八月花 (Moved) New Location

從未見過咁差的服務,完全係隻眼開隻眼閉.行過都當睇唔到.顧客係透明人.各有各閒談嬉戲.都唔係做嘢.應該檢討吓.食物都係一般.價錢都幾貴.

又一城算是本人蒲點,但一直未有到此嚐嚐.大概還記得因為它開業時,門口帶位姐姐態度入惡劣所致.今次由友人R提議,心想食物應該不錯,可以改觀.3個女生,點了:1.蒜泥青瓜海老:海蝦清爽,選用溫室青瓜,甜醬油汁.炎夏不錯的選擇.2.玉朁桂魚卷:桂魚片包有蔥絲冬菇絲,手工精細且賣相佳.味道亦鮮.3.xx艷影(忘記全名):竹笙內有多種蔬菜絲,再以杞子毛豆作芡.味道清甜.亦是另一心機之作.4.瑤柱雞髀菇煎蛋角:賣相似中式薄餅,略嫌咸少少.5.狀元蝦餃x3:皮薄餡多,但用的是細蝦,令"狀元"之名失色;而且似乎過熟,令餃身出水,蝦粒過實.6.迷你梅菜糯米飯:好有梅菜香,飯身軟硬適中,好味.7.天婦羅雪糕波波:炸雪糕球三個,分別是草莓,巧克力及芒果.頂有三色龍鬚糖,似假髮,好好笑.味道OK.飲品只有1杯紅桑子蜜糖茉莉花冰茶-有紅桑子蜜糖味,又不失茶味,好飲.環境走fusion路線,裝修有點奇怪.人流是晚極旺,所以帶點嘈吵.服務態度不俗,但偶有缺乏人手情況出現.總括來說,食物質素頗佳,我會帶爸媽再去.多謝友人R及友人M兩位美女的款待!!!(是次晚飯大概$560)

Again, 白金"AE"主卡VS 附屬卡問題! 從未遇見咁差o既服務, 話唔係主卡就no discount, 態度極差, 好似好睇唔起我地無主卡咁, 仲同d waiters偷偷笑, 奇怪o既係我張卡之前已經用過仲一樣有discount, 其實邊有人好似佢地咁小人去check d 咩附屬卡ar? 比discount比得咁小家就唔好比啦! 咁奇怪o既policy 真係第一次聽, 之前promotion又無講清楚, 擺明係奸商, 一定會去"AE", 消委會, 金管局complain, complain both "AE" 同Maxims...

失望到爆！我六點鐘已入座，全間餐廳只有三檯人，不應該太忙。我們一行三人叫了６個菜３位湯，每一個菜來到都是涼的。當第一個菜來到時，我們叫了３個白飯，足足等了２０分鐘才送來。當飯到時，所有６個菜已全凍。最難吃莫過於那牒魚柳，又凍又腥。除了６個菜都難吃之外，服務態度更加不能忍受。當我們等白飯等了１５分鐘之後，因為所有菜已到齊，我們便叫侍應幫我們跟跟那些白飯，他用眼尾望望我們，應都沒應一聲就走了。我們以為他沒聽見，就叫了另一位，同樣地，望一望我們就走了。三個人用＄９００吃了一晚冷菜和一肚氣，以後在又一城就算去food court都不會走進八月花！！為甚麽不能給０分！！

又係去又一城, 本來係睇豆, 點知全爆, 改為快樂. 有幾個鐘空檔, 就去飲茶. 而度有兩間飲茶地方, 另一間實在麻麻, 就又來了這裡.兩個人, 坐在旁邊的二人位, 直入.不太懂喝茶, 沒有要了幾十蚊位的茶, 要回十蚊茶, 仲算可接受.先要了六樣點心.潮州糯米卷: 8分, 首先來的係包, 頂一頂肚. 糯米不太硬, 包幾鬆化, 又唔會太濕.蠔皇叉燒包: 8分, 包都幾靚, 叉燒肉唔太肥.叉燒滑腸粉: 8分, 很靚的賣相, 用了個特定的碟去裝. 三格腸粉, 一格一條, 唔會撈埋一齊. 腸粉帶點麻油味, 幾香, 但又好像給不上蓮香的. 叉燒同樣沒有太肥的部份.鵝肝脆粉果: 8分, 炸粉果炸得幾靚, 不太油, 但鵝肝的味道未算突出, 都係食煎鵝肝最能帶出鵝肝的香味.特大鮮蝦露荀春卷: 9分, 果然係特大的, 有四大塊春卷, 剩食這碟都飽了不少. 春卷都幾多料, 有鮮蝦, 露荀, 豬肉等等, 蝦都幾新鮮. 春卷皮炸得不太油.$39一碟, 都唔係好貴.狀元蝦餃皇: 9分, 都真係算幾大粒蝦餃, 一籠一件, 都幾精緻, 蝦食落口幾鮮的, 蝦餃皮都幾靚. $15一隻, 都食得過.巨型溫心朱古力餅伴雲呢

7/4中午同屋企人食lunch,一早打電話去因為無得訂枱飲茶,所以去等位都算數.我覺得門口兩位小姐態度真係唔好,你有你等位佢有佢傾計.要我企咗半個鐘,先有位.我覺得我之前去八月花食品和服務水準一路都好好,價錢尚可接受.因為唔算太貴.環境算坐得舒服.今次去好似大排檔,又嘈,張枱又細,想靜靜地無可能,落咗order啲食物又等得耐.又唔夠熱要成日check單唔知有啲食物未到,又要叫人幫,味道不及以前,服務嘛嘛.

我地6個大人一個細路. 叫左4人餐再加其他.食唔飽之餘, 埋單位位$300...都算, 最慶係...埋單時, 朋友問男waiter 收d咩卡(有discount)?佢就咁答'白金AE', 但無講有咩discount.我開始覺得佢態度唔好, 好似大我地咁.咁岩我有張'白金AE', 我比佢, 佢望一望就話:唔係主卡, 唔收! 仲態度極差咁再大:如果有黑卡都得...我當時都唔識反應, 因為無諗過會發生d咁o既事.跟住我比左張visa佢了事. 咁樣同客講野都有?!比discount比得咁小家就唔好比啦, 簡直唔識做生意!我本身有2張'白金AE', 男人銀包細, 唔通成日張d卡帶晒出街咩?比佢果張可能真係佢所講唔係什麼主卡或屬於附屬卡之類, 我真係唔識分, 我一定會打電話去AE問清楚.

朋友曾經黎食過話好正, 所以特別帶我黎食晏. 呢度裝修同氣氛都唔錯, 比較西式, d枱亦唔會好迫, 比一般中菜舒適. 其實menu上好多點心都好想試, 可惜我地得兩個人, 唔可以試齊, 唯有選了一些平時飲茶較少有的黎試.芝士三文魚撻($26): 雖然我好怕食熟的三文魚, 因為怕腥, 但呢個撻熱辣辣食就真係幾正, 裏面有d芝士同醬, 味道唔錯, 不過食完有d"漏".蒜片一口牛柳($45): 牛柳粒好juicy同好有牛肉味, 加埋炸香的蒜片同吃, 一流.脆脆BB豬($45): 有四大片, 旁邊有d沙律菜, 買相十分西式. BB豬都幾鬆脆, 應該係連醬一齊燒, 味道唔錯, 但似乎切得大舊咗d, 如果細番d會更適合, 食完一舊已經好飽, 幸好有d沙律菜, 唔使咁滯.迷你桶仔飯($20): 呢個好抵食, 雖然唔係好大桶, 但d飯加埋d雞粒, 冬菇同鱆魚真係好香好好味.待應介紹了一款花茶給我們, 在透明小茶壺內, 原本一舊的茶葉竟慢慢開花, 原黎裏面包了幾朵千日紅, 好特別, 茶味淡淡的, 吃飽了飲杯亦不錯, 視覺味覺都可加分.雖然呢度待應未算好殷勤, 但禮貎都ok, 以環境, 食物買相同質數來

野食無問題，不過服務唔及格。叫酙茶叫好耐都無人理，個個爭住去執枱…叫人埋單，夥計啞左會來，結果無人來，要再叫部長來埋單。咁既收費只有咁既服務都幾失望。野食係幾好食同幾特別，不過又唔係非常好食，我想試過就算了。

Top quality chinese cuisine........Well only two ppl, so couldnt order much food.Anyway orderedrawn and vegetable soupPrawn and pink sobaCrispy roast suckling pigLobster in cheese and noodlesMini dumplings dessertPrawn and vegetable soup.. very nice, with grounded vegetables which made the soup a green colour.Prawn and pink sobaVery very delicous, more like thai, because it was prawn on a bed of pink soba on top of a piece of lettuce served with chilli sauce. Bite sized.Crispy roast pig..Didnt r

服務很差，坐底就問左兩次要o羊drinks，好似一定要drinks咁，茶同水都要收$10位，太貴。要了個例湯，好多味精，個waiter行黎行去都唔同你添d湯，個湯又擺都鬼死咁遠。食完野，問左三四次要唔要執野，或者要唔要甜品。好似想趕你走咁，但又無人等位窩。究竟呢到dwaiter/waitress是Sales 定侍應? 好心佢train 好d啦。

(7/12)替朋友選取了一些禮物過後，來到又一城的八月花，友人喜歡此店的幾款菜餚，那便試試。先來一壺花茶，味道是頗清新，入口甘香，作為前奏也不錯。傾談過後，先上的東坡肉，肉質不鬆化，過韌，味道是不太好，沒有嚐到酒香的味道，吃了一兩口，便讓友人清碟。而其後的醉鴿，外觀精美，先嚐的鴿翼，入口肉質不錯，酒味濃郁，鴿皮略嫌厚點，可能浸的時間不太長，再嚐其餘的鴿片，亦是不錯。再嚐一兩口花茶，侍應隨之端上一碟的炭燒乳豬，四件厚厚的乳豬，伴隨著一些青菜，入口的乳豬，過厚過大件，但皮是香脆，入口的肉質，韌了一點，乳豬醬融和了乳豬一起燒，中規中矩，不算太出色。蟹肉蟹子燴伊麵，那汁料充滿蟹肉蟹子，味道不太差，惟伊麵是碎伊麵，一夾便散，同樣不算出色。此店的環境外觀，讓人感覺舒適，但侍應的服務、態度差了一點，可能是頗多人晚膳，影響質素。順便向友人說聲，其實你已經定下禮物清單，那你不用問我意見。

娘親大人大病初癒，尋日晏晝帶佢黎試下好唔好食，點左五碟食物：1. 鮑魚滑燒賣 鮑魚有咬口，燒賣饀唔肥膩，因為鍾意食燒賣，所以覺得好好味。2. 瑤柱蟹肉脆茄子 蟹肉頗多，同瑤柱o既味道好夾，茄子雖然炸過，但一d都唔油膩，食多兩件都唔覺滯，娘親心水推介。3. 燕窩蛋撻 撻仔細細，但燕窩份量都好多，唔太甜。4. 魚翅灌湯餃 魚翅份量ok，無乜肥肉，幾鮮甜。5. 龍鬚蛋散 入口鬆化，又唔會太甜，娘親自己食左大半碟。茶方面，我地點左白牡丹，清清地，幾好飲。侍應o既服務都幾好，反應頗快。價錢方面，反而比想像中平。總括而言，食物同服務質素都有水準，娘親話好耐無試過食咁多野，聽到都覺得值回票價。

前前後去左三次, 差唔多個零二個月都會去, 頭兩次都好好味, 所以昨晚再去!兩個人, 四個餸 1)菜膽"隥"花膠~ 啲膠好味, 但個湯幾味精2)爺爺粟子雞火~ 棷子無以前咁香咁滑, 雖然啲雞好滑但唔夠味3)什菌豆腐~ 豆腐好滑, 但得個滑字, 無味的!4)紅扣姑姑菜~ 即甘荀+ 什菌+ 西蘭花, 排得好靚, 唔知係咪因為佢唔係炒埋一碟既關係(三樣餸分開三份), 各有各味道5) 筒仔飯~ 好味, 唔係完全乾身, 有味有料, 好味但好少囉$20 !!!! 雖然啲食物都倘可接受, 但兩個人$300到尾,都總想有啲要求既, 所以短期內唔打算再去lu,... 因為真係差左... 一次一次的退步...

星期六下午不用返工，所以去了又一城食嘢，之前睇過食評，知道d嘢好似幾好味，所以順便試一試，雖然係星期六，不過好快有位，大約等了半個鐘．由於有４個人，所以選了一個午巿套餐，都幾多嘢食．１）　有一個４式點心，包括有蝦餃，燒賣，蘿蔔絲酥餅，义燒酥．個蘿蔔絲酥餅好有蘿蔔味．２）　鮮蝦菠菜湯都幾好，隻蝦好鮮甜和好脆口．３）　可以從大約２０款的小菜中，選３個．我哋選了栗子爺爺雞，清蒸班塊，荔蓉香酥鴨．４）　蟹子蟹肉伊麵－有好多蟹子，食落好鮮甜，正．最後還可以每位加$10就有一個甜品，我哋選了杏仁糊和蛋散，嗰杏仁糊唔係太甜，好有杏仁味．