i CREMERiA (Closed)

食完拉麵有啲想食甜品於是過對面整返杯雪糕，個日本拉麵咁好味，諗住都係喺日本嚟嘅雪糕應該唔會差，但有少少失望囉😞首先我杯綠茶軟雪糕未食個頂已經溶緊，仲一路向後彎，好似隨時都會跌落張枱度，其次係個茶味唔夠濃，我都唔係好食得好濃綠茶味嘅人，但我都覺得佢可以多少少茶味。由於杯雪糕溶得太快，食到一半我簡直覺得自己同時間競賽，因為食得慢少少嗰杯嘢就會變咗做奶昔。求其影咗一張相就開始食，中途完全冇喘息嘅機會。十分鐘之內完成🙈

海港城呢間雪糕店，任何時間都多人排隊，今日係晚飯時間去排隊都要排咗10分鐘，因為有coupon關係，今次食豪啲，叫左2個主打水果芭菲，每個要$108，真心貴，睇下係唔係真係咁好食先。蜜瓜芭菲白桃芭菲賣相吸引，但味道一般，不值得呢個價錢，平時order普通口味仲好食啲，而且衛生環境真係好差，見到隔離枱，走左3轉都冇人執枱，成枱都係食過嘅杯，而且位置太少，很多賣完都企門口食，疫情關係，都係注意衛生比較好，希望疫情快啲完結，香港人可以，安心食杯雪糕！

食完野諗住返屋企又會見到佢買一送一真心吸引同抵都忍唔住買黎試下白玉餡蜜芭菲 HKD58.00抹茶雪糕唔夠甘味味道唔算濃紅豆唔算甜配塔抹茶食無得輸高知縣沢渡茶大福芭菲 HKD58.00見寫住人氣No.1米試下呢款抹茶雪糕味唔夠濃件大福無我預期想像中咁甜絕對可以擺落口唔知係米迎合番香港人口味感覺唔似食緊日本雪糕因為買一送一現場真係好多人無得好舒服咁食芭菲但以買一送一呢個價位真心抵食不過對抹茶控黎講可能味道差少少不過雪糕都滑可以一試

一直都好想試呢間既雪糕，但係始終太貴我唔捨得食，見佢限時三日做買一送一，咁岩出開尖沙咀海運大廈，就梗係要黎朝聖試下佢啦，買完就即使影相打個靚卡，個杯好靚，連匙羹都好靚，不過店員服務態度唔太好。九點半關門，九點廿五到，職員話得返基本款可以叫，食唔到白玉果啲有啲失望，點知最令我失望既係雪糕。牛乳味果部份，甜到皺眉，有種死甜既味道，好失望。諗住抹茶應該會好少少啦？見到抹茶粉既顆粉係入面，充滿期待，點知又係勁甜，得丁丁丁丁丁點既抹茶味。真係好好彩有買一送一咋。喉嚨好辛苦無食曬就掉左，然後要馬上飲無糖茶中和，真係無下次，真係好唔得。

佢哋嘅雪糕走高檔路線，所以價錢唔平架，但因疫情下有買一送一優惠，就試下有幾好味先。㨂咗日本京都宇治抹茶雪糕，價值$45，用北海道牛奶整成。入口好香滑，抹茶味濃郁，沒有苦澀味，反而有淡淡嘅回甘，抹茶同牛奶嘅比例調配得非常恰到好處。㨂咗威化筒，感覺比有機玄米杯裝的多啲。至於店舖設計華麗，雪糕好睇又好食，雪糕賣相好適合打卡，另外亦好多情侶幫襯。就連一支匙羹都識反光，可以循環再用，感覺用上一次放入垃圾桶就好浪費。今期出咗新嘅朱古力Gelato, 下次要鼓起勇氣試下。

經常經過尖沙咀海運大廈嘅i CREMERiA， 每都被佢嘅poster吸引住，尤其是佢啲蜜瓜雪糕，最貴嗰個$350，我心諗一定超級好食，但太貴我一定唔捨得食啦。今日再次經過，因為外邊天氣太熱，我忍唔住同朋友入咗去，我冇叫全場最貴嘅，我買咗個日本直送蜜瓜芭菲$108，朋友叫咗個日本直送完熟白桃芭菲$108。個芭菲咁貴，應該係要坐喺度慢慢品嚐，可惜間舖實在太細啦，好迫，想快啲食完就走。講返個芭菲，唔覺得特別好食，佢哋嘅日本直送蜜瓜同熟白桃，唔夠香唔夠甜，$108 這個質素我覺得太貴了。

因為有呢一間舖頭嘅coupon 咁就嚟試佢嘅pancake咁我哋兩個人就嗌一個係creme brûlée 嘅pancake 一個呢就會係香蕉朱古力嘅 咁去整每一個都要大概等10分鐘到啦 咁首先嗰個香蕉朱古力pancake就會出嚟先嘅 我食完係覺得係冇特別嘅 係同街邊食嘅可樂餅係差唔多嘅雖然佢個皮係真係整得好薄 但係佢除咗面嗰層有朱古力同埋香蕉之外其實入面都冇乜太大嘅特別囉 咁我哋之後就對creme brûlée 都真係冇乜期望啦然後就到creme brûlée 嘅 咁我就因為之前嘅失望咁我就定抱住好普通嘅心態去試呢個啦 點知佢反而係有驚喜嘅佢係除咗個皮好薄啦 佢一路成個成個pancake都係會有creme brûlée 同埋佢個面係用焦糖燒過嘅但係第一啖食落口個感覺係嗰陣蛋香同埋奶味都會係個口充斥着成陣味 呢個係一定要試真係好好食不過呢間舖頭嘅位極少 只可以買外賣食 但係因為疫情關係 係街到除口罩比較麻煩 所以我都係買返Office度食嘅

I Cremeria喺香港開左好幾年，今次都係第一次食🤪-🔻日本京都字治抹茶雪糕配有機玄米杯裝 $42雪糕質感非常軟滑，但甜度太高(朋友個牛奶雪糕都係)，抹茶味得第一啖食落去先有些少☹更唔好講回甘。多得朋友提醒，佢味道幾乎同M記之前出過嘅抹茶雪糕一樣😶-👅食後感：唔推介抹茶控食，因為抹茶味真係冇乜🤔-👀個人喜愛度：3/10-🚩i CREMERiA尖沙咀廣東道3-27號海港城海運大廈地下OT-G03A號舖-

每次行過【i CREMERiA】都好想試下佢個Crepe，因為有我最愛嘅焦糖吉士味🤩🤩🤩原本幻想佢係「皮薄餡靚」，可惜食過之後非常失望🙈面層嘅焦糖份量落得唔夠多，變咗咬落唔夠脆口👎🏻個人認為吉士比想像中甜👎🏻餡料聚晒喺上層，落唔到底，食到臨尾嗰幾啖只有厚厚嘅外皮🤮食之無味，棄之可惜👎🏻由於當日客人比較多，我哋等咗足足廿分鐘🤯盛惠$78但質素麻麻，應該唔會有下次喇🤪

與好友相聚，約在海港城午餐，午餐後再食甜點才完美，可惜商場好滿人，要去到這間雪榚店才比較空，店面很少，座位不多，雖然都是一貫英式華麗裝飾，我們等了一會有客人離開才有位，枱上面都是客人食完的杯杯餐具！店員等一會兒有出嚟收！宇治抹茶affogato($56)透明膠杯，深綠色抹茶軟雪榚，淋上熱抹茶，有點半溶狀態，雪榚加上濃茶，減淡了雪榚甜味，甘甘甜甜好好味，吃到了茶香！好味！朋友食：白玉餡蜜芭菲（北海道牛奶）（$58）白玉餡蜜芭菲（宇治抹茶）（$58）甜點美觀又美味，不過這間店太細，有點嘈雜，店員服務正常！喜歡抹茶味日式甜點都會喜歡

夏天到啦🔅又到吃冰女孩的快乐时刻～这家算是超人气的网红冰激凌店了吧，冰激凌还是北海道直送。【柚子抹茶牛乳芭菲】（$78）抹茶+牛乳的绝佳搭档牛乳味一如既往是北海道牛乳水平，你们懂得，就是奶味特浓！抹茶味道也很浓郁，冰激凌口感绵滑～里面的糯米团子🍡我一开始还以为是蜜瓜冰。配料也很丰富，有谷物和啫喱～🧡还有金箔雪糕真的是它家网红了～但其实就是牛乳雪糕上面加了一层金箔…我吃过一次，感觉打卡过就可以了…这个价格也确实偏贵。

成日行過旺角，尖沙咀，銅鑼灣灣都見到佢，次次都俾佢個大大個蜜瓜吸引左我🤣🤣，今次因爲有mission而要一早過來海港城，順手消埋Last day 既Dining coupon...食完個Lunch, 仲有2張Coupon 淨，家姐話趁早，落來食雪糕喎，唔係一陣好多人🤣🤣🤣本身Target 想食半個蜜瓜嗰個，一望$280.....🙄🙄🙄🙄🙄🙄 太貴，而且得2個人，食唔晒，所以放棄左。🤣🤣🤣 最後叫左個綠茶宇治金時 （um....好可能其實唔係呢個名，我作的😜😜) , 蜜瓜牛乳雪糕 (又係作嘅) + cappuccino (呢個我無作嘅)🤣🤣🤣叫完後，好在有位，坐埋一邊食，唔係2個人4隻手，都唔知點拎到3樣嘢 😆😆😆。。presentation 好靚，一試個緑茶雪糕，好好味喎，唔會太濃，有回甘味，而且係軟雪糕，我覺得好好食 👍🏻👍🏻😘😘, 仲有紅豆，份量唔多，不過都好香，小丸子(呢個一向都無味comment 唔到喎)，粟子一粒(我唔食咖🤣🤣)，最麻麻係塾底嗰啲啫喱，係綠色，但無綠茶🍵味，仲好鬆散下，唔知係咪個texture 本身係咁定係佢未夠時間定型，呢個真係麻麻！成杯份量okay, 都

It is very good. The chocolate ice cream and the mocha ice cream is the best. I suggest you can try it. The most special thing it is some of the ice cream had put in some hot chocolate. Yummy!

平時有去開旺角朗豪坊嘅話，應該都會有留意到係搭長電梯個層有間食甜品雪糕嘅餐廳！原來佢地係尖沙咀都有分店，之前食完飯經過幾次都見到有好多人係舖頭入面買雪糕，所以都想試下有咩咁吸引🤔**********<日本直送蜜瓜芭菲> $108睇佢地嘅餐牌就會發覺蜜瓜雪糕係佢地嘅熱賣，不過價錢真係唔平，如果叫原個蜜瓜加雪糕要$280！今次都係有張coupon所以先叫個蜜瓜芭菲試下，貴到唔捨得食🤭佢地啲蜜瓜應該真係日本直送嘅，味道清甜而口感綿滑，唔係爽口個種！不過個牛奶雪糕就真係唔特別，食落唔重牛奶味，感覺有啲似麥記雪糕個隻味🤦🏻‍♀️

‼️❤️ 記得CLICK我PROFILE關注我呀 ❤️‼️.🍨 𝗘𝘅𝗰𝗹𝘂𝘀𝗶𝘃𝗲 𝗦𝗮𝘄𝗮𝘁𝗮𝗿𝗶 𝗧𝗲𝗮 𝗗𝗮𝗶𝗳𝘂𝗸𝘂 𝗣𝗮𝗿𝗳𝗮𝗶𝘁 𝗳𝗿𝗼𝗺 𝗞𝗼𝗰𝗵𝗶 高知縣沢渡茶大福芭菲杯 HKD58 @icremeria 🌟 i CREMERiA 《👽食神大媽食甜品》⠀.⠀🍡 由日本高知縣直送嘅沢渡茶大福，大大粒，包裹住白豆蓉同茶葉絲, 甜而不膩，基本上系大媽每次都叫呢杯嘅重點原因，絕對有別於一般大福！😋.🍦 配以綠茶軟雪糕，雖然綠茶採用京茶屋材料，味道卻普通不覺驚艷，紅豆有時亦過甜，但都會為左大福而不停翻兜 😬✌️⠀.⠀🤡 另外大媽聽過好幾次D人以為大福即系麻糬，雖然大家都系一舊粘粘地咁，記得唔好搞錯，麻糬極其量系大福個FRIEND，但絕對唔系同一樣架。🤡⠀.⠀🌟 大媽同時強烈要求尖沙嘴分店可以擴充，大媽咁肥大，佢塞唔落大媽呀 🙎🏿‍♂️⠀..📍 尖沙咀廣東道3-27號海港城海運大廈地下OT-G03A號鋪⠀☎️ +(852)2386-6266.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.