I Love You Dessert Bar (Closed)

早排成日見到好多人介紹呢間野，今日終於有機會黎試下。星期日嘅下午，仲以為會好多人，點知完全唔洗排隊，有啲surprise。除左原味梳乎厘班戟之外，仲有幾款期間限定，大部分都係40蚊有找，以價錢黎講，的確係吸引嘅！而我就揀左香蕉朱古力味，第一啖擺落口，已經超失望好似食緊風咁，同埋完全冇蛋味，加上啲cream搞到個班戟好濕。今次係第二次食梳乎厘班戟，好彩唔係第一次就試呢間，如果唔係應該以後都唔會再想食同類食物！

最近好鐘意食pancake～我妹介紹我黎呢間話唔錯～就試下佢啦～******************************而家仲有期間限定嘅蜜瓜pancake $39一客一塊厚pancake、日本蜜瓜、蜜瓜味雪糕、忌廉。黎到都幾多人，等左約15分鐘，等到覺得熱，第一啖就食雪糕先，與其話佢係雪糕，其實係似雪葩多d,入口即溶透心涼呀～之後就食件蜜瓜，真係好甜呀！！再食啖pancake，可能比蜜瓜壓扁左，唔係非常之有空氣感嘅～但就好濃蛋香味，佢嘅pancake未必係我最愛嘅味道口感，但呢個價錢有多重享受仲有日本蜜瓜食，值得一試～******************************

每人心中的評分標準都不同，我必須說明我的食評標準，如下：1星：難以下嚥2星：維持生命3星：不過不失4星：大飽口福5星：齒頰留香香港愈來愈多梳乎厘店。集合食物質素、價錢、等候時間，這間是我的首選。梳乎厘有蛋香，密瓜也甜。因為是即整，所以一定要等。每轉要20分鐘。視乎你去的時間多人不，要等多少轉，一般等1至2轉都食到。

早已想去試尼間簡約的小鋪，不過地點有少少難搵，可能我不是九龍區人，未到門口已經見到好多人等緊，睇來都幾受歡迎，門口位有個靚牆比大家放低下d食物比人影相呢個->梳乎厘pancake十分鬆軟， 按下去軟腍腍，吃下去帶空空暖暖，質感綿密蛋香味重，有彈性仲入口即化的口感，質地鬆軟，不枉我咁遠來。難得嚟到梗係試多個->拿破崙榛子吉士班戟，個拿破崙太硬，但榛子入囗帶有香氣，吉士忌廉打得幼滑挺身，不過冇梳乎厘咁好食

因為之前睇到啲post 食呢間舖有幾好味，又幾抵食，所以一試心態幫襯。店舖可以算係無堂食位置，除非你唔介意坐係街邊，張高椅仲係放係斜面及不平既地面上。我慕名而來既係pancake，都有幾種生果配搭可供選擇，我㨂左蜜瓜瓜同埋蜜桃拿破崙。不過當接到手既時候，係一啲都唔興奮，你哋望下張相都見到啲cream 已經溶到浸住咗件pancake ，蜜瓜唔甜、pancake 勁甜，係軟熟既但俾啲cream 咁浸發，我都無心機再食。拿破崙好脆但同啲桃、吉士夾心一啲都唔夾，總括黎講都係唔好味，唔會再試既一間甜品店。

最近日本大熱梳乎厘pancake，上網見到有人介紹旺角開了新店，便和朋友一起去試試，門外等了很多人，買票後需要等，似乎製作需時，我們一等就等了三十五分鐘，終於到手。我們點了原味試一試，pancake就咁睇好吸引，好似好有彈性，吃一口很有蛋味，但似食咗一啖空氣，好輕，味道有點甜，但並不膩，但個人喜歡pancake質地實在一點，有口感的。整體來說，價錢合理，因為見過出面店有的是九十幾蚊，所以試食一兩次都值得，但製作時間太久，如果可以改善這點，一定會再食。

今日經過旺角，Pancake愛好者的我要來朝聖！一到白布街，因為桃紅色的招牌很搶眼，很容易找到它的位置。店舖主打pancake，有很多不同的口味，要試試他的功架，當然就是吃原味！原味梳乎厘班戟我們等了20分鐘才有。Pancake賣相吸引，而且離遠已嗅到蛋香的味道。Pancake口感鬆軟，帶有微甜，而且蛋味濃郁，不用太多糖漿也足夠。以這個價錢來說已經是十分值得了！大熱天時在這裏等也不是一件容易的事，雖然店舖有一部風扇，但是也不足夠，若然它是一間有室內座位的甜品店會更好。 下次可以試試其他配料。

去到miss左一輪，熱辣辣晌門口吸住二手煙要等20分鐘唔緊要。就黎出爐個陣之前佢開始嗌number ，你唔應佢就死硬，佢之後會當你唔存在，唔會派返俾你直至你提佢為止。話說佢嗌錯左1xx 做11x, 朋友無應到佢，佢派個陣直接skip左我地個number 派左俾下一個。我地出聲問佢仲反問我地頭先係唔係行開左。下？首先我地無行開過，企正佢門口。第二，乜行開左返轉頭就要再等？我一早俾埋錢架喎！唔係循例都應該嗌下我地個number 先架咩？結果係佢派多4個number，再等佢焗多陣先俾我地。 前後等左40分鐘，用一分鐘食完。明明唔多人都攪成咁，唔怪得知之前啲人話要等成粒鐘。件野正正路路，亦唔貴。唔知佢用呢個速度賣pancake 點樣回本。夏天不宜食佢，冬天百無聊賴好多時間晒嘅話可以諗下。

作為班戟粉絲，見到旺角有$29 梳乎厘班戟緊係要去試下啦。當日唔洗排隊，即叫即製要等10分鐘。梳乎厘班戟個賣相好好，仲有隻蝴蝶做點綴。一啖放入口………………全部變哂泡 😲係咬都唔洗咬，就溶哂係個口入面。只有一種蛋腥味留係個口………………我明白咩係梳乎厘，但係佢比梳乎厘更加梳乎厘，唔知以為食緊分子料理 😲最後，我只係食左個表面塊皮，加2啖分子料理就掉左成碟野。職員好好服務態度，價錢又平，賣相又ok! 期待佢個梳乎厘班戟有所改善!

近來開左好多間日式梳乎厘班戟店，價錢由廿幾蚊去到百幾蚊都有，之前係日本食過念念不忘，於是搵左呢間好評度幾高嘅一試~雖然呢間"bar"無得坐係度食，但勝在有唔同味道嘅班戟揀。我地首先叫左:原味梳乎厘班戟，一份有兩件嘅梳乎厘班戟只係29蚊咋！班戟放落口軟綿綿，梳乎厘製成班戟令口感無咁空氣，加埋忌廉同糖粉令味道更為香甜，口中仍然留有一絲蛋香！由於太好味嘅關係，所以再叫多左個：日本蜜瓜梳乎厘班戟配蜜瓜雪糕呢個係限定口味，想食生果同雪糕叫呢個就啱唒，蜜瓜份量比想像中同圖片多好多，每件都大大粒！蜜瓜味道清甜，無平時食個種甜到漏嘅感覺（可能係日本同內地蜜瓜嘅分別）食落好清新，佢仲好細心去左皮，企係度揸住食都好方便～蜜瓜雪糕味道幾好，甜得黎唔漏，配埋蜜瓜同班戟一齊食好正！之前聽講要排一個鐘隊，可能尋日落大雨所以無乜人，如果唔需要等多過一個鐘嘅呢間班戟店值得再黎！

食完個Lunch尚有一點時間，賴生帶左屈小姐黎到《I love u dessert》度食屈小姐回味已久既日本動L動L班戟。本來以為會好多人排隊，未必食得切，但早起的鳥兒真係有蟲吃，我地1點黎到，完全未有人排隊，好輕易就叫到野食啦要令我地有咁既擔心同排隊既準備，其實都不太驚訝，坊間提供相類似班戟既餐廳，動輒花費港幣80-100蚊，仲要排隊輪候1-2小時先有得品嚐一下。相反，係呢度只需花費少於一半既價錢，就可以食到相類似既甜品，縱使有人會覺得一分錢一分貨，會覺得呢度比不上各大名店既出品，但用平民價格同樣既等候時間就可以有機會試到相似既出品，多窮遊情侶既香港，點會冇棒場客呢？另一方面，店家貼心提示個班戟係需要即食既，否則會影響口感同味道，所以選擇開1間外賣店係聰明既，間接令客人可以盡快食用，假如唔喜歡立食，店家亦提供左3個座位比大家食！更重要既係，為左嚴格保持出品質素，佢會通知你大約幾時整好，要求你咁上下就番到黎出現，佢會預先叫定號碼，假如你唔係度，就比下一個人，你就可能要等下一轉嫁啦⋯既然你都排得隊等位，相信等野食呢十幾分鐘真係唔難過，傾傾下計Selfie下，野食就差唔到送到1）拿破崙吉士

近日見有好多報道依間shuffle pancake(由於本人超鍾意食shuffle pancake每次去日本都會食4，5次)，見個價錢又幾可人，有日放工專程走去試吓。我叫咗個香蕉梳芙厘班戟($34)，買相講真就麻麻喇，一pad溶到變咗液體嘅cream,又糖霜又朱古力粉，撈埋一堆咁食落去還可以啦，但可能個cream溶晒，食落好濕。不過我就覺得略嫌有少少貴，冇冷氣，喺鋪頭出面一張長枱仔+3張高櫈，馬路邊，大厦維修，樓上滴水，又有嘢咬，買$34一舊就……而且等候時間亦都比較耐，我去嘅時候，得兩個人等緊，佢都話要等20分鐘，都唔緊要，但最終我係等咗差不多半粒鐘，喺嗰個環境等半粒鐘

最近ge Must eat items 之一，又點可以錯過呢，點都要試試gei反正個肚有空位呀嘛。(好似係)店舖門面雖然細小但款式的選擇都算多，排隊ge人都比想像中多。跟住我就揀咗香蕉梳乎厘班㦸，大概等咗半個鐘就有得食。賣相係的確相當唔錯，班㦸食落去好香好有蛋香味，而且好軟熟，配上忌廉，焦糖香蕉和朱古力粉，好好好好味。唔洗5分鐘就食晒啦！又平又正，推介！

見好多媒體介紹就一軟要去試下啦！Order左原味，大約要等15-20分鐘左右！熱辣辣既天氣確實要好有耐性！可能8點幾去，所以唔算太多人等緊。有得食了！賣相幾靚，當然相機先食！一入口，噢⋯⋯大失所望！完全係媒體吹噓報導咬落非常林，好似d蛋漿未熟一pat pat咁！味道好重蛋味! 而且糖霜太少，味道完全不似預期！老實講，同pan de pain差好遠，完全唔可以話係梳乎里pan cake我地2個人叫左一份最後都掉左半份！要等咁耐，但原來係咁難食，唔會再去！

近排興食梳乎厘，但價錢都唔平，咁啱見到網上介紹過呢間幾平，就去試下。去到已經有唔少人排隊，應該係有咁上下人數就一次過整幾份。等左大約15分鐘左右有得食。兩件原味梳乎厘都有掌心咁大，食落比較重蛋味，個人鐘意淡蛋味。上面啲cream(?)好好味，大大加分！唔會好油膩同肥，口感好滑，唔會太甜，正！出面有三四個位，但坐滿左，所以好多人都係企喺到食。三十幾蚊冇期望太高，呢個價錢黎講都算係咁，唔算伏，值得一試。