一虎

Open Now

Now Closed

作病無心機，隨便找一家医肚。這裡人多，日式拉麵店，似另一間日本拉麵店咁。 湯亦吸引， 補下喉嚨痛。選了白虎， 即是用肴左好耐豬骨湯。 湯好飲。 簡單加左紫菜代替糖心蛋。 熱騰騰湯麵，食緊都出汗，唔怪得冰水放枱比人降温。 總括來說一碗医肚亦不錯。

週末最容易令我滿足的午餐食品，必選的一定是拉麵。食過港島很多的拉麵店，一虎拉麵常常停留在我的心水拉麵店🍜三甲之內。一虎拉麵的水準不容置疑。今天和朋友分別點了赤虎和白虎。赤虎的辣度剛好，配上濃郁的湯底，很開胃。吃完一口麵再飲一啖冰水，辣得過癮。白虎相比之下味道淡一些，但不失豬骨湯的香味。若喜歡一點點辣、一點點爽的話，可以加一些辣味芽菜（免費任加的！）。週末時候要預早少少去食，如果唔係就要係門外排隊（好彩都唔駛排太耐）。

好一段時間無食一虎，上次想食但係收左舖，今次終於食到。佢有三個配料比大家落，中間個辣芽菜加入拉麵係超好食！男朋友叫左拉麵，佢個湯都好香，同埋份量都幾多。有三塊叉燒，雖然係薄切，不過幾好味，好似入口即溶咁。我就嗌左我最鐘意食嘅叉燒飯，我會將蛋黃液撈混啲飯。啲飯應該係珍珠米，佢有好多叉燒，全部都係切粒，好好食。每一啖飯都可以有一粒叉燒一齊食，好正。我地仲嗌左煎餃子，賣相普通，不過一咬好多汁流出嚟，餡料唔會太多肉，都幾好味。整體而言，一虎我都好推介，不過我最推介嘅係個叉燒飯，絕對值得一試。

猶記得一虎的前身神虎拉麵，曾幾何時乃本拉麵控的最愛，今勻造訪，未知會否承傳神虎的精髓。跟神虎開張時先試神虎拉麵的情況一樣，小人先試個一虎拉麵。不管湯底、麵質還是配料都與神虎有著九成相似：湯底是極濃厚的豚骨湯，入口黏黏的有膠著的感覺，直身麵條爽滑，掛湯力還可以。惟叉燒十分瘦弱，好像沒有脂位，溏心蛋亦太熟，蔥亦不及以前的香，影響了整碗麵的質數。若然未試過神虎拉麵的話，作為一碗普通水平的拉麵尚可收貨的。

其實已幫襯此拉麵店好幾年， 每次到灣仔開會後都會叫一碗「赤虎」+ 「啤酒」。赤虎本身辣得有層次， 越喝越辣， 當頭頂冒汗時喝口冰凍啤酒，絕對係perfect match!其實我覺得「神虎」或「一虎」、 品質上分別不大。

先講下野食，係好食既叫左個黑虎同海老虎，湯底好濃，面係有質感，唯一美中不足係個叉燒太乾太瘦。再叫多左個餃子一齊食，咁都係唔錯既。一直同朋友對間野都話係會再返黎幫襯既時候，我地隔離黎左一個放工既男人。佢靜係係張紙圈左個餃子，咁個waitress即刻好shocked話「下你靜係要餃子？」佢地對話都係無大火花，但係waitress既態度係極差，覺得靜係叫一客餃子係唔可以原諒。臨尾仲話「唔係唔得，咁你等耐d啦」其實成件事唔關我地事，而我同朋友成餐飯都係愉快，覺得間店係有心店。但真心覺得個waitress既反應同態度好差。首先個餃子都成$42，點解唔比有人係比較細食？再者，佢無寫明最低消費係幾多，所以佢講乜都係無理據。只可以話，唔會再去。

原來神虎因為合約關係已經改左名做一虎有年幾的時間證明我真係好耐冇黎今日試左一虎拉麵（$88）即豬骨湯底加糖心蛋選了幼麵，蔥同木耳都剔左要填好菜單後幾分鐘送上湯底算對辦濃厚的豬骨湯味而且夠熱糖心蛋因為半熟所以都夠糖心但係叉燒好瘦真係好瘦瘦到乾柴咁整體拉麵質素尚可但實在被塊瘦叉燒拉低左我的整體感覺

係灣仔返工既朋友一定識得一虎拉麵,因為每一個LUNCH都排到人山人海但係咪真係咁好食呢,依個真係見人見智前排終於有機會試試湯底確實唔錯,味道濃郁,不過有小小肥溫泉蛋都夠嫩滑,值得一試但麵條真係一個敗筆,因為用既唔係上等麵條,掛湯力唔夠,而且較林,口感真係麻麻最值得一讚都係溫泉蛋,因為夠曬大隻,入面流心度都好強叉燒半肥瘦,而且唔會燒到好濃,味道唔錯最後我都係成碗食曬,作為對師傅既尊重,但麵條真係麻麻,湯底算加返唔小分

中午放 lunch，突然好想食拉麵，所以同事建議去食一虎。其實已經 12 點零去到門口，冇諗過已經要响門外排隊。等咗大約二十分鐘先至有位坐。職員安排我們在 bar 位的盡頭坐，其實都坐得幾逼吓。點好了心儀的拉麵口味之後，不久就有拉麵食啦~咬一下塊叉燒，覺得塊肉算厚身，而且肉質不會太韌。而麵身的軟硬度還可以吧~ 可能只有 3 種軟硬度選擇，如果可以再多一、兩個軟硬度選擇便好了。再飲一啖湯底，真係好香濃，再把最頂的一點醬混在湯中，增加了醒胃的感覺。

早兩日聽同事推介，灣仔有間很出名的拉麵，是日本人主理，非常多人幫襯，一到午飯時間異常多人。中午12 點已經離開公司，行左10分鐘，去到拉麵店門口都係要等，好明顯呢間食店極之受歡迎。等了10分鐘，獲編配坐在近BAR枱位置。侍應會遞上字條讓我點選拉麵款式，麵的種類，硬度，要不要香油香蔥木耳？最後決定左食本店之招牌拉麵一虎，湯底用新鮮豬骨淆制12 個鐘，滿心歡喜期待師傅的精心製作。過了不久，師傅在我面前奉上香噴噴的拉麵，未開餐已令人食指帶動。湯底有濃郁的豬骨味，不算太鹹，麵質爽滑，义燒肉質鮮嫩。非常滿意的一餐，應該有下次。

This restaurant is located in Amoy street where is convenient and nice. We work in nearby office and found this place very nice for lunch. They serve authentic pork soup ramen and nothing better than having a hot ramen in these chilling days.

我由佢一開張，神虎食到佢變一虎有同事話改名後，無咁好食。個人認為 味道還好，服務態度比起一開始開個種誠懇已經唔同。拉麵湯底不過不失，拉麵唔夠彈牙，會有d期間限定，次次都有試過，不過就唔係次次好食，叫一虎拉麵就最穩陣。貴店亦有芽菜等的配料免費比客人添食，我和同事亦被此辣芽菜吸引多次為芽菜而光臨。我和同事們中午12點去吃lunch，入座的時候，個盅芽菜有1/3左右。我們拉麵一到，很快就分了那盅芽菜，店員亦很快拿一盅新的給我們。再補上一句 只可以refill一次佢以咩準則去同客人講 只可以refill 一次如果我一個人來吃，說不定1/3都夠食如果我坐低時個盅係滿既，說不定我多人都夠食咁樣我覺得好不公平你大可一開始例明收錢，加一等，再唔係規定每人只可以食半盅定點，貴公司尊便但同個客講只可以refill一次，覺得食芽菜食蝕底貴公司，定覺得個客比唔起錢？我亦無唔願意比錢！今次係第二次收到依個message，根本就睇同行多少人和坐低時盅芽菜有幾滿聽到一d都唔好舒服咁樣度住度住一係就收埋佢，一係就公平d咁去收錢啦

I actually been to this ramen shop several times, from the time it was called "kami-tora" (神虎) to now "ichitora" (一虎), the consistency is still there. Soul of the ramen is defo the soup, although the noodles, meats and egg does also play an important role. I ordered the tonkotsu ramen and the soup reminded me sooo much about mutekia when i was travelling in tokyo, the bowl of ramen I usually have before taking the JR train.  Why say so? It is because the silky fat bits the float around the soup,

We were disappointed by our first lunch experience at Ichitora today. I am not here to complain about the long waiting period (>30+ min) outside with no bench or chairs provided, or the extremely crowded dining space where 7 adults would be confined to 2 small and shaky tables which are usually intended for 4 - of course NO CONTAINERS whatsoever are under the chairs, and an iphone would be all too colossal if you put it beside your ramen bowl.  However, compared with the poor service,  the a

其實鐘意食日本野其中一個原因係食客同師傅既交流。食客可以欣賞師傅係你面前煮野，師傅可以睇到食客享用食物既神情，食客覺得滿意向師傅會心一笑。成個過程唔洗多講啲咩，大家已經滿足到大家。/💛#一虎拉麵 $85簡單既豬骨湯底卻一點也不簡單。湯底用豬骨同蔬菜熬左12小時，好濃好杰身，但唔會好咸，我覺得拿捏得岩岩好☺️👍🏻（食慣濃味可能會覺得淡）飲得出骨膠原超豐富，因為有少少漿口。呢種簡單純樸既味道，令我有種去番日本既感覺呀。幼麵軟硬適中，吸到湯底既味，好滿足☺️☺️叉燒肥瘦適中，唔會鞋。但如果入味一點會更加好食。蛋唔洗多講，係流心蛋，滑lulu超正☺️☺️另外，呢到有辣芽菜任食，少辣爽口，食到好上癮呀😱😋😋/🍁簡單味道背後花左好多既心機。日本野食其中既特色係將簡單食材發揮到極致，所以好認真去挑選同處理食材，呢樣係我最欣賞既。我覺得呢間店做得到。但如果你抱住「嘩驚世美食呀」既expect去食，應該會失望。