Joyful Dessert House (Closed)

銅鑼灣區的甜品鋪其實都頗多，今日下午茶時間同朋友黎到呢間位於鵝頸橋附近的Joyful Dessert食甜品，chill 一下。地點易搵，係銅鑼灣廣場二期對面就係，地鐵站出口行過都不用五分鐘。鋪頭入面裝修好很七彩繽紛，顏色鮮艷，配合甜品的主題，有幾款甜品仲有米芝蓮推薦下午茶2點至7點仲可以每惠顧一款甜品就送一杯$36的飲品，很優惠燒菠蘿雪葩，菠蘿片鮮甜冰凍，表面有沾糖漿燒過，咬落爽口清脆，雪葩滑溜清甜，有香甜菠蘿味藍莓拿破侖，藍莓大粒新鮮，拿破侖餅底大舊，很脆，淋有鮮甜的藍莓醬，忌廉滑溜，夾埋藍莓醬加脆餅味道很夾，仲配一球雲呢拿雪糕，重奶味，香滑。

喺銅鑼灣食完晚飯，當然要轉場食埋甜品先完滿經過Joyful Dessert就想食心太軟啦時間尚早人未係好多，牆上Q版既甜品壁畫，好可愛吖睇Menu已經好多野想試，奈何2個人只可以叫2款，最後緊係跟 Michelin guide推介啦燒菠蘿雪芭:上面有一片新鮮菠蘿，菠蘿面有脆脆既焦糖。下面雪芭都係鮮菠蘿汁做既，好fresh，清清甜甜軟棉棉抹茶心太軟焗到好香吖 , 分左3部份, 抹茶心太軟,紅豆, 抹茶雪糕忍唔住要切開心太軟~抹茶漿流出, 杰度perfect 外面既麵粉比例都調較得好加埋雪糕,一啖又熱又凍既食法實在太過癮啦紅豆蓉又唔會太甜, 一齊食都唔會搶去抹茶既香味 ~ 

店舖距離地鐵站及sogo只有幾分鐘之距，旁邊林立各款餐廳，牆身以灰白磚瓦鋪設。環境光線充足，桌面乾淨，四處裝潢帶點活潑風。燒菠蘿雪芭菠蘿甜蜜香甜，水份充足，咬下鮮甜潤口。雪芭冰凍帶雪花感，入口幼滑即融，菠蘿香十足。紫薯心太軟伴雪糕心太軟外皮香脆，流心醬比較濃稠，香濃紫薯味重，味道偏甜。紫薯雪糕奶香幼滑，冰凍味濃，甜度剛剛好。芒果窩夫窩夫表面香脆，內里軟熟，完熟芒果鮮甜，味道香濃，芒果雪糕冰凍，奶滑濃郁。旺角分店較有情調，帶點浪漫氣氛，銅鑼灣分店光線充足，佈置較活潑生動，店舖甜品款式多樣，冷熱選擇多，是飯後甜點不錯選擇。

可能我無叫佢哋出名既 Mille-feuille，結果就出事了。門口貼了米芝蓮推介的雜誌報導，吃完飯時間尚早，所以就好奇入去。叫了栗子焦糖燉蛋和原味焦糖燉蛋。甜品送上既時候，我同朋友都不禁露出失望既表情，因為賣相一啲都唔靚，雖然有裝飾過，但係個種 hea 做交行貨既感覺非常強烈。味道都令人失望。栗子焦糖燉蛋太硬身，硬過晒一般甜品糕點，幾乎係未煎既年糕咁挺身。味道食到栗子味但係唔好味。有中伏既感覺朋友既焦糖燉蛋我試左一啖，ok正常... 但係憑呢啲味道，好難想像怎樣同米芝蓮扯上關係。埋單 $108，因為唔好食覺得好唔抵。可能真係我唔識揀啦，下次（如果有）就會試個 Mille-feuille。

上openrice睇下cwb區有無甜品推介，見到呢間講到話達米芝連級，甘緊係即刻走去試試啦。平時對甜品有一定要求嘅我，這間甜品店實在令我有點失望。我叫左個波羅芭菲，真心講，個cream好滑，甜度剛好，但個波羅雪糕味道唔夠出，即點到即止，當拼埋一起吃時，似吃cream多d,最初我以為只係我叫果款嘅問題，但連我朋友叫果份mango waffle都唔太Ok呢，朋友要左球mango雪糕，又係甘，我仲叫左份拿破崙take away,士多啤梨ice~cream就現場食,但都只係得個微甜，微甜都還好，但士多啤梨味不是應該帶點微酸的嗎？咩都無!感覺似係食緊一球好普通嘅士多啤梨雪糕咁。而個waffle又硬又實，講真實在覺得唔太值。且都唔巧慮會再去囉！

鄰近新年，大家都趕著收爐，星期六也要回公司加班，放工後只想吃甜食慰勞自己。餐廳位置鄰近地鐵站，方便在附近吃完晚飯直落吃甜品的朋友。這間店雖然連續兩年獲米芝蓮推介，但頗為低調，細看才發現門口貼著獲米芝蓮推介的貼紙。下午兩點半，店舖沒什麼客人。店舖不大，只有十多個座位。一面牆壁畫上卡通壁畫，另一面以白色磚頭牆為主，裝潢簡潔，感覺舒適。餐牌選擇不多，只是主打幾款甜品和飲品。⭐️芒果拿破崙$64看到賣相我已經瘋掉了！賣相很精緻呢！由三層塔皮堆疊而成，塔皮很挺身，夾層擠上忌廉。咬下去塔皮很香脆，配上忌廉，芒果忌廉味道香甜，一點兒也不膩，如果再酥一點更完美喔！⭐️菠蘿金寶拼菠蘿扒伴雪糕$64菠蘿是我喜歡的水果之一，在切片菠蘿上淋上一層焦糖，甜脆的滋味中和了菠蘿的酸味，大口大口地切著吃，真過癮呢！菠蘿金寶滿溢著玉桂香氣，裡面是暖呼呼的蘋果果肉，稍微乾了一點，可是配上香甜的菠蘿雪糕，冷熱交織，挺有新鮮感。⭐️熱朱古力$36朱古力由76%可可粉沖泡而成，吃完甜品正可以緩一緩，將甜味帶走。⭐️熱柑桔檸檬蜜$36柑桔檸檬酸酸甜甜，味道不俗。▪️店舖的甜品設計得挺有心思，有機會要再嚐嚐其他款式的甜品呢！

同朋友食完飯，想搵個地方坐下，於是黎到呢間甜品店。原來是米芝蓮推介既餐廳，咁應該不會太差。裡面裝修幾靚，好繽紛。好多甜品都吸引！有個下午茶餐，一杯野配一款甜品。我叫了檸檬水同熱朱古力。我揀了皇牌芒果拿破崙，酥皮好脆，d cream好濃好香，但太厚身，要一層一層分開食，都幾正！如果芒果肉再多D就更正啦！另外，店員介紹菠蘿金寶拼菠蘿扒伴雪糕，幾有特色，好似食扒咁切片菠蘿，菠蘿金寶就係玉桂味好出，鍾意玉桂味就覺得正啦！雪糕幾好食，有好香既菠蘿味，正！

甜品一向是我最愛，但要老婆陪我食..佢真係好好...今期原來有冬季節限定，有四款都係粟子味。我地兩個人就叫左兩個...一個係【粟子焦糖燉蛋】、【粟子拿破崙】，下午茶時段來原來有送一杯30或以下既飲品，但我地到最後叫左杯荔枝沙冰來飲。【粟子焦糖燉蛋】脆脆的焦糖配上勁濃的粟子味燉蛋，比想像中出色，再連埋勁香滑的牛奶味雪糕，簡值一絕。喜歡食燉蛋的朋友可以試這個。值得推介!!!【粟子拿破崙】喜歡食粟子的人來講，是最期待的甜品，而且味道也沒有令我們失望，反而擄獲了我們的心。內裡夾著柔滑的粟子蓉醬而成，單是賣相已經令人心醉，脆脆的拿破崙滿滿牛油香味， 配上淡甜的粟子蓉醬，非常滋味。【荔枝沙冰】之後點左杯荔枝沙冰，杯飲品不算太甜，仲發出淡淡的荔枝香味，清清哋都唔錯。

食完飯就梗係用我第二個胃食甜品啦朱古力梳乎厘，睇落好似普通蛋糕仔咁，一切便知龍與鳯！隻匙羹一放落去都未用力就已經切開左，入面軟線線充滿空氣感，蛋味同朱古力味都好香濃，口感好鬆軟。旁邊嘅朱古力雪糕不得不提，個朱古力雪糕超重朱古力味，食完心情勁好！抹茶心太軟，抹茶味好濃，食完仲有回甘嘅感覺，不過雪糕嘅抹茶味就淡啲，反而係感覺較清新嘅抹茶。一切落去果下，啲抹茶流心慢慢咁流出黎真係好治癒，外層超級鬆脆再加埋入面暖暖嘅流心，真係一個好完美嘅配撘，最岩冬天食

生日要甜一甜佢,食個甜品先,見匿間成日話好多人排隊,所以去試一試佢。下午三點鐘可能剛開門,仲早,所以竟然無人喎,包場。首先嚟個梳乎里配雪糕,我order士多啤梨雪糕,但佢比錯雲呢拿,本來我都無所謂,但佢主動話會補返一球士多啤梨比我,哈哈。梳乎里唔太甜幾好味喎。再嚟個焦糖燉蛋配雪糕,匿個一般啦,無咩特別。最後當然係要試下芒果拿破倫啦,因為係生日所以叫佢加happy birthday。匿個都好鬆脆,但可惜唔知係咪整定,唔熱。如果係即整應該會好味好多。因為係下午茶時間,每叫一個甜品就會送一杯$36或以下飲品,雖然$36或以下飲品唔多,但都幾抵因為免費嘛。

岩岩同老闆娘係銅鑼灣出血完畢，老闆娘指定要嚟駱克道呢間米芝蓮甜品店食番個靚甜品兼休息下佢對腳。呢版啲芭菲相落幾靚幾夢幻，應該謀殺咗唔少女士有限的纖食配額。栗子系睇落又係幾吸引。菜單內好多款都好吸引，今晚我就一於試下呢個車胎人推介嘅綠茶心太軟伴雪糕$64蚊， 一set有三樣，包括有綠茶心太軟，綠茶雪糕同埋中間有杯紅豆蓉。賣相一流。綠茶心太軟劏開佢真係好流，我點佢就係鐘意佢同時有綠茶本身嘅苦澀味又有香甜味。 個餅本身微熱，夾埋紅豆蓉同綠茶雪糕一齊食有冰火效果口感好正！然後整番杯荔枝玉露$44清清哋都唔錯。

同姊妹喺銅鑼灣食完晚飯行完街， 九點幾鐘消化過程差不多又完成，肚仔開始空虛係時候又要去食個甜品！經開駱克道呢間joyful dessert house， 見到米芝蓮推介喎，即刻入去試下啦！我好鍾意佢個logo呀，設計好似一塊曲奇，仲要係紫色嘅，好靚。牆上嘅圖畫都好吸引。我實在被menu的紫色深深吸引， 眼中只看到紫色！今晚一於食個紫薯香芋芭菲啦！！！實物拎上手真係令人賞心悅目，芭菲一共有10層， 杯身比想像中纖幼，份量岩岩好。中間有三層係好香嘅紫薯蓉， 而雪糕球係香芋味，味道幾夾。飲品方面就叫咗百香果紅茶，紅茶味幾重。有甜品嘅girls night先完滿架嘛

平安夜果晚去完利東街睇“雪“⛄然後就周圍行下😛見到呢間糖水舖幾吸引咁，就走咗入去😍原來呢到係有2層咖😚店內嘅牆身仲有一啲甜品嘅畫😆佢哋嘅餐牌都設計得好靚， 入面畫咗佢地甜品係到😚🖍.#朱古力香蕉窩夫 ($64)😋好味指數：(7.5/10)朱古力窩夫夠哂脆，切落去索索聲😍食落去都好香朱古力味😆👍🏼另外格黎仲有細細樽蜜糖，倒落去窩夫度食，味道更加甜😎不過小編唔鍾意咁甜，所以試左幾啖就冇再落😛另外都有幾塊香蕉🍌係格黎，食落去都好新鮮但又唔會熟得濟，夠哂甜😍👍🏼而朱古力雪糕就不過不失，但係就溶得比較快😢，所以記得快啲食喇😆💕.#芒果拿破崙 ($64)😋好味指數：(8/10)見到寫住米芝蓮推介🤔梗係要試下啦😆拿破崙都幾大舊，上面同側有幾粒芒果喺度，甜甜地一啲都唔會酸😚拿破崙好鬆脆， 一共有三層，每一層都有啲cream喺度，又唔會過份甜😆不過拿破侖真係有啲難去食，一吉落去好容易就飛走咗😂所以小編最後係分開咗三層嚟食😂😎另外側邊嗰一球芒果雪糕，不過不失😚.⭐溫馨小提示📌 食拿破崙嘅時候，啲碎碎可能會飛到周圍都係，所以要小心啲🤔

這幾天總是悶悶不樂，所以就跑去吃點甜品，希望心情可以好起來，Joyful這個名字已經令人很開心！餐廳很細心，外面放著餐牌讓食客觀看我點了三個米芝蓮推介的甜品，三款甜品賣相都好吸引三層既酥皮，每層配上芒果味既cream，頂層有四粒芒果作裝飾，旁邊有一大球芒果味雪糕和一堆芒果粒！芒果好甜，冇諗過呢個時節仲可以食到咁甜既芒果！呢個芭菲有oreo雪糕置頂，黑糖啫哩好好咬，黑糖味夠哂濃，中間分別有兩層oreo粉同cream心太軟即叫即制，中間好流心

星期六和朋友在銅鑼灣一帶吃過午餐後, 便找了這間甜品店吃個下午茶 。餐牌上的食物款式有很多, 我本來很想要一個綠茶心太軟, 但我的朋友不是太喜歡綠茶, 所以我們點了一個朱古力心太軟伴綠茶雪糕來分享。 店員的服務態度很好, 效率很高, 點了甜品後她為我們呈上水。大概等了十五分鐘, 心太軟便到來。心太軟的賣相很吸引, 切下去, 裏面的朱古力漿立刻流出來, 它的流心度很高, 朱古力味濃郁突出 。朱古力醬比較杰身和creamy, 旁邊的綠茶雪糕的綠茶味不夠突出。另外, 我亦點了一杯熱柑桔檸檬蜜來喝, 它的柑桔味道很突出, 帶點酸酸甜甜的味道。