i CREMERiA (Closed)

用海港城食物coupon半價黎食，呢個蜜瓜真係好甜，應該係用日本蜜瓜，有半個蜜瓜喺度都值回票價。雪糕就冇乜特別，另外叫咗兩個套餐，有蛋捲同埋一杯茶，$68由於真係好飽，個蛋卷拎左返屋企，都好軟熟，咖啡味黎，d cream好幼滑。

鋪頭細細, 收鋪前三十分鐘依然坐滿人, 店員黑面, 問問題唔多想答, 勉強用最少字回覆或者扮聽唔到. 雪糕定價好高, 名氣最大應該係金箔雪糕, 但金箔其實無味, 畀成舊水食無味野唔乎合我價值觀, 我又無興趣影相呃like, 完全無諗過食. 依我所見, 成間鋪得三隻味雪糕──牛奶、抹茶同赤肉蜜瓜, 本來仲有士多啤梨白朱古力雪糕, 不過當日無賣.得三隻味就試哂三隻, #北海道赤肉蜜瓜雪糕# 個味清得濟, 甜度可以, 但無蜜瓜嘅濃味, 唔係睇餐牌都唔知呢隻係蜜瓜味, 只係一種清清地嘅甜味, 連插住嗰件蜜瓜都偏淡口, 零特色. 呢個唔係北海道赤肉蜜瓜雪糕, 其實係畀左錢食就肉赤雪糕🤣#源自日本京都宇治抹茶Mix雪糕# 個名真係咁長強調出處, 成間野定位清晰一致虛榮到底👏 呢個係雙拼口味, #源自日本京都宇治抹茶雪糕# X #北海道牛奶雪糕#. 抹茶味濃到苦, 不過呢個未必係缺點, 因為自己本身唔食抹茶呢種苦, 正如有人唔鐘意啤酒咖啡覺得佢苦, 但我鐘意, 所以對其他人黎講呢個抹茶味可能好出色. 牛奶雪糕真係正嘅, 佢比老麥啲軟雪糕甜, 但呢種甜係顯得佢更濃郁. 濃味按理推測應該係黎自牛奶, 但

i CREMERiA經常做某銀行的買一送一活動可惜不是每個人都擁有該銀行的信用卡而最近10月1日起一連7日買一杯Classico Crema（A1-A6）雪糕即時多送一杯可以選擇不同款雖然只限於六款，但A1-A6雪糕是最為經濟的選擇*Classico Crema是由日本直送的北海道牛奶雪糕 A1 北海道牛奶雪糕(有機玄米杯裝) $40A2 北海道牛奶雪糕(威化筒) $40A3 源自1836年京都森半宇治抹茶雪糕(有機玄米杯裝) $42A4 源自1836年京都森半宇治抹茶雪糕(威化筒) $42A5 源自1836年京都森半宇治抹茶MIX雪糕(有機玄米杯裝) $42A6 源自1836年京都森半宇治抹茶MIX雪糕(威化筒) $42 我跟朋友同樣選了A6身為牛乳跟抹茶控，要選擇實在是地獄兩種口味也很想試，好像很好味，叫人十五十六好在有A5/A6的選擇 個人認為這款雪糕暫時是香港最好吃的原因是味道十分之濃烈口感是十分的Creamy，不像其他的有渣滓或碎冰而且海港城分店的裝修十分之華麗，又有堂食位置，相當不錯

海港城成日都去，但通常都係去LCX逛街，今日為了物色嬰兒用品黎左低層，原來都有好多餐廳同甜品店，但我們本來就已經食左午餐，都係食下雪糕算啦😘店面勁靚，好適合打卡既網紅店😂👍🏼裏面坐位唔多，但都坐滿曬人，周圍都係好好睇既雪糕🍦雖然價格唔平，但女仔對住靚既甜品，通常都係抵抗唔到！最後我點左招牌的金箔雪糕($98)，拎到手既時候”嘩”左一聲👏🏻👏🏻👏🏻因爲真的有金箔㗎，而且一d都唔少，哈哈😋雪糕好軟滑，味道非常濃郁！連雪糕杯既脆皮都值得一讚，果然係一分錢一分貨👍🏼

想試呢間Icremeria雪糕店好耐啦😝😝😝雪糕店主打日本空運過黎既哈蜜瓜，係勁高貴既雪糕🙈今次就試左靚靚既金箔雪糕先！！幾中意尖沙咀呢間店既裝修，有高貴又帶點復古既感覺，勁fancy🥰👅純金北海道牛奶雪糕（$98）個雪糕貴在塊金箔到🤣好浮誇地包住成個雪糕❤️牛奶雪糕既奶味偏甜，奶味未至於好重，但就勁中意雪糕個質地🤤雪糕好綿滑，軟身得黎係紮實👍🏻唔錯唔錯～食到停唔到口！😋😋😋

💰$350 Deluxe蜜瓜金箔芭菲同兩個朋友飯後想食小小甜品，見到日本直送蜜瓜好吸引🍈餐牌都寫住no. 1推介🤩大家難得豪一次$350 3個人食都OK😳店內環境都好舒服…坐住慢慢食眼睛完全被外型吸引🍈半個蜜瓜中間有一層薄薄既金箔包圍住雪糕一啖軟滑既牛乳雪糕🍦再食一啖蜜瓜，雪糕甜度適…又唔會搶走蜜瓜既香味蜜瓜超甜同十分juicy🍈絕對唔會好似平時..食左啖雪糕就搶左生果既鮮味。一個2-3人飯後食其實都好滿足👧🏻👧🏻👧🏻.#尖沙咀 #iCREMERiA #蜜瓜金箔芭菲 ...……………………👱🏻‍♀️肥妹小編..……………………

人氣雪糕店i CREMERiA, 雪糕🍦買一送一 優惠期：8月30日 - 9月1日蜜瓜雪糕賣相非常吸引, 蜜瓜很甜, 雪糕都算充滿牛奶味，幾好食!  品嚐到日本甜品嘅味道！以後食咩甜品好又多個好選擇喇!  有室內位置，客人可以坐低慢慢食! 買一送一 , 抵👍 抵👍 抵👍

北海道🍈好甜就係人都知，北海道🥛🍦亦都係夏天旅遊必食，但係將兩個融入變成北海道雪糕就係哩間既特色！之前因為價錢高，所以自己一個絕對唔會食，但是咁啱幾個朋友一齊可以夾份買一個高級一下（笑）。北海道金箔雪糕金箔：大家都知金箔無味，所以其實都係擺設同luxury一下。但係金箔舖係雪糕面形成金色螺旋紋，係一個好好既影相位，有治療癒感（哈）牛奶雪糕：牛奶味超！濃！郁！簡直覺得個雪糕99.9%都係牛奶味，完全唔覺得heavy甚至死甜！真係好好味！同日本本地既牛奶雪糕有得揮！蜜瓜：個蜜瓜係起絲既蜜瓜，而且我地其實無叉無刀切，只係用🥄，但係好輕易就可以but到蜜瓜肉，因為佢熟度啱啱好，味道清甜。不過食完雪糕再食蜜瓜，就會發現蜜瓜味道會被沖淡，一個人工甜，一個天然甜。最好相互夾住黎食，否則一下子食完雪糕再食蜜瓜，咁就食唔到蜜瓜既最原始鮮甜味！真係好好味！$300幾都抵🥺

一生人總要豪一次。金箔外表再加內裏北海道牛奶雪糕，你嘗試過未?網上看到這間高質的雪糕店icremeria有很多好評，在尖沙嘴逛街剛巧看到icreameria竟然有推廣優惠，主餐牌雪糕買一送一，誰人會錯這個優惠?icremeria裝修很華麗，外表是以雲石裝飾從落地玻璃看到裏面有很多五彩繽紛的絲花，金碧輝煌，盡顯華麗奪目。相信最出名是蜜瓜金箔巴菲，但由於價錢不菲，本人最後嘗試純金北海道牛奶雪糕。拿著金箔的雪糕當然少不了拍照，絕對不想那麼快進食。北海道牛奶味特別香滑，雖然金箔沒有味道，但確實很搶眼，拿著亦覺得自己高貴了!

昨天同亞女探完BabyShark，行過海運iCremeria，見到買一送一，即刻被吸引咗入去！人雖然多，但總算找到個好位坐低食。食咗香醇朱古力 & 香醇咖啡老公話：「靚嘅雪糕果然係唔同啲，滑好多！」的確，係滑好多，女女食到停唔到口！只得兩大一小，只能食到兩款，其實仲想試北海道赤肉蜜瓜雪糕呢，下次有機會再試！依家除左有買一送一，其實若有匯豐信用卡，主餐牌雪糕可享半價優惠呢，優惠做到9月15日咋，快啲去食啦！

已經踏入秋季，但係天氣仍然熱得很，由尖沙咀海旁行入海港城，仲使空調已經開得好大都未能消除熱氣，行過i creamria ，被店面氣氛吸引，華麗嘅裝修配合一大堆矜貴T柄蜜瓜，店舖顧名思義係專賣雪糕嘅，係日本直送材料嘅軟雪糕，在經常食嘅蜜瓜同華麗嘅金箔之間，我選擇了後者，見店員將軟滑嘅雪糕，唧樂香脆嘅雪糕筒來，然後小心翼翼咁將一片薄如蟬翼的金箔加上雪糕面有如為佛像貼金，輕薄嘅金箔在雪糕上慢慢貼合顯露出縷紋雪糕嘅樣式，雪糕奶香味重非常幼滑，金泊入口即化，食完唇邊留有少量閃令令的。

今日一枝公黎到i Creamia食雪糕，超級嬲因為竟然比我撞正買一送一！😭😭好，就算一個人都無阻我食雪糕嘅決心！所以我一個人啪左兩枝金箔雪糕😂同baby shark做cross over又幾過癮😂 等左一陣仲排長龍呀！仲要全部係講廣東話架🙂並非第一次食呢間雪糕，最鐘意就係我影足佢5分鐘想呃like都仲係冇溶嘅跡象！金光閃閃嘅金箔真係令我覺得食雪糕食到去左另一層次lol 牛奶味勁濃勁creamy又幼滑，層金箔反而成為左好好嘅點綴，啲金跟住雪糕紋理去舖上去真係花左我幾分鐘去欣賞佢🤗

之前去海港城行街，見到人山人海在排隊，原來係匯豐信用卡有優惠，全部雪糕都做緊半價！最熱賣嘅金箔雪糕, 40幾蚊就食到！排咗大約20分鐘左右，最後我哋揀咗賣相極靚嘅純金北海道牛奶雪糕。平時食開啲金箔，通常都係碎碎或一小片，但呢度嘅金箔雪糕就好誇張，係用成塊金箔覆蓋着整個雪糕！係燈光之下，成個雪糕都散發着光芒！不得了！因為成個雪糕俾我哋感覺係太矜貴，太奢華，所以我哋都係慢慢慢慢，一啖一啖咁樣細味。金箔食落口雖然冇咩特別味道，但係心理上俾我地嘅感覺就好大嘅滿足。當然重點仲有佢哋嘅牛奶雪糕啦，牛奶味道係極重，但又唔會太甜，果然一分錢一分貨！其實呢度嘅雪糕以依個質素，即使收正價亦唔算太貴！下次再嚟試埋其他口味先！

今日決定食個靚雪糕獎勵下自己💪🏻呢間雪糕店在香港有很多分店今日來到尖沙咀海港城估唔到雪糕店都係打卡好去處預備好你既電話因為雪糕好快會溶再加上夏日炎炎好多雪糕 樣樣都想試最後揀左純金北海道牛奶雪糕金箔相信大家都有食過但份量都唔會多 都係一點點或者係一小片而呢個雪糕係成張金箔成張呀 幾奢侈呀！價值$98 雪糕黎講算貴但佢係值呢個價除左張金箔之外⋯⋯味道都好重要！ 勁香濃既牛奶味唔會有死甜 個脆筒都好好食 另外見到日本直送deluxe 密瓜芭菲有機會下次試下🥰

今天晚上約了朋友到尖沙咀吃飯和聊聊天，我們吃完晚飯看看時間尚早，所以上網找找附近有什麼甜點讓我們輕鬆坐坐聊天，幸好找到海港城裡有一間日式雪糕店，之前已經聽聞這店鋪的雪糕非常有名，所以我們決定到這裡試試看。我們來到看見店鋪的裝修很高尚，而且很有日本雪糕店的感覺，店舖內有幾個位置可以讓我們坐下慢慢品嚐。鋪內還有日本蜜瓜的裝飾，，非常有情調。餐單裡雪糕的種類有很多，第一個吸引我的就是那個純金北海道牛奶雪糕。到手那一刻整個雪糕金光閃閃非常耀眼，拍照打卡非常好，而且份量很適中，很適合剛吃完飯的我。第一口咬下去驚喜十足，牛奶的味道很濃，香濃的牛奶佈滿整個口腔，我十分喜歡這個濃濃牛奶的味道，甜度適中，雪糕筒口感非常鬆脆可口，配合雪糕十分的適合，整個雪糕筒都裝滿了雪糕完美配合。