樂糖 (Closed)

假日一家大細去咗將軍澳，行完街又係時候揾野食，多心嘅我想吃小食又想吃甜點，大少想食意粉，細少同我一樣，系Openrise揾野食發現呢一間樂糖，完全符合我哋以上要求，一於來吃貨後門位置設有户外座位由細到大我都幾鍾意色彩繽紛嘅顏色，對於呢度嘅装潢，比人有一種喜悦，歡欣嘅感覺，以不同顏色的透明氣球懸掛在天花上作佈置，更有豐富色彩的凳子，繽紛奪目，充滿朝氣🎈🎉睇咗menu, 食物款式多元化，價錢仲幾親民添🔅炸洋蔥圈$38(細)細size洋蔥圈都有八件，外面炸得好脆，如果無咁油膩會更好食🍟炸薯條$29(細)薯條熱辣辣，好香口💠甜蜜蜜雞翼$62(6隻)雞翼皮嫩肉滑，加咗蜜糖甜甜哋已經好美味！🍝卡邦尼意粉($56)醬汁味道夠哂creamy，煙肉帶有鹹香, 意粉幼滑😛 跟一杯飲品，點了熱檸蜜給細少💮櫻花水信玄餅+雲呢拿雪糕($30)由於我無跟餐，價錢有所不同，如跟餐多一杯花茶$49呢款甜品好少見到，賣相非常精緻 晶瑩透徹面還有花瓣, 淡淡的味道配上雪糕，味道清新怡人！🍶甘酒丸子($42)呢款甘酒可以配熱食或凍食， 熱食配日本年糕，凍食則配上雲呢拿雪糕🍦老闆娘話我知呢一款甘酒並無酒精成分，是白米經過發

喺自己屋苑附近， 冇咩大眾化嘅甜品店。 但近天晉匯沿著食肆走廊， 有間甜品店幾受歡迎 而且有很多選擇。 今晚喺附近食完晚飯 再來個甜品滿足一下。室內裝修親切且色彩繽紛。很喜歡吃椰皇燉出來的甜品， 滋潤 又養顏。D24榴槤椰皇(凍) $64有榴槤，小丸子，椰皇 ，椰奶，海燕。 榴槤和椰皇兩者都是我的最愛。 浸著D24嘅棷奶， 顯得格外香甜。 D24榴槤肉 味道香濃， 未上枱已經聞到， 正所謂榴槤飄香就是如此。 食落甜香滑溜， 配上椰奶海燕， 啖啖滋味。 香濃嘅D24 還配上小丸子， 一濃一淡口咁亦豐富。 當然也不會錯過椰皇內的椰皇肉， 幼滑又有椰香。香蕉士兵$49(冰香蕉，雲呢拿雪糕，脆米，焦糖脆脆)阿仔點了個香蕉士兵。 部分香蕉用冰冷藏著， 雲呢拿雪糕香甜軟滑， 焦糖嘅味道帶出整個甜品味道， 否則只有又硬又凍嘅冰同雪糕。 如果採用綿冰會比較容易入口。雪燕紅棗杞子燉鮮奶$59雪燕是植物的木髓， 膠質很重，有滋陰潤燥的作用。 燉鮮奶好滑好香，唔会太甜。老公係養生一族唔食凍嘢。雪燕這些平民補品， 好適合做甜品。 有啲似蒟蒻嘅質感但比較爽。比較起我發現D24榴槤比雲呢拿雪糕更加甜， 難怪阿

首先，這間甜品店的名字很有趣「樂糖」，取其諧音落糖便會甜，一語雙關，妙！另外，又有很多咸食主餐，加上竟然有酒牌，可以飲啤酒，更加有趣，所以不得不嚐嚐了！咸食主餐要了一個薯條及雞肉薄餅！薯條─粗薯條，炸得剛剛好，不會太油，只是份量少了一些！水牛城雞肉薄餅─水牛城醬好香有少許辣，餅身是薄身，而且夠熱，美味不錯，食完後都覺得下次可以再食多一次！咸食的薄餅、意粉等還會加送一杯飲品！接著便開始食甜食：豆腐花(紅豆、芋圓、蕃薯)─首先，我嚐了一口，我已經判斷了這碗糖水不合格了，因為我是要一碗熱的，但卻是暖的，豆腐花還是凍的，所以大為失望，雖然豆腐花都算滑，但我覺得還是失敗！自選芋圓配料(芋圓、紅豆、蕃薯、芋頭、紫薯湯圓) ─紫薯湯圓很精緻，甜湯底亦有得選擇，我們揀了桂花味，很清香，但也因為不夠熱的而大打折扣！這店給我的感覺是「生意難做」，有趣的後面是想透過更多而吸引更多的顧客，不過可能位置的問題，真的比較冷清，不過我覺得創作更多的同時也要留住原本的，那就真的是有趣！

今晚放工後約咗姪仔姪女一家吃飯，兩個小魔怪好期待有甜品食😂嘩~店內的設計就好似去咗小朋友的房間咁，充滿童真，藍藍的天，白白的雲，仲有好多七彩波波🎈好靚呀~去到先知原來鹹點的order啱啱cut咗，只有甜品，但店員好好，幫我問咗大㕑，可以破例做俾我，真係好好呀👍🏻我哋點咗黑松露意粉，黑松露味香，意粉好煙靭有咬口。至於卡邦尼意粉，我鍾意芝士，滿滿的芝士配上香口的煙肉，如果芝士味再濃啲仲正😋另外點咗個36個月巴馬火腿pizza，上面有啲芝麻菜，意粉上面都有㗎，幾好味，36個月的巴馬火腿原來味道係咁㗎，鹹香味濃郁，配上餅底，味道啱啱好。兩個魔怪要咗甜品，上枱見到白色的雲尼拿雪糕配上紅色的士多啤梨，顏色上已經好靚，中間仲有啲刨冰，士多啤梨唔酸，雪糕滑，兩個都食到舐舐脷😆我叫咗個法式焦糖燉蛋士多啤梨配忌廉，姪女話士多啤梨好味，焦糖好薄脆，燉蛋滑。飲品要熱檸檬蜂蜜，酸酸甜甜，檸檬清香。

由於朋友入伙，要好好慶祝下，又未夠鐘食晚餐，經朋友介紹之下，來到了樂糖。本食店有中式及西式甜品之外，也有意粉及小食的，當然主打甜品啦！一進食店，十分光明，座位又闊又好坐，十分適合一大伙人來傾計，佈置又十分新穎,本次我們點了一個中式的糖水，份量十足，小丸子十分爽口，糖水又夠凍，大熱天時食最正，此外點了一個綠茶紅豆心太軟，十分有水準、流心的，食得出廚師，十分有心機，最後還試了一個即炒的意粉，這食店，店員年輕，估計係創業，十分有心去整甜品

無聊地逛逛商場時，不自覺地想食d甜品開心一下⋯⋯『樂糖』在坐位天花上掛滿氣球，充滿活力和朝氣，望見到開心。進店坐下即點了『日本水信玄餅』，選左玫瑰蜜桃味，再配上雲尼拿雲糕同水果茶，又可歎果凍般的日式夏天蛋糕，又有雪糕同果茶，都係$49咋！食完都真心開心兼透心涼

約咗上朋友屋企探初生BB，探完之後就喺佢屋企樓下嘅一間甜品店食個靚Tea, 第一次嚟到將軍澳天晉，發現原來有好多間食肆，呢間叫樂糖的甜品店環境佈置好Sweet!因為天氣太熱，即是叫咗一杯生啤解下暑。夏日炎炎冇野好得過飲番杯冰涼透心嘅啤酒。除咗甜品之外，佢都有鹹點小食，我哋叫咗一份辣肉腸Pizza，佢係即叫即整，熱辣辣都幾好食。當然主角就係甜品啦！一份櫻花水信玄餅，一份綠茶心太軟！櫻花水信玄餅配雲呢拿雪糕，這個圓餅清清地，係啫喱與大菜糕嘅混合體！綠茶紅豆心太軟配綠茶雪糕，切開個心太軟，綠茶岩漿即刻擁出嚟，好味！

樂糖-樂而忘返小時候最愛就係「落堂」、「落糖」，想不到長大後依舊喜歡，不同的是今日喜歡的是「樂糖」。今日將軍澳逛著逛著，轉入了遠離地鐵站的私人屋苑的小商場，在商場的一角，雲石的吧臺、七彩的沙發，隱蔽的甜品店-［樂糖」。自選小混混系列自己甜點自己選，總有一款滿足到，今次點了青檸愛玉作底料，再加上蘭香子、西米、芋圓、小丸子。冰凍的愛玉非常消暑，加上青檸後更開胃更解渴，加上甜甜新鮮即叫即做的芋圓和細細粒的小丸子，煙煙韌靭的，西米和蘭香子增加口感，整體這個配搭的小混混不會太甜，消新解暑。燒菠蘿配雲喱拿雪糕脆多士 原塊燒菠蘿，表面燒得香脆少許焦邊，一咬開時菠蘿汁湧出，爽甜！多士經過烘培暖暖脆脆的，菠蘿汁加上蜜糖，雙重甜度誘惑，冰凍的雪糕忌廉加上暖熱的多士，一冷一熱，最惹味的矛盾。水信玄餅配雪糕深藍色的水信玄餅，銀河宇宙般的顏色，水滴的形狀，當中的白點就像星星般的，非常吸晴、藝術般的甜品，材料是由石榴和藍根而成，啫喱般的，入口即溶，清清甜甜的，淡淡的石榴和藍根香。桂圓椰皇一看名字就知道是養身健康甜點之選，集龍眼、椰皇、椰奶，龍眼又稱桂圓，甜甜的龍眼補益心脾又養血安神，配上幼滑香甜的椰奶，再加上新鮮

來到樂糖這小店，每次總會看看天花上的氣球佈置，讓人有置身於樂園的感覺。下午茶由2：30～7：45，主要是薄餅和意粉。套餐中有一份主食，再包沙律和飲品，價錢由五十多元起，價格合理。夏威夷pizza $ 59夏威夷pizza 選用的是菲律賓金菠蘿，特別甜美可口，加入了Mozzarella and parmesan cheese，又香又濃，不錯！！黑松露雜菌意粉$59意粉煮得剛好，煙韌彈牙，入口有陣陣松露的幽香， 忌廉汁稀傑程度適中，不會讓人感到漏滯。來到樂糖，主角當然是甜品啦！今晚我想吃台灣甜品，所以我點了一個芋圓樂園。嘩！份量很大啊!芋園樂園有仙草、三色芋圓、芋泥、小丸子、紅豆和西米。甜度適中，讓人滿足！魔鬼朱古力布朗尼$42賣相相當精緻，尤如酒店級水準的甜點。朱古力味香濃，外表脆脆內裡濕潤。朱古力布朗尼牛奶雪糕，簡直是絕配！

今日與朋友在屋企附近食飯，因為大家都有點累！最後被這間名叫「樂糖」吸引。一聽到名字就覺得是吃糖水，但想不到還有鹹食 一到門口，就見到好多五顏六色的氣球，好有童話感覺，亦都令人好 relax 🙂 所以就二話不說坐下了 Bar 枱上擺放了有機花茶材料 甜蜜蜜雞翼，真材實料，炸得剛剛好，用的是蜜糖，而非糖漿，讚呀 食完個人都好甜 千島海鮮薄餅，一向是我至愛 Pizza一點也不馬虎，每件都有餡料喔！熱檸水走甜 - 我每日都會飲。連杯子都是印有氣球🎈桂花荔枝水信玄餅 + 雲呢拿雪糕 外表晶瑩剔透，震騰騰，好得意 😎 好爽口，滑滑的，好香桂花味！再配上一杯有機花茶，好健康！石榴水信玄餅，一上枱，「嘩！太靚啦！」我簡直不捨得吃掉它 味道好清新呀 今晚這一餐真是好滿足！可以找到一間如此特別的小店，下次一定再來！

唔搵都唔知原來popcorn甘大，兜左成個圈原來地鐵A出口過條馬路行過小小就係😅小店裝修簡約，用心製作，蜜糖雞翼真係有蜜糖架，並不似出面過D用糖漿，讚👍🏻！食物用料新鮮，pizza上面D蝦看得出不是hea你！甜品估計sell健康同有機，所以就唔係好甜。試左桂花荔枝水信玄餅，石榴水信玄餅加玫瑰花茶！賣相好得，食落聞到桂花清香好正，玫瑰花茶都好得，不過就杯上唔係好似相有過壺😅

成日黎將軍澳食飯既我，今日終於試左間值得寫食評推介既甜品店喇！環境：呢間近天晉既樂糖，成間粉藍色店面配七彩既波波裝飾，室內好光猛，影相打卡至岩！服務：侍應好主動帶位落單同幫我地倒水。衛生：地方光猛同乾淨，望到入水bar入面，衛生情況都好見得人。味道：男朋友點左個芋圓樂園，本身已包仙草，三色芋圓，香芋，小丸子，紅豆，西米，其實已經好多配料，男朋友再加左黑珍珠同加份紅豆，芋圓同小丸子好煙韌，紅豆唔會太甜，食兩份都唔覺多，食完已經超級飽！我係芭菲迷，緊係叫芭菲啦，三個入面我揀左金之夢幻，有焦糖香蕉，雪糕，乳酪，菠蘿，啫喱，一黎既焦糖香蕉已經好impressive，焦糖份量剛好令香蕉變得更甜更有口感，乳酪用雪糕同啫喱分隔，甜酸甜，好有層次，都係個句，食完好飽好滿足！抵食：$60蚊唔使食一個芭菲，係香港已經係好抵食，$39蚊既芋圓set更加係超抵食，加上環境氣氛咁好，一定會再黎過！

在openrice 見到這間甜品店很高評價，特登過黎試下，搵左好耐都搵唔到，打電話去問又話天晉一期，結果一二三期都行晒，在二期找到，排左十分鐘左右就可以入座，可坐外面底店內，但店外聽說很多蚊。我們一行二人分別點了：芋圓樂園：由多款配料組成，配料用料非一般貨色。金薯紫夢：薑水有濃厚薑既辛辣味，碗上這甜品一流。總結：店內分多小朋友，很嘈，店面只有一人，很多甜品都是即叫即製，真材實料，有別於出面一般甜品店。

單車館打波過後，就黎到呢間樂糖食下甜品。位於天晉匯，設有戶外座位。店內用左好多七彩氣球做裝飾，店呈天藍色。營造色彩繽紛嘅氣球飛上天空嘅感覺。Bar位擺滿各式各樣嘅杯，因為呢度有好多飲品供應，仲有啤酒同cocktail.可惜遲左過黎食到佢地嘅咸食。紫薯拿破崙 $48配一球雲呢拿雪糕，味道偏甜。紫薯餡滿滿的，拿破崙較厚身。青檸樂園 $39（檸檬愛玉、西米、芋圓、蘭香子）份量好多，檸檬愛玉因偏酸，店家加左蜜糖。整體綜和番清涼唔算太甜。自選小混混系列（黑糖仙草、三色芋圓、紫薯湯圓、番薯）$45份量好多，味道清爽，配忌廉奶。紫薯湯圓好有驚喜。湯圓皮晶瑩剔透，口感QQ!紫薯餡勁滿，滿足。樂糖脆多士 （燒菠蘿配雲呢拿雪糕）$69燒菠蘿配厚多士真係好少見。（燒菠蘿、雲呢拿雪糕、吐司、蜜糖）用上好香嘅花蜜，甜而不膩。無諗過燒菠蘿嘅酸度剛綜和番雪糕加吐司甜膩感覺，比一般用士多啤梨還要夾，所以我地清厚多士完成度較高。

由它開店講到今日，終於黎左試下~食得出佢真係好有心機的，比預期中好食，而且都好足料~一定會再黎幫襯！！小丸子和芋圓都很煙韌，仙草也很香，很欣賞佢有d沙冰係上面，而且唔會太甜，食完唔會腬