一風堂 (希慎廣場) (Closed)

早兩日去咗食一風堂本身諗住食平時食開嘅赤丸新味點知新出嘅雲吞海鮮鹽拉麵 係同麥奀crossover相信大家都知麥奀就係雲吞麵界嘅大佬抱住嘗新嘅心態 就嗌左一碗食嚟到嘅時候同佢哋一般嘅拉麵配料有啲唔一樣上面有沙白蜆 稍為火炙咗嘅日本帶子 慢煮豬柳叉燒仲有我最愛嘅溏心蛋聞落去超似雲吞麵食落去都好似 湯底係魚介清雞湯 簡單啲來講佢其實就係雲吞麵同日本拉麵嘅結合體我覺得呢個Crossover係upgrade咗可能因為我鍾意食麵條較粗嘅麵底 而且一風堂係可以揀你要麵質硬啲定軟啲變咗我可以自己選擇自己想要嘅口感雲吞一食就知都係麥奀嘅皮薄 蝦好新鮮 真心有驚喜赤丸新味就正常發揮另外再嗌咗一風堂餃子同埋炸紫菜墨魚鬚餃子ok 紫菜墨魚鬚好有驚喜炸得鬆脆 紫菜味令成個墨魚鬚有提升

相信大家都食過無數咁多次日式拉麵同港式雲吞麵，但同一時間食到兩種味道又試過未呢？香港一風堂破天荒首次同本地雲吞麵傅奇 -麥奀雲吞麵世家-合作，推出期間限定嘅全新「雲吞海鮮鹽拉麵」今次合作由日本資深拉麵同埋香港雲吞麵界工匠攜手，結合兩款具有代表性嘅經典美食，同時亦將兩種傅統麵食嘅精粹發揮得淋漓盡致「雲呑海鮮鹽拉麵」以魚介清雞湯為湯底，融匯傳統雲吞麵不可或缺嘅大地魚，令湯底散發最原始嘅天然鮮香鹽味鹹度恰到好處，連同鰹魚片、沙丁魚干、昆布熬成，湯色清澈而味濃拉麵以麥奀雲吞為主打食材，再放上日本炙燒帶子、沙白蜆、慢煮豬柳叉燒及鹽味半熟蛋作配料，炮製出一碗具兩地特色嘅拉麵另外大家可以透過下載一風堂手機 app 成為會員，專享會員禮遇1. 會員憑電子優惠券於生日月份到香港一風堂分店惠顧堂食，可享 8 折優惠 1 次。2. 凡消費滿$10 可獲「一風堂積分」1 分;累積滿 10 分可作$10 使用。食物方面：雲吞海鮮鹽拉麵：拉麵用上極細麵及魚介清雞湯湯底，雲吞蝦肉爽口，炙燒帶子鮮甜彈牙，加上新鮮沙白蜆、軟滑嘅慢煮豬柳叉燒及流心半熟蛋，配料款式新穎又足料特製赤丸新味：豚骨湯底配以秘製味噌及香濃蒜油，突

星期日，同阿女拍拖兩個人嚟食拉麵，好耐冇嚟過一風堂，因為佢唔算係最出色，有其他拉麵店好食過佢。但係今日唔知點解突然間好想食佢，所以就同阿女上嚟，入到嚟環境好舒服，有超級大玻璃窗，彩光充足，坐得好舒服。喺門口見到個期間限定海老豚骨拉麵已經吸引咗我眼球，確定咗唔辣之後(因為同亞女share)就落單👍🏻完全冇懸念拉麵一上枱，同圖畫冇太大分別，湯底係濃厚龍蝦湯，加埋秘製海老香油，有一隻香煎虎蝦，櫻花蝦，特製海老味噌，兩塊叉燒，火箭菜，半熟蛋。叉燒可以選擇豬柳肉，豬腩叉燒，或者炙燒豬腩叉燒。湯底非常濃厚，充滿龍蝦味，愛蝦人士非常值得一試。虎蝦亦都煎得非常之香，冇Hea你。成碗面嘅每一樣嘢都充滿蝦味，諗起都再想返嚟食。其他拉麵店都有蝦味嘅湯底，呢度嘅湯底係最濃厚，偏向似西餐嘅lobster bisque，如果你偏向冇咁濃嘅，咁另外果幾間蝦味拉麵店可能會更適合你。

一風堂 (銅鑼灣)平時鐘意食拉麵嘅我，見到呢間拉麵店有好多款特別嘅拉麵，但今次揀咗較為普通嘅湯底～.🐷橫浜家系豚骨拉麵🍜 $80<中太麵 — 硬度：普通>價錢唔算貴，但質素一般。湯底係豚骨湯，但呢個湯底好味精。個人嚟講好鐘意飲湯，但呢次只係飲咗好少，而且過咗一段時間之後會好口渴🙂兩片叉燒偏薄同偏乾，兩隻開半嘅糖心蛋已經熟咗一半，唔夠流心…加麵：麵偏硬.➕ (零系可樂/可口可樂/雪碧/忌廉) ($6).P.s 如有需要，可向店員要求配料(調味).🔺有加一服務費

冬天最岩食碗暖粒粒的拉麵，最近香港一風堂就推出了十週年期間限定，與「安記海味」合作推出黑醬油 •鮑魚拉麵。.🍜黑醬油 •鮑魚拉麵 $95拉麵用上一風堂的人氣黑醬油湯底，以鮮雞湯加入秘製黑醬油，湯底香濃又不會覺膩，每條拉麵都沾滿濃郁湯底，滋味倍增！加上安記高質的日式照燒汁鮑魚，味道鮮美，而且肉質夠軟滑彈牙，配上日式照燒汁，充滿和風感覺。另外，當然少不了拉麵傳統配料卷腩叉燒和鹽味半熟蛋。這個新拉麵還特別加左安記的金華火腿絲、元貝絲和頂級雲耳片，令到拉麵的味道和口感更加有層次和豐富，鮮味十足👍🏻.🌶赤丸新味 $62濃郁豚骨湯底加上秘製辛味噌和香油，味道較白丸元味重。經炙燒後的卷腩叉燒，油脂豐富，味道更香；配料還有黑木耳及蔥花。.🥟一風堂餃子 (跟餐加 $22)拉麵套餐可享優惠價加配小食，還奉送飲品。餃子皮薄，煎得夠脆，配上餃子汁、蔥花和蒜蓉一齊食，味道不錯。

每次想坐得舒服啲食拉麵就會諗起呢度 😹 今次竟然唔食辣、冇叫到赤丸新味！叫咗白丸元味！所有嘢配料一樣！都係有木耳絲，芽菜，青蔥，兩片日式叉燒！不過赤丸新味就多咗好似辣醬嘅嘢 🤪拉麵可以揀軟硬度。我就揀咗最硬、因為總係覺得食食下一陣就會林晒所以寧願揀最硬 😬湯底係好濃郁嘅豬骨湯！我鍾意呢間拉麵另外一個原因係因為食完冇口渴！見到拉麵嘅叉燒可以免費升級去炙燒版梗係試吓啦！炙燒過ge 叉燒確實比原本嘅香口惹味好多！而且感覺冇咁油膩 🤪見到枱面冇左以前會供應嘅涼拌芽菜！問咗職員原來因為疫情嘅關係佢哋唔再放出嚟、原來可以叫佢哋免費供應的！Staff 好好人即刻俾咗一碗我 😹 但係呢個麻辣涼拌芽菜真係好辣 🤣 但食落又好過癮！ 加咗$28轉套餐！揀咗紫菜炸魷魚鬚！魷魚酥炸得好乾身識落一啲都唔韌 、搞到越食越多膽固醇暫時忘記佢吧😜

銅鑼灣分店唔知點解好少人去，完全唔使等位有勁多吉位對比起其他過江龍拉麵店，呢個價真係平好多，58就得。不過拉麵嘅份量比較少，$5加麵底。有個位可以做得好啲就係拉麵有得揀軟硬程度，我原本嗰個面同埋加面底嗰個面都係軟嘅，但唔知點解加面底嗰個面硬好多。湯底正常，叉燒好食。叉燒有三款可以揀，舖頭而家做緊活動，可以免費升級灸燒叉燒服務幾好，好貼心咁攞咗一個即棄圍裙俾我。Scan qr code落單，但係網站唔夠user friendly，例如話最佳嘅小食擺咗喺定食個一欄入面好難搵，同埋冇得就咁叫加面底，要特登叫侍應過嚟先加到。總括而言以呢個價錢嚟講十分抵食

點了兩份定食加了小食：赤丸、白丸、炸魷魚鬚、炸雞件、煎餃子、可樂、雪碧。非常好味，小食份量看似很小，但兩個人食完真係好飽。但也非常之口渴，唔之係咪同拉麵D湯有關。

都好耐冇食到一風堂，離遠見佢好似做緊優惠就行去睇，點知原來係買四送一，而我得兩個人，下次叫多兩個朋友一齊嚟先叫咗個赤丸新味，點知店落錯咗單佢就咁叫咗個赤丸，我仲以為隻碗變咗色，原來係禮錯咗，食咗先知道新美嘅口感會辣啲，呢一個就普通少少，我覺得會油膩啲啲面上面會有4塊嘅叉燒，數量都可以，雖然係薄切而個口感係唔錯嘅～面嘅質感我揀咗適中，而今次見面我覺得好似偏硬咗少少唔知係咪太耐冇黎嘅關係呢，好似有少少唔同左另外小食方面好想佢出返個炒野菜，我最愛嘅炒野菜而家已經冇咗啦，得返好少小食可以選擇

又係食拉麵嘅時候，對拉麵真係百食不厭嘅。今次叫咗呢個叫做橫浜家系豚骨拉麵，一放碗拉麵落枱面已經聞到好濃烈嘅醬油味，望落去油分充足，糖心蛋有啲流心咁嘅樣子，而我叫嘅係燒叉燒，面頭有啲焦，見到已經流口水。試咗一啖湯頭，佢唔係普通嘅豬骨拉麵，而係帶有豉油味嘅豬骨湯，都幾特別。佢用嘅面係中太面，都幾有咬口，好正。叉燒勁香，有炭燒嘅風味，超好食呀。鰻魚串夠晒多汁，而且好甜，得一舊完全係唔夠皮，不過可能擺得耐左，凍咗啲，扣分。芝麻菠菜係嗰涼拌，好香日本麻油味。望餐牌嘅時候呢豚肉飯好吸引，嚟到個樣呢就麻麻哋喎。放落口呢又唔係好差，豚肉都好香因為燒過，啲飯同埋啲汁都好好味，唯一不足之處就係有少少林啲飯。今次都好飽，不過不失啦。

疫情冇得返家鄉,有的掛住日本,所同朋友來左一間拉麵店食拉麵,回憶家鄉的味道。我同朋友叫左橫濱豬骨拉麵。 首先飲啖湯，豬骨湯底濃郁,之後將碗入面嘅肉球拆鬆撈勻嚟食, 味道剛剛好。 比較細食的我,分量剛剛好。但比較大食的朋友,可以好似我朋友咁。佢叫左特製白丸拉麵 加$2 有多的麵底,再加$38 有碗三文魚飯加小食等。 。。 不過別加的麵底十分硬,放落湯底中,都冇變軟,口咁一般。最後我地還叫多個小食黑松露汁餃子, 餃子比較細粒,一口一粒都冇,好似食風咁,但配左黑松露汁又幾帶出餃子的鮮甜味。

我已經好耐沒有寫開飯食評，今次兜兜轉轉食返一風堂拉麵，味道始終如一 真係新不如舊。以前經常去金鐘一風堂吃拉麵，但之後開咗好多間 林林種種的拉麵店，於是四處去找新嘗試，但到頭來我都係最喜歡一風堂的拉麵，味道始終如一，冇花冇假。今天來到 希晨廣場14樓這家一風堂，我胃口不大，少麵多餸是我的選擇， 這裡的赤丸豬骨湯拉麵半份45元，裡面有木耳和多多蔥粒，另外加15元兩件叉燒， 芽菜係免費的 配濃香麻油和芝麻碎 超爽口，豬骨湯底好和味，飲完個湯都唔會口乾。

同朋友係希慎行街行到食飯時間都想食啲野叉下電抖下再血拼過😂今次就揀咗一風堂😋🔺白丸元味拉麵🍜佢好貼心有細碗size 啱哂細食嘅女仔👍🏻但我今次就叫咗正常size 嘅。食拉麵第一樣當然要試下個湯啦，個湯底都算濃郁啱哂重口味嘅我，但又唔會就係得死鹹嘅味精味👍🏻而且又唔會飲到成口油，食到最尾我認唔住飲哂成碗湯😹😹麵嘅軟硬度都適中嘅，但塊叉燒就有點失望，佢雖然幾大塊但佢好瘦柴柴的😿成碗拉麵最加分位就係隻流心蛋😻我係唔捨得食係留到食哂成碗拉麵先捨得食隻蛋😹有個完美嘅句號😻

叫左個雞扒便當食過幾次，已經有經驗會吾夠飽，所以下單時要求多飯，走沙律- 但今次依然係無提供到多飯，整體飯既份量係好少好少基本上係吾飽- 但味道上其實非常好，雞扒好滑

As a big fan of ramen, I’ve tried many many different flavours of ramen, including some very peculiar ones like olive oil and double cheese. But recently, I went back to the basic - enjoying a bowl of ramen in soy sauce soup in this restaurant in Hysan Place.-The soy sauce soup is not too salty, but it’s savoury and appetising. I love the bamboo shoots here because they soak up the soup and thus are flavourful! Another thing I like is that the ramens aren’t too soft nor too hard!