I Love You Dessert Bar (Closed)

今晚放工同老公出左旺角買櫃, 大家都有D唔舒服, 所以求其食左個拉麵就算, 之後經過附近有呢間甜品舖, 舖仔細細, 但都有唔少客人圍住等野食, 所以就諗住試下. 最後揀左呢個限定蜜瓜梳乎厘pancake. 不過需時要等25 MINS..... 以我地咁懶, 當然唔會齋企响條街咁等啦. 落單後, 就出去行下, 轉頭再返黎拎過. 如是者, 我地真係25分鐘之後先再返去拎個甜品! 估唔到真係剛剛先整起俾我地! (嘩, 原來真係要等咁耐架喎!) 當我地返到去舖頭既時候, 已經又再見到一批人在門口等野食了. 雖然店舖小小, 但甜品賣相都OK吸引架喎! 我之前都食過其他疏乎厘質地的pancake, 我老公就未食過!! Pancake有質感得黎又好軟滑, 而且好香蛋味! 再配上哈蜜瓜雪糕同日木蜜瓜, 味道好清新! 蜜瓜仲要好甜多汁! 上面既忌廉口感好好! $39食到呢個效果, 都算好抵食!!

呢牌係IG係咁睇到有人post呢間嘅soufflé pancake，好似睇落去好正好滑lu lu 咁，今日終於試到啦！黎到個陣好多人排隊，門庭若市。我點左個哈密瓜pancake，製作時間要差唔多半個鐘！雖然係要等咁耐，但食左第一啖之後即刻覺得值番哂呀！個pancake暖暖地，好滑好airy, 堅係入口即溶個種。面淋左cream，仲有幾塊冰冰地嘅蜜瓜，同一小球嘅蜜瓜冰。一口夾埋cream,蜜瓜冰同蜜瓜一齊食，暖暖地又soft 嘅pancake加上冰冰地嘅蜜瓜，真係好食到震啊！

喺網上睇到近期呢間空氣Pancake好流行， 之後經過旺角就去食下， 一去到好多人， 可能係星期六日嘅關係，要等至少45分鐘以上， 我哋叫咗一個原味pancake，黎到真係有好香嘅蛋香味， 睇落好鬆軟，食落都有小小雞蛋嘅味道， 空氣感十足， 食完好似冇食過咁，可以好快就食完兩件， 因為真係好鬆軟！不過咁嘅價錢， 食到兩件空氣感pancake，都算差不多！可能食完之後未必會再食第二次，除非你係好喜歡空氣感Pancake！

近排好興食梳乎厘pancake,連我呢個最討厭食梳乎厘嘅人都忍唔住想一試。難得平日係mk食飯，就同朋友一齊行嚟呢度睇下洗咪排隊。好彩係平日兼好夜啦，唔需要排隊而且仲有位比我地坐。我地就叫左一個士多啤梨酥皮梳乎厘pancake($34) 大概等5分鐘就有得食啦，一拎到果然名不虛傳，真係可以好似pudding 咁shake 食落唔會好甜而空氣感還好，唔會話真係一啖就冇左，反而有d似好鬆軟嘅蛋糕咁，呢種口感個人嚟講比較鐘意佢上面有d cream,唔太甜所以溝埋一齊食好夾另外有d脆餅同草莓都係幾唔錯

佢嘅梳芙厘真係唔錯都唔怪得知之前咁多人去試啦！講返正題先，佢哋呢個疏芙厘應該係小編暫時食過最靚嘅一個，疏芙厘蛋香味濃而且空氣感都好夠。另外佢表面仲有啲牛奶忌廉喺度，食落口有少少濕潤唔會話太乾身。---再者佢嘅蜜瓜好juicy好清甜好好味，仲要凍冰冰係咪好正，而且份量亦都唔少，有成8舊咁多。不過唔知係咪因為佢哋之前睇過人地D feedback，果兩舊連皮嘅蜜瓜好貼心咁切左一刀淨係連住左少少，一放入口就成個甩咗出嚟。---另外佢真係蜜瓜雪糕都好似轉左牌子，食落有好香嘅蜜瓜味，同熱辣辣嘅疏芙厘一齊食，嗰種冰火交融嘅效果真係好正。---PS：製作時間需要20分鐘左右，記住要耐心啲等啦！

之前一開，多人到一個點今日落雨經過，無乜人，即試蜜瓜梳乎厘配蜜瓜雪糕蜜瓜清甜，梳乎厘入口即溶，雪糕滿滿蜜瓜香HKD39+等店員即整大概15分鐘，值得既我自己覺得性價比高既，雖然無得坐得舒舒服服咁食，不過都無問題，因為你一定好快就將佢殲滅其實仲有其他都想試，不過一個人放唔落，下次經過再試

可能係全香港最抵嘅梳乎厘pancake梳乎厘pancake紅了很久了，現在才寫食評，好似熱潮開始退緊一直都好想食pancake梳乎厘， 奈何覺得有啲貴， 我對梳乎厘嘅印像一直都係維持於吃空氣， 所以我不想付太多錢在名空氣這玩意上！直到有次機緣巧合去he she eat食飯見到隔離一間i love you dessert bar好多人排隊，最後先知 原來佢哋以一個低價29蚊賣個排好火紅嘅 梳乎厘pancake勁好彩我第一次買嘅時候，唔洗等，因為佢岩岩好做好一個， 第二次買時候就真係要等好耐！20分鐘無論係外表或者係味道，口感都好cute cute, 梳乎厘pancake, 多左pancake嘅成分, 係比較紮實的梳乎厘， 或者你可以當係一個充滿空氣感pancake都ok ！你明嗎？呢個後感真係超正！ 其實我都明白，點解啲人會鍾意食梳乎厘，可能係因為鍾意個種似有似無嘅感覺， 患得患失嘅感覺 梳乎厘pancake佢就存在感就係多好多的， by the way to個蝴蝶係可以食㗎，但完全冇味，只可以當裝飾點綴

睇到雜誌介紹... 專登黎試下！好失望...覺得自己食左空氣咁！ 叫左個原味梳乎厘pancake...叫得pancake諗住會有啲口感...但點知得個甜字！一啲pancake感覺都無...好似食左啖空氣咁！pancake拎上手無咩香味...色香味得個色字！同埋真係好震😂😂拎黎影相呃like就岩...$29算係叫做平..但係無得堂食..要外賣...仲要等起碼45mins....值唔值就值得相確喇！我就只此一次

Souffle pancake has been one of the most loved Japanese desserts among Hongkongers. And recently, there is a dessert food stall opened in Mong Kok, where specializes in Japanese souffle pancakes that are made upon order. On our visit, we have an original souffle pancake that is topped with an edible paper butterfly, sweetened whipped cream, pancake syrup and a dusting of powdered sugar. It has a really rich eggy taste, ideally soft, and I particularly like this version because it is made hot and

今晚在旺角吃完晚餐，雖然已經吃到很飽，但卻沒有吃到甜品於是就想起之前人氣不錯的梳乎厘班戟 我自己又未嚐過 就決定去吃去到看見沒有人在排隊，心想真幸運～下單時店員說是即叫即做的班戟 要等20分鐘左右 本來覺得要在外面等20分鐘 會熱死已經不太想等 但由於貪吃的心不滅 最後還是買了 誰知我等了45分鐘才有得吃連班戟漿都係我落單之後先打 未免太費時了。。。原味梳乎厘班戟 $29口感沒有想像中sofu 還以為會像流心蛋糕般但其實似食緊熱版既雪芳蛋糕 軟綿綿的 蛋白味重 甜度吾高 淋上蜜糖漿同一pat cream 味道還可以但我覺得吾值得等咁耐。。。等就45分鐘 食就3分鐘

原味疏芙厘班㦸 $29之前已經想試，去到有幾個人排緊隊，買完拎咗收據，要等大概20分鐘左右先有得拎，因爲佢為咗保持食物嘅質素，係即叫即整，所以如果你係趕時間，唔該就下次有時間先食。間舖係細細間，出面有幾張高櫈俾客人坐住食，有把風扇吹住你，夏天嚟講算係咁，但企喺室外最好自己自備風扇仔。佢有部電視機，會播佢哋嘅甜品，望落係幾創新同吸引。唔想企喺度等，可以行吓附近商場過住冷河先，行到夠鐘先去拎。$29有兩件，原味會加蜜糖。說真的空氣感太重，如果無加蜜糖，真係無味的。但口感就好 soft，真心試一次已足夠。

之前係網上見到呢間好評如潮..專登走過黎一試..黎到已經好多人等緊..決定買一個原味試下...點知等左足足40分鐘..好似之前雕魚燒係廣華街開甘..等勁耐...終於等到啦..外表好靚..搖一搖..仲好震..幾得意..點知一啖咬落去..唔知食左d咩..只係食左啖空氣甘...少少甜..就只能講係梳乎里..但唔值得等甘耐囉..比起出面成舊水食三舊..呢間係抵既...但如果要甘等法既話..真係唔會有下次囉😂

原味疏乎厘Pancake $29疏乎里Pancake比起一般甜品鋪算平都幾厚身，不遜於大鋪質素架 good!!!味道方面：好重好香蛋味呀食落口唔會好一陣風既空氣感覺有啲咬口架都！不過以個人口味黎講。。。都幾甜下🍬😖 如果嗜甜者，都係必試黎既！上面隻蝴蝶唔食得架裝飾黎架咋～仲有其他口味，有抹茶味等等。。。後記：比完錢之後，店員會俾張紙仔，提醒製作時間為15分鐘。喺附近行下，一陣再返去攞食物又得，企定定睇又得！l

最近日式梳乎厘非常愛歡迎~~周圍既甜品店都陸續推出呢種梳乎厘甜品!!呢間係白布街既 I LOVE YOU DESSERT BAR 近期大熱；原因係平靚正, 但係好多人排隊等住買~~我去個時係夜晚11點幾, 買完等緊整既人都唔少~不過就冇平時咁排哂長龍, 所以都係等左半個鐘左右就已經熱辣辣到手!!我叫左個原味梳乎厘班戟;新鮮熱辣整左出黎, 要影相呃LIKE 就要快, 唔係好快就凍左架啦~梳乎厘班戟上面加左糖霜同楓糖漿, 味道微甜~入面質感軟軟, 半流心的狀態, 真係有彈下彈下既感覺!!蛋香味重, 加上以這個價錢來說真係不錯"*值得排隊一試~~

多款甜品都係$29起😆 熱潮過後雖然係少左人排隊 但都係要等廿零分鐘左右先食到😂----------原味梳乎厘班戟 ( $29 )熱辣辣整出黎 軟綿綿😆 食落同一般梳乎厘冇咩分別 係蛋味濃啲😂 加左楓糖漿同cream令到冇咁單調😋 空氣感重 入口即溶 食左好似冇食咁🤔 呢個價錢呢個質素 起碼平出面一半 再加唔洗排好耐 係唔錯嘅😬 除左原味 仲有7款口味😄-另外做指定步驟 買窩夫($29)送兩球雪糕👍🏻-*有極少量座位供堂食 外賣為主*留意營業時間: 星期一至五下午3點後 星期六日公眾假期下午1點後