i CREMERiA Café (Closed)

鬧市中hea嘆日式下午茶每次行過朗豪坊都想試一試I cremeria 既雪糕，知佢既金箔雪糕最出名，勁多人影相打卡呃like。今期特別口味係椰子菠蘿，夏天食應該好fresh! 不過今次決定試一試佢既tea set，因為有我至愛既抹茶甜品！佢tea set得4款選擇，可以揀日本時令生果或抹茶蛋糕，全部都配雪糕同一杯飲品。佢今期時令水果係直送日本溫室蜜瓜，聽到都覺得好吸引！一食落去真係好甜又多汁，佢配左奇異果，可能蜜瓜好甜，食奇異果就顯得有點酸了。至於抹茶雪糕估唔到咁濃味，食完仲有d回甘😍口感好綿好滑，而且份量都唔小，中意食抹茶既朋友一定要試下，下次可以試埋佢既抹茶牛奶紐紋雪糕，☺☺最後飲埋杯凍檸茶，結束休閑既一日

今日係shoping day ，同友人行到好攰個地方坐下girls talk. 友人建議去朗豪坊i creameria cafe. 星期六下午4點幾都full full 地 ，商場出面就有好多位，不過我地見係吸煙區同埋4點太陽幾都好曬決定都係坐入面。等左一陣終於有位，不過靠玻璃那邊西斜，都係曬曬地同好熱。我地叫左個set share 日本宇治抹茶海綿卷輕食。紅豆大大粒，白玉丸子本身無咩味但配埋紅豆甜甜地好煙韌。 栗子蓉好香濃既栗子味，將栗子蓉加埋雪糕原來好match！ 不過明顯地 友人唔識得欣賞。雪糕我地就選左兩溝，牛奶和抹茶味。牛奶味香濃滑滑，而抹茶則甘苦。抹茶獨特之處在於茶香中帶點甘苦，而牛奶味較甜，奶香中和抹茶既甘苦。不過講到我最欣賞一定係抹茶海綿卷。最外一層係抹茶味的海綿蛋糕，中間係抹茶忌廉芝士， 超級Creamy. 一d 都唔漏！飲品我地叫左mocha, 不過不失。 食下傾下不知不覺2個鐘。如果旺角行街行到好攰，呢度都係個唔錯既選擇.

行朗豪坊行到攰，想食小小野填下肚，就同朋友搵到呢間係4樓既cafe，好多野都想試，最後揀左薰衣草伯爵茶午後輕食！因為佢有個蛋糕仔，仲有雪糕同壼茶，十分吸引！環境十分光猛，比想像之中寧靜，同朋友傾計係好適合！餐牌上每樣都好吸引！花多眼亂！最後都揀咗薰衣草伯爵茶！ 十分吸睛的tea set！薰衣草伯爵茶，蛋糕，雪糕，再配上焦糖杏仁脆片！睇到都興奮！先講薰衣草伯爵茶蛋糕，蛋糕同埋cream比例啱啱好，食落個感覺唔會太heavy，薰衣草伯爵茶陣味好清新！而薰衣草伯爵茶雪糕就十分之大杯，係夏天就最啱晒，同樣地，清新嘅氣味唔會令到我覺得好甜好飽，好鍾意呢陣咁清新嘅味道！而焦糖杏仁脆片同新鮮士多啤梨嘅配搭亦都令我一次新嘅體會，因為一酸一甜，估唔可以咁夾！到最後係杯茶，食完甜野飲杯茶，陣陣既回香，令我明白乜嘢叫做齒頰留香！

平時好少機會可以坐低享受一個有質素嘅下午茶，難得屋企人推介我嚟呢度，佢話環境同食物質素都好好，所以就畀自己嚟呢度relax下原來店舖會定期做唔同嘅推廣，今期係伯爵茶系列Tea set係甜食， 除咗店舖推介嘅伯爵茶，仲有綠茶系列嘅甜品可以選擇因為想食偏甜少少嘅甜品， 所以揀咗呢款日本宇治抹茶芝士蛋糕輕食雪糕可以揀味道，今次揀咗綠茶加雲呢拿味雪糕雪糕口感軟滑，入口即溶，甜度適中，非常好味道芝士蛋糕因為加左抹茶，食落冇平時芝士蛋糕咁heavy蛋糕偏軟身，呢個綠茶同芝士嘅配搭非常好蛋糕旁邊配有白玉丸子、紅豆同埋蜜餞栗子白玉丸子本身冇乜甜味，但係配埋紅豆嚟食就非常夾tea set跟埋飲品，我就揀咗凍牛奶咖啡唔知係咪因為食完咁多甜食，咖啡飲落唔算甜，但係依然飲到咖啡嘅香味冇諗過一個簡單嘅tea set都可以咁有水準，下次再想同屋企人享受下午茶時間，都會再揀呢度食下野傾下偈

呢日上堂前黎到朗豪坊，外面天氣太炎熱，就搵個地方食下野為自己打打氣。見到呢間好吸引，有不同雪糕，蛋糕，選用的均是日本食材，而且知名度高，定期推出不同味道雪糕等。 對甜品難以抗拒既我，選擇非常困難，每一款也想吃呢，我選了很久終於點了其中一款下午茶：Lavender Earl Grey Tea Set $158Lavender Earl Grey Cake薰衣草伯爵茶蛋糕, 聞到飄著微微的薰衣草香味，好清香不是添加的香味。蛋糕好軟綿，伯爵茶味蛋糕底因茶味香濃，所以不甜，夾著一層層薄薄薰衣草鮮製忌廉，好滑, 好特別，令人難忘！Almond Caramel Cookies杏仁脆片 好健康, 脆度十足味道帶點點甜, 配雪糕或茶一起吃，好配搭，下午茶必備之選。Lavender Earl Grey Soft Cream 到另一主角，用日本牛乳加入薰衣草及伯爵茶味的雪糕，非常香，質感亦相當軟滑，奶味重，茶味也不相伯仲, 喜愛茶味雪糕令吃上更清香不甜。Lavender earl grey tea 伯爵茶是我最喜愛的英式茶，味道十分怡人芳香，既不濃又有獨特香。加上淡淡花香作調味 更清新，作為甜品後舒緩解

很多次經過朗豪城的I cremeria，今日終於見到冇人等位，不用排隊，第一時間就同閨蜜來個少女心💓下午茶。最鍾意依度嘅環境好開陽，全部白色雲石枱，非常適合打給影相💓我是抹茶控，所以完全不用想，就這個吧🤤Japanese Matcha Roll Tea Set $128日本宇治抹茶海綿卷輕食好精緻，完全符合晒我港女打卡要求，托盤都有花紋，好高級☺️Tea set包括有自選雪糕及飲品，抹茶海綿卷、紅豆、 白玉丸子、蜜餞栗子🌰雖然百幾蚊，但是都覺得超值。我叫咗抺茶雪糕🍦味道口感好濃郁，同埋好滑，抺茶味重，會有少少甘味🤤而丸子煙煙韌韌，綠茶配紅豆不嬲都係絕配 一啖綠茶一啖紅豆蛋糕一樣出色，抺茶卷不會太甜，軟綿綿的口感，不錯👍飲品點了意義泡沫咖啡，香濃的咖啡面層有細滑的泡沫，咖啡口感醇香。食了甜品真的會比較開心，滿滿的幸福感💓

行過👉🏻i CREMERiA👈🏻 見到出左新既限定口味 - 薰衣草伯爵茶雪糕🍦 ($68)就梗係要試下喇🙆🏻‍♀️..🗣見到杯雪糕已經好靚, 仲要有乾薰衣草做裝飾💐 完全心心眼左😍 食落都好濃伯爵茶味，口感又夠滑，仲帶有少少花香🙌🏻 配埋個自家製既焦糖脆脆，好正呀‼️..另外，”薰衣草伯爵茶蛋糕”($68) 係一層薰衣草忌廉加一層伯爵茶海綿蛋糕而製成🍰 味道唔會太甜，而且有齊薰衣草同伯爵茶既味，層次感都幾豐富架😬.

今日難得平日放假，梗係要嘆番個下午茶。每次行朗豪坊都覺得呢間喺商場角落嘅甜品店好吸引，尤其是佢嘅招牌軟雪糕。但放假通常好多人，今日終於有機會坐低試下。點咗個tea set - 薰衣草伯爵茶午後輕食。個set 好靚，最先要食嘅係軟雪糕，因為會溶得好快！雪糕好濃茶味，而且好香滑，好creamy。蛋糕相對味道light d，唔會太甜，有淡淡的薰衣草花香。士多啤梨都幾鮮甜，上面一塊焦糖杏仁脆片味道較甜，我用黎沾雪糕食。而餐飲我都揀咗伯爵茶，食完甜野，飲番杯熱茶真係好啱feel。茶係用茶壺裝住，可以keep warm，慢慢倒落茶杯飲，慢慢嘆

今日行街經過朋友話甜品不錯的餐廳，沒想到這裡裝潢的確不錯，仲有粉紅花岩晒打卡用，好少女感覺，看到餐牌原來這裡仲有熱食，最後就要了一個套餐，選擇了肉眼牛扒配飯再有湯或沙律，我就選擇了沙侓和飲品再配一個不少朋友都話好食的蛋糕 : 薰衣草伯爵茶蛋糕。不久食物就來到，一次過來晒套餐都幾精緻，沙律好清新有菜又有青瓜十分開胃，而飲品選擇了凍檸檬茶，甜度剛好茶味不會太苦好飲又大杯。牛扒一看之下仲有少少紅好嫩滑而且好有牛肉味又不硬身，最窩心仲要是牛扒已經切好十分方便，不用醬汁都十分好味，飯份量都夠飽，差不多食完就到甜品，薰衣草伯爵茶蛋糕的薰衣草味又吾假好清新仲帶點伯爵香，味道十分特別，蛋糕都幾軟熟，朋友沒有介紹錯，下次再來試試這裡的雪糕先。

令人念念不忘的牛奶雪糕。。.日本的軟雪糕一向出名高質，奶味香純兼口感柔滑，「日本雪糕物語」 CREMIA就是例子之一。.在日本非常受歡迎的CREMIA，不單有著波浪紋的亮麗流線造型，內涵亦不簡單。選用了日本北海道的鮮忌廉，其牛奶脂肪成分更達到12.5%，比平常雪糕高出4-5%，所以奶味濃郁而又入口即化。.最矚目的一系列5款的CREMIA 系列，除原味外，還有宇治抹茶、朱古力、金箔軟雪糕，不用飛到日本都食到，超吸引呢！

熱辣辣行朗豪坊次次去到呢到都會被佢既雪糕吸引，因為實在太靚同埋消暑啦! 我地去到見到佢有幾款新出既雪糕都做緊promotion，但係我已經一心諗住食抹茶味所以只係focus咗要邊款抹茶雪糕好。諗咗一陣決定食呢個日式蕨餅芭菲，因為一杯有哂我想食既野!其實一落單入面既staff已經即時幫我整緊，所以基本上我等咗30秒都冇就已經有得食!個雪糕係勁濃郁既抹茶口味，加埋蕨餅同埋紅豆，成個口感都好正同埋清涼，夏天食真係一流，加埋底亦都有D啫哩，一路食一路都有種滿足感!特別一提係佢既匙羹望落似鐵但其實係膠，造得好靚，食雪糕好岩用又唔會食到有銹味!

最近知道佢做緊優惠50% Off，但只係得匯豐信用卡，好黑仔地我冇呢張咭🤯，但係同事好好咁話請我食☺️😛.......咁我就唔客氣啦。我叫咗個北海道牛奶加綠茶嘅雪糕，🍼🍵🍨我覺得有點偏甜，而且未夠滑........好明顯佢係確確實實嘅港女......因為唔需要好食😉..........只係攞嚟打卡，$58一杯雪糕其實可以食到一餐飯，但耐唔耐一次都OK嘅，唔好待薄自己丫嘛～🤣🤣🤣🤣

平時最愛i CREMERiA嘅Matcha雪糕~ 今日終於有機會嚟嘆個下午茶，喺旺角鬧市中一個角落有美食同休閒氣氛真係難得。今次放棄綠茶控嘅執著，點左薰衣草伯爵茶午後輕食hkd158薰衣草伯爵茶雪糕好幼滑!超濃伯爵茶味，淡淡嘅薰衣草配襯，唔會好似食緊handcream咁 haha再配埋焦糖杏仁脆片，好幸福啊~食完雪糕食返粒水蜜桃清清個口就歡迎薰衣草伯爵茶蛋糕啦好好味! 淡淡嘅薰衣草伯爵茶忌廉好幼滑，夾喺不是海綿蛋糕，有少少粗糙質感嘅蛋糕中間令口感層次大增!再整返杯日本溫室蜜瓜汁(加$20)，好refreshing!

好耐之前已經想試呢間蜜瓜雪糕，今日適逢男朋友生日，所以就試吓新野。本身想食蜜瓜雪糕，價錢係$280 ，男朋友覺得唔太划算，所以就食個蜜瓜蛋糕$160 ，而我就試咗佢新出嘅綠茶豆蕨芭菲$68。侍應好好，比錢果陣問我需唔需要生日牌同埋蠟燭，係意料之外，好窩心。蜜瓜蛋糕，清清地，唔太甜，啲cream好滑，切開入面有蜜瓜肉，麻煩既男朋友都大讚好味。芭菲，濃濃嘅綠茶味，男朋友話好苦，但我自己就好鍾意，配埋煙煙韌韌嘅豆蕨，加埋甜甜地嘅紅豆，多重層次嘅口感，好正。

今日起旺角行街行到朗豪坊已經係晚飯時間於是決定搵野食完先再行以前食過I creameria 既tea set行過見到佢都有dinner set有湯/沙律+main course+drink價錢唔算太貴就諗住試下買完攞左號碼牌就可以搵位坐低Staff會送過來每次來I creameria都覺得個環境好舒服起人來人往既商場劃左一個角落可以靜靜地享受下悠閒既時光餐點好快就送左黎我要左日式和牛意大利粉要左餐湯成個set份量都唔少意粉竟然係我鐘意既寬條麵 正和牛煮得剛剛好配料有洋蔥 蒜片 同埋菇配埋個sauce 好香粟米湯真材實料 食到粟米蓉配埋伴碟既餐包食 係perfect match朋友要左和風鮮蝦意大利粉大蝦新鮮 爽口彈牙沙律裡面仲有火龍果 夠哂fresh佢話杯cappuccino 都好唔錯