爵士拉麵

Open Now

Now Closed

我本人對拉麵麻麻地~見d人話呢間幾好食~於是就黎到呢度一試拉麵~一坐低就俾茶我地~於是就叫左碗細既醬油义燒拉麵試下~黎到見到好似好正甘~一試义燒好滑~麵好彈口~湯底好清~覺得好好食~本人覺得係用心製作~下次可以再去食~不過留意星期一，二通常休息~

十幾年前在粉嶺租田耕，經常都來這小店吃拉麵，小店十分有性格只有午市同晚市，星期一、二必定休息，間唔中亦會唔開舖，但每個月都在舖外將貼該月開舖日子，好有規矩，落單亦只會接受一次，無得再落單。好耐無黎，上次黎已經係幾年前，今日兩公婆約埋靚女學生一齊黎探下呢間小店。已經幾年無黎，原來老板小村先生已經退下來，由長女小村小姐主理。Openrice 的評論好壞參半，今日自己親自試過，我認為味道還是不錯的，以年輕的小村小姐的年紀而願意繼承父業，我個人認為是值得支持及鼓勵的，加上拉麵的味道還是不錯，希望大家都支持下。

幾年前黎過一次，多人食，排哂大隊咁，當時係日本廚師，覺得幾好食。今日再黎，唔使排隊，坐落望望好似換左大廚，點知食完覺得完全唔掂！價錢貴，拉麵質素好一般！餃子皮好厚！唔會再黎！！

今日老公帶我去了粉嶺搵食，佢話要帶我去一間小店吃拉麵，而這間小店拉麵係佢十幾年前食過好好味所以要帶我來尋找那些年的味道。拉麵店在聯和墟一個轉角位置，店內地方不大，但感覺很日式味道，店員會在客人面前即席煮麵。我們都點了餐牌上的爵士拉麵，我要了醬油湯底，老公要了味噌湯底，可能我們早去到人不多，下單後不用五分鐘碗麵好快就來了，立即試試兩個湯底，我的醬油湯味道很好，又不會太咸，爵士拉麵的材料很多：有肥牛、叉燒、海帶、粟米、蟹柳、醬油蛋、紫菜，叉燒有3大塊很足料，而我最喜歡係佢隻醬油蛋😋不過要留意這間店逢星期一、二都休息，而平時也會不定時休息，所以有時唔好彩黎到冇開就白行一趟。

自從搬入聯和墟，每一兩星期都會食一次拉面，但就第一次幫佢寫食評，其實我7年前已經食過幾次，個陣有老闆娘響到趕客，負皮不絕，事隔幾年，老闆個女都會幫手煮面，但老闆娘不見了，員工有禮貌左，當然都係落單就要俾錢.但就無聽到唔俾加單之類，但一般熟客都唔會加單。講番碗拉面，我食黎食去都係醬油湯，湯底係豬骨煲，但係清湯個隻，加埋醬油，係我食咁多次都唔覺得厭，亦唔會好油，好咸或者好溜既感覺。拉面面質粗身，彈牙爽口，小女子大碗都照清，我既首選小食係炸雞，外層炸得乾身又脆，入面有肉汁。

這已是我第二次到這間店了, 想不到星期一店舖休息, 上次來吃了閉門羹。店舖開放時間特別, 來這裡的, 要先留意開放時間。門面像小型日式店舖, 又像頂簾像西餐廳, 感覺有點奇怪。內裡如日本的餐廳, 座位對著廚房, 但跟客人沒甚交流。碗感覺像日本的中華料理。 食物價錢尚可, 免加一, 水或茶要額外加$1。只是醬油湯底很淡, 材料像家中所煮的一樣, 無甚特別。 如作平常普通午餐還可, 不要抱有期望, 更不能跟一籣豚王比較。

一踏入呢間鋪頭就聽到一陣悠揚爵士音樂，然後老闆係店內客人面前即席煮，視覺享受十足，老闆是日本人，成日微笑，令人覺得好relax,我點左叉燒拉麵，湯底极濃厚豬骨味，加埋芝麻香，葱花，一層油香鋪撲鼻，加上麵質爽滑彈牙，重點叉燒，厚度適中，芝麻香令肉味再提升，口感嫩而不膩，加上麵線一齊食，好match,另叫了炸豆腐，外脆內滑，豆腐有好濃黃豆味，好味，要注意，落單只有一次，朋友們小心選擇!

入到聯和墟行，亂入咗依間街角拉麵店。比晚餐時間早少少到，等咗一陣就有位。睇睇餐牌，最重要嘅資訊就係「只可以落一次單」係串咗啲，但就好有道理，入到黎就係嘆食物，而唔係比你gathering。拉麵有多少份量選擇，當然價格都會唔一樣。爵士拉麵(細) 麵條偏硬，鍾意硬身麵嘅我係幾like ge湯底加咗辣粉湯，唔錯！唔算好辣叉燒都幾正，軟腍身。MFP選了叉燒拉麵，都ok。芝士煎餃一般。整體感覺平民，但價錢就比較高。回頭率：7/10

雖然這是一家出名的拉麵店, 但這麼多年來也沒有去惠顧, 原因是她休息的日子比別的店鋪多, 很怕專誠去而吃閉門羮, 上星期六確定店鋪有開, 我便去試試. 到達店鋪已是8:20PM, 前面還有8人在等候, 有點擔心9PM關門前還未能坐下.幸好, 多等10分鐘便進內. 被安排坐店鋪最角落的一張枱. 很細小的面積要坐3人…..若果對面坐著位慣性地咳嗽不掩口…..我就遭殃了…這邊的長枱較好坐, 不過又是出麵位置, 也是時常的左閃右避….8款拉麵及1款冷麵, 只有醬油湯底不用加錢, 若選味噌及辛味噌就要… 係咪小店, 所以要咁樣呢?另有小食點了一碗叉燒拉麵(中), 材料就只有叉燒及紫菜, 甚麼也沒有了, 想加$10要醬油蛋, 但賣光, 所以只能望著這碗麵吃下去. 叉燒份量可不小, 足足4-5大塊(淺肉色那塊最新鮮); 醬油湯底很清, 沒有油份似的, 而且很薄, 沒有用豬骨淆湯, 就是缺乏了點點膠質.麵的粗幼度及軟硬度都是適中啦~ 沒有油的情況下, 汁的掛麵度是低的.  另外, 麵有鹼水味......雖然有大塊叉燒, 但每塊的質素不一, 只有一塊是咬下軟滑, 其餘的都是這類全肉、厚實、帶點韌, 咀嚼

有聞此店係隱世小店好巴閉咁，山長水遠黎試，點知係食茶餐廳都食到的拉麵。傳聞哩度係用手打麵，係咪手打我唔知，但就有好大量的鹼水味，唔講以為係食緊雲吞麵。用料方面的確係幾足，但蟹柳係茶餐廳平時食到的、蛋係熟的、肥牛咪打邊爐任叫果隻，叉燒就鞋的，總括黎講就係比$30茶餐廳食到但哩度要比$92。至於湯底就更加無野值得提，咪就係味精。仲叫左個芝士餃子，哩個正常味，應該係超士都買到的貨仔。

聯和墟有好幾間食肆，一講就人人都識，「爵士拉麵」係其中一間，一提聯和墟有間「拉麵」好串架，開鋪不定期，就好多人都知你講得係佢。佢除左出名自己鍾意邊日開就邊日開之外（其實佢門口有個年曆係到寫住今個月會開邊幾日的，但就係串在，每期休假都唔同囉，今個星期放三四，下星期可能休一二，想食真係要碰運氣），經常性要排隊同鋪內感覺好似日本正宗細細間拉麵鋪模式，亦都係佢出名之處。難得同老公見我五六個人，要「為阿b寫夠100篇」繼續努力，一於排一陣啦，好好彩，二十分鐘到就入到喇。鋪內細細，而且周遭物品，檯櫈都有點油膩感，有點污糟=_=拉麵方面，um..正宗？有肥牛的拉麵感覺好港式，甚至似左自己係City super買日本拉麵返屋企煮多啲:-P拉麵湯底好緊要，um..何謂正宗呢？我真的覺得咪只係一個有咸味的湯底吧？麵質方面著實亦不覺特別好吃，溏心蛋嘛，看相片都見到不及格啦，實蛋黃來的，在吃鹵水蛋嗎？這一碗就是大家排晒隊的出名拉麵嗎？豎我不懂欣賞吧，完全沒有再來下次的念頭，今次來了都很後悔呀。還有服務態度亦都唔覺得好囉，究竟呢到憑咩咁出名？

幾年前食過已經不滿佢囂張既營運手法，唔俾人落第2次單，又趕人走。今晚諗住事隔咁耐，俾多次機會佢，點知今次仲衰過上次，湯底咸到不堪，仲要咁啱係我面前整湯底，落一大罐家樂牌雞粉，落4，5包面豉醬，以前就算服務點衰，個湯底都係拗出嚟，而家只食到全部味精湯。叉燒竟然有豬騷味，衰過街邊車仔面。 返到屋企飲左6杯水，都仲好口渴，難食不堪，冇下次，自己屋企淥面食好過。

不知從前的日本人老細為什麼不見了，幫襯了爵士拉麵十多年，最近來幾次都不見了小村太太，今天星期五晚上來，連小村先生也不見了，由小村小姐(小村先生的大女兒)做大廚，不知小村先生是不是退休了。新大廚做的湯和麵都和爸爸做的有點不同，麵變幼了，湯的味噌味也淡了，希望小村先生還會回來吧。小村小姐和伙計們不忙時有傾有講，還會玩手機，和靄可親一點。但食慣了爸爸的手勢，希望小村小姐會加油吧。

早幾年從朋友口中得知這間拉麵店, 那位朋友評語大致上是這樣的:「招呼惡劣!」講明不再幫襯。今日一試, 大概所言非虛。幾星期之前, 一位在報紙當副刊(包括飲食版)編輯的女孩子帶我去試試這家新界北拉麵名店。她早就聽聞負責煮麵的是日本人, 門外經常好多人排隊... 其中一個奇特之處, 是不太樂意讓客人翻單再點菜點飲品的(據說會牠們的侍應會罵人的)。點了一碗?拉麵,叉燒又乾又硬, 湯底淡色但略鹹。最離譜係個麵淥到過晒龍,好似浸咗好耐,淋晒。我的想法是,即使有個來自日本的師傅紮條野喺額頭度,chok晒咁淥麵,都唔等於佢真係識淥麵。觀乎當晚之麵質, 普通人如我, 也絕對有信心可以輕易擊敗這位日本師傅。更加想講的, 是這家爵士拉麵之服務態度。客人吃完, 再坐一會正常不過。(假如)在客滿情況下, 店方想吃完的人客早點結帳離開, 讓出座位多做生意, 也是人之常情。不過, 當日我們六時左右到達, 店內外客人不多, 吃完那碗難吃的麵之後, 我用枱上的水壺為朋友與自己添水, 當時已經留意到一位侍應站在遠處投以不悅眼光, 我再看看四周, 店內座位依然未坐滿一半, 想趕客嗎? 果然, 半分鐘後, 另一位侍應走過來

早兩天，特地和兩個朋友去到粉嶺聯和墟，這間性格拉麵店，是性格拉麵店原因，是他們一個月試營業20天，而每天最多營業五小時，他們的下單方式也很有性格，就是埋單後不可追加飲可食物。。。知道這間食店的老闆是一個日本人，現在已有女兒接手，這間店的面積很小，逼得不能夠用舒服來形容，只是快餐店模式。食物方面，我們點了味噌湯底，加叉燒拉麵。 湯底味道相對較淡，我覺得麵質軟硬度十分適中，烹調的時間恰到好處，而叉燒肉質嫩滑， 肯定不是普通拉麵店的一般貨色。整體的味道我覺得不錯， 但下次都是順路才會過來。。。