I Love You Dessert Bar (Closed)

呢間白布街的甜品店都開了一排，初時係以食得落肚的美金最有gimmick的，但講到最人氣既甜品當然係佢地既梳乎厘pancake～佢地得梳乎厘pancake係即叫即製的所以落單後要等20分鐘左右的，所以我地順便點了個烤棉花糖雲呢拿雪糕棒食住等。雪糕棒的外層係火炙烤至半溶嘅棉花糖，入面就係朱古力脆皮雪糕，識落外面少少暖暖地裡面就凍冰冰，唔太甜都ok唔錯的。至於主角souffle pancake賣相簡約，pancake厚身但口感輕盈，或者有些傻豬豬會話食完好空虛好似無食過咁，但souffle pancake就係咁的，係空氣感啊 哈利!🤣 梳乎厘口感半熟很light，原味本身的味道算淡的但加埋蜜糖同cream都ok的。$29兩件仲要quality唔錯，性價比算係好高了👍～

未知係咪熱潮已過，定係我好彩，我九點落order已講明需等20分鐘睇返其他食評，已經叫做好快好快已經有得食，熱辣辣奉上，pancakes確實係震騰騰，非常鬆軟口感都係鬆軟，但比起k11嗰間，哩間嘅牛油味略嫌重左少少。。食多兩啖已經有少少漏好彩我地兩個人只係叫左一份試而價錢只係29蚊，已經有兩件，所以性價比都算好高值得一提嘅係嗰隻精緻嘅蝴蝶，之前响雜誌睇過報導，話佢地係自己用食用色素印出嚟，下次有機會試埋佢地個窩夫

之前食過PAN de PAIN嘅梳乎厘，就一試難忘，有種世界完滿嘅感覺。喺open rice見到哩間嘅梳乎厘賣相都唔輸蝕，睇黎有得fight，最重要係價錢勁親民，點可以唔試啊？是夜11點幾去到，都仲見到有好多人喺度等緊 ☹️ 即刻俾咗錢攞咗飛先慢慢等食。店員告知預計要等15-20mins，叫我哋留意翻時間。- 原味梳乎厘（$29）等 ...... 終於等到我哋個梳乎厘BB出世啦。喺捧住兜梳乎厘嗰陣，我feel到原來梳乎厘BB識動L㗎。第一時間梗係電話食先，跟住就「我唔客氣啦」Ummm .... 軟綿綿嘅梳乎厘，仲好有蛋味㗎，裡面係半熟嘅狀態，雖然入口即溶，但我都係鍾意PAN de PAIN個梳乎厘多啲，熟啲有口感啲，$29都做到咁嘅嘢俾你，都算值回票價，抵食！

早早已經聽過尼間甜品店，聽聞要排個幾兩個鐘。因為唔想排隊所以一直都未去試，事隔幾個月晏就時間去唔洗排隊啦尼個完完全全係傻傻分不清豬柳蛋系列有兩款口味，一款係檸檬吉士一款係榛子吉士外表非常似豬柳蛋漢堡，其實佢係不折不扣既甜品黎啊上下兩層係拿破崙，之後係兩層醬夾住一塊班戟。雖然賣相唔係好吸引但好食啊拿破崙夠晒脆唔硬，中間既醬凍冰冰令到成個拿破崙唔乾，有驚喜

日本有幾間好出名食梳乎厘班㦸而依股氣候近期帶左黎香港好多甜品店都以梳乎厘班㦸做招倈今次食依間係位於旺角黑布街叫 I love you dessert bar專食梳乎厘班㦸不過鋪位超細只有門外兩三個座位大部分客人都係企係度食依度嘅梳乎厘班㦸勝在價錢夠平原味只需$29 有兩件味道好夠蛋味空氣感充足搖晃會震騰騰性價比算係高經過的話 不妨一試

前果排見到好多人話白布街新開既疏芙厘pancake好好味好正 一直都未有機會試今次叫左個原味 $29 有兩個pancake 價錢都尚可接受食pancake前梗係要動L下距 但係唔係好動L吃落口 蛋味都濃郁 似係真材實料 下次再試其他味！

之前睇報導介紹 已經好多人黎排隊 聽聞至少等1個鐘 所以就一直未黎試怕要等好耐 終於 剛巧到太太食野 就順道行過黎試下 睇相覺得佢好空氣質感 但點知食耐係好有質感 唔算得上勁好味 但都好味 呢個價錢算底食呀

第一次食梳乎厘，所以唔識比較🙈🙈但我覺得$29有二人份都幾抵食😚去到嘅時候，嚇一嚇😂😂好多人呢到係排隊買完攞飛 再等叫你個號碼快快手去排隊😍😍叫左個原味梳乎厘👅👅原本對佢冇期望😂因為聽人講好似食空氣咁，好似好唔抵😂😂但我都想試吓 見又唔係貴👅👅仲有一樣係我係驚蝴蝶既，睇其他食評見到有隻蝴蝶，都覺得有啲嘔心😂😂😂所以我走左隻蝴蝶，嗰嗰人都呆左一呆，佢提我話: 隻蝴蝶食得架😂 但我都唔要😝佢叫我預30分鐘，但around 15分鐘就有lu👍🏼👍🏼一拎上手，有啲微暖，拥一拥佢會震吓震吓咁，好得意😝😝食落質地都好得意🤣軟淋淋，好香蛋味🍳入左口有少少融係口入面既感覺🤤加埋上面既糖霜甜甜地，好味呀！😋

時興食梳乎厘班cake，我務求試多幾間唔同的，同大家分享一下不同的味道。位於旺角嘅呢間甜品店之前都有媒體宣傳過，所以人流都比較多。去到嘅時候大概有5張單在等候。到我買嘅時候店員話要等25分鐘左右，說真時間太長。結果差不多25分鐘，食物就送上。叫了一個原味的梳乎厘班cake。看落去米王色，上面有點煎的啡色。高身，脹脹的一舊。切落去鬆軟，口感不錯，有空氣感之餘更覺泡沫感。味道吃到蛋香，又不會太重。幾者之味道均勻。29元的價錢都說，勝價比高。另一個叫了榛子吉士拿破倫班cake。說真味道很好，拿破倫顏色深啡色，十分脆，咬落有牛油的香。中間的榛子吉子不是太甜，恰到好處。雖然味好，但係卻覺得浪費了班cake，夾在脆脆的拿破倫中完全起不了作用，感覺不到它的味道。不知道如果選用了厚身的班cake 能否改變一下。整體來說勝價比係高的，價錢平，質素高。唯獨等候時間過長，雖然知道是即製的，但是若果有方法又平又快又美味會更好。

今天特意去白布街的 I love desert bar 食梳乎厘班㦸，由於人不多，所以只需等20分鐘便有得食。店舖以外賣為主，小店只有門口2個座位，甜品價錢算合理，賣相幾好，每份甜品加配小蝴蝶做店的招牌標記。原味梳乎厘班㦸口感入口即融，淋上糖槳，甜味蓋過梳乎厘的味道，蛋香及牛油味欠缺，不過以$29-2件 可以食到原味梳乎厘班㦸Ok!因為自家制買原材料$59-做10件，再要加蛋、牛油、、、若食窩夫餅，只要在店的Facebook Like之後，便有雪糕送

第一：我黃昏時間去等咗45分鐘：基本上附近冇野行，我就行咁去朗豪坊再兜幾團先山長水遠行番嚟當消磨時間。建議大家係附近食肆食正餐前就行去買咁落定單先，食完再番嚟攞⋯第二，要預鬆時間：收咗錢先明確講明等候時間係45分鐘，我覺得貼心啲可以收錢前講聲先，等客人有個預算先，我都收哂錢先知原來唔止等半個鐘，最後實際係50分鐘--第三，個味道真係一分錢一分貨，冇咩評價。除咗即做梳乎厘帶微溫，味道、賣相都好一般⋯咁不如俾番正常價錢，搵間有得坐耐啲，又唔洗等嚟等去嘅cafe食仲好了：（

☁一口白雲☁呢度出名性價比高，Pancake迷點可以錯過過左開業熱潮，終於冇咁多人排隊可以再試了閒日收工時間經過~只有小貓34隻諗住好快有得食……原來都要等半個鐘……值唔值得等真係見人見智首先~蛋香味真係十足🐣鬆軟就唔洗講啦~睇相都知震騰騰軟綿綿但個人覺得太多空氣了~冇乜咬口但亦都冇咁膩~而pancake同忌廉甜度剛剛好個人覺得topping唔太好味~所以今次點了原味~有少許蜜糖已經很好吃整體上，如果有番D口感就一流了

投訴無門 所以希望係到講出衣間店應要改善既地方！夜晚食完飯 同行人話有間梳孚厘好食 所以就衝左過去！去到有2 pair客人食緊，得返我地一台客要等落order，我地落左一客原味梳孚厘，店員話等~20-25mins左右，諗住得我地一台客應該都可以按時比到我地 所以照買左。但等左30分鐘左右都仲未有人同我地講拎得野食，問佢時淨係話焗緊啦 要再等多5分鐘左右5分鐘後再問 都仲未有！衣個時候講真已經燥左 唔想再等落去，每次問每次都拖住我地 避開唔答我地問題。最後我地由8點4等到9點鐘先有得食，但已經成肚氣。最嬲既最燥既唔係話無啦啦等多3,4個字，而係店員超級無敵無禮貌！每次都hea答，同埋一丁點歉意都無，其實只要講聲''唔好意思'' ''請等多陣''... 都無咁嬲，最嬲既真係3個店員既態度，完全係'廢是理你'既態度。知道衣間店最近都出名多人食，但同時都應該做好少少服務 無論小店定連鎖店。利申我地唔係死催爛催，我地係夠哂鐘先去問一次，同埋自問係有禮貌咁問，但得到既係hea理我地。有圖有真相，真係買左黎食

只可能說它是一舊梳夫厘，不能說是pancake ! 完!其實真係無咩好講，好在唔係好甜，同埋有隻蝴蝶增加賣相，影張相都靚D,如果唔係就對我排左半粒鐘隊冇咩價值~試一次就算!

睇電視見過甜品店老闆被訪問，好記得佢講話宜家啲甜品愈來愈貴，希望香港人可以用平民價錢食到甜品聽落去覺得老闆好有社會責任，希望佢真心而唔係宣傳技巧。晚餐前不經意經過見到門面熟口熟面，有好多人排緊隊而我距離食飯有小小時間，所以停一停，買一買。識揀一定揀原味都唔錯嘅食風咋ma由於是即整，等一等都無阻我心情$29兩件，係外賣企係門口食，另一風味呀！價錢的確唔太貴！宜家閒閒地食個糖水都40-50蚊