八月花 (Moved) New Location

最鍾意食呢度o既甜品~尤其係有雪糕o既甜品~好多唔同o既花臣,個賣相又靚~不過真係真係好貴law~如果平番少少就會成日去幫襯喇~另外, 個環境幾唔錯~不過成日會比周圍d鏡呃左~比佢誤導以為前面仲有路行..哈哈..

上個月同朋友商量搵日幾個人一齊聚餐，決定選左呢間，小弟仲特意係一星期前訂位，終於係前兩日食左啦....我地幾個後生細仔(三個人)，入到去，暗暗地的燈光，光線映出桌椅有一點酸枝傢具的味道。一坐低，叫壺香片，三個人都唔係好識品茶，但入口有清香的味道。我們總共叫了四樣野:1) 化皮乳豬-皮真係幾脆，肉都幾軟，皮肉分開上，下有蜜汁豆作低，連我唔太好乳豬都食多幾塊2) ???金菇牛肉卷-上面灑了炸過的蒜蓉，幾香。咬下去有類似日式燒汁的味道3) 一品窩-之前有人介紹過，不過好快就上。鮑片好軟，汁好好味，我地幾個人食到成窩乾乾淨淨先俾侍應拿走4) 花雕蟹肉蟹子燴伊面-酒香好濃，蟹子成面都係，唔係就咁放上面，唔錯食完之後有一杯野飲送，不過唔記得係咩野，係冷飲。侍應服務都幾好，不停走來為我們加水同講"小心熱水"。只不過我朋友講當我們入去時，帶位的見到我們年紀比較小同衣著比較causal時，用一種小小奇異的眼光望我們...總體來說，唔錯。下次時間方便時再試，想試那個蒜蓉蒸龍蝦...(如果再有的話)

數月前跟同中學同學來, 呢次就同媽咪. 自八月花取代了采蝶軒之後, 大人一直想試, 不過有時又因為星期六中午冇得訂位, 我地又唔想等, 所以冇來過. 呢次大人終於忍唔住, 十一時尾先去拿位等我放工. 急急腳飛的到, 門口都已經企滿人. 去到時, 大人已經叫了一壺上等鐵觀音, 我唔識品茶, 但覺得真係幾好飲. 上次來我們叫了花茶和白茶, 但真係原來貴d, 係好飲d. 大人慣例喜愛叫套餐, 貪其唔使諗同埋有湯羹. 一向2人叫4人餐都係咁, 碰巧這兒沒有2人餐, 她又想打4人餐主意. 看一看餐牌, 套餐有幾個點心, 4個菜茸羹, 自選2個小菜, 一個飯. 太多了!! 就算包走都食唔晒! 而且媽咪一向有飲早茶, 中午再來點心, 最多每樣食一粒, 我淨係食點心同飲湯都飽啦, 所以堅持散叫. 先係點番2個鮮蝦菜茸羹比媽咪先啦, 成個羹好綠, 係好茂盛的森林綠, 唔係杰撻撻的, 不過菜味就好輕. 羹中的鮮蝦係一隻大大隻的蝦球, 玻璃蝦球o個種, 唔係太識欣賞, 印象中呢個羹係平的, 所以當然係好過冇.蒜片牛柳粒的牛柳都幾有牛&黑椒味, 嫩嫩地, 算唔錯. 鹹蛋黃軟殼蟹相當油, D油多到係一咬落會有汁

與女友不下十次走過門口，每次都人山人海，好不熱鬧! 上星期六約9時終於真真正正有機會睇睇佢廬山真面目!環境舒適，燈光亦令人感舒服，感覺不錯!打開餐牌，有點心，燒味，海鮮... 初初俾我一種"高級EXP"既感覺，因為有部份小食都類似EXP，加上屬於同一集團，又同樣地位於又一城女友同我不約而同地選擇o左個一品鍋(差唔多300蚊)，再叫左個椒鹽豆腐，BB豬，菜茸蝦羹，竹筒飯。椒鹽豆腐：好食!可能係好多炸蒜頭既關係，味道很好，口感亦不錯，細細粒，容易食!BB豬：似乳豬，有4大件，味道似乳豬醬，唔算突出，但味道亦算好，可以一試。菜茸蝦羹：一隻唔新鮮既蝦再加菜茸羹，推介菜色，但小弟就覺得麻麻地喇... 無味道可言，無菜味，無蝦味，失望!竹筒飯：18蚊，都幾入味，嫌白飯太寡既朋友就o岩晒!一品鍋：鮑魚/ 海參/ 花膠/ 瑤柱/ 冬菇/ 小棠菜- 等左差唔多30分鐘，連飯都食埋，先至上台，扣分!一開蓋，第一時間試試d汁先~ 夠杰，夠鮮，非常討好!花膠口感一絕!非常好味!鮑魚4片薄薄的，當然唔expect咩特別鮑魚，收貨!海參切半有6件，食到飽飽的。女友鍾意食瑤柱, 亦津津有味!其餘冬菇, 菜亦因為汁料

　　今日同朋友三人去食晚飯，見到個餐牌，都覺得有ｄ貴，但見ｄ餸來既時候，都有番咁上下，所以都ｏｋ既。　　因為朋友敏感，所以要食清ｄ，我地食左：1. 艷影輕紗（竹笙卷,齋）2. 爺爺栗子雞(椰汁栗子雞)3. 鮮什菌翡翠苗4. 迷你桶仔飯5. 梅菜糯米飯6. 擔擔麵1. 幾清,個"奉"好好味,係用雞湯做的,不錯!2. 略嫌個汁太"杰", 但d雞好嫩3. 好好食4. 好香5. 麻麻, 唔知點解總覺得有鯇魚味6. 很香, 但好快d撈麵 食完之後好飽, 埋單比想像中平, 坐得舒服, 適合三五知己, 不錯!

Hi guys,I agreed with the last comments, most of the dishes are nice (innovative) and tasty but a bit overpriced. But if you are looking for a "fine dining" with chinese food, it's a good choice. They have a good selection of Red and White Wine and it's not too expensive. Around $220 per bottle of Robert Mondavi Cab Sav. Not bad! Environment is nice and staff are friendly, for $200 per head, (except wine) I really think it's quite a good experience. Rememmber to order some dishes which u have ne

果然係型格中菜館,本menu就好似一本影集. 非常有心思.每位茶錢都要收十個大洋,但如果要靚茶或其他o野飲就可以off-set左. 其實有d取考. 結果我o地五個人,叫o左兩壺碧螺春. 雖未至於齒甲留香,清清o既草青綠茶味依然濃烈. 藉得一試.五人同行分享o左干貝土豆絲,椰椰栗子雞,南瓜雲腿蒸魚片,紅棗肉絲伴木耳,厚燒蟹肉玉子,竹笙豆腐發菜卷,坦坦麵,干貝雞粒砂鍋炒飯. 食物賣相精緻,味道卻一般. 較有驚喜o既係椰椰栗子雞,原個椰子上,裡面有一片片軟軟o既椰肉. 一兜滿滿o既椰汁,最o岩撈飯.反而飯後o既"八月花茶"令人讚不絕口! 甜甜o既苿莉花暖茶,令人有好幸福o既感覺. 藉得再o黎!

想來這裡試很耐，但由於午飯時段不接受訂位，要親身排隊，故怕等的我，實在等到有好朋友來等先可以一試。這裡坐位舒適，絕對比得上高級西餐廳。而且很喜歡點心的presentation，擺放講究又美麗。我們四人，吃了一客雀籠點心，還有其他的點心，一般蒸點心跟普通酒樓有太大分別，但最特別的是檸汁叉燒酥、龍鬚蛋散，味道很好，別處真的食唔到。另外，人蓼鳥龍茶很好喝，喝後有點甘甜滋潤的感覺。會來再試，不過如果可以接受訂坐更好~~~

父親節第一次來了這裡. 裝修很不錯,有中西結合的感覺.柔和稍暗的燈光讓人坐的舒服. 菜式也有中式西化的Feel, 每一道都做得很精緻. 一行四人叫了鹽燒九肚魚,柑桔蝦,南瓜火腿魚柳,兩道蔬菜,雜菇炒麵還要了一瓶白酒. 食物美味, 特別是蔬菜, 非常清新可口.炒麵也香脆可口. 最令人驚喜的是飯後的一杯甜茶,有塊薄荷葉在其中,有點像西餐的飯後甜酒.唯一不足的是甜品太西式了,不過價錢相當便宜.

個人不大喜歡食中菜,第一餐母親節飯選了這裏,因為知道奄尖的老媽子喜歡食中菜又鍾意坐得舒舒服服,這裏應該符合她的要求.其實來之前也有心理準備這裏是賣環境多於食物，結果環境一項是十分滿意,位排得不算太密,亦不會太嘈吵,裝修餐具也很考究,走摩登中菜路線,感覺舒適. 食物水準則是意料之外地好,我們四個人,點了:~椒鹽九肚魚:有點似避風塘的做法,十分香口,難得不會油淋淋,媽咪更是連碟上的炸蒜頭碎和辣椒也清掉!~蟹肉瑤柱脆茄子: 茄子炸得香脆不油膩,調味做得很好,配上絶不欺場的蟹肉和瑤柱,好掂!!~清炒雜菌翡翠苗:翡翠苗新鮮清甜,幾好~~半生熟牛肉沙律:牛肉本身肉質麻麻地,有筋,不過燒得幾香,沙律汁和墊底的菜和洋蔥則好好味!~招牌炸子雞:從來對飲宴上的炸子雞也毫無興趣,但意外地這裏真是做得非常出色!!雞肉嫩滑不肥,無多餘肥糕肥油,就算雞胸部分也不鞋口,那些雞皮更是如紙般薄,還真是卜卜脆的,我平時絶對不吃雞皮也食了兩片,我們幾個也讚不絶口,極度推介!~瑤柱冬菇雞粒鍋飯:整鍋上,份量比預期多,味道有點像福建炒飯,是濕炒的做法但飯是粒粒分明,很足料,雖然已經食得很飽但也不捨得吃剩!這裏的碟頭較細,人多來

今日係Mother's Day...作為一個孝順既女女，緊係要同屋企人慶祝啦~由於睇左新假期既介紹，依一間茶樓都似乎幾有特色，所以就決定左去啦。本來見有得訂位既，點知原來紅日無得book位飲茶，所以惟有一早就去等位啦。佢開10點，我10:15去到都唔過份呀，去到見無人仲鬼咁開心...點知，原來要等位lor...拎位既時候，我話7位呀，個懶型既waiter話：10位要等woh，我話7位woh!佢好串咁話7位,10位都要等woh，明明自己聽錯，仲咁既態度，已經令我扣晒分啦。等左我成半個鐘...最過份既係，竟然miss左我張ticket，叫左下一張，好彩我聽到叫7位，我走埋去問，"你叫7位呀?" 個懶型既waiter問返我"小姐乜野事"，我話，我8號都係7位woh...點解你叫11號先....之後個senior同個11號小姐say sorry，同埋帶我入去，但係個個d懶型既waiter一句"唔好意思"都無lor!過太份啦，好彩我快咋~如果唔係俾人入左先，我就真係發脾氣!我知間餐廳係想做一個型既格調，不過就點都唔係黑到連menu都睇唔到lor...所以如果下次大家要去的話，千其唔好去門口直入最

環境好好,唔同部份有唔同design,我地四個人坐卡位,好舒服睇menu已覺得賣相好吸引因為ｄ菜名好長，唔係好記得食過乜，但係都幾好味麻醬茄子-好香麻醬味香芒煙鴨胸-都唔錯蟹子????伊麵-本來已經幾好味,自己另外加埋麻醬茄子d麻醬,一麵兩食，正石榴子咕嚕肉-都唔錯,兩者加埋都好夾人參烏龍茶-又香又好飲,飲完之後,口入面有種甜味,好甜蜜呀炸雪糕-幾得意,好味,得三大粒唔夠四個人分...??小丸子-五種小丸子自配上白芝麻,黑芝麻,杏仁,腰果,白沙糖,椰絲,朱古力埋單前送個杯八月花茶我覺得好好飲,未入口已經覺得好香,細細杯幾好,可能女仔鍾意飲d,因為都見有人唔要走人係貴左少少,但食得好開心,坐左好耐呀,飲茶時好relax.

我去過三次, 次次都好滿意, 特別他的檸汁叉燒蘇, 但去了多三次有點悶, 款式沒有改, 種類不算多, 價錢又非常貴。

碟碟小菜都起碼60元以上,(多數八十幾元), 而且分量極少!!一碟"香燒骨"(忘了叫什麼名), 竟然得6件!! (88元),叫了個頭盤BB 豬, (即是燒乳豬), 其它菜都食完了, 仲未到....催了幾次才到. 菜式選擇也很少, 想了很久, 都好似揀唔到咁.小菜味道一般, 與一般酒樓無異. 總括而言,呢間野係食裝修, 食鋪租. 小菜分量與價錢不成比例. 而且小菜標價太貴. 唔值!!(3 人食1頭盤+3 小菜+3 飯= $375), 太貴了!

星期六同細妹揀完婚妙後，近近地o黎飲茶。冇得訂位，只有拎籌排隊等，雖然係12點幾食中午時間，唔算太多人，等了十幾分鐘就有。不過係同人搭，但係是長形，一頭一尾，就算搭問題亦不大。叫了兩個竹筒飯，梅菜臘味糯米飯及雞肉冬菇飯，我估計是已一早煮好，飯是後加上竹筒裡的，因為完全原有的竹香味，而且竹筒內還有一個不鏽鋼的器皿，就更加阻隔了竹香味。雖然沒有竹味，但兩種飯煮得不錯，飯亦不會好腍，幾爽身。梅菜臘味糯米飯幾特別，原來梅菜加糯米飯好好食的。鮑魚燒賣及瑤柱莧菜餃，除了買相靚之外，味道好，亦真材實料。鮑魚燒賣好有鮑魚味，我相信加了鮑魚汁，又不會啖啖肥豬肉，與瑤柱莧菜餃一樣，蝦肉好彈牙。腸粉好夠滑，又晶瑩剔透，可能落了不少油。幾款包點類就一般，而馬拉盞就唔多得，榚身好濕、唔夠鬆軟。總體來講，已預計價錢唔平，以環境格局及食物相買為主，味道為次，但估唔到兩者都算不錯。