I Love You Dessert Bar (Closed)

概然是米芝連甜品店當然要一試，今日試的是我的至愛抹茶味。店主只設兩個座位，而由下單至出品要成半個鍾，所以要有耐性罰企等待。梳乎厘班戟很鬆軟像吃空氣一樣，整個吃掉也不覺腻。甜度不高剛剛好，抹茶流心醬有點鹹味中和甜度。總括來說以$39這價錢來說可以一試。

整完頭咁啱經過iloveudessert 其實之前都食過 不過有時見多人排隊就冇食 今次難得唔駛排隊 即刻買左個黎食啦 我買左個原味梳芙厘食 由於佢既梳芙厘係即刻焗既關係 係要等15分鐘先有得食 所以絕對係新鮮出爐佢間舖頭好細 出面只係得幾張凳 所以通常大家買完都係係佢門口即食熱辣辣既梳芙厘準時係15分鐘後到手啦 個梳芙厘入口即溶 而且蛋味算係重 用黎配襯佢既cream/糖漿/糖霜亦唔會太甜去搶左佢本身既蛋味 一般既梳芙厘食左好似食左空氣咁 但係呢間唔會 原味既價錢只係$29 而且有兩大舊 就算同朋友share都唔覺得少 值得一提佢最近拎埋米芝蓮推介 所以佢地放在梳芙厘上既蝴蝶 改左做米芝蓮公仔 其實呢個米芝蓮公仔/佢個心心牌/蝴蝶都係食得既 佢其實係一塊冇味又唔太脆既餅 不過我覺得係好有心思同埋令個樣靚d 絕對係色香味都有 我覺得佢簡直係平靚正之選 佢定期都會有d期間限定既口味 大家可以試下

星期日路經見到一間新開泰式麵店，試完諗住離開旺角之制，途經見到一間好多人既店，行去睇下發現原來係之前朋友同我介紹過話好食，之後我又留意到這店得到米芝蓮。需然剛食完午餐，既然見到，真係忍唔住一試，見到之前朋友講過那個梳乎厘班㦸話好食，但我見到日本柚子抺茶吉士拿破崙都好吸引 最後決定試拿破崙果然都無選錯，拿破崙皮好脆，柚子吉士好出，抺茶吉士唔苦，下次一定要再去試梳乎厘班㦸P.S. 拿破崙皮好脆，好多碎碎跌出來，食既時候小心D，如果唔係全身都係拿破崙皮碎

網上好多報章推介呢度既梳乎里pancake, openrice 亦好多人讚， 今日黎開旺角， 堅決要過黎潮勝， 我大大話話行左20mins先黎到ga!點左老公最鐘意既密瓜味， 職員話要等15mins, 結果梗係唔止啦， 期間舖頭前面越黎越多人企住等， 大家耐性都好好啊終於等到啦！ 賣相幾靚！ 試左pancake先， 好鬆， 好軟，好香蛋味， 配上忌廉真係幾好味， 不過密瓜唔夠甜， 可能我食左pancake先影響左味覺， 而個雪糕就真係失望啦， 似食緊沙冰多d, 唔似雪糕， 唔creamy無奶味。個人覺得如果再黎幫趁， 食原味pancake就夠！

#fridayla_mk⠀⠀⠀⠀⠀⠀⠀⠀⠀⠀⠀⠀⠀⠀⠀♥️I Love You Dessert Bar🔸🔸🔸🔸🔸🔸🔸🔸🔸🔸🔸♥️2018米芝蓮推介甜品店🔸🔸🔸🔸🔸🔸🔸🔸🔸🔸🔸 ⠀⠀⠀⠀⠀⠀⠀⠀⠀⠀⠀⠀⠀⠀⠀話說尋日去開旺角，晚飯之後覺得唔飽，😳就念住食個甜品填飽第二個胃😆⠀⠀⠀⠀⠀⠀⠀⠀⠀⠀⠀⠀⠀⠀⠀Search之下，見到呢間I love you bar啱啱攞咗米芝蓮推介😳所以就念住去試啦😳😳 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀But又驚會爆滿，於是打去Book位😎接通電話之後，另一邊廂就有一把女聲講：Hi I love you😳⠀⠀⠀⠀⠀⠀⠀⠀⠀⠀⠀⠀⠀⠀⠀而個刻我就知道😎點都要試下呢間野😎⠀⠀⠀⠀⠀⠀⠀⠀⠀⠀⠀⠀⠀⠀⠀P.S 呢間店基本上喺只做外賣😆但都有兩個座位比人稍微坐下😝 ⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快語💘💘💘 ⠀ ⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣間店前身喺賣漢堡包，自今年2月改做梳芙厘，結果一炮而紅，最近更得到2018米芝蓮推介既殊榮♥️♥️⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣老闆之一既劉滿堂是甜品廚師，曾於米芝蓮一星的意

由開業時，以CP值高而大排長龍，再加上米🐷蓮，至今都人氣鼎盛。吾想排太耐，於是平日來等開門，2:55pm到都要排第2位，之後陸續有👬👫👭。結果3:18pm拿到我的 😋雜莓梳乎厘班戟。。真係又平又好味啊! 🖒值等😉

梳芙厘小店🦋平吃高質甜品💕話說之前半日偷閒同好朋友黎試呢間洗版度極高既梳芙厘專門店。宜家已經好多人認識，但果陣小店仲係新開張，試食既人多到遮埋隔離鋪門口。我地兩個人決定分一個原味，落單之後都等左半個幾鐘先有。但吃完覺得等咁耐都超值得，好想搵日再去試埋水果味，宜家去仲應該唔洗點等就有得吃！😆✅原味梳芙厘班戟 Original flavour souffle pancake $29 ：梳芙厘蛋味好香，裡面真係有餡，唔係裝滿空氣！內裡質感超滑，面頭仲有難得一見發得輕盈既忌廉，兩樣野加埋既口感好正。仲有小蝴蝶在側邊，自己吃都唔怕悶，店主好有心思。呢個價錢有咁既質素好滿足！😍

梳芙里pancake最近喺香港超熱門，周圍都有賣，我今次先第一次食😂😂😂 黎左其中一間幾有名既食，等左10分鐘左右，但絕對值得等待！個梳芙里好香蛋味，唔會完全係食空氣咁，有啲質感，又好滑，配埋冰凍既抹茶雪糕，一冷一熱既口感超正！雪糕既抹茶味足夠，紅豆蓉都唔錯，夠甜！最有驚喜既係個忌廉發到超輕盈，4款食材口感同味道配合埋一齊食好夾，好好食，賣34蚊性價比超高！值得再黎食！🤤😋

同朋友食完燒烤佢話要食甜品!當然奉陪到底啦！不過兩個人一份就ok la!係冇得坐低食嘅！平日都咁多人等！朋友order 咗依個！我哋order左之後企左係門口等左成差唔多30分鐘！！講真啦唔係我朋友要食我係唔會等囉！有冇得坐低食！要等咁耐！仲要唔平喎！一件pancake加個雪糕要＄45！真心覺得唔抵食囉！可能好耐冇食甜品唔知價錢！得壹件pancake！我食咗一啖就比我friend 食！個味道其實普通囉！食一次就夠啦

愛情來的時候，有時係一場誤會。大概喺今年年頭識咗個男仔，佢叫我諗下食乜好，我就搵咗呢間食梳乎厘pancake嘅店做甜品，晚飯又俾咗兩間佢揀。就係嗰晚我地喺埋咗一齊，而事後佢話我鍾意佢先，我問點解呀，明明係嗰晚你拖住我唔肯放手... 佢話明明你約我間野叫I love you... 你仲唔係暗示同我表白？！嗯，愛情來的時候，原來係同食嘅有關🤣幸運地我地得啖笑之後，再次嚟返呢間店！未講食物前，呢度都幾啱表白🤣🤣🤣軟軟的，甜甜的其實唔算超好食...但因為一場誤會嘅可愛甜品，鬆化嘅口感都會令我樂於光顧

太多同事同埋朋友講緊梳乎厘pancake,而又好多人講有間叫I love you dessert bar嘅外賣甜品店, 講到咁好味,點可能唔去試,哈哈！收工落旺角即管去等一等, 買左個紫薯味,全名好長, 叫日本紫薯梳乎厘班戟配甜蕃薯豆腐雪糕無錯! 張相真係好靚,好紫好吸引, 買完會俾張飛你等叫號碼,個女仔話等20分鐘,咁就等啦玩吓手機突然有人叫我個號碼487號,個女仔提示我轉頭就新鮮出爐唔好去咁遠喎, 又幾鬼貼心全程等左20分鐘左右, 一盒真係熱嘅梳乎厘就到我手上啦好期待!梳乎厘口感好軟綿綿,好香蛋味,唔覺漏口,側面嚿紫薯暖笠笠好香好味,有2粒甜薯仔都係好味,個cream好滑,加埋嚿豆腐雪糕味道,真係無得輸,42蚊超值哂

期待了很久的I love you的Pancake(給人大量宣傳所以吸引了我). 窮小姐上星期見人小小,所以滿心歡喜充滿期待的買來了試試(要排隊的餐廳從來都不是窮小姐杯茶). 太太太令我失望了,當下的宣傳手法太利害了,黑能變白白也能變黑的.若說它的質感能比美日本,我能勉強說‘是’，但若說它的味道能比美日本,我怎樣也只能回道‘完全不同!!!’ Pancake最起碼的蛋味小小也不曾存在過,有的只是濃濃苦苦的粉味. 他的價錢的確很便宜,若要試一試也無妨.但絕對建議加上雪糕,至少能掩蓋濃烈的粉味.(因忘記拍攝,所以借上了網上的圖片以供參考）

放士四點去到，都等左半個鍾識食緊係食原未souffle pancake, 入囗輕飄飄，軟綿綿，加少少糖醬同糖粉，食完都，唔會滯，罪惡感大大減低...價錢平，但冇地方左唔係咁啱我

好老實每次經過都想食，但又見好多人排隊，今日早咗過旺角咪去試下見到佢啲相就真係影得幾靚，買相又好似好好咁，我真係好期待㗎，仲有桃同蜜瓜限定，最後試咗蜜瓜味。個職員話要得20分鐘，咁無所謂啦，橫掂有時間。咁等呀等，見終於有得食啦，買相就真係出色嘅，但係一食嗰個Pancake就出事，得個面係熟同熱少少，個心根本去到偏凍嘅地步你想做到梳呼尼嘅效果都唔洗係咁二煎一煎就算，佢啲蜜瓜就有啲啲熟到爛嘅感覺，最好食得個 蜜瓜雪芭，其他出事

雖然要等15分鐘左右～但係拿到手之後真係好滿足！一路行一路吃佢一路震騰騰咁！真係好搞笑！仲錄咗視頻～原本擔心佢會好甜點知真係好驚喜！好有蛋味之餘個cream又好夠奶味～簡直完美～會再去吃多次！