丼瀛 (Moved) New Location

朋友介紹去左哩間樓上日本菜，估唔到咁有驚喜！地方寬敞，乾淨，坐得舒服，waitress服務態度超好，好細心介紹菜色，又有禮貌。一共叫左六樣野食，以為會唔夠食，點知份量原來咁多，仲差啲食唔晒！「松葉蟹肉海膽甜蝦丼」$158蟹肉超多又新鮮，蟹膏配上海量三文魚子再加大大隻甜蝦，滋味到爆！料多過飯，以哩個價錢真係好抵食「串炸摩天輪」5款炸物用摩天輪裝住，包括有「蝦天婦羅」、「甘栗紫薯餅」、「芝士年糕」、「吉烈廣島蠔」、「忌廉蟹肉薯餅」。款款都炸得乾身，唔會太油膩之餘，入面仲有啲啲moisture「明太子醬燒玉子」哩款燒玉子偏甜，上面嘅明太子醬鹹鹹地balance返，值得一試「一口豚肉」睇落以為燒過龍，原來燒得剛剛好，每咬一啖啲肉汁就出晒黎，中意食肉嘅人一定要嗌！「金菇牛肉卷」之前食親金菇肥牛卷，條肥牛永遠都太多肥膏，好難咬開。哩間嘅牛肉無咩肥膏，好易入口，配上醬汁，正！「加州反卷」食卷物最怕係飯多到爆，料就我少少。哩個反卷比例平均，蟹籽落得足，好有口感

今晚阿女放早，就比個驚喜我，佢話朋友介紹觀塘有座工廈嘅日式料理好唔錯，所以就接我收工行下街兼卜埋枱同我撐枱腳😃。阿女知我鍾意食海膽，佢好貼心叫左兩個好精緻嘅海膽食材，𩶘魚甜蝦海膽卷同埋海膽豆腐，其實食海膽好怕食倒苦腥味，呢度嘅海膽不但好鮮甜，食落口仲好cream咁，真係不得不讚👍🏻所以下次會有信心試下佢地嘅店長推介，海膽三重奏。其餘嘅小食，軟殼蟹天婦羅，炸漿唔會厚，口感鬆軟，仲食倒蟹嘅甜鮮味👍🏻明太子醬燒玉子 ，玉子食落有明太子嘅咸香，面頭燒得焦焦香香，內埋軟綿綿，口感好似食緊海綿蛋糕咁😋

今日收左工去左apm行街😁行完緊係唔會係apm食飯啦，識食一定係去附近嘅工業大廈搵食😋今次就搵到間平民啲嘅日本餐廳😬雖然話平民啲，但都有高質野食而且都有啲比較新穎啲嘅菜式👍🏻🥢軟殻蟹天婦羅雖然唔係好大隻，但真係炸得好好👍🏻食得出係岩岩炸起，又脆又香口又有蟹味🥢蟹棒壽司蟹棒好大條🤤而且面頭啲沙律醬輕輕燒過，好惹味🥢鮮立魚甜蝦海膽卷呢個係其他餐廳都無見過係用立魚刺身包住甜蝦，面頭再加啲海膽☺️首先啲海膽真係好鮮好creamy🤤加埋立魚嘅口感膽甜蝦嘅鮮味，真係無得頂👍🏻🥢明太子雞翼表面煎炸得唔錯，唔油膩明太子亦都有好多👍🏻🥢海膽豆腐本身以為係就咁豆腐上面擺啲海膽點知原來舊豆腐本身都已經係一舊海膽豆腐😯加埋海膽同魚子嘅咸鮮味，值得一試👍🏻🥢明太子醬燒玉子明太子醬調得好好，咸味適中🥢鍋燒烏冬個烏冬有炸蝦同雞😆烏冬都算煙韌但因為我擺耐左先食，啲烏冬索哂啲湯，建議黎到即刻食

收工同朋友仔喺觀塘近近地諗住搵間日式餐廳食，見OpenRice有晚市七折優惠即刻去試吓兩個壽司飯丼都唔錯，份量算大我女仔人家都食唔晒一個之後仲嗌咗個金菇，芝士蟹餅，鹽燒雞翼，蟹子玉子燒 成枱都係嘢食 埋單折實都係每人$180 係幾抵食既

工廠日式餐廳同男朋友去完APM行街，就去左後面街到搵野食，見到呢間日本菜係工廠大廈入面，見到價錢合理就衝上去食個晚餐，入到去環境好優雅，格局好乾淨，服務員好有禮貌同介紹招牌菜既特色！我地叫左七個野食～清酒煮托托蜆 男朋友本身喜歡食海鮮，這些蜆大大粒，鮮甜又沒有沙，正；下面有些粉絲，粉絲索晒鮮美的湯汁， 一口豚肉 –我喜愛食豬所以就點呢一款試下，食落去肉汁濃郁， 好有口感，正！鹿兒島芝麻雞翼兩隻雞翼都大大隻，燒得好香又脆，夠晒熱，而且仲好嫩添！木魚花炸豆腐木魚碎炸得啱啱好，好香，配埋豆腐一齊唔會油膩！好like呢個小吃！味噌蒜頭漬蒜味好濃，好香口，呢味送酒一流。高山菜豚肉味噌湯味噌湯加入高山菜豚肉變左好鮮甜，真材實料。松葉蟹肉海膽甜蝦丼松葉蟹肉好多，加上松葉蟹腳有2大舊，肉質鮮甜，口感豐富，海膽簡直係提升左個味道，令到鮮味十足，甜蝦好新鮮好大隻，加上勁多既魚子伴飯～男朋友食晒成大碗…中午外賣好抵食，下次真係可以試下。

嗰日同朋友喺觀塘行完街之後 到嚟到APM後邊|工業大廈樓上嘅日本菜嗰日六點幾嚟到人唔算多位置都算寬敞裝修都頗有日本餐廳嘅氣氛之後我哋就帶咗一個前菜沙律 溫泉蛋松葉蚧肉野菜沙律 唔好以為佢淨係一個普通沙律咁簡單，除咗番茄粟米青瓜呢啲配菜之外最主要係有溫泉蛋同埋蟹肉，佢一絲絲嘅蟹肉去配埋新鮮嘅蔬菜，口感一流最緊要係淡淡都係最愛嘅蟹肉絲之後我哋都帶咗一份刺身就係三文魚啦一份三文魚有三件，厚度都比正常出邊壽司店食到嘅比較新鮮另外嗌左個忌廉芝士鰻魚卷 值得一讚嘅係佢裏面嘅芝士好大粒，配埋上邊厚厚嘅鰻魚片口感好豐富之後嗌咗一串燒物 大蔥黑豚肉 佢嘅豚肉好入味係BBQ嘅感覺 口感係爽口 下次食記住要加埋啲檸檬汁 味道會多種層次令我最驚喜嘅一定係呢一個雞肉味噌茄子燒佢係燒左嘅茄子上邊加咗啲雞肉味嘅配料，令到茄子嘅口感係軟林林嘅好容易入口完全唔似茄子一樣配上佢嘅芝麻係好好食我鍾意食辣嘅朋友一定要試呢一個松葉蟹肉海膽甜蝦丼除咗係淡淡的蟹肉絲之外仲有一個好大嘅蟹蓋同埋上邊會有一隻鵪鶉蛋俾你 撈飯食仲有兩大舊肉汁豐富嘅蟹鉗咁推薦鍾意食海鮮嘅朋友

松葉蟹肉甲羅燒蟹膏爆丼$148好好食！蟹肉蟹膏份量都好多凍蟹膏同蟹鉗放埋一齊蟹殻入面有暖暖嘅蟹膏🤤仲有一堆蟹籽🤩啖啖都係蟹膏蟹肉平時出去叫親有蟹肉既菜式都唔會真係有呢碟咁咁多野食絕對可以滿足到食蟹肉蟹膏既願望呢個價錢絕對值得俾啦🤪其他野食都正正常常既只係蟹肉呢個太出色（純屬個人意見🙇‍♀️）

觀塘美食不嬲多美食多，而且價廉物美，不過好多都係樓上舖，所以就比較少人知道🤣🍚海之幸丼 $178有三文魚、赤身、油甘魚、赤蝦、蟹肉同三文魚籽，款款都好新鮮又厚切，仲有玉子伴碟👍🏻非常豐富🥑牛油果軟殼蟹卷 $68伴碟用左兩片薄紗葉，非常吸睛😃，牛油果同軟殻蟹味道好夾，外軟內脆，幾有口感🐂金菇牛肉卷 $28外層燒得帶點香脆，咬落仲好多肉汁，好香口🥰🐖一口豚肉 $28、厚燒玉子 $25即燒熱辣辣，豚肉脂肪多所以燒得好香😍仲燒到脆脆地，又多汁，非常正🍵清蒸茶壺海鮮湯 $68味道清香，都幾多海鮮，有蝦、蜆、帶子等等，落幾滴檸檬汁味道更清新🍋🍅溫室番茄豆腐沙律配胡麻 $58冷涼嘅豆腐，加上蕃茄，非常消暑清新，有胡麻醬就更好味🥰梅酒都好可愛，係一條魚魚走果時仲見到lunch外賣非常平$3x就有魚生飯食😱真係抵到喊

觀塘區cafe酒食得多，但係朋友介紹之下今次去咗食一間日本嘢。因為朋友係一個鰻魚迷，超級鍾意食原條鰻魚，所以佢就叫我上嚟食你一間有原條鰻魚飯嘅舖頭。的確冇介紹錯，呢度嘅鰻魚夠厚，咬落去絕對係啖啖肉。然後我哋嗌咗一串骨付腸同埋燒雞腎，我第一次食骨付腸，覺得個味道有啲似德國腸。對於日本嘢，我最鍾意食就係刺身，最鍾意食嘅就係帶子同海膽。所以我推介食三點脆米，其中有一舊兩層帶子加海膽嘅脆米，我一啖都食唔曬要分幾次先食得曬。另外就係海膽甜蝦立魚卷，最啱我呢一啲鍾意食壽司但唔鍾意食飯嘅人。而咁多樣嘢食當中，最有特色嘅就係芒果米卷，佢個造型有啲似越南菜，但係食落入邊三文魚配芒果估唔到個尾係咁夾嘅。脆炸流心粟米餅骨付腸椒鹽燒雞腎特上蒲燒原條鰻魚爆丼芒果米卷鮮立魚甜蝦海膽卷三點脆米

平時食日本嘢都偏向去尖沙嘴、銅鑼灣，原來觀塘都有好嘢食。油甘魚牛油果海膽沙律 $98 呢個沙律嘅配搭又係好出色，各種食材唔同口感，要鮮有鮮，要creamy有creamy，要淋有淋，混埋一齊後好做到開胃嘅purpose，必試之一。北寄貝壽司 $22/件、比目魚背壽司 $14/件 兩款壽司都比較淡味，北寄貝新鮮有咬口，比目魚背食起上嚟都有嚼勁，唔錯。牛油果軟殻蟹卷 $88 軟腍牛油果配上剛炸起嘅軟殻蟹，兩重口感，食落中和咗唔覺油膩。劍魚腩蔥拖羅爆丼 $138 呢個飯超掂！首先成個飯混合蔥拖羅嚟食，已經令個飯充滿魚油香，再配上肥美劍魚腩，入口融化 (好耐無食過劍魚腩，原來咁出色🤤)，劍魚腩係白身魚，味偏淡，所以海膽就令到成個丼飯更加鮮味，魚香、油香、鮮味兼備。燒黑豚肉 $26 有少少鞋口，唔算特別出色。胡麻手羽 $48 放題必叫嘅嘢食，呢到嚟講普普通通，雞翼有啲細隻，無咩特別。埋單需加一，埋單2人約$520。如果你鍾意睇我嘅食評，不妨關注我，支持吓我，謝謝你☺️💕

官塘區工廈周圍都有食好西，朋友推介呢個食丼飯嘅日本料理餐廳，話好抵食！北海道刺身爆丼 $118蟹籽爽口，牡丹蝦鮮甜，帆立貝油甘魚吞拿魚三文魚肥美，壽司飯已經調味了明太子雞翼 $36大量明太子塞滿雞翼入面，一口都係明太子，好滿足牛舌 $38一口和牛 $39燒黑豚肉 $26燒得好香，牛舌好厚，和牛入口林肉味重，黑豚肉有少少韌海膽豆腐 $68賣相好別緻，海膽甜蝦三文魚籽呢個組合鮮甜到不得了汁燒魷魚筒 $78係原條魷魚黎，好香燒汁好味，肉質唔會韌

都話觀塘工廈好多好野食~今日就同媽咪去左一間係工廈入面既日本料理食丼飯~因為食完早餐唔太餓所以成2點先去食LUNCH，諗住2點零冇咁多人點知竟然爆哂場咁滯，估唔到咁多人識黎呢度!呢度晏晝MENU主打丼飯~所以就叫左D平時出面好少食到既爆丼~另外再叫前菜同一個小食~三色冷盤見$28咁平就試下，估唔到份量咁多!三色包括螺肉、八爪魚仔同中華沙律~兩個人食份量都覺得多，超抵食!銀魚雪餅呢個銀魚雪餅感覺好特別，上檯暖暖地脆卜卜，好似寬版既鱈魚絲咁但又冇咁韌，好香口，仲配埋沙律醬可以點，小食黎講好稱職!松葉蟹肉甲羅燒蟹膏爆丼自從日本食過甲羅燒之後就上左癮，鵪鶉蛋撈埋落蟹膏既味道真係一絕，蟹膏超多~啖啖膏真係超正，除左甲羅燒仲松葉蟹肉同埋兩隻蟹鉗，已經剝左殼好易食~食到一絲絲蟹肉~新鮮又惹味!極上海之幸丼材料有吞拿魚腩、磯燒鮑魚、赤牡丹蝦、深海池魚同金目鯛~呢個價錢比較貴，不過一分錢一分貨，d食材又新鮮又足料，睇見兩年吞拿魚腩咁肥美已經流哂口水!赤牡丹蝦大大隻又爽甜又鮮味，磯燒鮑魚切成粒狀燒得夠香，撈埋飯食好正~最後飲埋杯凍檸茶真係超飽~呢個價錢仲包埋沙律、麵豉湯同飲品都真係唔錯!唔怪得咁多人幫襯~

第一之比差評，但實在係一次好唔愉快既經驗。難得星期日放假，諗住同好朋友聚一聚，我地見網上廣告講到好好味好抵食咁，就決定黎試試。不過餐廳地點唔就腳，好難搵之餘，仲麻麻地好食，我同友人都十分失望。首先，店舖員工態度十分差，安排座位須時二十分鐘，但我地已經預先book左位，坐低之後我地一人order左一個丼加一碟刺身，一落檯已經聞到大大陣魚腥味，要求員工替換，但佢態度十分不滿，最後換過一碟都係有同樣情況，我地最後賣單冇食去左第二到食。

觀塘工廈真的很多餐廳，這次和朋友約了在丼瀛。工廈來說這裡也算不少人，環境也頗舒服。見到這個一人前好像滿吸引，決定先點一個，再點其他。油甘魚牛油果海膽沙律 $98我喜歡海膽，也喜歡牛油果，這份沙律的海膽不算少，夠新鮮，口感creamy，牛油果的熟成度剛好，油甘魚的份量很多，口感油潤又新鮮，再加上車厘茄和蟹籽，整體口感味道豐富。三色刺身、時令魚壽司中吞拿魚腩為火炙的，加了蔥很香，而海膽亦算新鮮。赤牡丹蝦也算鮮甜。兩款壽司上的刺身也不會腥。清蒸茶壺海鮮湯味道不錯，有鮮味又不會太鹹，大蔥雞肉 $18真的很香，雞肉也算嫩滑。雞肉味噌燒茄子，鵝肝和牛飯我不喜歡吃茄子所以沒吃，朋友吃了說濃味了一點，鵝肝也只有她吃，覺得還好，但我們一致覺得牛肉好吃，配上微甜燒汁更好拌飯。一口牛肉 $38因為覺得和牛飯的牛肉好吃，所以再加點了這個一口牛肉，這串燒牛肉一樣做得不錯，熟度剛好，牛味十足，有咬感又juicy 。跟餐的甜品是迷你雪糕泡芙。最有驚喜是沙律和串燒，價錢也算合理，重點是這裡空間感十足，最適合和朋友邊吃邊談天。

丼灜餐廳細細，但包含左好多款特別既菜式。丼款更多不勝數😊今日點左個十二道風味💟淨係賣相都贏晒啦❣️有牡丹蝦，吞拿，海膽，帶子，蚌，魷魚刺身，仲有鮑魚，蟹肉；非常豐富😍本來覺得二人分享太過份了吧! 原來𥚃頭只有8杯有配飯，不算太飽肚。係視覺同味覺嘅享受😊清酒煮托托蜆，蜆非常大隻，肉質厚身而且爽口。清酒湯底再入葱亦很清新后加左個牛油果軟殼蟹卷，雖然冇乜特別，不過牛油果一般都是女士最愛，所以一定要叫番一份嘆下先至食得開心☺️其實餐廳入面仲有好多特別嘅菜式，但係因為只有兩個人，食唔到太多，希望下次有多啲朋友一齊去，可以再試多啲不同既食物👏🏻👏🏻