八月花 (Moved) New Location

13/10(六) 1:30pm清早到沙田輔導過小妹妹後,坐火車回又一城.正值午飯時間,我倆遊蕩到八月花,拿著飛仔等了若廿多分鐘已獲"派位".新派中菜格局,中西薈萃,木家具襯上火紅色,感覺摩登!翻看餐牌,點心價錢跟一眾美心集團大同小異.我倆點了蟹肉酥$28,雀籠點心$128,迷你桶仔飯$20.點心未到,先茗其茶;要了普洱$28,普洱入口醇厚甘香,不錯不錯!蟹肉酥--單單那精緻的蟹仔圖案賣相足以滿分;蟹酥酥脆卻不膩;內裏啖啖鮮拆蟹肉,果然高水準!雀籠點心(燕窩蛋撻,春卷,蘿蔔絲酥餅)--春卷及蘿蔔酥餅均沒半滴油,春卷皮薄餡料豐富富口感;蘿蔔酥餅同樣外皮薄薄,唯略嫌過於單薄,層次欠奉,蘿蔔絲絲分明不糊口;而燕窩蛋撻的那小撮燕窩亦交足功課,口感不俗,酥皮蛋撻挺鬆化,不足是蛋液欠缺滑溜口感.雀籠點心(蝦餃,鮑魚燒賣,菠菜餃)--晶瑩稍厚的餃皮質地煙煙韌韌,菠菜,帶子,蝦粒鮮味滿溢,口感一流!至於蝦餃可謂達至頂級水準,零瘕疵!鮑魚燒賣水準也叮噹馬頭;絕不失禮!迷你桶仔飯--雞粒,冬菇粒及瑤柱絲挺富嚼勁,原味足!飯粒夾雜一眾食材混的精華,加上淡淡的荷葉香,$20給二人享用,飽肚之選!服務方面可謂拖垮

去過幾次，基本上食物係完全無問題，好好食(唯一意見係份量偏細，唔係好夠食），價錢亦都唔算係貴個隻，但係鱓 服務就真係......好似huam ng同Ray Chiu講鮋 經驗，我地亦試過，你有你柯打，佢地有佢地傾計，根本就無人care我地，最離譜係成日黑口黑面不突止，仲要鬧客，上次我地嗌個脆脆BB豬，等鰦 好耐，咁追單啦，搵鰦 個高妹經理Annie(又係有馬尾，我懷疑係huam ng講鰟 個），佢口就話幫你跟跟啦，點知後尾我個friend去廁所，經過收銀處時聽到佢同鱓 同事講，「追追追，追乜X№ 呀！唔駛煮呀！俾隻生鮋 你地食囉！」仲要鰠 度勁笑，不知所謂！就係因為咁，化鰦 灰都記得佢呀！上樑不正下樑歪，唉.....

It's a birthday dinner with K and all the foods come out very nice. Firstly, K and I ordered a Iced herbal tea and a house red. Following weredeep-fried soft shell crab with salted egg yolk, sweet and sour black cod and dim sum platter in a bird cage. Here is one of the best restaurant from Maxim'group and we got 50% off with AE p.card.

今日去食, 訂o左13人8:00pm , 到8:00pm 我們有9人在等, still 不准入, 到8:15pm , 13人到o西都不准入,到8:45pm , 先准入( Book 檯for what ?), 入到去坐reception 左邊張大紅檯前三, 後二, 兩邊各四,落o左D order (一個8人餐+ some orders)菜到..察覺前三後二很難食到叫個男waiter放個轉盤在中間男waiter答: 我: [...] (好一個聰明的男waiter)好了, 菜到了, 轉盤也到了, 談菜餚龍蝦, 做得太老BB乳豬, 太多脂肪, 可能豬太小了牛肉, 又乾又無汁炒飯, 漏單, 飯又勁油炒麵, 無汁其他, 馬馬虎虎, 物非所值到生果糖水, 用了45分鐘, 叫了3次去跟單最後一次個女經理答if we didnt , would i keep asking for it ?what did the first 2 waiters do ?)個女經理走前仲beer 一beer 我o地, 真有禮埋單, 我叫開手寫單, 個女經理話OK最後埋單, $3073.4 , 個女經理放o地張電腦印單便

星期日和老媽聚一聚,睇雜誌提到這裹有一隻BB乳豬仔好好味就特登打電話去訂帶一家人去試吓.今日食咗: BB乳豬全隻-好味幾嫩口脆ト卜 一個雞燉翅-翅都幾多唔錯 半生熟牛肉沙律-新鮮特別 炸子雞-幾香ロ 三蝦通菜-夠味道 海哲伴螺片- 籠仔蒸魚柳-好清淡 艷影紗窗-是素菜 梅菜糯米桶仔飯總算食物好.廚師有技術.侍應不太夠,尚算有禮貌. 埋單成為$1400 老媽家人都好開心.值得.

今日第三次去八月花食野！前兩次去感覺到都幾好呀！覺得D服務態度好好，員工俾人地個感覺好親切。但今次去到就根本同上次唔同！有個女仔，著黑色西裝，有馬尾，應該個職位都有番甘上下。但可以起同一D員工起我後面細細聲講野！甘都唔算大問題呀！講一下野！但距可以爆晒粗甘講！連食飯時唔可以講既都講埋！你話幾令我地起到食野既人點樣再食呀？....呢個都唔係重要既問題！可以一百八十度變面！一見到有人埋單就四萬甘口行埋去收錢！唉！.........呢間野令我失望！唉依我又笨唔睇下距個英文名係乜！唔係投訴距呀！...

前菜($15)係酸瓜，但唔太酸，但咸。花茶($24 / 第1位，$10 / 第2位)我唔記得隻花茶個名啦，好淡口，岩晒我喱唔鍾意飲濃茶人。1) 雀籠點心($128)水晶鮮蝦蛟、鮑魚滑燒賣、瑤柱翠苗餃、黃金蘿蔔酥、特大鮮蝦露荀春卷、燕窩蛋撻(每款兩件) 你睇，加個雀籠，即刻高貴晒，又食得開心，哈哈！每款點心都好新鮮，熱辣辣！個蘿蔔酥入口即溶，冇得頂！2) 梅菜桶仔糯米飯($20)估唔到糯米飯加埋梅菜一齊食係咁好味，個糯米飯好煙韌﹐正！3) 金瑤蟹肉脆茄子($70)極力推介！茄子炸得香口，再配埋瑤柱蟹肉，超有口感，必食！4)奇異柚子雞($88)其實即係西檸雞，但唔用檸汁，改用柚子汁，都唔錯，但個汁食得多有漏。喱度有個女主任笑容親切，但其他侍應超忙，唔係好得閒理我，我諗人手真係唔係好夠。大部份時間都係個女主任招呼我，我覺得佢very nice！埋單仲有杯冰凍菊花茶請人客飲，仲好濃縮，好飲！

周六與友人鬆一鬆。已2:00 pm 到八月花。等位竟要半小時。茶- 碧羅春ok叉燒包-- 好。皮薄味美。蝦餃、粉果- 大失所望，全部蒸得太久，外皮已爛。豬潤燒賣- 太淡懷舊灌湯餃- 點解湯如此少? 又沒有醋? 吃完還以為是粉果龍鬚蛋散-點解不夠糖漿? 幸而waitress 為我們入廚房拿糖漿。算佢OK蛋白杏仁茶- 不錯點心來得太慢，但waitress 很nice, 幫我們追單。最不明白是為甚麼廣式芥菜竟是潮式酸菜? 不倫不類。以這樣的收費食品質素有待改善。環境也是太吵的了。

Had a dinner at Jasmine tonight, two people ordered:- 首先叫左一壺碧羅春- 脆脆BB豬(Good)- 燕窩帶子蒸蛋白(Average)- 爺爺栗子雞(椰汁栗子雞) (Good)- Vegetable in soup (Below average, vegetable was overcooked)- 白飯x 2最後free drink八月花茶-Look like they have raised the price up again. -Total HK$405 for two.-Service level - marginally passed. They sets each table too close to each others, feel crowded and not comfortable for a fine dinner.

This is my first visit.到八月花的一次.感覺環境舒服.裝修優雅,落在又一城這個商場地點方便.提到餐牌設計破為特色,成似一本書.還有很多茶類選擇,八百多元套餐可以吃魚翅湯和凍鮑魚真超值.但是餸菜味道比較濃,食品都算精緻,及細碟.最適合我這種愛美怕肥的人.坐位好舒服,不過要提早訂枱.門口大排長龍,人來人往,帶有一點熱鬧氣氛.以為今天是星期天.服務生人員有禮,但職員少,不足夠,不能照顧全程.整晚一頓晚餐都很滿足.好美味.下次一定會再幫襯.

D食物,茶都幾精致,同埋裝修都幾好,D service呢,咁講真,一次比一次好,但仍未夠好(尤其係位hostess),如果D service仲好D,我唔介意去多幾次.

約左舊同事去又一城八月花, 睇裝修都好似幾ok咁...可惜原來乜都吾改得舊同事叫左靚茶, 茶壺都幾靚...可惜...D水吾熱幾靚茶葉都無用有D好似好正竹筒飯食...可惜...吾可以走堯柱...吾改得不過最終都叫左...知道點解堯柱竹筒飯, 吾可以走堯柱啦因為都搵吾到好彩無叫佢堯柱分開上乍想叫甜品杏仁茶...可惜...吾可以走蛋白...又吾改得好彩個鮑魚菇双脆都ok...不過少D油就好啦乜都話整好左吾改得乜中菜吾咪叫先整嫁咩

看完蜘蛛之後, 來這裡午餐. 假期關係, 等了好久先有位.繼續要平茶, 始終這裡收費比較貴, 唯有係飲茶度省回點.迷你桶仔飯$20: 8分, 先來的係桶仔飯, 大家等了那麼久, 當然極速地一掃而空. 桶仔飯入面有雞同冬菇, 飯幾入味, 雞肉不太老, 不錯.流沙奶皇包$20: 8分, 熱辣辣, 加上湧出來的奶皇, 好吸引. 包好鬆軟, 奶皇甜美.狀元蝦餃皇$15: 9分, 一籠一件大大粒的蝦餃, 蝦肉新鮮, 再食依然覺得相當不錯. 很幸福的感覺.突然想起美女食神的大蝦餃, 再大的蝦餃會如何?雀籠點心$128: 9分, 一個大雀籠分兩層, 有點高茶的感覺. 頂一層有水晶鮮蝦餃, 鮑魚滑燒賣同瑤柱翠苗餃, 下面一層有黃金蘿蔔酥, 特大鮮蝦露荀春卷同燕窩蛋撻. 每樣兩件.雀籠入面裝的唔係狀元蝦餃, 只係普通尺寸, 蝦肉仍然新鮮, 蝦餃皮幾靚. 燒賣加上了小小的一片鮑魚, 又同蝦肉幾夾, 鮑魚肉唔難咬開. 瑤柱翠苗餃賣相好精緻, 味道清清的也不錯.上面一層係蒸的, 下面一層就係煎炸的. 黃金蘿蔔酥炸得幾香口, 個酥皮加上蘿蔔絲食幾好. 特大鮮蝦露荀春卷上次食比較好, 今次不知是否等其他食物一齊入

爸爸、媽媽養到我成廿歲女咁大,所以我間唔中都鍾意帶佢地去食d好野~~今日,就同佢地黎到九龍塘既八月花坐低後,最吸引我莫過於本Menu本Menu大大本,入面每一頁都有插圖!好精緻好精緻...見到d靚野胃口都好d~~我地首先叫左一壺碧羅春,講講先,佢地呢度淨係茶已經有幾十款...有平時係酒樓飲開既中式茶亦有西式既花茶果茶,總有一款岩你既~~食物方面,我地叫佢招牌點心:燒乳豬bb、青炒菜苗、叉燒腸粉、素菜餃、梅菜筒仔飯、燕窩蛋撻仔....燒乳豬bb:真係無揀錯!!皮脆肉滑...最緊要係d汁, 好似連d汁一齊燒既咁~~正青炒菜苖菜苗好新鮮好綠~~~叉燒腸粉同素菜餃:都好食!!梅菜筒仔飯:呢個不得了,好好咬口...好好食 不過叫得筒仔飯所以真係好細筒!!一個人食 都嫌少,不過少食多滋味丫嘛~~侍應會自動自覺加茶,服務都幾好..八月花!我會再來的~~

位於又一城的八月花，原來是指茉莉花。典型的新派中菜館裝修，中高檔次，對我來說是一種全新的「飲茶」體驗。桌子之間的空間很多，令人坐得很舒適；眼看全場男女老少坐無虛席，但環境絕不嘈雜；雖然不幸地被安排在碗櫥附近，但侍應們明顯過專業訓練，不會大呼小叫叮叮噹噹地做事，而且服務殷勤，這點使我十分欣賞。菜單上的茶是按種類收費的，我選的特級龍井就要每位$28。相比起一般廣東茶樓，八月花的點心和菜的選擇不算多，但看上去件件精品，當中的「鳥籠」系列，更是精品中的精品。在眼濶肚窄的考慮之下，我們點了胡麻醬茄子、魚翅灌湯餃、桂花瑤柱炒米粉和杏汁炸鮮奶。看似淡淡的胡麻醬加了沙律醬和麻油，夾上筷子後頓時散發濃郁麻香，與冷凍的茄子配合得天衣無縫；灌湯餃的饀料豐富之餘依然不失細致；杏汁炸鮮奶的炸皮口感像春卷，內裡的鮮奶充滿杏香，放進嘴裡同樣吃到香濃的杏味，令人驚喜。重頭戲是桂花瑤柱炒米粉，用上最幼細的銀絲米粉（就像意大利粉之中最幼的天使麵一樣，稍一不慎便會煮成漿糊），可見師傅的炒工精湛──米粉炒得剛好，與細致的蛋絲、瑤柱和芽菜均勻分佈，用窄身窩盛著，放久了也不易變涼。整體感覺十分良好！建議大家惠顧早市無須等位。