板前壽司 (Closed)

今日同屋企人行旺角， 咁岩經過女人街，諗住搵野食，家姐話唔肚餓，所以揀迴轉壽司就最岩，按自己需要食幾多就幾多。 一入到去坐底，侍應就拎部ipad俾我地落單，我梗係揀我最中意食的芝士同鰻魚，仲有軟殻蟹手卷，可惜個手卷唔夠多醬，呢方面元氣做得更出色！咁食日本野就唔少得刺身，三文魚正！好甜好味！其他野就點左芝士蝦，烏冬等等。環境正正常常，服務算有禮貌！

價錢唔係平都算！今日經過諗住試下順便買番屋企比老公食，價錢算貴都算！頭先食食下竟然食到有蟲乾係到囉...依家仲想嘔！即刻上黎openrice 要開番個ac 寫我第一篇食評囉！垃圾！

而家旺角周圍都係放題，想食d一碟碟計嘅壽司真係越來越少。咁岩經過板前，印象中味道唔太差,就決定入去食晚飯。 芝士鰻魚壽司真係要讚一讚，件鰻魚真係好新鮮，又大條，仲有小小溫度，食落口軟棉棉咁，好正！食完一碟之後都忍唔住再叫多碟😂

有飛睇戲 黎左旺角 雖然上黎search定食乜 但最終覺得唔係好肚餓 就求其行左入板前 食到幾多點幾多 七點都冇人等 即係坐得耐啦環境：黑漆一片 立下眼都算乾淨嘅服務：以前去邊間壽司舖都會有人拉櫈 等你坐底 就推你埋去 而家一間都冇 好懷念 （利申 我唔算瘦 但都唔係肥）不過服務係唔差嘅食物：冇以前咁好食啦 啲飯又硬 又唔凍 亦都冇醋酸不過都叫做ok抵食嘅有$9/件 三文魚 帶子 北寄貝蟹棒係一定叫 唔知點解 就係鍾意食 有肉汁 呢間蟹棒都可以炙燒三文魚就麻麻地啦 又唔暖 又唔係入口溶個種 不過 炙燒魚背就抵讚啦 自從某間壽司舖執左 就冇再食過 呢間做得返個隻入口溶化嘅感覺 係就係肥 但難以抗拒仲叫左芒果卷 男友話好怪 我覺得芒果唔甜 所以一般

四五年前食過呢間野, 大集團既作風, 相信大家都好明白...主要係填肚, 唔難食, 及梗有一間係左近。我地今次去既目的, 都係一樣, 主要係填飽就算, 但食過之後, 竟然有意想不到既驚喜喎!!廢話少講, 去片!既新鮮又有入口即溶的感覺, 仲要做特價, 掂先講帶子壽司, 帶子夠厚身、鮮甜玉子壽司, 佢調配味道, 比較温和, 無一般坊間咁甜, 要讚!!新鮮、無泥味、腥味, 仲燒得岩岩好!!係芸芸壽司當中, 佢相比其他失色一點, 口感都尚可以, 但新鮮及份量較細一點!鐵板燒上的八爪魚, 有熱辣辣的保證, 不太UN可惜份量少左D芒果好甜、青瓜絲好爽, 不錯

食完今餐, 感覺上像去了超市度坐低然後食超市壽司一般. 點解可以做到如此難食? 講真真係唔容易做到!三文魚壽司, 肉又薄又乾, 飯又乾又硬, 三蚊外賣都高呢種雜糧兩皮. 吞拿魚壽司, 腥到好似食血淋淋的豬肉般.帶子壽司, 迷你到好似餵蒼鼠的鼠糧, 本人點錯了嗎? 這裡是小動物齊開餐專門店嗎? 食一百舊都唔知道飽唔飽.北寄貝壽司, 這是橡皮糖模仿的北寄貝嗎? 越咬越硬, 最後吐出黎都好完整的一塊. 好過癮好神奇喔!蝦壽司, 這應該是娛樂客人而用齋做的清淡蝦, 沒有彈性之餘也沒有任何蝦的味道, 只存在點蝦的醬油味.海膽好似溶到一pat咁, 變成一pat超巨大海膽醬, 如果當醬料點野應該都還可以, 保存不良, 味道淡而醒臭.其他食物唔想多講, 完全不合格. 服務也很一般. 價錢偏貴, 這樣的食物收這個價錢真的厚顏無恥.

係咪上左市就可以咁難食，上次同加拿大回來的親友唔知食咩好就見有位，是但入左去，環境亦不太寬敞，點了好多壽司最記得自己一定食嘅海膽，三文魚，北寄貝同紫菜炸蝦卷，吞拿魚等海膽又薄又冇味，同以前差天共地，吞拿魚係雪到入面仲係好雪味嘅出嚟，同以前食開簡直而家好似食緊爭×咁，咁我駛咩入嚟食，連d親戚都話超難食，我地唯有放棄再去食其他填肚吧服務態度又差

呢到真係差唔多每次黎都要排隊,不過都算值得既,而且價錢都算係貴,不過食物都算有番D質素既,佢依到既設計係可以近距離睇佢地點樣整壽司,都算幾特別既!最好味係當然係三文魚壽司,夠哂新鮮,雖然唔算厚,但食落種感覺都算濃厚, 之後就要個火炙三文魚腩,依個係非常之錯,食落好香,又好有鮮味既感覺,牡丹蝦同珍寶帶子壽司依個都係推介之一,真係非常之鮮甜,而依個珍寶帶子壽司真係非常之大件,個肉又厚,真係鮮甜集於一身,賣相夠哂光澤,之後佢個燒玉子真係好正,燒玉子非常之熱辣辣,好甜美,而且份量都唔算少,又抵食,鵝肝壽司真係夠特別,一入口就溶化,鵝肝味夠哂濃.吞拿壽司都好新鮮.最後當然要食火炙鰻魚壽司,有D燒汁係面,又夠哂肥美加埋佢都幾厚身,感覺都唔錯,夠哂多汁,加埋甜甜地既燒汁配埋一起好夾,真係好正,而且佢個皮又唔會太厚,夠哂好味 

板前的壽司 = 大不如前 因為:  壽司飯以前好香, 而家米又轉左, 師傅又煮到d飯淡, 現在只剩醬油仲保持到, 可能壽司師傅質素下降啦以前魚生係好新鮮的, 但現在連元氣都比佢好好多最難頂係件吞拿魚, 一放入口  臭的, 好似個雪櫃唔夠凍咁, 趙兩趙即口累 , 就像生吃豬肉的感覺, 想嘔唉, 以後不來為妙

晚市見有空運池魚，想食所以入去，但已經賣晒，只好叫餐牌池魚，仲有油甘魚、三文魚腩壽司，黎到時侍應已經無講明邊款係乜壽司，但最後係食唔出係乜嘢壽司，全部都有共通點，就係魚腥、唔新鮮、肉硬，壽司飯硬身唔！

I am a visitor to Hongkong and first time trying out Japanese food in Hongkong. Most probably, I went to the wrong establishment. Sushi and sashimi in Itamae (Mong kok) is totally bad and spoilt my appetite. I had them on an empty stomache and chances of that tasting better should be higher.Sashimi s were not too fresh and quality of fish is bad. Cannot taste the freshness and sweetness in the sashimi. Sushi rice badly pressed and plain and topping is not fresh. Salmon or butterfish toppings on

有日行過好想食壽司, 心想板前一定係好過板長, 抱住係"普通晚飯"既心態入去, 我本身唔係D唔捨得食既人, 見有和牛推介諗住試一試, 賣相 (看圖), 食落係一舊又腥又冇味既急凍肉, 極失望帶子壽司唔新鮮 ; 鵝肝冇味, 好油, SIZE係OK, 不過唔好食!!!!!!

好鐘意嚟板前食壽司,因為佢哋啲嘢食好新鮮又好味,雖然差唔多每次嚟都要排隊,但都算值得.雖然價錢係貴,但係食物高質素,店舖設計可以近距離看到佢地點樣整壽司,如果您地有機會.都可以去試下,最好味係當然係三文魚壽司..咁多間食三文魚呢間最好食!好想再去食多次.其次就係火炙三文魚腩.食落有好香好鮮既感覺而牡丹蝦同珍寶帶子壽司就勁鮮甜珍寶帶子壽司真很大件,肉厚,鮮甜及新鮮,很有光澤,又再來一碟燒玉子很正,待應推介叫我吃來自日本的燒玉子很熱辣辣及很juicy,很甜美及正,份量都不少,抵食!鵝肝壽司,一入口就溶化,鵝肝味濃.吞拿壽司亦好新鮮.當然唔少得火炙鰻魚壽司,燒完後師傅就塗上燒汁,很肥美及很厚身,感覺很滿足!多汁得黎加上少少甜甜既燒汁配埋一起真係好正, 皮又唔會太厚,好好味呀!最深刻既係蝦子生蝦壽司，好香好黏嘴，一定要試！總結來說魚生的確好新鮮，亦無太凍或起雪既現象出現。 Menu亦夠多元化，除了壽司同手卷外，炸物、冷烏東同甜品都有。 至於環境和招呼都ok,價錢亦唔貴.但坐在師傅面前食真有一風味!可以見到他們的專業..so good!叫左的食物很快到手..!正體方面很有禮貌..衛生方面:食完生

平安夜前, 放工後去旺角行街買聖誕禮物, 買完後7點多, 見這間板前唔使排隊, 又見好耐(我諗都有2,3個月)無食板前, 咪諗住食囉(因為我真係唔鍾意排隊囉)入到去, 環境同服務, 都OK, 迫就迫啲, 但勝在乾乾淨淨. 服務也算OK.(始終類似快餐形式嘛, 我也不會多要求).但個廁所要去橫街, 仲要得一格, 我朋友去廁所, 都唔敢(仲要有間賣色情野在廁所門口).我地叫咗啲壽司, 和食, 味道係算OK,食返野食:整體壽司啲海鮮, 算新鮮但個海蝦天婦羅壽司就真係麻麻地, 粉好厚. 下次唔會再點最好味係個海膽壽司. 勝在海膽夠多, 味道夠濃海膽味 帶子壽司呢, 分大中細三款, 價錢唔同, 價錢都差遠, 所以我叫了個大及中, 睇吓有咩分別, SIZE唔同之外, 味道一樣, 我另願叫兩碟細了....至於和食呢, 個三文魚頭都唔錯, 好香, 好脆

話說自從板長推出下午茶、宵夜開心時段后，本人光顧的次數更加多（本身已是板長愛好者） 今日行開MK，行行下肚餓（其實根本就系留肚食板長宵夜）行到10點幾，諗下夠鐘去排隊摞籌，點知去到唔駛排隊。等一個字到就有得入。 話宵夜時段，半價再9折，尼個價錢真系見仁見智啦。最低消費88/人 本人覺得最抵食嘅應該系三文魚，折左4.4/件，賣相唔錯，同正價貨品差唔多。 其實宵夜時段選擇唔少，不過d野都唔平，88蚊好快超額，魚甘魚永遠系冇貨... 不過最令本人失望嘅系親子卷，換左我最鍾意食嘅三文魚籽，失望中嘅失望... 唔覺唔覺兩個人食左300蚊，總勁過平時時段（又冇會員卡優惠），所以想特登來食宵夜嘅各位要諗清楚先好入。