江順河鮮 (Closed)

為避免正日人多不好訂位而提前慶祝父親節。訂了有視野廣闊，目睹維港美景的江順河鮮。首先嚟個頭盤鮑汁鳳爪。鳳爪腍夾入味。無牙都可以食。跟著蒸魚咀魚魂，有酸薑帶起啲味又滑溜。主菜嚟個翅獻給老人家享用。濃湯翅足三両，翅身夠腍，純正入味，絕無溝入素翅。味道略淡，如能加重金華火腿落湯底會更佳。南方改良小籠包，皮薄多汁！略略大隻咗啲啲。其他點心有： 鎮店之寶 蜆蚧鯪魚球及 釀青椒， 叉燒腸粉 ，蟲草花草菇蒸魚肚， 海蜇燻蹄， 蝦餃燒賣， xo醬炒腸粉 等等。主食有滑蛋蝦仁炒河，鮑汁炒飯，兩個都 不油膩， 尤其是個鮑汁炒飯夠乾身 而且香軟。不得不提 與別不同 甜品 蛋散， 糖漿充滿桂花香味。

家族中有喜慶事，約埋一起吃飯兼熱鬧一下。此酒樓有近一半是落地玻璃窗，坐邊位置可看到維港景色，6時到達時仍天很亮，能看到對岸的高樓大廈。一入晚，又是另一番景象，燈光閃耀。先來一人一杯橙汁。跟著反傳統，一來便是花膠竹笙魚翅，已分好一人一碗，大量花膠和竹笙絲混雜，配以少量翅絲，其實都相當有睇頭，味道和稠度部適中。四式燒味拼盤，即涼拌靑瓜、煙鴨胸片、义燒、葷碲等。以义燒和青瓜最好吃。冰鎮8頭原隻鮑魚，雖連殼上，其實已經去除內臟放在殼上，大隻厚肉爽脆，做得很好。上湯焗龍蝦，一眼已看到有些大細外，新鮮度亦各有不同，有的龍蝦肉新鮮彈牙，有的肉則較霉。藍莓一字骨，藍莓做成的醬汁較深及帶有生果的甜味，非常惹味。清蒸沙巴龍躉斑，肉質軟腍，蒸得剛好，很滑。米水浸時菜，似魚湯浸菜，清清地，OK 的。金殿炸子雞，外觀和咬落的雞皮都唔脆，但雞肉味幾唔錯。臘味糯米飯，乾身外蝦米和臘肉粒都很香。陳皮紅豆沙，唔太甜，一般啦！

25/12/2018 聖誕假期與家人中午飲茶，選了這間望維景的酒樓，食了個套餐。先來春卷，有四條而且外皮脆，但沒有什麼餡料，過口痕的小食。燒賣都可以，不算多肥豬肉。味道正常。蒸排骨有齋卜做底，份量可以。味道正常。釀尖椒，不算辣，魚肉有咬口，味道ok。這個例湯，是蟲草花粟米紅蘿蔔煲瘦肉，好足料，也好甜。足有八碗湯最後這湯料，除了豬肉，其他全部食哂。蒜子浸豆苗，份量好多，而且好嫩，味道不錯，而且不油膩，很好食荷芹魚鬆炒米，也是很多米粉，份量很大，魚鬆好食，味道不錯，而且也是不算太肥膩，可以接受。如果唔計個維景，性價比就差少少，大部分都是給了租金吧！幸好服務不錯，可加分。

非常高級的壹餐，首先嚟個頭盤，象拔蚌刺身或高湯過橋，生食或燙熟佳可宜，刺身刀功夠薄加上蚌身新鮮所以鮮甜美味，配上日本清酒，正！再嚟亞拉斯加蟹兩食。花彫疍白蒸蟹蓋，微微酒香味溶入蟹膏加上嫩滑的疍白，口感味道提升食慾！跟著椒鹽蟹腳，外面香辣內裡肉質鮮甜。改配紅酒，味道更上一層樓！食完煎炸，飲啲湯水。海虎大生翅。翅身夠粗，夠火候，份量足，真材實料。朋友話係國內壹碗等於壹圍啲料！只欠味道略淡。其中壹道主菜出場：鮑魚海參花膠，鮑身靚糖芯，火候尚欠少少。花膠海參厚身入味。輪到另一主角：海杉斑兩食：炒魚卷骨香底。以順德手法泡制海魚，不必多講番待看官自我想像其口感美味！生日少不雞：金華玉樹雞，因雞係新鮮的，雞味夠，蒸得剛好，很嫩滑！可惜以很飽。只食了兩件！海大蝦伊麵：蝦大新鮮！用心做的甜品： 杞子桂花糕+蛋殼雙皮奶 +焦糖黃金糕 最後 小不免的壽包

由樓面到經理全部都惡劣。茶壺滿是黑色茶積，投訴俾樓面佢話逢星期一晚先洗茶壼所以我星期一下午飲茶就係咁。碟釀靑椒是豉油同油浸住上碟，向經理投訴佢話係咁㗎啦，🈚️問題。從來未遇到咁差嘅食店。各位千萬不要去這洒家，食到一吐氣

同親戚黎食大餐，有魚有龍蝦有鮑魚有魚翅。間酒樓係25樓，落地大玻璃窗，夜晚望出去就望到維多利亞港夜景🌃粵菜就食得多啦，所以我口味都幾yim chim，不過呢個酒樓出品d菜都幾好，有傳統既魚翅、蒸魚、龍蝦伊麵，又有創新既藍莓排骨（好評！）食環境又有，食菜出品又唔錯，極力推薦！

親友相約食晏、有人推介去isquare 既江順河鮮飲茶，一行15人所以安排坐係近窗口位置，isquare 嘅高樓層一向出名風景好！可惜今日落大雨，天色昏暗，不過依然可以清楚見到對面海！點心有水凖，環境舒適，唔會太迫又唔嘈吵！即叫即蒸，蝦餃皮唔厚、好有蝦味，xo醬炒腸粉香滑，豬手夠入味炸菇，炸魷魚，炸頭腐，炸醬唔厚黑糖糕好香黑糖味！必食-雙皮奶、香滑，無奶酥味！

今日好朋友生日去咗尖沙咀I-SQUARE 25樓江順河鮮食生日飯, 朋友好細心BOOK枱時問要唔要加收開瓶費,本來每支加收$100, 但係你人多佢可以免收, 記得BOOK位時R下個經理免收啦~江順河鮮<----聽個名都知係食江河鮮, 順德菜啦~ 點菜時經理第一時間問我地食唔食焗魚腸, (因為每晚數量有限,要叫就手快啦) 煎焗魚咀, 油浸筍殼, 藕餅, 蒸聖子皇, 順德三寶,首先黎咗個焗魚腸, 原個乞兒兜上~ 外面焗得金黃, D蛋好滑, 魚腸甘香, 好少地方整得好食既懷舊菜,估唔到哩個焗魚腸配紅酒好夾味, 之後上煎焗魚咀, 我地每位ORDER半個, 一位位咁上, 好香薑蔥, 個魚咀炸得好香, 好惹味, 油浸筍殼也非常出色, 炸過既筍殼魚, 已經好香, 再加上生薑蔥, 爆熟香, 香上加香~哩間會再去食~ 回味~

14/10/17 早上十時四十五分到，侍應生服務態度愛理不理，一進店內已覺一股焗濕味，可能是剛開冷氣，既然來了也照坐叫點心醫肚，五大人二小童叫了七、八碟點心先試味道，除煎腸粉可入口，其它点心皆不新鮮，咸水角及春卷更加臭酸了，侍應生嗅過，也同意已臭酸，只是取消柯打並無歉意，再叫其他炒盤，等了半小時還沒上碟，問侍應生是否漏單，回應說廚司在吃飯，沒空煑菜，再等一下終上碟，一碟炒瀨粉，配料也是不新鮮，另外一碟滑蛋帶子河粉，獻汁好像槳糊，很難吃！

今日要過開尖沙咀所以相約好朋友在尖沙咀食個lunch， 想去飲茶吹吹水所以揀咗isquare 25樓 江順河鮮， 因為好想食佢蒸魚咀點心， 其實之前都有幫襯過這間酒樓 不過水準就是好是壞， 有段時間都沒有去過所以今次想再試下。 朋友上到酒樓攞位先，但只能夠安排近門口魚池位置， 點心送嚟之後發現有三幾隻滋仔飛嚟飛去， 不知是否近魚缸位置十分 煩擾， 所以我哋決定要求換位，因酒樓不是坐滿， 但當時的服務員態度就表現不想安排，最後都有安排到。至於点心方面都還好，好想吃的蒸魚咀keep得住水準，整體尚算Ok。但希望改善一下環境衛生和服務態度。

外國朋友最後一日喺香港咁我就約出去食brunch,但我朋友好想喺香港呢段時間去見識下香港嘅飲茶, 咁我就近近哋帶咗佢哋四個去佐位處於isquare25樓既順江河鮮菜館,呢間餐廳嘅環境優美,座位闊落,落地玻璃可以觀望180度維多利亞港嘅景色, 環境十分之正!今次我哋一行五個人,點咗好多點心 , 包括有江順水晶蝦餃皇陽光豉蒜蒸肉排桂林名醬蒸鳳爪潮州蒸粉果百吃不厭鹹水角海味香煎蘿蔔糕碧綠晶瑩鮮蝦腸粉手打鯪魚球粥皮蛋瘦肉粥南非鮑魚燒賣美極乾炒牛河因為今次點嘅嘢食品種太多, 所以我只係打算同大家分享我最深刻嗰幾樣點心! 碧綠晶瑩鮮蝦腸粉佢哋呢一個碧綠晶瑩鮮蝦腸粉, 其實簡單啲嚟形容就係精緻小小嘅蝦腸再加少少菜! 佢嘅皮質滑口, 蝦嘅Size夠大,入口嘅感覺滑嘟嘟而且有咬口! 呢一道菜大人細路都鍾意呀!南非鮑魚燒賣呢一個南非鮑魚燒賣我印象十分之深刻, 我第一次見到酒樓擺一嚿鮑魚仔喺個燒賣上面當係特別菜式咁賣! 我覺得呢一道菜係一個噱頭嘢! 因為鮑魚本身其實係冇乜味道,但係口感好彈牙. 我食落口個下主要食到嘅味道都係來自於燒賣裏面個豬肉餡, 咁好坦白嗰句叫個普通燒賣都有咁嘅味道啦! 但好坦白講呢一道

朋友生日，想找個坐得舒服，不想分時段，不想限時，不要收切餅費的酒樓，原來真的不易，況且還要在尖沙咀呢諗食什麼菜是最煩的任務，所以叫個套餐就好了瓦撐煎焗大魚頭，這道菜真的色，香，味，俱全，一上枱便聞到陣陣香味，蔥和蒜的份量不少每人都有半邊魚頭，份量真夠魚頭是先走油，所以很香口，肉不多，但味濃，吾腥，雖然是炸過，但肉仍保持嫩滑，真不愧是煮魚的專門店正菜蒸花斑魚，煮得剛好，魚肉很滑，鮮甜有魚味翡翠花枝伴虾仁，花枝爽脆，虾肉亦彈牙，爽甜竹笙雞絲大生翅，足料，雖然翅不算多，但竹笙爽口，雞絲嫩滑，口感不錯呢味道不濃不咸，但滋味十足柚子手找骨，用細展肉，肉嫩，酸酸甜甜的，每人一件，滋味無窮炸子雞嚟到嘅時候，我們已飽了八成但仍食晒，因為皮很脆，肉亦嫩，有雞味！再醮上醬汁，一件不留！最後炒飯便要打包了每個人都食得飽飽，滿足，服務員亦殷勤，令我們食得滿足及滿意！下次再有聚會不用再花時間找了

今日同學聚會日....太耐冇見....傾左好耐計....餐廳好好呀..我地8點坐...只係嗌左3樣小食....坐到9點20分先開始嗌正餐,,,都冇比說話我地聽呀..正餐我地就嗌左..【秘制雀山蝦醬骨】同行友人話好好味....但可能我一開始就比佢個名代入左入個腦到....所以我認為應該要有蝦醬味..但食落我食唔出有蝦醬味....反而好似就咁一舊炸骨...冇汁點既...但整體佢都唔算差既...呢個正~入面有青椒,紅椒,9菜一齊煮...其實食落好似啫啫雞煲咁架...好香口...平時D伴菜唔會食架嘛....但今次所有朋友都食哂....佢其實仲落左蒜頭,同埋紅蔥頭去爆香佢架睇到...呢個我超讚好....一上碟其實見到係用西紙包住哂架...我諗呢個係焗熟佢既..但好香沙薑粉味...雞唔肥..啖啖肉呀..但其實冇紅棗味的..我諗應該係點綴而已整體今餐好滿意呀....有得食又有得傾計....重點坐咁耐都冇比人趕走..哈哈...

佔中的第三晚, 突然行雷加暴雨，還在外面的朋友要小心。由於天雨關係, 維港都是矇矇朧朧的。一入酒樓, 感覺,很香! 再望一望, 原來差不多每一枱都有一個熱騰騰旳煲, 急不及待的都要叫一個。我們一行七個人, 可以點兩個特價小吃。首先有豬腩仔, $58, 細細碟, 味道一般。海參菜膽, 這個不錯, 海參都算多, 不算太大舊, 但份量可接受。豬手仔, 當然是伴酒的最佳選擇!京都肉排, 份量不多, 但很淋, 亦非常入味。 這個香噴噴的芥蘭煲, 熱熱的, 很香! 略多了一點葱。回鍋肉, 正常, 不過不失。三寶, 最愛藕餅!! 兩塊蓮藕夾著鯪魚肉, 既脆口亦彈牙, 有口感, 一讚! 雞, 最遲黎, 熱熱的, 份量比較少, 之後睇單原來二百幾, 有點不值, 也看不出原來是一隻雞在裡面。 大家都像不太飽所以再加兩個餸。總括來說, 沒有太大驚喜, 算不過不失

新年時間特別多團拜吃飯...一些平常不多見的朋友總會在新年的時間聚聚...談天說地一番...尤其當大家各自有家庭及小朋友後, 約食飯更是有點難, 有朋友結婚後搬到新界, 說好要找個大家就腳的地點, 就想到尖沙嘴, 有地鐵有火車, 方便大家飯後輕鬆回家經過一輪group chat後, 決定試試這家以順德菜為主的飯店, 訂位的時候曾問過會否安排到窗口位置, 被告知窗口位置全部是12人枱, 6-8人枱是沒有靠窗的, 那算吧!準時到達後不用等便有位了, 可能仍然是新春假期關係, 店裡到坐滿了, 經理過來介紹他們的特色菜, 不斷推介我們吃魚, 價錢不算平, 以両算起來還是要2百-3百左右, 最後決定不點魚了, 點了說是招牌菜之一的"金牌銅盆蒸污糟雞", 瓦罉芥蘭, 燒脆鱔, 醬燒骨, 欖角煎蛋等雞的味道不算特別, 只是有點酒味而已, 一定不是新鮮雞做的, 但收費也要$2xx呢, 反而沒有期望的燒鱔很香口,吃下去是脆的, 瓦罉芥蘭味道亦很好, 上枱的時候香氣撲鼻呢, 醬燒骨沒有驚喜, 味道一般, 欖角煎蛋味道亦很淡..一邊吃, 一邊七嘴八舌的說過不停, 可能大家難得見面, 總要報告下大家的近况..