JK Brother's (Moved) New Location

今日見天氣幾好，同個大同去左沙田踩單車。體力勞動之後，緊係要食餐好啦大同有朋友介紹食JK Brother's。呢間係食韓國菜。餐廳既地理位置唔難搵。一上到5樓，就見到簡約既門面設計，四周都有貼一啲特色食物既宣傳海報。四周既牆除左貼啲食物宣傳海報之外，仲有架單車，而且架單車仲有打燈既功能餐廳既座位與座位之間既空隙同埋走廊都比較大，唔會同隔離枱好近，出入都方便啲運動後，真係好需要補充水分，所以我地先叫左野飲。粉紅珍珠（荔枝特飲）瓶（＄68）望落好靚，面頭有粒士多啤梨，車厘子同檸檬片一塊，要搞均成瓶粉紅珍珠先好飲。搞完之後，就變左淺粉紅色，飲落都幾清甜，荔枝味唔會太濃，都幾易入口食韓國野緊係要叫返個韓式步兵鍋（＄138）好足料啊，有長長既芝士腸，午餐肉，韓式年糕，冬菇，金菇，白菜等，重點係加埋塊芝士鍋個湯都唔錯，唔會好辣，而且啲材料都好入味而且呢間既公仔麵比較多，啱多人一齊食，唔會一人得一小啖海鮮煎餅（＄58）海鮮係餡入面，而面頭係放左啲泡菜，加埋一齊食更加香口煎餅唔會太油，而且粉唔會太多，令人太飽重點黎啦！就係呢間餐廳既主打啦！芝士果醋醬烤雞，限定價＄68餐廳好貼心，啲烤雞可以揀無骨今晚餐

今日有同事提議來這裡吃午餐～今次可以試下極邪惡芝士撈同水冷麵！午市可免費跟熱飲。一上枱見到還在沸騰中，新鮮熱辣～～跟著店員將一碗芝士粒加入，再撈勻。一路望住佢撈一路吞口水心急等食越邪惡越好食，撈好後店員細心提醒要小心鐵板熱～牛肋肉很淋亦有牛味，味道不錯。芝士撈麵，食完跑多兩個圈啦！如果夏天個人無咩胃口可以食呢個，豚肉片帶有小小脂肪。辣度，我個人覺得係中辣，得到條脷辣辣地再食啖麵舒緩一下～麵上有三塊雪到冰的蘋果，好特別，咬落有點像雪葩，但千其唔後諗住放埋一邊慢慢食，我有兩塊到最後變軟左，可惜可惜～下次再試下其他～

行完apm又係時候食晚餐，朋友建議去隔離座工廈食韓國菜...餐廳地方寬闊，坐得好舒服！芝士果醋醬烤雞做緊優惠，非常抵食，差不多見到每檯客人都有落order!我同朋友都唔執輸叫黎吃下！店員即場用gas爐燒溶芝士，再幫我地逐件逐件烤雞卷上芝士絲。睇到我地流哂口水喇！雖然係特價菜，但烤雞大約都有七件，份量同size都唔算小呀！即使我地點左有骨既烤雞，入口都啖啖肉！雞皮外層味道酸酸地，配上芝士鹹味，很特別！食韓國菜當然唔少得年糕喇！宜碟豚肉辣炒年糕十分入味，年糕煙煙靭靭既口感，超喜歡呀！雖則話係辣炒，但辣度唔算好勁，我諗唔食辣既人都應該會中意！宜jar名為墨爾本的翡翠顏色非常吸引，估佢唔到其實係波蘿特飲來的！漢城鐵板拉麵可自由選擇豚肉、牛肉、雞肉，拉麵加左洋蔥、粟米、胡蘿蔔絲，口感很豐富。醬汁甜甜地，很有特式！

今年才閞舖既 JK Brother's 玩日韓餐食，今次先試試午餐。Set lunch 既價錢一般，最有特色既款式係散叫menu ，會豐富多啲。每兩位送你一碟泡菜，酸甜辣集於一身，其實唔係好辣，幾唔錯，幾開胃。點了個原條蒲燒鰻魚飯，成條鰻魚都很不錯，冇乜骨刺，肉魚夠新鮮彈口，唔係超市最cheap果款。＄78元這個set 算可接受啦👌。餐廳環境一般，沒有特色裝修，坐位以長chair 為主，坐就一般。其實食物款式都幾豐富，下次可以唔睇set，試下鐡板飯同pot麵先

於第一次幫襯時被薰得全身油煙味，今次坐近窗位置，沒什麼油煙味。上次試左雞鍋，好食，份量多，建議女孩們share 食！因為食物不錯所以帶同事來幫襯，但今次的食物令我有點失望。國民伴飯 $58，午餐有餐飲賣相很不錯，份量也足。但太多沙律醬，而且配料比較沒驚喜，有肉鬆、蟹籽，青瓜絲，粟米及紫菜，感受唔到韓國的味道。本以爲國民伴飯是帶有韓國傳統特色的食物，原來係沙律拌飯。是我想太多⋯如果你好喜歡食沙律，可以一試⋯這個伴飯無咩驚喜，我下次會試下其他創新菜式～

工廈韓式餐廳 除咗勁平嘅烤雞 仲有其他野嫁😛----------芝士果醋醬烤雞 ( 原價$168 限定價$68 )哇差唔多係原價嘅四折😱 咪以為平左份量會少左 一份都有8舊左右🤓 可以選擇有骨/冇骨 餐廳員工會將雞放上爐上面 先將芝士整溶 再幫手撈勻 將一件件雞用芝士包住😍 叫得做果醋 係有微微嘅酸味 不過更多嘅係辣味 好過癮😛 要提提大家嘅係 記得要趁熱食😂芝士凍左之後會冇咁好食之餘 仲食得冇咁方便😅( 可選有骨/無骨 )-流心芝士千層黑豚 ( $86 )一切開啲芝士即刻爆出黎 裏面就係一層層嘅豬肉 夾住勁多嘅芝士 口感都幾特別 不過都係要襯熱食😂-天國的豬蹄 ( $76 )去韓國必食嘅除左炸雞外 仲有🐷蹄🤓 食善其實同平時嘅冷盤豬手差唔多肥瘦適中 不過加埋泡菜、豆腐等一齊食比較新鮮😛-粉紅珍珠 ( $58/杯 $68/瓶 )識叫一定係嗌一大瓶share啦😏 呢款粉紅色好靚嘅其實係荔枝梳打特飲 珍珠就即係藍莓😌 出奇地又唔算好甜喎 記得攪勻左之後先飲😉

有一排冇食韓國野，搵到呢間幾平！仲全場爆滿，捧住個肚走芝士果醋醬烤雞$68一碟六件左右，即場溶芝士再捲住食，烤得幾香脆，仲有小量年糕！$68幾值得試漢城鐵板拉麵配牛肉$148有大量牛肉，粟米，韭菜，洋蔥，即場加秘製醬汁炒好嘢味！兩人份量剛好！火紅燒雞翼 $36雞翼烤得好入味，仲有少少香辣，二人分享剛剛好。菠蘿特飲。一瓶$68飲落有點似雜果賓治，有幾粒菠蘿和士多啤梨，酸甜的感覺可以remak的店舖，以香港黎講，呢間韓國菜算比較親民價錢，而且份量同價錢成正比，唔錯

最近食多左韓式餐廳，一黎韓式餐廳愈開愈多，二黎個人都幾中意食韓菜！哈哈豬骨濃湯海鮮烏冬一般豬骨湯麵配料都係配肉，但呢度比較少見係配海鮮，店員話我地聽原本係會有青口但剛好無晒，介唔介意，會轉左其他他配料俾我地，就係蜆。蜆出乎地好味，剛熟，所以好林，脹卜卜的！烏冬好彈牙有口感，配菜份量都好多。由於豬骨湯味比較清，所以好能食到蜆同蝦呢類海鮮味。新村薄餅因為其他食物都要時間制作，係等既時候有個薄餅可以咬下都幾好，不過有種似係韓式煎餅感覺。薄餅皮係煎過上面放入薄餅料再焗。芝士勁多，餡料有好似蠟肉既肉粒，好香口，味濃！應該係豬手泡菜爆炒芝士豚肉估唔到份量有咁多！！成大碟！而且會你面前製作！職員先將豚肉分開烤熟，之後再處理其他配菜，最後放到你面前時已經係一份肉加菜！泡菜少辣，而肉質有種煙韌感，好林，加埋芝士，全部一齊放入口，個人覺得好似韓劇個種一匙食法最好，而且味道配合得好，有齊色香味同各種口感，好值得推薦！芝士高麗醬烤雞呢款會係你面前煮溶芝士，直到芝士可以拉絲再同每件雞倦起一件一件，擺好，夾俾你食！招呼一流！唔好睇少，份量其實都好多，優惠價好抵食！希望唔好甘快加價啦！懶人既我點左要無骨烤雞，啖啖肉

地鐵站步行約15分鐘左右就到唔算難搵，店舖去環境舒適，坐位寬敞唔迫，而且食物即叫即整都唔駛等好耐，有啲菜式職員仲會喺面前煮 / 撈，食物味道有一定嘅水準，服務態度都唔錯，值得一試

等朋友收工食飯，所以揀咗喺佢公司附近嘅喱間韓國餐廳。環境闊落，但就比較嘈吵。博多明太子蛋卷蛋卷可煎到一層層，味道唔錯有口感韓式步兵鍋份量足夠三至四人享用，材料有年糕，蟹柳，午餐肉，魚板，腸仔，蔬菜同麵等除咗午餐肉外，其他都味道正常。蜜糖牛油炸雞金玉其外，個樣係好靚，面頭d蜜糖都好好味，但一咬落去就黐曬牙， 似食麥芽糖嗰種黐牙。原味炸雞比起之前嗰個黐牙炸雞，喱個正常好多，還可自選兩款醬汁。飲品方面，只得幾款特飲及氣水

近年工廈食肆愈開愈多間,雖然工廈環境不如大商場, 但裡面有唔少隱世美食店,可謂禾稈冚珍珠。前幾日我同朋友就去左觀塘試呢一間韓國野。韓國野裡面我最中意食的就是炸雞,呢間鋪頭就有多款唔同味道的炸雞,我地點左半入蜜糖牛油味同半份香濃芝士味。最好食的炸雞要做到皮脆肉滑，一口咬開仲見倒有juicy的肉汁就perfect了。蜜糖牛油炸雞絕對符合我的要求, 外皮甜甜地, 炸得夠脆, 雞肉仲好juicy,超好食, 食完一舊想再食。最好就襯熱食，不過佢就算放耐左，我都覺得味道仍然唔錯。芝士味相比起黎失色唔少，芝士未唔算太濃，雞肉亦有點太乾。另外還食了推薦的流心芝士千層黑豚，裡面的芝士超級多，但仍然有芝士味唔夠香濃的問題。黑豚肉亦只是不過不失。豬扒好大件，而且芝士有點漏，要多人食先好點呢個菜。真露煮大蜆味道都唔錯，我以為會有少少酒味但事實上唔多覺有。蜆肉都煮得幾滑，而且蜆肉大粒，份量都好多，唔會殼多過肉，加分加分。明太子玉子燒我覺得少少辣的明太子同少少甜的玉子燒不嬲都係絕配。玉子燒熟的程度剛剛好，裡面包住明太子的地方好滑溜，外面的玉子又唔會太散，剛剛好，可以夾起，唔會一夾就散。飲品我地叫左２瓶粉紅珍珠，一

今日黎觀塘工厦搵好野食, 黎到呢間新開不久的韓國餐廳見到掛左好多好美味的poster 忍唔住樣樣都想試好有格調呢~!先來一JAR 凍飲，2個人share 最好~粉紅珍珠$68清清地唔太甜，好解渴~流心芝士千層黑豚$86呢個不得了, 切開有芝士流出黎, 超越邪惡呢~黑豚肉夠腍，炸得香口鬆脆~芝士果醋醬烤雞$68呢味芝士果醋醬烤雞，職員拎個爐黎，並會協助整熱碟烤雞~待翻熱不久，職員更細心提示小心爐熱呢~最後更幫我們夾起到我地的碗上~烤雞有果醋味酸酸甜甜好開胃呢~加埋芝士口感更豐富!!! 推介~YUMMY!呢味芝味炸蛋$56用面包，煙肉製成，中間包住溫泉蛋 睇下切開之後泉蛋流晒出黎，好滿足呀

推介！個場好大又易搵！野食又平又抵！叫左個芝士炸雞 冷面同豚肉飯份量岩岩好3個女仔叫左3碟野 加杯野飲個芝士雞係鐵板上燒！ 甜甜地👍 $68有得食😍豚肉飯都熱辣辣杯野飲本身諗住會好藥水味😂居然無😭仲有車里子同埋d味好好🙇🏻‍♀️推介同朋友過黎食啊！

三個女仔朋友相約今晚去觀塘工廈揾食 其中一個就話book左間新野係豐利工業中心嘅 我地1930就到達觀塘地鐵 然後步行過去約6分鐘到 好準時 一出lift口已經聽到好熱鬧笑聲 跟住笑聲就會揾到入口 原來都唔係好爆 還有位讓我地三個坐真好彩 環境舒適 傾計好地方博多明太子蛋卷 $46熱辣辣 蛋好香滑 明太子鮮 好好味 韓式步兵鍋 $138大堆頭 份量夠三位用 彈牛牙韓式麵+年糕 材料足 腸仔好味 午餐肉一般 配芝士泡菜 好惹味又開胃 蜜糖牛油炸雞 $98 (半份) 可選有骨或無滑賣相好靚但食落好甜 蜜糖牛油汁好杰 食時會黐牙 雞肉都嫩滑 啖啖肉 配粟米salad菜 中和油膩感 原味炸雞 $98 半份 (有骨) 配兩款自家製醬汁蛋黃醬同芥末蜜糖醬 還有多款帶辣嘅選擇添有骨雞另一風味 唔點醬都好味 粉紅珍珠 (一瓶) $68 兩個share剛剛好有杯裝都$58 其實都好大杯 色彩繽紛 荔枝味soda 加上新鮮藍梅同士多啤梨 冰冰涼涼 好消暑

今日開OT 開到八點，唉，係又攰又肚餓既情況下，去左付近食炸雞補充能量之前lunch 黎過都吾錯去到已經坐滿左一半人，真係估吾到，以為晚市會少人d價錢吾貴豆腐沙律，比想像中大好多，成個石鍋上，好多沙律，$52 絕對超值，沙律醬份量適中，吾會太漏豬骨海鮮烏冬、有蝦，青口，帶子，尤魚，大量海帶同粟米，湯底比較清，食得出海鮮鮮味，青口勁大隻，尤魚超彈牙，喜出望外$98柚子炸雞，好香柚子味，又吾會大甜，不過要趁熱食，可揀有骨同無骨豚肉石頭鍋飯，熱辣辣，出晒煙，多豚肉，不過醬汁吾夠多，可要求再加，有好多飯焦，增加口感好彩付近有間韓式炸雞，為我呢d打工仔增加返工作動力