JK Brother's (Moved) New Location

好耐無黎食呢間觀塘工廠大廈的韓國餐廳，但味道仍然不錯。今次再一次點了炸雞，大蜆鍋，pizza 等。味道依然好食，價錢依然抵食。現在香港百物騰貴，想搵間平靚正的餐廳，真係難過登天。好耐無上OpenRice 打文章，睇到有些人話平，有些人話貴的文章，實在令我會心一笑。原來現在香港人的標準咁離奇，咁不一致。當然讚的可能是媒，但彈的亦有機會是另一間餐廳的打手。但我只知一點是餐廳最重要的還是食物質素同價錢，與其作不必要的猜測，不如親身落去依一次感受，真的假不了！

呢間隱於觀塘工廈嘅韓國餐廳推出晚上限定優惠！只需要$68就可以食到「芝士果醋醬烤雞」，原價$168嘅 「芝士果醋醬烤雞」而家晚上限定價只係$68咋，咁抵食即刻忍唔住叫左一客試下，結果令人喜出望外！以為平左，份量會縮水，上台都有見到8舊， 可揀有骨或冇骨！店員仲會係你面前即場熱溶芝士放上熱辣辣嘅烤雞上面，真係睇到都流曬口水呀！佢地先將雞放上爐上面，芝士整溶再幫手撈勻，將一件件雞用芝士包住，由於醬汁係果醋，食落確係甜甜酸酸，視覺同味覺都滿分！

放工同朋友想食韓國菜，於是決定試一試呢間喺公司附近嘅餐廳，如果好食，可能會成日嚟嫁點咗3道菜，1款飲品同甜品。點解叫咗5樣嘢有6張相？睇埋落去你就知第1道嚟嘅係芝士果醋醬烤雞，賣相冇乜特別，諗住都係果啲嘢啦，點知食落有驚喜！上咗枱會有店員加熱芝士，然後將啲芝士蛋逐件雞卷上去，可以當表演睇埋。而味道方面我會俾4.5星，因為相當接近韓國地道嘅味道，而且價錢相當平，值得推介點知......第2道嚟嘅係部隊鍋，但因為個流心芝士黑豚嚟咗，所以先食咗後者。個黑豚就認真普通，一切落去雖然好多芝士流出嚟，一定滿足到一班芝士控，但同時一切就皮肉分離，靠啲芝士痴住，賣相扣哂分，而味道都係一般，炸豬扒好難整得唔好食掛？好，講番個部隊鍋。料係多嘅，滿滿一鍋見到都幾開心，應該食完都幾飽。點解係應該？因為我冇食囉。點解冇食？因為唔乾淨換咗其他嘢囉叫店員收起部隊鍋後，換咗卡邦尼年糕，點知又係另一個失望。心諗卡邦尼都好難唔穩陣掛，點知...... 而最大鑊嘅係咩呀？佢竟然冇咗隻蛋呀！卡邦尼冇咗隻蛋究竟係卡邦尼定白汁呀？飲品同甜品方面，都只係中規中矩。個人口味不嬲偏重，唔怕甜，同行朋友事前怕飲品太甜所以最初冇叫，但食食

今日又揀去工廈開餐! 我好SURPRISE 原來呢區既工廈餐廳拍得住港島區價錢!!!好誇張!! 以前係QUARRY BAY 返工搵食都覺得好貴, 重要坐唔耐!!!! 一心諗住算啦港島區嘛.點知黎到呢頭, 都係咁既價錢既喂?! 只好講現今真係百物騰貴~大家既付出都係去哂租金度~ ><既然價錢已唔再係取勝點, 即係要靠最基本既味道同GIMMICK 入手~LUNCH黎講, 我認為好味第一, 之後就要夠飽肚啦~快脆搵個地方HEA 下透下氣~ 叉下電又返去捱過~呢間韓國菜幾大, LUNCH 由$58-98 不等~14:30-18:00亦有下午茶揀~LUNCH 揀唔到又可散叫, 都幾多野揀, 價錢亦算公道~好喇, 因為見到炸雞有D想食, 我地今日就決定散叫半只炸雞同埋一個LUNCH SET 芝士牛肋肉鐵板飯$62 連飲品.好味WOR~ 個飯應該係泡菜炒飯黎~上黎時得圖中既芝士份量, 咁我地話太少想叫佢地畀多D 我地都OK~加左一兜仔就有返D野睇下., XDDDD 半份炸雞連蜜糖芥末醬及酸辣醬$98(另加醬料一款$10)另加$10飲品~原來半份炸雞只有7件雞件略嫌細件~如果以$98

觀塘工廈多美食已經唔係新鮮事，但韓國餐廳真係第一次。一入到去環境舒適地方夠大。牆上貼滿大大小小推介既特色食物。但裝修就較普通，但依然有唔少既客人光顧。另外仲有露天位置，鍾意戶外嘅朋友就啱晒。韓國黎講，最特別既都係無左條抽油煙管。但油煙味都唔太大，因為店員會將煮炸油煙既食物係遠處處理好先再上枱，值得稱讚。係餐牌方面，都花左唔少心機，對每件食品都作詳盡既介紹。首先叫咗一杯特大飲品，森巴皇后！菠蘿加檸檬特飲。芝味炸彈，用煙肉包住蛋，而蛋內包住芝士，食落去煙肉既香味加埋芝士同滑蛋真係超級夾超級香！而芝士年糕相信大家都唔陌生，口感煙煙韌韌不過食得多就會有少少'流'蜜糖牛油無骨炸雞，味道係唔錯的，但係用蜜糖炸過嘅雞皮，會有少少似牙，可能老人家就唔係太適合。最後就用一個部隊鍋黎做總結。相信大家對部隊鍋依一個名詞已經唔陌生。部隊鍋配菜分別有辛辣麵，韓國年糕，韓國午餐肉，韓國泡菜等等。不過建議大家如果二人行的話，可以先考慮一下食量，量力而為唔好浪費食物。因為每樣既分量都唔少 大家不妨試一下。

今晚心血來潮想吃韓國菜，在觀塘上班的朋友推薦我來這間，所以就來了這邊吃晚餐吶🍴餐廳在豐利中心五樓～朋友沒介紹錯，我們來到看看餐牌見到食物的價錢真的都很便宜抵食驚喜的是份量也是非常足料。我們點了一客石鍋豆腐沙律，賣相奪目，真的超大份放得滿滿的一盤，石鍋還雪得冰凍，令沙律可以保持入口都是涼涼的～特調的沙律醬汁加上粒粒蟹籽很惹味，又嫩又滑的豆腐放在新鮮翠綠的生菜底下，多重口感拌混來吃，是一道非常清新爽脆的沙律，份量是四個人分享都可以～韓國菜必點的烤雞🍖餐廳有很多烤雞/炸雞的口味，還可以細心的選擇有骨無骨，我們點了鐵板的芝士果醋醬烤雞。店員先在爐上用慢火煮溶芝士，然後慢慢幫烤雞圍上芝士，入口又有濃郁的芝士，又有香辣的果醋醬味，正這一客芝味炸彈我們看餐牌都不太知是什麼不過見名字好特別就叫來試試。原來是煎香的煙肉蛋捲切開有流心芝士食到一半發現還內有乾坤，裡面還有一隻流心蛋，是蛋中蛋呢～芝味炸彈這個名改得很貼切哈哈日本南瓜天婦羅也很鬆軟香甜難得餐廳有健康養生的紅棗黑糖薑茶，清潤生津又驅寒最後再食埋自家製甜品，北海道3.7牛乳奶凍濃郁香醇的奶味，好吃 是夜真的捧腹而回，而且餐廳性價比超高，值得一來！

觀塘工廈向來是我搵好野食的靈感, 今次去了JK Brother韓式風格的餐廳，裝修以raw既牆身以木及深色為主，牆身的海報食物有炸雞，看見後即叫半份無骨蜜糖牛油味炸雞$98，好甜美的蜜糖沾滿炸雞，唔算炸得好燶，大大件，旁邊還有沙律，有粟米粒蕃茄及沙律菜，近日天氣寒冷日子，叫杯暖身的桂圓肉杞子韓式梨茶，好清潤，大大粒桂圓肉，有趙口。之後有一特色小食叫左芝味炸彈$58，非常搶眼，厚厚的芝心玉子燒，外層有4大塊烤煙肉，見到肉同肥肉的比例為8比一，肉多，都冇咁邪惡，連玉子燒一起吃，咬下，原來內裡係以芝士做芯，而且玉子心梗梗熟，還保留蛋白漿流出，增加滑溜感覺，而且中和咸肉味，而煙肉外層微微焦香，$58非常超值。看見夾心層，好有層次感。另一主菜韓牛肉雜菜嫩豆腐鍋$118，超大份量，一大鍋，材料豐富，有主角韓牛薄片，有啲似肥牛，已熟可即食呀！仲有娃娃菜，金菇，滑豆腐，大蔥，冬菇，粟米，甘荀絲，咁多材料令個湯好甜，真係夠晒飽肚。埋單每人$160，價錢合理呀！其實餐廳都有抵食午餐同下午茶餐，下次都要試下。

在觀塘放工，突然很想吃韓國炸雞。於是就周圍search下邊度有得食，見到呢間都幾多好評，於是就去試試。上到去唔係太多人，成個場得三枱人，價錢都偏貴，而且飲品都幾貴下。於是兩個人叫咗份炸雞，同埋一個年糕pizza。首先炸雞份量極少，得五至六舊左右。而且味道都非常一般。個Pizza就真係冇乜特別，只係將啲年糕放喺舊麵包上面。本人覺得餐廳嘅通風系統比較差，成間餐廳都好大陣燒烤嘅油煙味。我哋食完都即刻走咗再去食其他野，又貴又唔飽肚。

有一晚想食韓國嘢就search到呢一間叫咗個泡菜，部隊鍋同埋芝士雞配韓式傳統醬泡菜係要獨立叫的，佢有標明自家製，冇防腐劑，食落去真係有驚喜！佢唔係超辣但係甜甜地，真係好開胃食完都等左一小陣，然後部隊鍋上先，因為要等，然後等待中途個雞都嚟咗啦跟住職員會買來幫你整好個雞，佢會燒一陣等芝士溶咗然後即刻攞起拉絲芝士包住雞 整好咗就會serve 俾你然後叫你食先，趁芝士熱辣辣，呢個仲要係減緊價，所以好抵食！食落去呢個奬係甜甜地但係唔係平時食開個隻甜辣醬再加埋cheese 真係好好食不過芝士就有啲漏食完呢個走到部隊鍋，我覺得佢湯底有少少淡但係就真係好足料一整個公仔麵，出邊大把鋪只係比半個公仔麵。又有午餐肉腸仔菜年糕韓式魚片，已佢價錢來講真係好抵食喺觀塘搵到呢種鋪仔已又真係好食加抵食，真係有驚喜。我哋兩個人埋單都係二百幾蚊咋，一定會返嚟再食！

係附近接朋友收工，聽佢講呢間唔錯，就黎呢度。今日真係好餓，因為中午食得好少，所以一入去就好想嗌好多野食😂😂我同frd嗌左個芝味炸彈，一個無骨的芝士果醋醬烤雞，一個韓牛嫩豆腐鍋，同埋嗌左杯森巴皇后，真係好肚餓，亦好期待🤤首先講下個芝士果醋醬烤雞，本身其實有得揀有骨定無骨，我唔想有骨，因為食起上黎好麻煩，所以我揀左無骨。佢一上，我已經比佢顔色吸引，感覺好惹味。佢仲有年榚伴住。個果醋醬好好味，酸酸辣辣，個雞食落唔會好''漏''，加埋芝士真係好唔錯。而個年榚都好味。跟住上左個鍋，呢個鍋一上，我同朋友即刻哇一聲，因為真係好大個，亦好足料，有d驚食唔哂😂跟住個湯好清香，d牛味亦好足，我真係好中意食豆腐(豆腐迷)，佢有勁多舊，所以我好中意😍😍😍呢個湯搭埋個炸雞，可以清淡翻，好正！最後呢個炸彈好搞笑，我本身以為系雞蛋卷，原來我地睇錯😝但錯有錯著，呢張相係我地切開左的相，本身係完整。佢d蛋係流哂岀黎，個面包加煙肉加蛋，真心好啱好口味。講下杯野飲，好fresh，食到好飽飲一淡即刻爽左。好想講呢度d野食野飲全部都好大份，好大杯，真係好抵，價錢又唔貴。

觀塘工廈的食肆愈開愈多，大家都已經不再在價值上競爭，而且對食物味道的追求而較量。JK Brother韓式風格的食肆，仍然能夠殺出重圍，原因是他們的食物上花了不少心思。門面很簡單，牆身掛了不少熱門推介的食物，店內沒有一般韓式燒烤的抽風機，但仍然有韓式烤肉的食物，所以為免油煙影響到食客，烤煎類食物需要在食客旁的另一張食桌上處理。特飲特濃朱古力味道極濃，而且面層的忌廉很香滑，大大杯非常好飲。葡萄園之戀巨蜂提子沙冰很甜，再加上蘇打手是非常厲害的解辣必須品。芝士果醋醬烤雞呢道菜做緊特價，以為係好普通的炸雞，但如果正好相反，店員先加熱鐵盤，等芝士溶化後，再將芝士拉絲包裹烤雞，沾有果醋的烤雞，再加上外層的芝士，實在非常惹味，最好的地方是不用自己親身處理，全程有專人負責，不用擔心將芝士包裹得不好。烤雞肉帶微辣，刺激醒胃，配芝士實在是邪惡之選。伴碟的洋蔥和年糕都沾滿醬汁和芝士，亦是非常邪惡的美食。芝味炸彈芝心玉子燒，外層包有烤煙肉，又是一道邪惡之作，打開玉子燒，內裡的芝士及蛋白都流出來，不單味道濃郁，而外層的煙肉也烤得很香脆。黑豚大聯盟又係一道有專人為你負責處理的美食，主打豚肉，內裡有腩肉、大腸、豬手雜

這幾年觀塘不斷重建和活化，每次來觀塘，總有不同的轉變，近年漸漸變成了工商業區了！因此附近也開了不少食肆，幾乎清一色藏在工廈裏，若沒有朋友相互介紹，實在會錯過這間餐廳。朋友推介我這家韓國餐廳，經過她的大力推介，不妨一試，每次來觀塘都有種發掘寶藏的感覺，哈哈！一進餐廳，裡面「韓風」和復古工業感交織，店內播放著韓國流行曲，但加上泥牆、懷舊單車，有種忘記身處在哪裏的感覺呢！半開放的廚房乍看之下頗簡陋，但望一望食客點的菜式，開始放下心。這餐廳主要是fusion菜式，餐牌有炸雞，也有火鍋，有明太子卷，也有沙律，有烤肉，也有披薩，菜式多元化。⭐️墨爾本的翡翠（菠蘿特飲）$58這杯飲品很大一杯，可以放下一個拳頭有餘。顏色是冷豔的青綠色，非常特別呢！裡面還點綴了幾顆藍莓和幾片菠蘿。菠蘿汁配上碳酸水，就像進入深海游泳般爽快，哈！⭐️海鮮煎餅$46海鮮煎餅的餡料有魷魚、洋蔥、蔥、蠔等，餅底煎得又薄又脆，上面還有一撮泡菜解膩，滋味無窮！⭐️芝士高麗醬烤雞 $68把預先準備好的炸雞芝士放在瓦斯爐山慢煮，芝士開始融化時，夾起一塊炸雞，將芝士緩緩纏上。本以為經過烹飪的炸雞麵衣會軟下來，但我錯了，炸雞的麵衣厚而

JK brother's 裡面環境幾大，亦光猛。芝士高麗醬烤雞＄76店員為我們烤雞，把雞件卷上芝士，叫我們襯熱食，說熱食才好食。雞件有芝士和高麗醬，好滋味。旁邊的連糕亦夠煙靱。泡菜爆芝士豚肉$138這個菜可以自己煮，亦可以叫店員幫手煮。我們選擇了後者。店員端上鍋子，準備好辣醬，芝士，豚肉，金菇，大白菜等來煮。最後芝士鋪在豚肉面上，芝香四溢。店員亦很細心，叫我小心鐡鍋，說很熱。海鮮煎餅＄58我最喜歡有泡菜在海鮮煎餅上，泡菜辣辣地，和海鮮煎餅很夾。漢城沈沒$58這是雪梨特飲。但似柚子蜜。好大杯。

早排見對面工廈開左間韓國餐廳，於是上去望下，原來主要係食炸雞。空間幾寛敞，而且一行入去就聞到D炸雞味同燒肉味，相當吸引。一來到就先叫左野飲先。佢D野飲全部都五顏六色，花多眼亂。主要係唔同水果o既口味，相信同炸雞應該幾配搭。叫左杯墨爾本的翡翠，勁大杯…兩隻色係中間分開。待應提醒要將兩隻色混埋一齊先好飲。黃色加綠色，即刻變成綠色。先來叫左個小食拼盤，叫獨島之戰。有吉烈豬扒、香辣雞搥、八爪魚丸、特色豬啼肉及餐肉蛋壽司。雖然都係炸物，但每款都特別炮製，豬啼肉非常軟身，一D都唔韌。但我最鐘意都係吉烈豬扒，外脆肉軟，非常好食。到主角出場，因為兩個人食，所以叫左半份炸雞，揀左韓風柚子蜜炸雞。柚子蜜佈滿整件炸雞，果然落足料。一食落口，充滿柚子蜜，一D都唔覺得油膩同熱氣 。另外，仲叫左鐵鍋鈔雜菜，係菜上面加左勁多木魚片，一齊食係幾特別。用筷子炒一炒佢，D香味出晒來。 整體來講，間餐廳係幾有自己特色，係每道菜都加左D心思係入面，地方好近地鐵站，行5分鐘左右就到，空間比較大，約多D人一齊食都可以。重點當然係D野食夠好食，經過的話可以上去試下。

夜晚嚟到呢間工廈，本身expect唔算好高，點知味道，性價比，一一都遠超過預期，已經決定咗會再嚟首先叫咗個韓牛嫩豆腐鍋，因為朋友同我都係湯物fans，所以嚟到食韓國嘢，點都要叫個牛肋骨湯乜乜乜嘅點知佢一捧上嚟，我哋都嚇窒咗！個鍋係平時10幾人打邊爐嘅size仲要係啲材料全部發咗癲咁堆得滿一滿，有大蔥，娃娃菜，金菇，冬菇，粟米，刨到好幼嘅甘筍絲，仲有主角韓牛片同嫩豆腐一路滾一路飲湯，個湯好甜，粟米嘅甘筍嘅甜都好清新，有少少似韓版嘅壽喜燒天國的豬蹄呢個名我同朋友笑咗好耐XD唔知係咪同n年前套韓劇<天國的階梯>嘅朋友咁佢又改得好幽默下呢個事實上係一個拼盤，有泡菜，凍豆腐同豬手肉豬手可以用佢俾咗嘅生菜包住一齊食，熱辣辣嘅豬仔好肥美多肉，而且皮同筋位十足，好Q彈上面少少嘅芝麻增添香味自家製泡菜好啱口味，唔會太辣，鹹鹹哋好開胃豆腐相對上味道較淡，有輕輕嘅豆味，醬汁都唔多，但係可以連埋蔥絲一齊食，取返個balance杯嘢飲叫星光少女，勁有少女feel，有少少士多啤梨同藍莓，又靚，用嚟打卡啱哂士多啤梨梳打好香，陣味唔假都唔藥水，好好飲而且兩個人嗌一瓶好似都有啲太多，加埋飲湯成肚水忍唔住