丼瀛 (Moved) New Location

好耐無去過日本，攪到個人勁想食日本菜，但近排又唔多想出尖咀同旺角，咁朋友就約我去佢公司附近嘅工廈，食一間佢食過話幾好食嘅日本菜！一入到去就覺得佢哋嘅招呼幾好，令人覺得幾舒服！咁食日本菜我哋緊係叫海鮮丼飯啦，而且見天氣凍凍地就叫埋個海鮮泡菜鍋，仲叫咗兩個小食添，兩條友真係堅大吃！丼飯我哋叫咗松葉蟹海膽甜蝦丼，呢個丼飯超驚喜，上要超級多料滿滿的，仲有三文魚子係上面，海膽亦好鮮味，真係超級正！而個海鮮泡菜鍋亦都好正，有松葉蟹腳做主打，泡菜湯底都好濃味，而且仲配埋烏冬做埋尾！咁小食我就叫咗海膽豆腐同金菇肥牛卷，個海膽豆腐都好特別，睇落去似芒果布甸，食落好軟滑順口，亦都食到海膽味，而個金菇肥牛卷就正常水準！我整體對呢間餐廳嘅服務同食物水準都覺得幾OK ！

丼瀛是一間位於工廈內的樓上日本菜館，原本定價已經不貴，最近因為市道不好，餐廳仲做緊特價，星期一二晚市七折，星期三四六晚市則有八折，星期六日及假期午市指定餐牌仲有半價，非常抵食，所以每晚都幾多人幫趁，基本上七點後就開始多人。餐廳名有個丼字，一聽就知主打食丼飯，不過除左不同款式的海鮮丼，丼瀛嘅小食、串燒、壽司都一樣多選擇。松葉蟹肉冷豆腐($58)冷豆腐上面有松葉蟹肉和蟹籽，豆腐幾滑，松葉蟹肉鮮甜沒有雪味。芝麻雞翼($48)雞翼炸得夠脆，但肉賣卻唔會太乾，食落亦唔會好油。什錦天婦羅($78)什錦天婦羅包括蝦、矮瓜、冬菇和南瓜，天婦羅炸漿香脆，不會過厚，我最鍾意蝦天婦羅，蝦肉夠大隻蝦肉亦結實。左: 劍魚腩壽司($56)右: 松葉蟹肉蟹膏壽司($56)劍魚腩幾肥美，壽司飯都握得夠實。海鮮鍋配烏冬($128+$20)海鮮鍋內有松葉蟹腳、蝦、青口、大蜆等多款海鮮，另有豆腐、本菇、菜、粉絲和冬菇，都幾足料。湯底味道很濃郁，不過建議盡快吃，否則湯底會越煮越鹹。松葉蟹腳很多肉，不過師傅沒有預先剪開蟹殼，食得較麻煩。加$20可以轉烏冬，烏冬幾滑不會過腍。凍檸茶($26)最後飲返杯凍檸茶冉助清化。總結，食物雖

以前都黎食過一次，印象中食物係OK嘅，今次又要喺觀塘區搵食就醒起佢!!Lunch Menu非常多選擇，有以下咁多個Menu!! 想食刺身飯，所以叫咗午餐K-丼瀛特選爆丼，喺個Menu度有寫明呢個丼有咩類型嘅刺身同埋幾多片，用一個大嘅酒杯上菜，外型幾特別，刺身厚切都幾鮮甜，比較有印象覺得突出啲嘅係三文魚同海膽!!朋友點了鍋物F-手切安格斯牛頸脊，佢話呢隻牛真係幾好食，湯底係sukiyaki的味道，甜甜地暖粒粒啱晒冬天食，用個湯嚟撈飯又係另一種享受，另外呢個鍋好多蔬菜可以食!!

之前就聽過lunch幾抵食，不過今次就試下黎食晚餐，一入店內就見到有間房可以開party，食日本野食又可以開party又幾好，令人期待美食香芒三文魚米紙卷做前菜味道一流，麻醬和芒果的酸甜，仲有三文魚增加風味同口感，酸酸甜甜夠開胃流心芝士漢堡扒飽滿的漢堡扒，內心係流心芝士，味道很濃郁，想再多一層風味，可以加埋豬肉醬汁一起食原條茄子簡單的茄子帶點心思已經將茄子處理好，只需要輕輕一夾就可以夾到一條條茄子絲，本身的清甜覺得不夠，還有超多木魚和蒜頭可伴在一起食丼瀛特選丼想像不到用杯碗盛出，有d喜出望外，作為特牌丼，有齊我喜歡食的，三文魚、甜蝦、海膽、池魚，魚籽，十分豐富時令魚甜蝦海膽卷今日的時令魚是深魚，其實甜甜配海膽已經無得輸，再加上池魚的口感，令味道的增次又再增加，很好食雪米糍天婦羅最後少不了甜品，炸雪糕食過，雪米糍天婦羅真的第一次，以為是用麵粉去炸，原來是直接用雪米糍的外皮去炸，所以炸皮已經係甜甜地，咬開時，內裏的芒果雪糕立刻流出，所以要小心爆漿

個日過觀塘行APM 睇下附近有咩嘢食時搵到呢間。依家有好多工廈都開飲食鋪 好似都幾唔錯下～.呢間一入去就感覺 幾闊落 寬敞，好有日本feel～ 唔會好似地鋪咁逼擠。.北海道刺身爆丼 HKD | 98入邊有三文魚 劍魚腩 針魚 鯛魚 赤身 甜蝦各一塊～ 仲有蟹籽❤️鯛魚湯就飲得多 但刺身都係第一次食。 味道幾唔錯～ 針魚都係第一次食 都是屬於味道比較清淡嘅魚類～ 赤身嘅口感好鮮甜。呢個丼認真值 可以品嘗到唔同魚類❤️.手切安格斯牛頸脊 黑蒜油豚肉湯底仲可以揀 朝鮮泡菜湯/壽喜燒/鰹魚昆布清湯/味噌湯～呢個牛頸脊超新鮮 片片厚薄均勻 肉質細膩口感嫩滑 必試其他配菜都好新鮮 日本餃子好味😋皇帝菜一級棒仲有個生雞蛋🥚 可以按喜好自行控制熟度。呢個餐真係好抵食。聽經理講 如果lunch餐會一次過將食材放入鍋中 因為中午嘅時間比較趕 方便d食客會選擇熟上。.

好多人都話觀塘嘅工廈好多林林總總嘅嘢食，最近我就對於呢一間日本野搞到非常之有興趣而且佢亦都係本地小店所以我決定今次放工就來試試佢嘅午市套餐餐廳位置唔算難搵佢只不過係喺APM商場隔離出邊嘅一棟工業大廈所以其實係幾容易搵嘅而家如果真係夠外賣嘅話我有一個比較抵嘅價錢就可以做到外賣自取呢啲魚生飯非常之吸引。我同朋友呢就係大概2:00嘅時候黎，估唔到2點都有不少枱客雖然人多但係唔會好嘈而且都坐得舒服我同我嘅朋友就分別叫咗兩個唔同嘅午市套餐一個係熟食另一個就係刺身飯所有套餐都會配上沙律麵豉湯同埋餐飲嘅，所以呢一個午餐係非常之抵食你仲可以加陪唔同嘅一啲特色小食麵豉湯唔會好鹹而且好大浸清酒未有別於其他傳統一般嘅麵豉湯沙律配上香口嘅芝麻醬令我好想一路繼續食落去，跟住講下個主角:特選丼嚟到呢度梗係要食返個魚生當啊你唔生多個裏面有好多唔同嘅海鮮 當中有 三文魚 帶子拖羅 蟹籽 等等重點係分量十足而且刺身都係後設嘅晚上睇落去非常之精美所以食落去都覺得好開心不得不讚佢嘅食材係非常之新鮮嘅之後因為我朋友唔識生嘅野佢就叫咗一個熟悉嘅便當都選擇都非常多佢呢一個就係蔥燒牛肉丼一樣都係有沙律同埋麵豉湯仲有嘢飲去跟價錢真係

觀塘好多好野食就人人都知，不過就位置就偏d，就好似呢間日本野係樓上舖，食物質素好好但係就無咩人 首先，蒜香一口牛便當($88)既牛肉非常惹味肉質仲係軟軟地，唔會太熟，夾住焦化洋蔥一齊食仲好香口！仲有三隻餃子，煎得香脆，睇得出唔係hea你放落微波爐叮個種貨色。仲有個沙律有我最鐘意既日式麻醬仲有就係松葉蚧海鮮($98)，配上兩件厚三文魚同一件唔知咩魚好厚身亦都好新鮮！冬天食個鍋物就岩哂，有好多海鮮，有蟹腳(4-5條)，青口，帶子，蜆，夥計介紹話清湯會好d因為咁樣就可以食得出海鮮個鮮味，果然個湯都好鮮味D蜆係大大隻，三分一個手掌size 重量級個稻庭烏冬都好好味~lunch set仲有野飲值得一去，食物都係有質素既

本來係朋友推介, 就打去Book位. 但去到樓下個阿姐派coupon, 但話book位就無得用coupon, 我地有誠意打黎book位但反而無得用coupon, 怪怪的.咁我地唯有打上去取消, 然後拎住張coupon上去食. 細睇張coupon, 要消費$500先用得呢張$50 coupon. 咁我地兩個人食該用唔著..... 算啦.又咁岩我地星期五上去, 無任何offer. 算啦一場黎到.其實好耐之前黎過, 果時露台無佈置, 而家又有佈置, 又多咗3部冷氣, 正喎~叫咗一個刺身飯, 個火鍋, 叫火鍋時, 待應話已經無得免費加麵, 如要加麵要加$15... 算啦一場黎到.個海膽係好食既, 口感好新鮮好大塊, 唔係街個D細細條, 又唔會腥~我覺得食物價錢果D service可以做好, coupon係送就送，book位反而唔送有d奇怪；個鍋送埋麵無所謂啦~ 豪十幾蚊令食客開心D唔好嗎?~

找到一間觀塘上樓日式小店，只有20多個座位左右，所以一定要提早預訂。我跟朋友點了二人餐和一客海膽壽司，這裏上菜速度非常快，不足15分鐘餐枱就快放滿美食。推介海膽壽司，好鮮甜，完全沒有苦澀味。精選二人餐：溫室蕃茄豆腐沙律赤蝦三點盛（赤蝦、三文魚、帶子）碎三文魚松葉蚧肉卷肥牛鍋物好大鍋，肥牛亦有好多片，裏面仲有韓式粉絲、娃娃菜、金菇和冬菇。野菜天婦羅有南瓜、秋葵和紫薯一口豚肉、免治雞肉棒稻庭烏冬巨嵐提子梳打特飲沒想到二人餐份量非常多，三人食用也足夠。

觀塘工廈日本料理🍱雖然唔算好大間但坐落都幾舒適而且有露天坐位食下串燒飲下野都幾Chill嫁🍻-和風牛肉便當和風牛肉便當好足料🍱牛肉唔會太韌而家個醬汁煮到佢好入面撈飯一流！份量係多到食哂d飯仲有1/3牛肉岩哂食肉獸🤣🤣佢另外仲有沙律同3隻炸餃🥟真係大滿足呀❗️-魚生丼飯丼飯有成6款刺身😍三文魚/油甘魚/吞拿魚腩/劍魚/牡丹蝦/帶子/蟹籽 刺身都切得算厚咬落啖啖肉夠哂口感😋不過個飯就整得比較酸個人唔太岩🤣但整體係唔錯的！

同屋企人喺觀塘呢邊行街，本以為星期六日食嘢一定會貴啲啦，上OpenRice搵一搵日本餐廳，發現左呢一間日式丼飯店。觀塘呢邊真係有好多抵食午餐嘅選擇，喺地鐵站行幾分鐘就到😍終於唔使行街行到悶成日都要食APM入面嘅餐廳。點左兩個五市套餐，佢呢度嘅丼飯都好抵食，丼飯套餐都跟埋沙律，味增湯同埋飲品北海道刺身爆丼好吸引，細細既碗仔碗包含晒幾款厚切嘅魚生，甜蝦、三文魚、元貝、蟹籽。每一口都可以食到好豐富嘅魚生😋甜蝦角切魚生爆丼有齊油金魚三文魚吞拿魚蟹子甜蝦玉子青瓜，一次過就可以食晒咁多種唔同嘅魚生🤤🤤沙律味道好Fresh 仲有啲紅腰豆、好健康味增湯熱辣辣上，好暖胃凍檸茶熱檸茶海膽三重丼好吸引下次同屋企人再嚟😋😋

第一次寫食評，不吐不快一上到去，被安排坐低响角落，睇完餐牌咪舉手叫:唔該~~一位男店員拎住個電話掛住㩒，望都冇望我哋一眼話:落單呀？轉頭過咗一陣，又多2枱客入嚟，嗰位男店員就一次過幫我地3枱客落。。。食物都算上得快，嚟咗個吉列蠔同薯餅，我再問多句頭先嗰位男店員:唔該，可唔可以俾碟沙律醬，佢都係答:轉頭(當然係冇咗件事)咪問第二個拎囉食飯中途男店員亦拎住個茶壺四出斟茶，我仲聽到佢同隔離枱講:邊個要茶拎個杯出嚟丫😑😑😑眼見其他客d嘢食都上哂，唯獨我哋差個丼未到，我咪問下男店員係咪漏單，佢話:你有叫就應該會有，我地冇哂飯喇，如果再叫就冇，你地叫熟食喇唔知係我表達能力有問題定咩，我係想知我之前叫嗰個丼有冇漏單啫Anyway，嘢食嚟齊哂，魚生未解凍得哂之餘又冇索乾d水，食落一口腥雪水味。d飯又酸又爛，仲要完全冇服務可言。

到觀塘探朋友，朋友話發現咗一間日式抵食餐廳，食物水準高，點都要帶我去試試！！聽佢講到甘正，梗係去試試！餐廳係工業區入面，以為會無咩人，結果成間餐廳坐滿人，可見應該食物質素好先會甘多人幫襯！我哋點左北海道三色海膽爆丼（$118）同蒜香雞扒便當（$68）爆丼有海膽，吞拿魚蓉同三文魚子，每款刺身都非常新鮮，海膽極鮮甜，唔好睇個碗仔細細，飯量夠之餘，刺身都非常足料，老闆一啲都唔孤寒呢！好抵讚！蒜香雞扒便當有沙律，三隻餃子🥟同主角雞扒，雞扒應該炭燒處理過，皮脆肉嫰，極之香口！兩個套都配有miso soup同凍飲兼不用加一，朋友果然厲害👍🏻，十分推薦呢！重點:與香港人同行，外賣有優惠呢！支持小店喔！

日本便丼 刺身 壽司 永遠食極都唔會嫌多近來已經兩三個月無星期六日出街 終於忍唔住襯星期六 比較平靜出去觀塘走走去左一間工廈既日本餐廳食返個靚丼Lunch time便丼同刺身丼既lunch Set有沙津 麵豉湯同野飲 價錢都幾抵食沙津仲內藏有益又好味既紅腰豆 呢個要加分日式炸豬扒絕對係小妹其中一個食日本野既"賣飛佛"日式豬扒丼除咗有厚切既炸豬扒 仲有三隻炸餃子 味道同樣都ok豬扒炸得唔錯 炸粉唔算太厚 亦唔油膩 塊豬扒仲好好肉地小胖男友點左邪惡既松葉蟹肉甲羅燒蟹膏爆丼不得之了 珍珠米上成碗都係蟹籽蟹肉仲有勁多既蟹膏 好甜呢

和女朋友一起去的，進餐廳就心知不妙：環境不太好，不過看到這裡好評那麼多，應該是食物好吃的關係吧...一開始店員安排我們坐的位置，旁邊正正是放客人吃過的碗筷的地方（可能只有10cm的距離），請問看到食物的殘渣還有胃口吃飯嗎？我們馬上要求換個位置..桌子上連最基本的醬油都沒有；給我們的勺子都好像沒有洗過的感覺（這個時候懷疑這餐廳是否有沒有衛生的概念）openrice好評多，照片上看起來不錯但是實際上完全不一樣！ 簡單來說，環境，衛生，味道，服務，性價比都差！建議大家有紀念日或生日的時候絕對不要去。一定會不滿意。 不是一般的差，是非常差！！