沾仔記麵食

Open Now

Now Closed

上次出開去佐敦做野， 無意中發現d 間麵舖幾好食， 有驚喜， 今日尊登過去encore .鯪魚球， 牛肉， 雲吞麵（ 三拼）：必叫， 識叫記得轉蝦籽撈麵， 牛肉新鮮， 淋身， 鯪魚球大大粒， 啖啖肉， 雲吞入面隻蝦大仔彈牙，足料， 食完啲碗麵已經超滿足，好豐富蜆介鯪魚球： 有大同小之分， 小有3 粒， 大有5 粒， 基本上台台都有叫， 即炸， 上碟熱辣辣， 粒粒都好大粒， －個人食建議叫份細都夠， 如果2 人或以上就叫大， 炸得剛剛好， 外脆內軟， 推介😍😍🥲油菜： 菜心，算大碟同新鮮低糖豆漿： 微甜， 豆漿味濃， 個人幾鍾意

沾仔記麵食佐敦廟街300號地舖經開佐敦，老友想食撈麵，推介廟街的沾仔記，好地道，有驚喜。😋蝦子撈麵三拼黎到梗係食盡佢，識食一定叫三拼，配料處理得恰到好處，有鮮蝦雲吞、鮮鯪魚球和新鮮牛肉。蝦肉新鮮爽口彈牙，皮薄餡靚。鯪魚球份量十足好咬口，牛肉肉汁豐富，口感煙韌。湯底清甜冇味精，面層加了蝦子和韭黃提升層次，好味道！必食！🤤甜酸炸雲吞即叫即炸，炸油新鮮，外層香脆，內層鮮蝦鮮味十足，爽口彈牙，加埋甜酸醬汁，好惹味 ，推薦！😍蠔油生菜 纖維豐富，新鮮爽口，加埋蠔油好開胃，記得趁熱食。😸支裝可口可樂同玉泉忌廉，夠氣夠凍，飲完好舒暢。😄沾仔記麵食 食材新鮮冇味精，侍應服務態度好，夠地道，還會再來。🤘🏻😎

✅沾仔記麵食每個星期都會去佐敦上堂 所以不斷發掘佐敦嘅餐廳😆今次就食到間抵食又好味嘅粉麵店！呢到唔似平時食嘅潮式粉麵店咁 有好多唔同嘅餸揀呢到主打鮮蝦雲吞 鮮鯪魚球 同新鮮牛肉可以揀單拼 雙拼 甚至係三拼粉麵！除咗粉麵仲有得單點油菜同小食！認真好多配搭！🔆雙拼湯麵 $41雙拼粉麵要咗雲吞同鯪魚球 雲呑皮好薄身 餡料一啲都唔少㗎 食到好幾隻蝦！好爽！👍🏻鯪魚球唔腥而且好彈牙！食湯麵嘅靈魂就係湯底 呢到嘅湯底冇味精係好濃嘅大地魚湯❤️ 配幼麵食就啱啱好吸哂啲湯汁啦！🔆雙拼蝦籽撈麵 $53我都係叫咗雲吞同鯪魚球雙拼麵類加咗$12轉蝦籽撈麵 因為叫咗撈麵 所以啲餸係另外分開上的各有兩大粒雲吞同鯪魚球 撈麵成碗都係蝦籽 呢到用咗全蛋竹昇麵 所以食落好爽口！撈勻後加少少自家製嘅辣椒油就啱哂啦😎🔆甜酸炸雲吞 (3粒) $30見到個小食真係忍唔住叫哂兩款每款小食都可以揀3粒 ($30) 或者 5粒 ($45)我哋少少哋就叫咗每款3粒炸雲吞真係即叫即炸 一上枱係熱辣辣出煙㗎🤣炸雲吞食法又唔同湯喎 個外皮好脆口 一啲都唔會好韌好難咬入面都係咁多餡料㗎！好多蝦😀配埋酸甜醬食 酸酸甜甜好開胃！🔆蜆蚧鯪魚球 (

下午茶時間又到啦，最好就係嘆碗鮮蝦雲吞麵。去開佐敦就揀咗沾仔記，係門口見到有好多米芝蓮推介，即刻入去試一試先。餐牌內有湯麵、撈麵、油菜、小食、飲品、外賣生料等，款款吸引。三拼  (+$12 轉蝦籽撈麵 )   $59依碗係轉左蝦籽撈麵，蝦籽鮮味十足，鹹鹹香香，每條麵都沾滿蝦籽，麵條有韌性夠彈牙，完全無鹼水味，食起嚟好順滑，充滿麵香。大大粒鮮蝦雲吞，皮薄餡靚，裡面全部都係蝦，蝦肉好新鮮爽口。牛肉係選用優質，牛肉煮到啱啱熟，入口新鮮嫩滑，牛味香濃。鯪魚球都好大件，爽口鮮味，食落口感軟綿綿。另外三拼連埋高湯，湯底用咗豬骨、蝦籽、大地魚乾等材料熬煮嘅上湯，味道非常清甜。單拼 (+$12 轉蝦籽撈麵)   $47   另一碗都係轉蝦籽撈麵，麵條幼身，有蛋香味，口感煙韌彈牙，與蝦籽拌勻一齊食，口裏嘅鹹鮮味散發出來，主食點左牛肉，嫩滑有咬口，係新鮮牛肉，牛味香濃，撈麵嘅湯底係分開，湯用左多種材料熬製而成，飮落味道好鮮甜。淨鮮蝦雲呑    $35      剛剛食完粒雲吞覺得好味，立即加單點碗淨鮮蝦雲吞。鮮蝦雲吞皮薄餡多，入面起碼有3隻大蝦，份量十足，蝦肉彈牙，食起嚟好爽脆，湯底清甜順口。時令油菜  

眾所皆知，沾仔記雲吞麵名氣近日爆燈！來佐敦吃實在是明智之舉，坐得舒適，又不會太廹，重點是不用排長長人龍。來一碗大雲吞鮮牛肉雙拼撈蝦子麵，牛肉手切鮮嫩，質素高，有肉汁，醃料味道香而自然。雲吞碩大，餡多爽彈，蝦肉完整一咬而見，還可以外賣生料回家烹煮。雲吞湯頭味道濃郁，配有韭黃。蝦子撈麵乃係佳品，帶有微微鮮甜味，蛋麵條條分明，爽口，掛滿蝦子，令人一口接一口的美味。香煎蜆蚧鯪魚球真是非一般的好吃，表面金黃，魚肉彈牙，以青蔥陳皮調味，蘸上咸香的蜆蚧，香港風味小吃的味道。最後吃點時蔬：腐乳通菜，也是新鮮，腐乳濃稠適中。天時暑熱，喝一口冰凍低糖豆漿，冰箱拿出來真的有雪岀沙冰，外帶也適合，香滑且豆香岀色，有驚喜！

當天下午到訪都坐滿了人 看得出人氣十足環境很有港式風味麵店配料只有雲吞 鮮鯪魚球及新鮮牛肉3樣都新鮮足料 性價比很高⍢3拼（轉蝦籽撈麵+$12）$59鮮蝦雲吞皮薄餡靚 蝦肉非常彈牙鮮鯪魚球同樣新鮮彈牙 牛肉口感嫩滑而蝦籽撈麵麵質較為乾身入口很香又有咬口 真的很久沒吃到正宗的蝦籽撈麵 滋味！3拼麵 $47配料如前者同樣 但選擇了湯麵同樣是全蛋竹昇麵 亦沒有鹼水味 正～炸雲吞（3粒） $30外皮炸得金黃香脆 與湯雲呑同樣足料蘸上甜酸醬份外惹味炸鯪魚球（3粒）$30鯪魚球很大粒 外皮金黃香口但內裏魚肉很嫩滑 可蘸上蜆介汁吃郊外油菜 $18有幾種菜可以選擇這次叫了生菜 爽口鮮甜 配有蠔油低糖豆漿$8樽裝可樂 $8所有飲料都是$8 低糖豆漿不甜 推介～⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡♡/5⧐📍沾仔記麵食佐敦廟街300號地舖

沾仔記開業多年，主打雲吞麵，有多間分店，今日黎左佐敦分店食😆呢到嘅雲吞同鮮鯪魚球超大粒，成粒乒乓波咁大，雲吞皮薄餡靚，包大好多爽口彈牙嘅蝦肉同豬肉，鮮味十足☺️自家製鯪魚球有好香嘅鯪魚肉味，入口彈牙，牛肉都好軟腍，所以想試晒呢三寶就要叫碗三併麵，價錢仲要好經濟，$47三併😍另外，個湯底好鮮甜，用左豬骨、大地魚等熬煮而成。想轉蝦籽撈麵都係加12蚊，加左蝦籽食落幾有口感😝甜酸炸雲吞都唔錯，一樣係大大粒，但炸到個皮超脆，鐘意食脆口嘅可以叫黎試下，一樣咁足料！油菜都幾翠綠，佢地個蠔油唔會太咸。

香港好多良心小店都用心經營，今天和朋友去光顧的佐敦廟街沾仔記麵食有特色，出品經濟實惠，值得支持。朋友最喜歡蠔油蝦子三拼撈麵。撈蛋麵爽脆彈牙，加埋蝦子更惹味出色，生菜爽甜。上湯三寶都好食，先飲幾口充滿大地魚味的上湯，再享受大大粒，飽滿足料的鮮蝦雲吞，有肉味的牛肉片和真材實料的鯪魚球，大滿足!下午二時後才有供應的蜆介鯪魚球和甜酸炸雲吞也不可錯過。炸鯪魚球又香又彈牙，可口。炸雲吞皮香脆有蛋味，餡料足，點埋自家製甜酸汁味道更佳。韮菜花新鮮淋甜，美味。低糖豆醬豆香濃，口感滑，正。兩個人吃飽又滿足，人均消費$80左右，抵食。朋友走時買了火鍋配料鮮蝦雲吞，鮮鯪魚肉和鮮牛肉回家孝敬媽媽。

香港老字號粉麵店，一定要試下呢間聞名已久的沾仔記麵食🍜來到佐敦分店，雖然麻雀雖小 五臟俱全，環境還帶有中國古典風格，呢度出名既主打美食款式不多，此乃貴精不貴多。今次我就點左秘制蝦籽撈麵，雙拼鮮蝦雲吞同鮮鯪魚球，麵同雲吞鯪魚球分開上，可以邊食撈麵，邊飲雲吞熱湯，又可以當沾麵咁食，雲吞大大粒裡面有4-5 顆蝦仁，真係超足料，鯪魚球也是大大顆好彈牙，令人食得好開心😀另外小食：1. 甜酸炸雲吞 $30（3 粒）2. 蜆蚧鯪魚球 $30 （3 粒）又係大大粒只是做法不一樣，但味道一樣咁好食🤤仲有點左時令油菜就點了 韭菜花$26 唔係度度都有得食而且好鮮嫩😋

我今日去佐敦辦事，順道約同好友去位於佐敦廟街300號地舖的沾仔記麵食食麵，裝修可有懷舊情懷，環境尚算寬敞，坐得舒服。我點左個三拼湯麵（粗麵）$47，轉蝦子撈麵$12，好友點左個三拼湯麵（幼麵）$47，餐飲係低糖豆漿（凍）2支共$16。三拼是鮮蝦雲吞、鮮鯪魚肉及鮮騸牯牛肉，鮮蝦雲吞好大隻，內裹著全隻蝦，好味又有咬口；鮮鯪魚肉又是大大隻，好彈牙呀；鮮騸牯牛肉好新鮮，牛肉味濃，肉質嫩滑又好食；麵底好食，有咬口；湯底好味，低糖豆漿好好飲。

行街隨機入佐嘅鋪頭，諗住平平地食一餐頂肚。結果開盲盒有驚喜。一碗三拼粉麵，有鮮蝦雲吞、牛肉、鯪魚球，單拼35，雙拼41，三拼47。價錢公道，重點係用料夠曬誠意。一粒鮮蝦雲吞入邊竟然有4隻鮮蝦，食落啖啖肉，好滿足啊。同埋鯪魚球大粒到成隻煎餃甘，真係好大方好有誠意做生意啊。仲有佢地檯面嘅辣椒油加入湯粉都好好味。蝦籽撈麵，好彈牙嘅麵底，兼且真係密密麻麻嘅蝦籽掛麵。仲點佐通心菜 + 酸辣炸雲吞，脆炸嘅雲吞皮加飽滿鮮蝦肉，點甜酸醬，風味十足。如果一個人來食，簡簡單單一碗麵，一百蚊有找食到好滿足。

今次要支持一下香港傳統美食，就係呢間位於佐敦《沾仔記》，正正就是傳統港式雲吞麵店，開業超過廿年，相當歷史悠久。麵店設有七張富有中國氣息的圓枱和圓櫈，每張枱可供約4-6人坐。麵店主打三款主食，包括雲吞、牛肉及鯪魚球；可淨食或配麵、河粉或米粉。單拼$35、雙拼$41 及三拼$47等。亦可拼菜、加蝦籽或轉撈麵。另外亦有多款時令油菜，如韮菜花、豆苗（$26），一般其他油菜有生菜、通菜（$18）。也有輕食粉麵及小食等。今次選了「雲吞、鯪魚球雙拼麵」（$41），加「腐乳通菜」（$18）麵質確實非常爽彈，湯底出色，尤其喜歡以韮黃代蔥花。至於雲吞大大粒，超多大蝦，而且非常爽口鮮甜；此外雲吞加入有大地魚粉，令雲吞更加提鮮。鯪魚球更加超大兼且彈牙。下次要再來試一試牛肉，採用新鮮騙牯牛肉，值得一試。另外，亦有生料供應，可以買回家作煮食配料添。

有人病咗話想食麵，我就諗起好耐冇去沾仔記食鯪魚球啦🤤原來佐敦沾仔記搬咗舖，而家喺廟街300號，不過都係行前多幾步啫～ 蝦籽撈麵 $41唔知係咪好耐無食，覺得好好食！！ 啲蝦籽又唔會過鹹，然後想講個湯啊，甜甜地，加上D韭黃粒好鮮甜，我未試過覺得呢個湯會好飲😋😋😋 雲吞麵 (單拼) $35雲吞有蝦就大家都知，但係未食過一粒雲吞內裡蝦嘅比例係多過啲豬肉咁多🫢 呢啲傳統嘅中式麵有鹼水就一啲都唔出奇，好彩依度D鹼水味就未到苦，所以都仲可以接受。鯪魚球鮮牛米 (雙拼）$41鯪魚球大大粒好好肉地🤣 牛肉好滑，食得好開心☺️腐乳通菜 $18 正常操作，份量夠多👍🏻食咁多嘢，埋單都唔使$200😀 覺得好抵！！食食下聽到話收爐了，原來呢度19:15就last order。好彩今晚早食飯，如果夜啲嚟就冇得食啦。大家留意喔😉

今日又去到放半日嘅日子，去咗佐敦搵嘢食，因為今日好想食啲中式嘅幼面，行行吓就走咗入去呢間小店，雖然已經2:00 ，但係都係得一兩張吉枱，見到價錢都好經濟，就入咗去坐低因為冇食早餐好肚餓，所以叫咗好多嘢，我叫咗個三拼撈麵加蝦子，叫咗碟蠔油豆苗，招牌炸鯪魚球同炸雲吞，再叫多咗樽豆漿，本來想飲可樂，但係個職員話佢哋嘅豆漿好有豆味同埋低糖嘅健康啲，我就叫咗樽全部嘢都係意料之外嘅咁好食，首先撈麵嘅餸超級多，同面嘅份量一樣咁多，麵嘅份量同埋蝦子嘅份量都係極多，可以係叫做兩個人嘅份量，重點係佢嘅面超級好食，完全係我食過咁多間中式麵最好食嘅一間，冇鹼水味同埋個口感非常爽口，蠔油豆苗又係新鮮爽脆，鯪魚球炸得得好香，好大粒，仲有蜆介醬跟埋😎炸雲吞就正常發揮，豆漿啱啱好可以平衡返煎炸食物叫咗咁多嘢都唔超過$150 ，抵到爛，極度推介

Jim Chai Kee Noodle is not just a typical HK style noodle restaurant. Instead of the HK staple beef brisket, they offer only three types of noodle ingredients - shrimp wonton, dace fish ball and beef slices.Each portion of wonton or fish ball includes two huge pieces. Shrimp wonton was filled with crunchy shrimps and minced pork with a balanced amount of fat. Silky wonton skin. The beef slices had been tenderized in advance. Smooth texture. Pretty thick cut.I must say their dace fish ball was on