左六粒黎試。食完之後好後悔食咁飽食唔到多啲炸燒賣，因為真係好好味呀！！！啲炸蒜炸到有少少脆又唔會太乾吸收曬啲豉油超級超級正，鐘意食蒜既一定會好鐘意食。炸燒賣炸得亦都唔會好乾身，感覺上比較似係煎，但都好香口。

唔好以為炸燒賣好簡單，有啲小食店真係炸到好難食，又乾又硬，呢間蠔得喜食得過，每次黎荃灣都食，因為好近歸家嘅巴士站，忍唔到口呢。小店一間，食物種類多，除左魚蛋、燒賣、牛肉球、腸粉、蠔餅，仲有泡飯、炒烏冬等飽肚野。炸燒賣 $13/6粒即叫即炸基本，外層微脆，唔會整到硬堀堀，裡面仲幾軟腍，最正係個汁，豉油、蒜、喼汁，微辣、少酸、重蒜香，好惹味香爆蝦米炒腸粉 $28/盒一盒裝滿，份量不少，預設有蔥同芝麻，唔食記得提早揚聲。即叫即炒，有鑊氣，唔會乾或者過濕。蝦米偏細碎，個人認為味道唔重 (因為我唔係鐘意食蝦米嘅人，嘻) 腸粉夠滑，條條分明，唔會炒到一坨坨，重口味嘅我會沾埋燒賣汁食。

近排好似好多人黎荃灣掃街，所以又去試下。今次試呢間既炸燒賣，炒腸粉。炸燒賣即叫即炸，炸都唔係重點，重點係佢既豉油，入面仲加左好多炸蒜蓉，好重口味，正呀。炒腸粉一盒份量好多，唔只惹味，穫氣都十足，揀左小辣唔係好辣，但好香，條條都好香口。小店入面仲有好多款野食，有機會再試下。

超級香既炒蝦米腸！蝦米味好足，亦好夠鑊氣。外賣半個鐘後食都仲好香好食，必食推介！$28盒 另外既炸燒賣，推介食辣。佢個辣豉油應該有落過炸蒜調味，蒜香味好好！ 炸燒賣本身亦炸得夠乾身，食落唔會太油。$18 10粒立食為主，如果你堂食主食（蠔餅、炸腸粉，飯麵等）既話鋪頭都會開張枱仔同膠椅俾你係門口食，但當然坐得就唔會好舒服，仲會有一班街客經過。服務好好，可以打電話落去叫佢整定先，鋪頭亦可以收支付寶，好方便。係一間有誠意既香港小店！ 值得支持！去路德圍掃街既一定要去呢間

(XO醬香爆蝦米炒腸粉$28，爆蒜炸燒賣$13/6,$18/10粒）其實佢地主打除左蠔餅，仲有炒腸粉同炸燒賣夠曬重口味，仲獲氣十足～100個推介！世界級重口味既XO醬香爆蝦米炒腸粉，炒完既蝦米極香口～食得辣既潮友仲可以揀大辣，xo醬完全被腸粉同D蝦米、蔥花完全吸收，夠晒重口味超好食，一盒既份量仲好多，腸粉既顏色炒得比較深，濃味得黎入口唔會太咸/太油，炒完仲係好夠滑！仲有第二人氣必食爆蒜炸燒賣，粒粒蒜香炸燒賣炸過熱辣辣好香口仲夠曬煙韌，豉油好重蒜味！

呢間係路德圍街邊檔群遠少少嘅小店，佢嘅炒腸粉、蠔餅、海鮮餅都唔錯，即叫即整，好有鑊氣。平時多人會開小小街邊台俾人堂食，幾有風味。我地叫左炒腸粉、蠔餅同埋燒賣，腸粉用左XO醬炒，好香，腸粉滑，份量夠，蠔餅雖然係街邊檔，但係落足料，有好多蠔仔粒，亦唔會太油。

係荃灣天橋底既蠔餅，唔起眼但據聞都幾出名。價錢好平民既蠔餅，係唔洗錢都可以蠔得起既！蠔餅多數要一大底咁買，有時得兩條友食，食得多又熱氣，食唔曬又浪費。 蠔得喜呢塊就自己一個女仔都食得曬喇！呢個蠔餅香脆又足料 而且佢既炒腸粉都係好吃的 雖然我冇影相 食完蠔餅附近都有勁多野食，掃街都掃飽了

戲棚蠔餅 $30 (小)先煎後炸的做法令蠔餅口感更加酥脆加左魚露、莞茜等配料令蠔餅變得更惹味整體鹹香適中，不過配甜醬有啲奇怪，唔點更好但蠔仔份量比較少，感覺有點吃麵粉煎嘅感覺香爆蝦米腸 $25呢個反而更正店員推薦我哋嗌小辣平時蝦米腸個做法係將蝦米捲入腸粉入面而呢個係先爆香蝦米再同腸粉一齊炒聞落已經好香，食落更加惹味唔食得辣嘅我本來都有啲擔心😂點雖然食落真係有點辣度，但估唔到我會一啖接一啖腸粉吾會一夾就散，口感非常軟滑！每條都炒得均勻，整體食落鹹香適中先爆香蝦米果然別有一番風味最後齋食蝦米就有啲鹹不過配腸粉一流