Hugo Le Resto Grill (Closed)

與朋友相約於銅鑼灣行街食飯， 兩個人一心都係打算食西餐，但係因為星期日。人數實在太多，估唔到朋友搵到一間位於銅鑼灣鬧市中， 少數未畀人知嘅西餐廳。最簡單一人一份set dinner。自助沙律吧， 款式種類唔算多，但係想食嘅都有，令我最驚喜嘅係有蜜瓜包馬火腿。 沙律吧任食，如果喺其他餐廳可能真係要再加錢，餐廳都算幾有良心。美國頂級牛腹肉扒， 細細盤，但係睇得出餐廳用心經營，小小嘅蠟燭火，令到鐵板充滿暖意，唔會令到本身熱辣辣嘅牛扒變凍， 又唔會煮到過熟，值得推介嘅。三文魚牛油果炒飯， 重點一定係唔油膩。另外三文魚份量十足。配合牛油果，減肥聖物，估唔到口感出奇地出色。熱朱古力， 好普通嘅一杯熱飲。地理完全優勝，絕對可以有機會再來。

經OpenRice訂座可以以優惠價$188食鵝肝牛扒套餐，見到幾抵就去試試，果然係伏！佢哋並唔係$188而係$198以原價加一，埋單價$466，一定要比現金，明白生意難做，而且鋪頭位置不佳，所以先至搞優惠...但係實在太難食兼且份量太少，牛扒要5成，但最後係well done食到牙骹軟、餐湯麵包都係迷你，甜品更迷你，好彩今日星期六屋企大魚大肉，返到屋企再食先至有飽既感覺...

餐廳處於銅鑼灣心臟地帶，在怡和街的一棟商業大廈，正正對著電車站，並不難找。晚市主打套餐連自助沙律吧，眼見逾半數人也選擇吃牛扒......而我們亦是。晚市套餐包括任食自助沙律吧，一般沙律配料及醬料也有，還有Pasta、Cream Potato、雜果沙律、桃及秋葵等等。套餐主菜由$218起，除了自助沙律吧，還有龍蝦湯及餐茶，必能食到滿載而歸。龍蝦湯: 餐湯來說，已經相當不錯，有龍蝦味，蠻香，但未及很濃郁。美國頂級紐約牛扒 ($298): 價錢實惠得來，質素亦相當好，厚切Prime級別的紐約牛扒牛味蠻香濃到位，火候掌控得很好，剛好能燒至Medium，肉汁亦豐富，推介！鮮羅勒香草醬海鮮扁意粉 ($258): 海鮮方面亦算足料，包括蝦、魷魚筒、三文魚柳及蚌，使醬汁更富鮮味。另外，羅勒的獨有香氣令整碟意粉變得更鮮香惹味。而意粉質感仍保持彈性。

這間餐廳不是朋友帶來, 都完全不知此樓上餐廳 餐廳裝潢不是很豪華, 但座椅是絕對舒適, 而且menu 很健康Dinner set 有很多選擇, 而且自設任食Buffet Salad Bar 及任飲干邑龍蝦濃湯, 跟餐更包括甜品及飲品Buffet Salad Bar 提供的Salad 選擇有18 樣之多! 而且都唔會覺得好hea個人很喜歡Salad bar 的很甜菠蘿和哈蜜瓜, 菠蘿雞肉, 秋葵, 仲有栗米食出健康煮意, 仲有3款汁給客人選擇 干邑龍蝦濃湯香濃美味, 仲有龍蝦肉伴隨配熱上的蒜蓉包及鬆軟麵包, 大滿足  美國頂級牛腹肉扒Onglet Et Bavette Show Plate 很有特色, 餐廳用上了一個鐵板爐上肉扒, 因為下面有一個小爉燭keep 住溫度, 十分貼心! 牛腹肉扒比較適宜五成熟, 肉質很juicy 厚實, 其實肉扒很新鮮, 不用沾旁邊的照燒汁已經好好味! 跟餐更配有大大份的薯條, 性價比很高 個人特別喜歡粗身的薯條, 外脆內軟, 層次分明非凡鮮羅勒香草醬海鮮扁意粉 這個海鮮扁意粉是我食過最多材料的一碟, 廚房絕不欺場, 驟看已有很多三文魚, 3隻大蝦, 魷魚,

今次同男朋友嚟銅鑼灣搵食，位於大街都幾容易搵，未到7點嚟到仲未有好多人，我哋揀咗個中間啲嘅位，拎嘢食都方便啲！自助沙律吧嘅種類都唔少，菜類好多，可以有唔同配搭！叫咗2個dinner set，先嚟嘅係餐包同龍蝦湯，有牛油餐包同竹炭餐包，龍蝦湯熱辣辣，亦都有唔少龍蝦肉~3成熟頂級牛腹肉扒，用鐵板上，跟埋薯條同黑松露醬。仲有少少血水，好香好正呀！配少少鹽仲正！薯條個醬都幾出色，食食下都食晒~羅勒香草醬海鮮意粉，有好多唔同嘅海鮮，味道都幾清新，不過陣味就唔係個個都接受到啦~最後仲有件蛋糕仔送添，質素都唔差架！

因為病咗有一段時間冇出街食飯，餓狼終於出動，我今日一停藥就去搵好嘢食，除咗沙律之外，燒嘅嘢應該是最健康，因為冇用油同埋唔係炸。搵到間叫做 Hugo Le Resto Grill，晚餐食法是自助沙律吧，加龍蝦湯，選擇主菜，然後咖啡茶，價錢有二百幾蚊起。頭盤是任食沙律，除咗有沙律菜之外，好開心見到有新鮮生果，有我鍾意食嘅菠蘿同埋蜜瓜，仲好甜，又有非常健康的秋葵，主要食呢三樣都回本。啱啱病好主菜只好食魚，岩鹽阿拉斯加銀雪魚扒，非常見得人，而且煎非常好，魚皮完全是酥脆，肉又冇話散晒，點少少忌廉醬汁幫手提味。同伴話唔想引誘我冇點牛扒，選了鵝肝炒飯，粒粒鵝肝當然肥美，但份量唔會過分，冇影響到碟炒飯，我唔敢咁快食鵝肝，食少少炒飯都可以，肥膩，雞蛋仲炒得好香。最後有迷你甜品，送都係芝士蛋糕嚟嘅，我飲檸檬水，中和番剛才的食物。

朋友問我生日想食咩，身為食肉獸嘅我食完La Vache！之後又好想食牛扒～我哋一行幾個人又唔想等位，加上weekend應該好多人等位，所以不如搵下可以book位嘅地方啦～平時係銅鑼灣行去搭巴士望對面馬路有間嘢叫hugo，隱約記得佢都係食扒～上網確定一下就決定不如試下呢間啦～呢間嘅signature dinner有自助沙律吧+無限添飲龍蝦湯+主菜+甜品+餐飲～價錢介乎$200多-$488不等～視乎你叫邊一款主菜～我哋樣樣都想試，所以點咗三個主菜share!落咗order之後就可以出去沙律吧度夾沙律啦～沙律吧都好多選擇～有唔同嘅菜類同埋沙律通粉～佢所有菜類都非常新鮮～我最鍾意係牛油生菜～非常爽口鮮甜～佢哋嘅沙律醬比較偏甜一點～為食肉之前清一清個腸胃～不錯！之後上麵包～非常有誠意！有唔同種類嘅麵包～仲有蒜蓉包！全部都熱辣辣非常軟熟～食到唔停口之後每人一客干邑龍蝦濃湯～店員話可以無限添飲㗎！我哋以為我哋聽錯！點知真係可以無限添飲！好正呀～干龍蝦湯質地比較杰身～應該係落咗好多龍蝦再打碎而成，飲落去唔係好覺有干邑味～怕酒嘅朋友都唔使驚！因為煮嘅過程之中已經將所有酒精揮發咗～裡面仲食到粒粒龍蝦肉同帶

係網上面見到呢間餐廳有單點食物半價既優惠，於是乎就試下book，帶埋朋友一齊去試下！！去到間餐廳見到唔太多人，一入到去職員就招呼我地入去坐靠窗邊既位置，值得一讚然後就拎左餐牌，話俾我地知邊d食物有半價同埋不適用於套餐~~我地睇一睇左個餐牌，發現價錢都比較貴，好彩有半價呢個優惠先好dd，最後就叫左個前菜、牛扒同意大利飯就算。。。終於有野食到，係一個炸物既combo，不過份量似乎偏少，頂多夠3個人食，而且味道好普通，薯條都唔太脆，作為第一道菜有d失望之後到牛扒出場，個外表係特別既，用個好靚既盤裝住，但味道就麻麻，唔係嘩一聲好好食既感覺，性價比唔高到最後既意大利飯，只可以用過得去黎形容，料唔太多，但味道係可以接受既。。整體黎講以半價既優惠黎食係可以既，但唔期望會有下一次體驗

女生喜歡吃蔬菜, 男生喜歡吃肉, 永遠都是世紀大矛盾, 到底是去吃肉好, 還是去吃素好, 今晚給我找到了一個地方, 是兩者並存的, 既能滿足食肉獸, 也能吃到足夠的蔬菜量, 實在太完滿了!這間店在銅鑼灣大街的樓上, 非常方便。上到來發覺, 座位幾有空間感, 氣氛情調也不錯, 來約會也蠻適合的。揀了主菜後, 便到我喜歡的沙律吧拿沙律, 其實這才是我的主菜呢, 光吃沙律已可以吃得飽飽的了!沙律種類有生果, 沙律菜配醬汁, 自製的蘋果沙律和薯仔沙律, 不算很驚喜, 但也足夠的了。第一碟吃的沙律, 什麼都試一點, 全都幾新鮮。第二碟是再吃我喜歡的東西, 薯仔沙律不錯, 青紅蘋果粒很甜, 菠蘿是連皮的, 夠熟夠甜, 紫洋蔥, 紅椒, 味道十分清新。隨餐附送了麵包及餐湯, 湯是干邑龍蝦濃湯, 干邑味不太喝得出來, 龍蝦味倒是幾香濃, 彷彿有點蕃茄的味道。美國頂級牛腹肉扒$288吃完前菜和湯後, 送來了牛扒主食, 叫了五成熟, 又真的剛剛好, 比較特別的是它以小蠟燭座熱, 不會令它越來越熟, 但保持溫度不會冷掉, 一入口, 發覺牛味很香, 而且肉很嫩, 十分討好, 它附上了一個醬汁, 但我覺得原味更

今天於銅鑼灣的Hugo Le Resto grill食飯，地點係銅鑼灣中心區域，但在商廈之中，環保清幽寧靜，不受外間的嘈雜聲打擾。餐廳有自助沙律，種類不少，由蔬菜到水果應有盡有，甚至連秋葵都有得食，醬汁由黑醋橄欖油到芝麻醬等一應俱全。餐湯龍蝦湯，跟蒜蓉包及竹炭包，新鮮出爐，熱力十足，蒜蓉包入口惹味，竹炭包清新，而龍蝦湯味道濃郁。主菜美國頂級牛腹肉扒選了medium rare，烤得洽到好處，而肉質嫩滑，一切即開，肉汁四溢而香味一流，入口味道濃厚。牛扒配上新鮮即炸薯條，點上松露醬汁，香口惹味，一試難忘。煎鵝肝鮮露荀飯鵝肝切細混和於飯內，每口都有極濃的鵝肝風味，飯底軟硬適中，而口感綿滑易咬，稠度合適沒有煮得而軟和炒燶的情況，非常有心機去煮。用過主菜後便是餐飲及甜品，簡單的啡茶用心製作，而朱古力及芝士蛋糕香濃美味，實在是一頓非常出色的晚飯。

✿╮❤╭✿ ✿雜感女生 好味日記✿ ˚*•✰。Hugo Le Resto Grill．銅鑼灣必食餐廳！。✰•*˚ ✿✿小滋女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 朋友推介一家樓上餐廳，雅致隱蔽 出名吃牛扒，水準口碑甚佳 而且裝修有情調，上樓吃飯私隱度高 晚市套餐極抵，點一個主菜，便可以任吃沙律 因此吸引了不少情侶光顧 沙律吧任食 和朋友隨便配搭都很好吃 特別是有無限加的蜜桃、煙肉脆片、脆麵包粒 菜菜極新鮮，令人吃得很開懷 龍蝦湯 湯夠濃滑，含有龍蝦肉 味道夠出，雖然龍蝦肉不多，但肉質新鮮味道好！ 美國頂級牛腹肉扒 以坑紋生鐵鑊猛火煎至金黃 上台時下層是是燭台 店員推介5成熟的牛腹肉扒口感最佳，一試果然！ 以海鹽及香草調味後，不用醬汁已令人回味 此SET配合脆炸薯條with黑松露醬 味道好好，又再令人精神一振 非凡鮮羅勒香草醬海鮮扁意粉 香草醬好吸引，有泰國風情 原來是以泰國金不換打成 香氣滲入扁意粉之中，好正！ 挪威三文魚、大虎蝦及原隻日本墨魚都用料很足 令人

難得約左大學同學，我地揀間好D 既西餐廳食~大學同學suggest 食銅鑼灣既Hugo Le Resto Grill，有牛食 =] 距離銅鑼灣地鐵站5分鐘就到，好方便！一坐低先睇menu 勁多野都想食！值得一提既係呢間餐廳既晚餐包括主菜、餐包、湯，仲可以去出面既沙律吧拎野食，款式都好豐富 =]餐包暖的，龍蝦湯好濃味，仲有少少蝦肉，唔錯！主菜要左美國頂級紐約客牛扒～～牛扒要左七成熟，入面肉質嫰紅，肉身都幾厚，食落肉味濃，旁邊仲配有新鮮既香炸薯條，又脆又香，同牛扒好夾！而另外仲叫左個鵝肝露筍飯，炒得粒粒分明，鵝肝份量都唔少，香而不膩，而露筍就爽，正！最後飲埋杯熱檸水、食埋個CAKE ，真係好滿足！食物質素好好，環境又舒服，下次可再黎！

今日放工同老婆逛銅鑼灣時見到華人銀行東區大廈開左間新西餐廳Hugo Le Resto Grill, 最重要係呢度嘅Set Dinner有老婆最愛食嘅銀鱈魚扒, 而且跟餐仲有任食沙律吧, 價錢又唔貴, 所以我地決定去食返餐。😁餐廳位於大廈嘅2樓, 唔係地舖而且仲要搭升降機先去到, 不過平日晚市客人都幾乎滿座。餐廳裝修幾有格調, 而且座位寬敞舒適, 整體感覺好舒服。😙餐牌設計簡單, Signature Dinner一共有16款選擇, 價錢包括自助沙律吧, 龍蝦湯, 主菜, 餐飲同甜品, 我地點左兩個Set share食, 當中當然有揀銀鱈魚扒啦。😆自助沙律吧沙律吧選擇都好多, 如果唔係點左銀鱈魚的話, 老婆只食呢度嘅沙律都應該已經好滿足。😝干邑龍蝦濃湯龍蝦湯味道濃郁, 口感香滑, 加上爽口嘅蝦肉, 非常鮮甜味美。😋岩鹽阿拉斯加銀鱈魚扒 $298 set好多食店都有鱈魚賣, 不過真正嘅銀鱈魚扒就好少見, 因為銀鱈魚扒成本本身都唔平, 餐廳呢款岩鹽阿拉斯加銀鱈魚扒採用真正嘅銀鱈魚, 油香超豐富, 魚肉香嫩, 外層煎香, 放上岩鹽板上, 鹹味自然, 沾上少少醬汁, 非常惹味。😍鮮忌廉煙肉意大利粉

上個月同了老爸撐枱腳，老媽有些呷醋，但其實是她自己參加了社區中心中秋晚會而沒有預她.....算啦！既然向我撒嬌，當然馬上作出安排，跟她吃西餐撐枱腳。一出升降機門就見到紅色的牆身鑲上餐廳名，好奪目。內裏裝潢簡約平實，沒有花巧的擺設，最醒神是沙律吧，綠油油，滿有田園色彩。地方寬闊，近窗有一排闊落舒適的四人梳化座、中間有幾張四人枱、靠牆有一排長梳化座配二人枱，旁邊仲有個水吧區。先看看餐牌，晚巿Signature Dinner包有自助沙律吧、干邑龍蝦濃湯、主菜和餐飲，價錢由$218-$490。******************************點好菜便馬上走去沙律吧Buffet Salad Bar，嘩嘩嘩！沙律一向是我最愛，見到十九款沙律配料放在眼前，當中仲有三款預拌好的沙律，色彩豐富，令人胃口大開，我失控啦！數數看，有五款沙拉菜、紅青椒、粟米、青瓜、車厘茄、黑橄欖、紫洋蔥、粟米芯、秋葵、麵包粒、煙肉，而醬汁有千島醬、胡麻醬、油醋汁、橄欖油 和意大利黑醋，選擇也不少。第一碟自由配搭先，差不多樣樣取些，色彩繽紛。全部蔬菜 都很清新爽嫩，好新鮮呀！特別喜歡清甜的粟米芯 和車厘茄，而秋葵 亦