i CREMERiA Café (Closed)

每次黎朗豪坊都會見到依間甜品店，今次得閒真係去試先知係cafe，可以坐低慢慢嘆～menu有好多選擇，有雪糕、蛋糕、tea set等等，因為樣樣野先好吸引既關係，經過一番努力先終於揀到個岩晒我少女女朋友既士多碑梨海綿卷。叫完就拎住個號碼返埋位坐，侍應會攞過黎。個tea set有3樣食物：一個士多碑梨海綿卷、一個士多碑梨雪糕同埋一杯特濃熱朱古力。tea set賣相一流，個盤好襯張雲石枱，D杯同碟都好精緻，岩晒打卡！士多碑梨雪糕甜而不膩，味道天然；士多碑梨海綿卷好鬆軟，雖然creamy但係唔會好甜，份量岩岩好for下午茶。仲有個特濃熱朱古力好推薦去試下，朱古力味濃郁，唔甜又唔會苦/澀，咁濃郁既朱古力細細杯己經好滿足！同女朋友一邊食一邊傾計，就渡過左大半個下畫！

朋友吃完飯之後吃甜品，我也住在附近，就出來了唄～ 位置很好找，就在那個4樓平台，旺角E出口那個門口上朗豪坊，上2條扶手電梯就到了雖然附近人流比較旺，吵一點點，但吃點東西聊個天還是ok的選了香醇朱古力Affogato, 雪糕方面甜度剛剛好，不會過膩。朱古力醬方面就因人而異了，我覺得多了一點點，蓋過了雪糕。2個朋友選了草莓tea set 分享，草莓雪糕很清新，還有一個漂亮的草莓海綿卷。 他們也加了芒果慕斯蛋糕，很鬆軟，芒果也非常甜 還有一壺茶可以慢慢喝。總的來說甜品挺ok，就可能開放的環境會有一點吵，談要事的話不會是首選

今日同朋有行朗豪坊，見到間歐日風既cafe，睇到好多雪糕、甜品、蛋糕，都整得好靚主打應該做甜品，不過有啲肚於是就去試下晚餐得Dinner set，好多都係新出，下次先試甜點。Dinner set主要有啲意粉、日式飯同Wrap果啲係店頭落左Order先，之後自己揾位坐底會有店員送餐過黎，我地Order左大蝦長通粉同埋意大利紫薯雲呑伴忌廉菠菜凍檸檬紅茶是日沙律亦可以選擇餐湯店員送到黎就見到有杯裝飾用嘅花，真花黎，都幾靚，望住食都會覺得幾有feel哩個main真係幾有驚喜，雲呑皮好軟熟好新鮮，入面餡料係紫薯都幾有創意特別，意大利crossover日本既菜式，再加埋忌廉菠菜配意大利雲吞幾好食。面頭重有啲沙律菜同松子仁，增加左口感整體黎講環境都好舒適，燈光都好靚，我地旁晚黎食天已經黑黑地，加埋啲燈光同埋裝修係商場入邊都幾突出，有小小Classic同日系mix既感覺。

上網睇見到呢間甜品店出咗新嘅下午茶Tea set就搵一日去試一試！因為之前都未食過，但係已經聽過個名好耐啦。$158 Strawberry Roll Tea Set (Strawberry Roll Cake, Amao Strawberry Amao Strawberry White Chocolate Ice Cream and Drink）士多啤梨海綿卷輕食士多啤梨海綿卷、日本Amao士多啤梨、海綿卷嘅士多啤梨味道好香，淡淡的香，較為清新，而且裏面都有啲士多啤梨粒。配士多啤梨白朱古力雪糕及飲品士多啤梨雪糕都係味道夠清新，不會有化學的奇怪氣味，有啲似食緊好新鮮嘅清甜士多啤梨咁。味道比實際食士多啤梨為淡一點。士多啤梨同埋白朱古力係旁邊可以自行選擇添加落去！可以自選一款飲品，我怕會比較飽所以就揀咗熱檸檬紅茶。

餐廳出名食雪糕，之前食過果然明不虛傳，雪糕幼滑，奶味重。今次見到有dinner set，亦有新menu選擇，所以食正餐。叫左意大利紫薯雲吞伴忌廉菠菜($118)，再加$30配沙律/餐湯及飲品。平時食開既意大利雲吞多數包住肉餡，但今次包既係紫薯餡，感覺上健康d，有營養。紫薯打蓉後口感滑，而且每件雲吞都幾大件，一開始眼見得幾件，但食食下發現起碼有8大件，每件雲吞都好飽滿。配上忌廉菠菜，大啡菇，醬汁唔膩，打得夠creamy，而且大量菠菜，以及厚切大啡菇，菇味重而且切得夠大粒充滿口感。重點係，主食擺盤都好靚，有小杯花朵點綴。碟上仲有一小件多士，麵包鬆軟。如果叫餐湯，就可以一齊配黎食，冇咁dry。set配左是日沙律，沙律菜新鮮，淋上柚子醋，更fresh。最特別係，餐廳仲落左石榴粒，所以又有蔬果又有水果，落望唔再只係得綠色，仲有d紅色點綴。飲品熱檸檬紅茶自行沖泡，落order個陣可以選擇加唔加檸檬。一大壺紅茶自己添，可以先飲紅茶，再因應自己喜好，加入檸檬。整體，晚市食set食雪糕既人都好多，所以要搵位坐。主食既水準唔錯，而且食物走健康營養路線，感覺唔heavy，輕食。

上星期日去朗豪坊睇戲，趕住入場前快啲食個午餐，咁岩見到呢個主打雪糕既店原來有set lunch又唔算好貴就即刻坐低食。我叫左個是日咖哩飯，一開始見到黎既係素雜菜咖哩有啲失望，但原來真係唔錯，出面食最怕啲菜係太淋或者煮唔熟，但佢啲蔬菜都煮得恰到好處，有薯仔西蘭花四季豆秋葵等，都爽脆香甜，仲有日式咖哩汁，甜中帶少少辣，非常好餸飯，個人覺得一定好食過無X良品果啲。配菜同沙津都冇欺場，好食同對味。加埋咖啡絕對係既一餐。有機會會再去試個下午茶。

不嬲都好鍾意食朗豪坊icreamia個D雪糕同甜品，前排發現佢地仲有甜品賣！即刻撲去試每個dinner set都有前菜、主菜、飲品沙律好FRESH，仲有粒粒紅石榴係裡面依文氏牛仔肉寬條麵 - 牛仔肉好腍身，仲有好多蘑菇，個汁似燒汁，配寬條麵無咁，整體黎講都幾好食蕃茄羅勒意粉 - 就算無肉都好夠味，仲有D芝士粉調味，意粉均勻沾上醬汁另一位朋友叫左菠菜忌廉蟹肉野菌意粉，味道好濃郁呀佢要左餐湯，係粟米湯，好有口感覺得呢間D野好岩輕食，而且環境好靚，聚腳好去處

🔎旺角亞皆老街8號朗豪坊4樓13號舖*「抹茶控必吃之抹茶輕食」- i cremeria café.日式雜錦輕食配飲品2杯($198)雜錦輕食包括有時令水果、茶大福、什菜芝士三文治、抹茶芝士蛋糕、自選雪糕、紅豆、白玉丸子、蜜餞栗子!!仲包兩杯野飲添!!同好友知己傾下計，食下輕食每人都只是100元之內。自選雪糕 : 全個輕食中的最強主角!!我選的雪糕是抹茶+牛奶的混合口味…整個雪糕口感細緻滑溜，而抹茶味不會帶澀是我最欣賞的地方，最有趣的是雪糕頂有塊金箔裝飾，岩哂打卡影相啦!!茶大福 : 外皮口感勁煙韌，裡面包著滿滿的綠豆餡！甜而不膩的感覺真好!時令水果 : 係超甜既日本蜜瓜同士多啤梨!!什菜芝士三文治 : 是整個輕食餐中的唯一熱食，三文治中配上了我最愛的牛油果，令這個三文治熱食加分不少喔!!紅豆、白玉丸子、蜜餞栗子🍡 : 這三種小食是放在同一個小方格的，白玉丸子因為味道較清淡，所以我每吃一口都自己加點抹茶雪糕一起吃!!味覺就更能平穩一點喇!!抹茶芝士蛋糕 : 抹茶味夠哂甘濃，配上勁Creamy芝士，可惜個cake好迷你，真心唔夠喉，好想追加一個呀!!飲品方面點左熱檸檬紅茶，來平穩返咁甜既甜

行行下朗豪坊，想食雪糕，咁樣就坐低左啦 哈哈呢間雪糕店係香港都好出名！但我都係第一次食😆😆我覺得個雪糕都好食既，但我都係中意另一間既抹茶雪糕多啲😆😆呢個都係試過就得了

今日去開朗豪坊買鞋，見又唔算好餓，就去食個tea 先。門口經開Icreamia, 之前食個佢個雪糕，覺得唔錯。今次見佢個tea set 都有幾款，不過俾佢個期間限定吸引左！係我至愛既士多啤梨！就即刻跟店員要左個tea set! 門口都多人，好彩我一個人就即刻搵到個位。隔左五分鐘左右，店員就送上個set! 有一件士多啤梨蛋糕，個蛋糕好香士多啤梨味，一啲都唔假，中間夾住cream 同果肉，口感豐富！個雪糕都好有奶味，配合新鮮士多啤梨果肉，好清新！不過唯一缺點係好快溶，真係要好快食，我格離個枱影相影左十分鐘，就已經溶哂。野飲都好多選擇，我要左matcha latte! 好飲丫！以一個人既份量岩岩好。

成日經過朗豪坊都見到呢一間雪糕店，啲雪糕同蛋糕都好靚，不過一直都未有機會食，今次放假行街行到攰終於有機會食下啦。😆本身諗住就咁叫一杯雪糕架咋，但係原來兩點至六點會有tea set，咁就會包一杯嘢飲，所以我哋就叫咗一個蜜芋雪糕set同埋一杯凍檸茶，2個人share食坐下都幾好呀。會番薯雪糕都好大杯，番薯味好濃啱晒我呢個蕃薯控呀！同埋之前都好少食番薯味嘅雪糕，所以呢一個都好特別，同埋係好食架！另外個番薯味嘅卷蛋就無雪糕咁濃味，不過都好濕潤。仲有2件蜜餞番薯，原來凍既，好似日本食到既咁，好粉好甜。仲有2粒紅豆白玉，大滿足呀！😍😍😍

i CREMERiA一向提供高水準嘅日式甜品，之前食過佢嘅期間限定抹茶雪糕，一試難忘。今日同朋友黎到朗豪坊，諗住歎番下佢嘅dinner set~雖然位於商場嘅中心，但係餐廳佈置得好田園優雅，坐係度反而有一種心曠神怡嘅感覺。我點咗是日i CREMERiA日式咖哩($98)，配是日餐湯同餐飲(+$30)。侍應上菜嘅時候香濃咖哩味已經撲鼻而黎，伴碟非常精美，未食已經加咗唔少分。今日嘅咖哩以蔬菜為主，有蕃茄薯仔、西蘭花、豆角，仲有秋葵添，非常健康怡人。咖哩同平時嘅日式咖哩嘅味道有啲分別，佢依度嘅有少少酸酸地，配上白飯真係愈食愈滋味，再配上酸薑同酸瓜，就更加提升味道。是日餐湯係粟米湯，有淡淡嘅栗米香味，creamy得黎又唔膩。香脆嘅麵包加上粟米湯都非常夾。最後點咗凍檸檬紅茶，原來佢嘅紅茶係黃色嘅XD，非常清新。

係旺角做完運動，有啲肚餓，於是就去朗豪坊搵野食，經過見到原來i CREMERiA有正餐食，即刻要去試下！見到個menu 好吸引，仲可以加$15有餐湯/沙律，再加$15就有飲品，我覺得價錢都可以接受，同埋做完運動太餓，難得黎到，就加埋湯同飲品！order 完，就搵位坐，店員會為客人捧餐黎！菠菜忌廉蟹肉野菌意粉 $98嘩！這個擺盤太靚啦！最尾揀左菠菜忌廉蟹肉野菌意粉，配料比想像來得要多，有超多菇、菠菜同蟹肉，蟹肉鮮甜，意粉咬落唔會好腍，仲有彈性，個意粉醬調得好好，唔會好稀，意粉可以掛起到啲汁，食落口好creamy，但一啲都唔膩！南瓜湯是日餐湯係南瓜湯，所以就揀左要南瓜湯唔要沙律！因為個意粉都有菠菜食下！香濃嘅南瓜濃湯是我的愛湯之一，南瓜營養價值高，口感綿密！飲落啖啖南瓜蓉，滿滿南瓜味！咖啡餐飲要了齋啡，還有有小餐包跟！呢到齋啡飲落唔會好酸，易入口，喝到一丁點的豆香！小餐包咬落好軟綿，但略嫌沒什麼味道，用來中和齋啡的苦味是挺好的！🍽8/10🔎 i CREMERiA Café旺角亞皆老街8號朗豪坊4樓13號舖

經過朗豪坊常常見到這間  Cafe，價錢挺令人卻步但同時不乏顧客，好奇之下一試無防～.點了最基本的 ，很軟滑，但很快融掉，彷彿吃個雪榚也要與時間賽跑🙈 不是除了很滑之外，牛奶味不算突出，反而非常甜！餓底本身都是嗜甜者，但也有點想投降🙇🏾‍♀️ .味道：5/10價錢：HKD 38

今日黎到icremeria唔係黎潮聖雪糕反而係食佢既晚餐,晚餐係指定某幾款主食之後可以加$變set.同朋友各點左一個set,我揀左燻熏鴨胸意大利麵配湯同飲品.餐湯係甘荀蓉忌廉湯再另配半塊麵包,忌廉湯香甜啖啖甘荀蓉麵包沾上忌廉湯更香甜如果麵包可以烘做多士就更完美.擺盤都幾有心意放上左一杯小黃花,雖然無咩香味但令視覺感受提升.鴨胸外層少少微焦香味道香濃,意粉炒得乾身得黎又唔會太硬煙靭度適中,整個配搭配合粟米仔秋葵同雜菇意外地夾感覺幾清新,本身無咩味既蔬菜搭上濃味既鴨胸中和左咸味令味道變得和諧.本來想食完份set後點甜品但估唔到意粉份量咁多,雖然今次無緣食甜品但十分滿足.