爵士拉麵

Open Now

Now Closed

自從搬離開左粉嶺，已經差唔多十年無食過爵士拉麵。味道，價錢，連位置我都唔記得左。要用google map黎。記憶中淨係記得都幾多人食。唔一定有位今日兩個人一黎到咁岩有人走，所以好好彩即刻有得入去食基於兩個人都好肚餓。叫左兩個麵同埋一份炸雞第一個：爵士拉麵。其實麵係幾彈牙，不過唔係特別會令人有印象。不過不失，除左彈牙無嘜特別（可能係我要求高） 個麵簡左味噌湯，都好普通。餸有肥牛,叉燒再，粟米，紫菜然後我地再加左$18蚊要隻溏心蛋。溏心蛋係流心既，不過唔甜另一個拉麵要左叉燒拉麵，湯選擇左辛（中辣）個麵既質素都係一樣，不過我太鍾意係辣，覺得個湯幾岩我口味。中辣對於我好食得辣黎講都算幾辣小食叫左份炸雞。無落炸粉炸出黎外脆內juicy。38蚊三件每件其實都唔細件。炸雞係成餐入面最好食飲品無特別叫。因為佢已經有冷熱茶雖然味道中間，不過不失，價錢其實唔平兩個人呢餐lunch都要～$220整體水準其實唔係話好高。如果下次再返黎粉嶺我就唔會再食呢間😎因爲呢個價錢聯和墟都有好多選擇

已經好多年冇去粉嶺爵士拉麵食，仲記得以前嚟食，係可遇不可求，因為當年餐廳既休息日係不定時，而家見貼在店門既月曆改為指定日子休息，實在太好，有心想嚟食既唔怕再摸門釘。原來餐廳老闆傳咗畀個女主理，作風依然很有街坊的味道及人情味。落單時要畀咗錢先，不設第2次落單，人齊先可入座。每款拉麵都分2個份量，如果怕唔夠食，亦可以追加拉麵。今次叫咗叉燒拉麵(小)，再追加醬油蛋，蛋方面就沒太大驚喜，另叫咗2件日式炸年糕，年糕炸起熱辣辣食好煙韌，再浸一浸拉麵湯底更好食。湯頭揀咗醬油味，清清地，而餐廳用既係捲捲麵，最鍾意食店家既自製叉燒，每日新鮮製造，口感肉質鮮味，不油膩，口感不韌。

哩一間聯和墟小店一直都好出名，以前呢間鋪頭好串㗎。成日周不時都放假唔開門，賣晒又唔開門。但係因為質素好食，所以一直都有唔少捧場客。但係而家就變咗好多，識得個水準依然喺度，但係就唔會成日閂門。 😏可能係搵食艱難啊依家。餐牌好簡單，得三種湯底選擇。 而拉麵亦有九款，今日我揀咗個細叉燒拉麵。小食係餐牌嘅後一頁，但係今次唔係好肚餓所以就冇叫到。餐廳裝修簡單好有日本味道，點左拉面後好快就有得食👍今日點左個醬油味湯底，湯頭比較清淡唔油膩，而且面彈牙有咬口，叉燒絕對唔小家，細都比足三大塊你！nice ❤️依家小店都係由細食到大，希望佢長做長有啦，就係OpenRice度介紹俾大家聽，希望大家多啲嚟支持。

住左粉嶺幾年聽人講得多，但一次都未食過，今日終於去試下喇～Order左一碗 小辛味增叉燒拉麵（小碗）湯底幾好味，又唔會太咸有辣味叉燒好足料，係自家製，好入味但除左叉燒，一片紫菜，少量蔥花同芽菜就無其他配料而麵條質地就似味精拉麵果類的低質拉麵咁...  好失望而且小碗真係好小碗... 女仔都只係剛剛夠飽餐牌上面各款拉麵分得好散，如果作出改善增加配料（例如少量粟米及半隻溏心蛋就更好）總結：價錢偏貴，無論小食定拉麵都比較貴... 質素一般... 無下次😕

因為之前有片介紹過便去試下，入到去一眼望哂成個店面得十幾個位，但做野既人都有五個咁多，老闆負責拉麵位、旁邊有個嬸嬸負責炸位，外面兩個幫手落單收錢，叫左碗中爵士拉麵、中年糕拉麵加叉燒、芝士餃子同炸豆腐，拉麵好好味與地好彈牙，加$20叉燒都有三大塊，炸日本年糕都大塊但無乜味既，食落超飽肚，不過下次唔會再叫年糕。味噌湯濃同醬油清湯都唔錯、炸豆腐都好好食好滑，但個芝士餃子就一般無相像中咁吸引。下次會再光顧試下個中華冷麵同炸雞亦拉麵～，留意只做午市同晚市 ...過左兩點幾三點就要等晚市，兩個人埋單$252 ，都唔平～但算係唔錯呀！小店值得支持！

禮拜日返完教會又要頭痛搵嘢食，身住大埔的我，已經在大埔再揾唔到新嘅野食啦！今日一家大細扶老攜幼，特登揸車去粉嶺搵新食店，我發現一間有特色嘅拉麵店！拉麵店內雖然細，座位不多，但係五臟俱全。拉麵有得揀湯底，有清湯、濃湯同埋辛辣湯，一場嚟到，我就叫個最貴嘅爵士濃湯拉麵， 我老公同婆婆都叫咗個豬骨濃湯和清湯叉燒拉麵。濃湯底嘅味道都唔錯，好有豬骨味，感覺唔係味精，係真材實料！但婆婆就覺得清湯底麻麻，我就覺得啲面好彈牙，比起味千拉麵好味好多，同埋平好多。可謂性價比簡直係第一。

在流水響行完山後順道到聯和墟一行，原本想試試豬手和肉丸，但原來3點半才供應。留意到角落的小店，見到名字很特別就入了去試。見到用心弄麪的小妹，就記起電視曾訪問這間正宗的北海道拉麵。我們叫了味噌和醬油湯底的叉燒拉麵，吃得出是湯底是長時間製作，叉燒也有許多塊。也許粉嶺的租金並沒有市區那麼昂貴，所以性價比很高。是值得推介的小店。

今天首次去食,  試了味噌味湯底的肥牛拉麵, 加了京蔥和流心雞蛋~都叫了餃子(非芝士餃子) & 炸雞~些麵泡得過耐, 口感尤如食梗煮得過耐的公仔麵......@@雖然有大量京蔥, 但蔥的香味唔夠.....唯一我覺得唔錯的係些肥牛 & 隻流心蛋~肥牛幾有牛味, 唔鞋口, 隻流手蛋, 煮的時間控制得好好, 堅係流心, 好味~餃子些皮太厚, 過大隻, 而且太濕, 唔夠乾身,食起來好似食梗菜肉包咁, 令喜歡食日式餃子的我有點失望炸雞個賣相....點講呢, 一舊lon左的野咁, 但粉又唔算太厚, 雞肉嫩滑的程度係可以接受的湯底個味整體來講突出唔到, 算好一般拉麵的湯底係整碗麵的靈魂, 麵係主角, 其他係配角可以有進步空間

         很久沒有到過粉嶺了。今天我們下午難得地一伙人去粉嶺，活動結束後天已晚了。　　一早說好了要和老公吃個像樣點的晚餐，於是大伙兒各自找吃的，我和老公兩個人吃。　　我心目中的吃得像樣點是在一間情調與環境都比較好的餐廳用餐的，但老公聽說粉嶺的爵士拉麵很有名，難得來到粉嶺，怎樣都要一試，但坦白說，我實在是興趣不大的，但在外用餐時，很多時候都是我出主意的，今次就聽老公吧。　　這是一間位於街角的小店，座位不多，我們進去後，恰好有一張半圓形的桌子空了出來，店員說是三人坐位，我們只有兩人就坐一邊好了。環視整間餐廳的格局，的確很像日本的地道小館，圍著廚房的就是一欄可以擺放食物的桌子，單獨到來的食客可以在那裏用餐。　　地方稍嫌狹小，因為風扇恰好衝著我的頭吹出風來，本來我們想退後坐到靠牆的半圓形桌子，店員卻說那是四人，之後人多就不能讓我們佔一枱，我看我們只會在這小店逗留一陣子，也就算了吧。　　我點了小的雜錦拉麵，可以有三種湯底選擇，味噌（濃味）、醬油（較清）或辛味噌（辣口味），我選的是醬油，配料則有蟹柳、醬油蛋、海草及粟米粒。雖然湯底是較清的醬油味，但我覺得還是很重口味，吃罷整晚都很口渴，味道

叫左個叉燒拉麵，炸雞拉麵完全冇日本風味叉燒又唔靚炸雞又炸得唔鬆口啲湯咸到食唔到其他味根本唔似報道寫得咁好係一間好普通嘅拉麵店唔會再有下次幫襯唯一一讚係事頭婆條事業線

成日聽人講呢間拉麵好出名，我個美甲師父又極力推薦，所以同家人冒名來試下。價錢吾貴，平均每碗拉麵$1xx，响餐牌點左3款拉麵外賣，番屋企路程5分鐘左右。番到屋企一打開，賣相一般，餸好少，已經聞到好大陣鹼水味，開始覺得中伏，再食第一啖，已經完全中哂伏。吾單只d麵難食，連d餸同湯底都好難食，就算當時我已經好肚餓，都只能勉強食左兩三啖醫肚就倒左。完全冇法想像，拉麵美味程度可以同預期相差咁遠，並吾係名大於實咁簡單，而係"好難食"，仲難食過某d拉麵連鎖店，簡直入吾到口🙊

放假搵好野食🤤去左粉嶺果邊，行左好耐最後決定試下依間小店啦，入到去點知見到餐牌，覺得都幾貴咁🤦🏻‍♀️無影到餐牌，我地都揀左個最平試下啦有雞翼拉麵同餃子拉麵🍜，揀左細碗同醬油味，食落都唔差啦不過就盡量避免下次😂因為貴唔太值依間價錢，但欣賞係一個女仔負責煮麵同招呼客人，麵幾厲害！

係粉嶺食lunch，好多時都出聯和墟，忽然醒起有間拉麵未試過。去到望多兩眼先見到間野，係街角比較唔起眼，入到去係一貫既拉麵店座位，可以坐到大約20個人。我叫左年糕拉麵，因為去開既拉麵鋪都冇見過，諗住試下。我以為佢冇蛋，所以加左醬油蛋，點知黎到先知有蛋，好彩我鐘意食蛋。醬油蛋我覺得一般，唔係溏心蛋，味道係ok既至於個麵，我叫左小size，普通食量既女仔都會夠食。冇乜鹼水味，麵質唔錯，但係可能因為有兩塊炸年糕，令到個湯好油。年糕好大塊好飽，冇乜特別，就係一舊炸年糕。男朋友食爵士拉麵，中size，個價錢同我果個差好遠好似係味蹭味，牛肉份量都好多，其他料不過不失。整體黎講，佢d野都唔差，但係冇乜驚喜，唔會令人有想食第2次既慾望。如果想試下唔同拉麵鋪既，可以試一次。

因著老闆慷慨捐贈豬骨俾寵物 所以想去幫襯下 支持下 以感謝老闆的善心。 聽呢間野都聽左好耐 話係日本人開既店 一直想試但都無機會。 今日終於試到 叫左個叉燒拉麵 （醬酒底） 湯底不錯 應是沒落味精 湯底以豬骨烹調以成 同出面拉麵店不一樣 感覺真材實料好多。 不過叉燒雖然份量好多 ，但可能因為佢係即日新鮮製作關係，味道好清 唔係好夠味 ，肉質相對都「鞋」點。 老公叫左個爵士拉麵 ，叫左辛噌味（中辛）但佢就略厭唔夠辣。不過值得一讚係炸物 ，即叫即炸。 我最喜歡炸紫薯栗子薯餅 超正 好重紫薯味 熱辣辣脆卜卜好正。 炸年糕就對我唔係太愛糯米既人黎講 一般 可能內加芝士會更好。 總結黎講 家庭式經營小店賣小見小，一定有進步空間 不過用心黎煮食 點都係吸引人既

爵士係我讀小學個陣開，所以都叫係由細食到大，經歷由日本人先生同佢既香港人太太開業至而家由個女打理既變遷。內部格局好有日本拉麵店既感覺先講價錢，佢拉麵係有份2個份量，價錢亦有份別，大約＄60－90拉麵湯底方面，有3個選擇，分別係味噌，醬油同辛味噌我多數食都會選擇辛味噌，因為佢辣得黎好開胃！餸方面我會推薦炸雞！因為本人真係非常鍾意食日式炸雞，佢嫩得黎都幾多汁，唔會太燶，好食！另外年糕同肥牛sukiyaki都幾正！可以散叫！爵士味道唔會比出面較出名既拉麵店差，但係價錢相對平d，係香港黎講呢間拉麵店係高質！