雄泰

Open Now

Now Closed

店舖新開時已經食過兩次午市，今次終於試到晚市🤗$48冬陰公湯🍲好少成個冬陰公湯飲哂，但呢碗湯好香冬陰公味，唔會太辣又重椰香生味🤤令人想一飲再飲🤤$34泰式蝦餅🍤呢價錢有四大舊真係十分超值！！！👍🏻一炸起熱辣辣，咬落啖啖肉超滿足🤤$46泰式豬頸肉🐷分量一樣對得住個價錢👍🏻有肥肉位唔會太瘦☺️配的辣椒汁非常惹味😋$92海南雞(半隻)🐔冇骨海南雞分量多👍🏻每一舊都好嫩滑，唔會有鞋鞋乾乾的感覺☺️海南雞醬如果有辣汁咁辣就更加正🤤🤤$47泰式脆豬飯🐖脆豬皮夠哂脆💯切件厚肉👍🏻可能呢餐太多肉類，食一兩舊都已經好飽😂$47炒金邊粉🍝炒粉足料👍🏻分量又足👍🏻雞柳嫩滑😋唔會太重味，有雞蛋同炸蒜伴碟，撈埋青檸汁十分開胃🤤總括而言，食物呢個價錢俾到呢個分量係相爛抵食😋👍🏻一路食仲一路聞到好香泰式奶茶味🥤如果唔係夜晚食，一定整番杯先走👍🏻

-{黃店💛粉嶺高質泰菜}有位粉嶺友帶我食泰菜🤤佢係依間嘅打手 一個星期至少食一次😋🤤泰式海南雞飯🤤 ($46)成個份量都好大🤩個飯好重油香😙以為個海南雞剩係得一排 原來遮住左😂😂😂雞幾滑不過偏肥 而個汁酸酸辣辣好惹味😚👖褲評: 8.3/10🤤燒豬頸肉🤤 ($46)好多塊~有啲薄 食落唔係好肥又食到肉汁咁☺️個邊邊燒到好脆😚個汁辣味多小小同好重香料味😜忍唔住會一塊又一塊咁食🥺👖褲評: 8.3/10🤤泰式墨魚餅🤤 ($32)有5嚿 配泰式辣醬嘅😝勁熱辣辣🙊食倒啲墨魚粒 不過有啲油👀👖褲評: 7/10出菜有啲慢 如果趕時間就麻麻地🙌 間餐廳裝潢好有泰式風情 好想試個煎餅但係已經冇出🥲下次想試埋個脆豬飯同埋金邊粉😎順帶一提友人超鍾意個青檸梳打可以一試！野食真係好高質唔係講笑🥰性價比: 9/10服務: 7/10環境: 7.8/10🚩雄泰🚩地址: 粉嶺和泰街21號地舖 #fuudjai #fuudjai黃店 #fuudjai東南亞菜 #fuudjai粉嶺

聯和墟都有好幾間泰菜，有時一兩人唔想食太full， 我會諗係雄泰，叫碗牛湯河配小食炸雞，一係配碟炒通菜，又惹味又香辣，刺激下食慾湯河份量係偏細，湯頭濃，係闊身的粉啱我，仲可以揀多樣野食海南雞一般，唔夠滑，不過個沾汁好得，又香又辣

依家小店由開店到而家一直都好受歡迎。可能因為太受歡迎嘅關係。每樣食物都要等好耐。而且眼見樓面嚴重不足。所以呢方面真係要改善一下。講返正題，我哋叫咗個海南雞飯，肉碎蛋飯同埋蝦餅。海南雞飯係用咗油飯，油飯香味濃郁。雞肉亦相當之嫩口。眼見枱枱食客都有叫佢，睇得出佢真係相當出色。然後就肉碎蛋飯，我略嫌啲碎肉唔夠碎。呢啲極其量只可以叫肉粒。希望佢之後都會改善啦。然後最後就係蝦餅，蝦餅炸得非常脆口。而且熱辣辣，炸嘢永遠都冇得輸。

呢間泰式小店由開店到而家一直都好受歡迎，無論係平日定假日的LUNCH TIME都一定有人排隊。今次同樣LUNCH TIME黎到，門口已經有唔少人等外賣，店內亦滿座之餘，亦會感受到一股怨氣!!首先，樓面職員嚴重不足，當日只有兩位職員處理外賣Packing、水吧、落單、傳菜、收銀，客人都係自行搵位就座，當日更有外賣客人等左半個鐘都未有餐，估計連廚房都唔夠人，餐廳應付唔到呢個客量🤦。如果附近上班的朋友想食，我就建議預留充足時間同埋有定心理準備，又或者唔好食，避免等到燥底，或者趕頭趕命咁食。海南雞飯 $42我同友人都覺得呢個係必食，本身我地預計呢個價錢應該係有骨雞，上枱先知原來係無骨雞，而且份量都唔少!! 一碟有齊雞脾同雞胸，前者嫩滑無比，後者雖然明顯鞋口D，但唔會痴牙，雞肉有雞味，亦有雞汁啫喱。另外個雞飯加左雞汁同薑粉，味道唔錯，唯一缺點係爛左D。冬陰功雞湯粉 $41雞件多到舖滿成個碗，雖然肉質偏乾，亦無雞味，但整體過得去。金邊粉份量又係好多，食極都有，不過略嫌碎左D。至於重點----冬陰功湯，雖然唔正宗，味道偏甜、比較濃椰香味、小辣、帶酸，但我個人都幾中意呢個味😋。墨魚餅 $30一客有五件

今日去粉嶺探朋友，好少黎尼頭食野，上網search到尼間餐廳正評唔少，而且係良心小店，位置又近朋友屋企，於是就去試下😋2人限聚令下既下午茶時間，店內都有8成滿🤩相比起其他餐廳尼間真係算多人！泰船金邊粉。 8.5/10我好少食船面，尼個船面令我對船面留左好印象材料雖然簡單，但濃郁既湯底，再配軟硬適中既金邊粉，就等於好食 冬蔭功湯。 7/10冬蔭功湯就試過好多間，所以覺得佢唔係最好味既😂佢偏椰奶味重，香料層次唔夠豐富，唔太辣，適合食唔到辣既朋友而且湯料好多，兩個人share 食都夠～龍眼冰。 9/10跟餐加$4就有杯🤩🤩抵到爛，無可挑剔！

粉嶺聯和墟好多好嘢食呢間主打泰國菜嘅街坊良心小店就係佼佼者室內似大排檔，木圓枱、摺櫈、筷子筒都似感覺係泰國餐廳x港式冰室打開餐牌，都係平價泰式美食湯粉飯每碗$40-$45，小食$25-$32必食推介係牛湯粉 $40湯頭極濃郁，顏色略深，濃厚而非死鹹味，唔係重香料味有牛味，自己食完都忍唔住飲埋啲湯有少量蔥花、炸蒜點綴，有蔥香、蒜香河粉滑溜，比港式河粉幼身，而且吸收湯汁，夠掛湯碗內既有牛腩，又有牛柏葉、牛丸炆得軟嫩易入口，牛柏葉有咬口，牛腩勁索湯另有碟頭飯，如泰式燒豬頸肉飯 $42燒得香口，泰式豬頸肉好惹味，熱辣辣上枱泰式醬汁+燒豬頸肉好合適醬汁甜中帶酸，幾開胃，完全唔辣豬頸肉幾大塊，但唔算得上厚切唔算太肥膩，可入口，蘸醬汁再配白飯可填飽肚青檸梳打 $18 以青檸配梳打水，自行倒入入口好Fresh，比較適合配搭重味嘢泰式奶茶 $18 茶膽大概係採用泰國手標茶嘅紅茶底睇到有泰國手標茶葉嘅小罐味道同真泰式奶茶好相似，都係甜味十足茶味香濃，奶夠幼滑，奶香茶濃，只係甜味更重

今日突然想食泰國嘢，於是來到呢間。 落單時見全場唯一一個女侍應在幫另一張枱落單，不停聽到 “海南雞飯未得，呢個要等半個鐘，呢個都要等。。。。” 喂，我心想 “你唔係呀，咁多嘢未得你開鋪？？” 好啦，到我落單，我前面聽到係飯類未得，咁我就order 冬陰功雞肉河粉 （@11：36am）。我好記得，落單時她冇話要等，或有咩問題。 我等等下，喂，隔離枱話要半個鐘的已經上菜（11：50am），於是我問個女侍應 ，她居然答我 “湯粉類要等架，冇咁快得”。我火🔥都來，你又唔講，你起碼都幫我同廚房跟下啦，冇。。。 繼續等。。。 人地食完啦，埋單走喇。。。 我碗粉呢，已經（12：05），幾乎半個鐘啦。。。 我搵水吧靚仔幫我跟，佢馬上幫我問廚房，3分鐘後上菜 12：08。其實我已經成肚🔥，真係要好好提升下服務態度及上菜速度。另外，題外話，因疫情（第四波），限聚令每枱2人，但我見餐廳仍允許3人一枱 （有相為證）

呢間泰國菜喺聯和墟好出名，呢日咁啱嚟到粉嶺，於是就過嚟試吓，呢間仲要係黃店黎💛餐廳裝修都幾靚，牆身掛滿好多充滿泰式風情嘅油畫同裝飾～ 海南雞飯（$42）冇諗過四十幾蚊就有咁嘅質素🥺海南雞份量好多，肉質嫰滑，點埋泰式醬汁仲滋味🥳 個飯亦充滿油香😋黎到一定要試👍泰湯船麵（$43）麵底有金邊粉、河粉、米粉等多款選擇，小編就試咗金邊粉，湯底味道尚算濃郁，開頭以為會有基本上面嘅配料，但好似主要都係得啲豬肉，略嫌配料有啲少，味道就不過不失～ 泰式蝦餅（$32）呢度嘅蝦餅都好抵讚🥰 蝦餅啱啱炸起，入口熱辣辣🤤真係炸得好香口💯蝦肉爽口彈牙，蝦味好突出，又係必試之一👍冬陰功湯（$48）食泰國嘢又點少得冬陰功😚 呢到嘅冬陰功椰香味好重，唔太食得辣嘅朋友都可以食到，仲好足料！有好多隻蝦，菇同蕃茄，酸酸甜甜勁開胃！泰式奶茶（$18）呢樣必叫😋 奶茶充滿濃濃嘅紅茶香，入口順滑無比，同喺泰國飲嗰啲有得揮！#大大力懲罰黃店💛 ⁣-雄泰 (粉嶺)📍粉嶺和泰街21號地舖抵食指數： 😚😚😚😚😚😚😚😚😚😚/10舔舔脷指數：😚😚😚😚😚😚😚😚😚😚/10

<<Daily 豬仔為食記🐖>> 雄泰開咗冇幾耐已經一早去咗食過幾次架啦，因為佢裏面嘅裝修同環境嘅都好有泰國feel，對於我呢個泰妹來講，呢就好似返鄉下咁樣🤣🤣尤其是佢啲木枱木凳啦，環境裝飾，啲畫，仲有啲筷子餐具都好有泰國feel，咁最緊要當然係佢嘅食物都好好味啦！每次嚟到呢我都會叫佢嘅火車頭炒飯，因為個炒飯炒得好有鑊氣，雖然好似唔係好正宗嘅泰式炒飯，但係個味道真係唔錯。之後就有佢嘅炭燒豬頸肉加埋蝦餅，兩個小食都做得好有風味，尤其係蝦餅夠脆，再點埋個蝦餅醬簡直夾到絕！🥳🤟🏼另外我都好推薦佢嘅肉碎飯，啲羅勒葉同埋啲辣椒相都好多，好有泰味！而個海南雞飯都做得好正宗同埋好好味，再加埋杯泰式奶茶，個茶味又香奶味又濃！加上佢唔係好甜，啱晒我！🤪食完簡直好似去咗泰國咁🤭🥰🥳😛如果覺得泰式奶茶太Heavy，我建議點佢哋杯菊花茶，都好正，好清涼！最緊要係佢哋真係唔係好貴，而且又飽肚，超級抵食！😝😋仲有個侍應哥哥次次服務都好好，有時仲送多杯菊花茶俾我，覺得好窩心💛

無聊上YouTube 見到有人報道呢間泰國野，係泰廚煮嘅，貪新鮮諗住試下。睇menu每樣野都好平，飯同麵份量都可以，最貴都只係40幾蚊，小食更加唔使講，佢哋標榜每樣都平平哋份量小小地，可以比客人有更多選擇叫多啲唔同野試，唔計半隻海南雞，小食最貴都只係$32，最令我驚訝嘅係冬陰功湯：第一次見冬陰功係咁多料，唔辣又香，$48有成五隻蝦係入面，仲有勁多秀珍菇，我本身唔鍾意飲冬陰功，覺得辣得嚟又奇怪。第一次飲咁好飲嘅冬陰功湯，一試真係上癮，你飲過就明點解我講到咁誇張😂香蕉煎餅：冇得輸，$32大大份好似有14-16件（唔記得咗）香蕉餡好足料，加上煉奶不得了❗️❗️❗️蝦餅：正常中上水平🤔酸辣鳳爪：唔會太辣，其他洋蔥配料都爽脆新鮮，唔知點講，就係正常，係好食嘅。豬手飯：炆個豬手非常之淋，入味，但份量略嫌少咗啲唔夠送飯。個脆豬飯原來係燒肉，真係做到個皮好脆，啲肉下面仲有菜，同樣都係份量較少。有叫海南雞飯，海南雞份量有成兩層咁多，雞唔肥皮薄肉滑，冇乜脂肪，比起出面60幾蚊一個飯真係又抵食又好食好多。無吹水🤭🤤龍眼冰以為係碎冰，點知原來係普通冰粒，但係勝在龍眼肉佔個杯三份一，味道唔錯。仲有杯泰式奶茶，係正宗嘅

咁岩去粉嶺搵朋友，朋友話呢間海南雞平時等好耐，又咁岩平時冇乜人就入去試下。我叫左個海南雞飯同一杯泰式奶茶～本身見價錢咁平都唔會特別去expect個餐會有超水準嘅質素...但一上菜，已經見到啲雞好滑，啲飯嘅濕度適中，仲要$42蚊都算大份，食晒都唔會唔夠飽。雖然食落有啲啲漏，但唔油就唔係海南雞飯啦！油香好重好惹味，而且啲肉油得黎係走左肥膏，雞皮食落仲有輕微嘅薑蔥味，正呀！除左啲雞同個飯，個汁酸酸甜甜，點落啲食物度係將成個飯昇華冇諗過$42蚊都可以咁有驚喜呀！泰式奶茶就中規中矩，茶味好濃，甜度適中，但奶味多番少少就更好。

呢間嘢幫襯過好多次，以前覺得佢好抵食。近來加咗價，人流依然咁多。知道佢外賣等得耐，我哋已經六點去到！點知都係點乜就冇乜🙄🙄🙄女侍應話20分鐘後有得攞，最後等咗五十分鐘。一句對唔住都冇，仲要畀個女士應串 。以後都唔會再去

店舖裝飾充滿泰國特色，簡單的大牌檔桌椅，牆上畫有泰式麵檔的手繪畫作，很有趣一進店除了量體溫，還給我們每人一個紙袋裝口罩，貼心加分餐牌價錢非常相宜，看得出是做街坊生意的抗通漲價燒豬頸肉($30)熱辣辣的燒豬頸肉，配上酸甜微辣、非常惹味的泰式醬汁，我們常說此醬汁比燒豬頸肉更高分，非常推介泰式炒通菜($25)其實就是飛天通菜的味道，如果你有去過泰國的話定不陌生，微辣的很惹味，份量不算多，但$25的價錢是超值，現在就算在外面打邊爐，給你一碟未煮過生的菜都不止這個價錢牛湯粉($40)湯粉可選金邊粉、河粉、米粉、粉絲及媽媽麵，即使食物價錢便宜，提供的選擇也不少，我們選了河粉河粉較平時港式粉麵的幼身，湯底則是泰式船河湯底，伴些花生脆粒，很香濃而牛腩和牛柏業都炆得軟腍，細粒牛丸則較欠彈牙和牛肉味，我們以前曾以為這是豬肉丸冬蔭湯粉($40配雞肉)/$45配蝦冬蔭湯粉我選了媽媽麵，其實與福麵類似，這裡的冬蔭湯較重椰奶味，我們很喜歡，配上酸辣的冬蔭香料湯底，而雞脾菇和雞肉份量不少，雞肉淋滑，媽媽麵沾滿冬蔭湯汁，好吃2人吃得飽飽捧著肚子離開，埋單只是$135，抵讚

小妹這次山長水遠來到粉嶺聯和墟為愛犬托狗糧，點解去咁遠既原因除左顏色外，選寵物醫生相信同跟剪型師或保險agent 一樣，用開就唔會轉，因為佢最知你心。以前的我慣例去聯和墟食馳名豬手麵醫肚，名字就不開了，聯和墟老店一search 即有，然後用app搜出發現該店暫無顏色，小妹曾自己承諾出街只幫襯黃店，雖然嘴饞😽，太陽乾蒸下決定企埋一邊搵顏色店，這是港女的堅持對得住自己同自己的承諾。雄泰這店小妹曾經同朋友光顧過，上次幫襯也已經有兩年前的前了，喜歡它價錢實惠又唔會好大碟，可以揀多幾款。聯和墟是穩世高手雲集的地方，因為好多好野食，假日亦有人因為食豬手麵或拉麵特登山水水遠入黎，所以可以佇立開店數年食物需要一定水準。入到黎比左個口罩袋我收納口罩，如果我在酒店有信封收納口罩會覺得很正常，但小店有這種待客之道，往往令人很驚喜，未食野先加分。在這個炎炎夏日需要一個綠洲，形容這裡十分不錯👍🏻一入黎已經叮叮叮係咁加分，室內環境整潔，比起豬手麵好過佢多多多多聲，呢度仲有泰式滷水豬手飯食添😍😍😍是今天的bonus , 不過我去到時已經售罄，下次各位去食可以撞下彩數：）所以我選了肉丸船河，小妹對泰國最念念不忘的美食