樂糖 (Closed)

樂糖，比五星甜品呢個名吸引咗嚟，雖然味道確實未到五星，但係其他方面我都覺得做得幾好。未入門口已經望到非常童話式嘅裝修，成間店用氣球同童話做主軸，入面光線非常充足，好啱一家大細嚟食，的確呢晚見到好多一家人。入面佈置好多唔同顏色嘅氣球，小朋友見到一定勁開心，或者女仔。怕太過光猛嘅朋友，可以揀出面嘅藤椅座，我好鍾意出面嘅景，又可以望到入面童話式嘅裝修，亦都可以望出面草牆嘅燈飾，影相真係幾靚草牆燈飾等我都Chok返張先好喇正題啦！呢到嘅甜品一望到名就知諗過度過，唔睇有咩材料真係唔知咩嚟。呢杯係紫羅蘭花園，入面有紫羅蘭糖漿、薄荷同埋Soda water，味道甜甜地涼涼地咁，唔算好特別。而呢個金薯紫夢就令我驚喜，首先外型好靚，入面有蕃薯慕絲，蕃薯蓉、焦糖蕃薯片、薑味啫喱、紫薯湯丸同埋雪糕；就咁睇D成份仲以為係蕃薯糖水拆開曬嘅Fusion 糖水，但係食落又幾特別，幾和諧。而呢個「豆腐花心太軟」就係呢到另一款特色甜品，的確係其他地方應該唔會食到呢款心太軟，將入面朱古力芯換左豆腐花，感覺健康咗，無咁甜，食落個芯唔夠熱，熱D會更加好食，整體上都夾！鍾意食豆腐花同埋減緊肥嘅朋友可以揀呢款試下。呢到係好多新意

成日都好希望將軍澳可以有間好食啲，而又有特式嘅糖水舖，而家終於俾我等到啦！今日同左兩個fds去試一試，最後真係冇令我地失望呀！其實total叫左兩樣嘢，一樣就係無影到相嘅雪梨芭菲杯，因為佢成杯主要都係白色，所以我就冇影相。但係佢入面有啲yogurt之類嘅嘢，我覺得真係好食！因為佢呢隻yougurt係好creamy嘅，完全唔係好水汪汪嗰種，所以食落口好有感覺，又唔會太甜或者太酸！本身以為雪梨個味會唔夠出，但係食落呢杯嘢反而唔覺，仲覺得好清新！第二樣要介紹嘅就係相入面嘅魔鬼pancake, 好明顯佢係朱古力味。其實我一個麻麻地朱古力嘅人，但係我兩個fds鍾意食就叫啦。點知食落，我覺得ok喎，因為佢隻朱古力唔係太甜，而且真係濃朱古力味，所以我覺得係幾值得推介。總括嚟講，係一個可以hea下吹下水，又幾好食嘅甜水舖！

到鮮有去的將軍澳探朋友，去看電影逛逛街！在街上接過派發的傳單，細看下甜品蠻特別蠻精緻，於是一試。店舖位置其實挺近港鐵站，過馬路向右邊行數步就到達。佈置份外用心，天花掛上用玻璃吹出來的氣球，顏色色彩繽紛。霧之花卷(香芋薰衣草+香芋雪糕) - 卷身質感軟綿，具有彈力。味道清新清香，加入海藻珠增加口感。內裡的香芋忌廉細滑不膩，雪糕味道與平時食開的不同，甜度稍為降低，十分合我口味。細問下是採用新鮮材料調配，不混合色素！焦糖燉蛋·士多啤梨配忌廉 - 燉蛋面層焦脆，蛋味濃厚幼滑，入口即溶！士多啤梨色澤紅得漂亮，大大粒，既新鮮多汁又酸甜。薰衣草花茶 - 採用法國薰衣草，一聞之下很清香，瞬間精神爽利！當日喉嚨不舒服，聲音沙啞得很，飲完頓時覺得非常舒暢。玫瑰花茶 - 味道芳香，同樣使人精神爽利！食畢甜品後飲杯花茶，確實清新解滯！

行街行到攰攰地 岩曬食個甜品休息下依間 樂糖 細細地但裝修睇得出落左功夫我地兩個人叫左三個甜品食1）焦糖燉蛋白 配鮮菠蘿cream-燒熱左既焦糖 加凍既香滑蛋白 好好夾焦糖係薄薄一層又唔會太甜又唔會搶左蛋白香配合得岩岩好👍🏼2）甜甜蜜蜜雪梨。乳酪忌廉。牛奶雪糕。荔枝肉雪梨肉同啫哩配埋荔枝肉 好有口感又清新估唔到同雪糕放埋一齊又好夾再加上乳酪忌廉 配埋蜜糖汁 小小甜好好味 3）流心蛋糕［黑芝麻豆腐+豆腐雪糕］如果平時都鍾意食中式甜品既你非常值得一試好似係西式既心太軟蛋糕入面食緊中式既芝麻糊+豆腐花🙈 好正！脆脆地既蛋糕皮加熱騰騰又香又滑既豆腐好創新得黎又好夾！淨係依個都值得我同朋友再番黎食😋Ps. 見到隔離枱叫左pizza 同 菠蘿多士都好吸引 🙈下次黎試下先😋

甜品真係不論男仔或者女仔都會鐘意，特別可以見到一啲創新嘅甜品真係唔試唔得，今次就同朋友去咗將軍澳試咗間創新嘅甜品店。餐牌內有多款唔同創新甜品選擇有豆腐心太軟、甘酒丸子等等。焦糖燉蛋白配新鮮菠蘿忌廉燉蛋白表面上有一層簿簿嘅焦糖，加埋滑溜嘅蛋白一齊食真係剛剛好，食果陣仲有淡淡雲呢拿籽嘅芳香。樂糖流心蛋糕配豆腐雪糕推介甜品，流心蛋糕其實係芝麻豆腐心太軟，用材創新之餘味道亦相當之好，最鍾意佢個流心芝麻豆腐非常滑溜，加埋濃濃嘅豆腐雪糕一冷一熱，真係食唔停口。甘酒丸子甘酒係店內自家發酵之成，甘酒清新有桂花甜味，飲落清甜約有5杯左右，非常有和式感覺。水信玄餅外表晶瑩剔透，而質感彈牙每一啖都有陣陣嘅花香。

又係紫色嘅💜唔通又係紫薯？🤔今次呢款特別啲⋯係薰衣草啊😄厚切蛋卷上鋪滿粒粒嘅薰衣草，令到蛋糕更有特色😀蛋巻口感尚算鬆軟，裏面就有薰衣草x香芋忌廉,入口軟滑吾算太甜，帶出淡淡嘅薰衣草香🌱而且忌廉內仲藏有海藻珠，口感層次再提升左😄睇得出有花都心思旁邊仲有香芋雪糕，香芋味重,吾會太過甜😊配埋旁邊嘅薰衣草茶飲，真系好relax😊薰衣草有助舒緩神經，壓力，改善頭痛喔💜不過諗落有啲帶苦，可以加啲蜜糖就更prefect啦

星期日經過Popwalk，見到間裝修幾簡潔、清新嘅糖水鋪「樂糖」，就同朋友入去試下新野。 一見到menu上面有水信玄餅，好早之前見到人地share過依款甜品已經想食好耐！估唔到可以係將軍澳食到依款甜品！我揀左櫻花味，晶瑩剔透見到面片片嘅花瓣，賣相好靚，彈彈下咁好Q彈水潤，味道唔會太甜，岩岩好，味道好清新，不過建議第1樣先食依款甜品，唔好俾其他味道影響依個清新感。 另外，我本身就係超級榴槤控，見到有任何榴槤野都必定試，所以就點左夏意槤連，上面果層係榴槤味雪糕，仲有榴槤乾做Topping！中間係榴槤肉，好濃郁榴槤味，勁好味！！聽店員介紹原來係用左D24榴槤肉，唔怪得咁正，下面果層係鮮奶奶凍，同榴槤肉一齊食，都好夾好好味！榴槤控必試！ 最後仲食埋依款燒菠蘿脆多士，上面塊新鮮菠蘿 好甜好好味，而下面d多士好脆配埋菠蘿汁，唔會太甜，甜度適中。

同班fd 係Popcorn 行行下街想搵地方hea 下食下甜品，見到呢間樂糖都幾靚，咁岩六七點又冇咩人，就直入了！四個朋友食佐四款甜品～先來的是榴槤奶凍 $68小妹唔食榴槤的，但聞到好大陣榴槤味～中意既應該會覺得好正，朋友都大讚呢個榴槤甜品，話雪糕好濃味！奶凍望落都好滑。玫瑰味花卷　$49其實玫瑰就冇咩味既～個人覺得櫻花同玫瑰都係一樣=冇味 XD不過呢個ROLL Cake 有埋荔枝甜，食落清新d，咁多cream 都唔算好「溜」～感覺幾好！配埋雲呢嗱雪糕就更正！原味Pancake $52好靚呀呢個Pancake! 而成個組合都幾特別，係橙味既焦糖汁同雲呢嗱雪糕，配料有焦糖脆脆，爆珠同橙。有焦糖脆脆咬下個感覺幾好，而配橙又令成件事冇咁「溜」，感覺幾清新好快清晒。朱古力脆多士 $69呢個最有驚喜！多士中間夾佐d 棉花糖～食落層次感好豐富！口感好正，軟綿綿甜甜地咁超得意！加埋溶佐既朱古力醬，雖然勁大份，四個女仔都食得晒！而且朱古力雪糕都有驚喜，朱古力味重，$69 咁大份好抵食！整體黎講，d 甜品都大大份幾抵食，而且睇得出有用心去設計，服務又好，我地幾個女人好嘈坐佐成兩個粒都不停加水～會再來吃的

將軍澳依家愈黎愈起得多樓，多樓自然就多SHOPPING MALL呢排幾鐘意去將軍澳個POPWALK到食野係屋企步行10分鐘左右已經到，平時好鐘意係POPWALK飲茶同HIGH TEA，因為唔洗排隊但食物質素又好。最近發現左原來依家新開左間甜品店，以後TKO又多一店甜品店，太好了!!我同朋友兩個人 叫左3個甜品，3個都唔錯!魔鬼朱古力班戟，士多啤梨汁配朱古力雪糕 (HKD55)一開始以為係一份普通既PANCAKE，點知幾有驚喜，因為「魔鬼」朱古力真係好邪惡呀! PANCAKA既朱古力味好濃郁，我切開左細細舊已經食到有好濃既朱古力味，同埋我覺得佢個PANCAKE 厚度岩岩好，幾有口感，又唔會太厚變左成口粉，之後PANCAKE上面加左朱古力雪糕、士多啤梨汁同少許TOPPINGS，味道真係唔錯，但對我黎講偏甜。另外，我地叫左個水信玄餅 (HKD49)呢個我見到既時候，真係心心眼，因為通常呢個水信玄餅只會出現係D好文青既CAFE，係香港好少食到，同埋佢個賣相實在太犯規了，精緻剔透，粉嫩色的，再加個雲尼拿雪糕，成件事好日本風!!第3係「薰衣草-香芋配香芋雪糕」(HKD49)唔好以為見到紫色就係紫薯

樂糖依間甜品店嘅裝修好有少女feel，decoration好colorful，環境好舒服💓💓 而且d甜品都幾有特色，水準唔錯，睇得出店主花左好多心思落去👍🏻情迷紫色嘅我一見倒依個蛋卷就好心動啦即刻要order黎試下😍蛋卷好鬆軟，除左蛋香之外仲有陣陣薰衣草香味，中間嘅忌廉打得好滑好creamy，入面仲加左海藻珠，食落卜卜脆好有口感😋😆配搭香芋味雪糕，香芋味濃郁，唔會好似外面果d味道咁假，而且又唔會好甜👍🏻👍🏻睇個名就知依杯係榴槤野啦，唔好睇佢外表普普通通，食落絕對唔簡單，真材實料要俾10個👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻首先上面個榴槤雪糕好creamy，再加上用榴槤肉打成，有好香榴槤味😋第二層就係打碎左嘅榴槤蓉，放入口好似食緊新鮮榴槤咁，真係好正😍而最下果層就係牛奶布丁加雲尼拿籽，口感好滑，味道淡淡地，加上面嘅榴槤蓉一齊食，味道中和番，又唔會覺得好heavy👍🏻鐘意食榴槤嘅朋友一定要試下啦，誠意推介😁媽~~好彈呀~~!!😆😆依款甜品賣相好精緻💓晶瑩啫哩入面有粉紅色櫻花🌸🌸味道清清地有淡淡嘅櫻花香味，而且非常水潤Q彈😆再配上雲尼拿雪糕，甜度適宜👍🏻第一次飲甘酒，其實甘酒係冇酒精成分

假日前一大班朋友去朋友度HOUSE WARMING慶祝她新居入伙， 現在樓價咁貴， 朋友仔都成功置業都好替她開心，大食會過後大家都好像未夠飽所以我們落樓下吃甜品見到依間店環境好光猛，整間店以汽球做主題坐底後， 我們點了四款甜品SHARE食「櫻花水信玄餅配雲呢嗱雪糕」 賣相好靚， 好日式的風格水信玄餅晶瑩通透，每一片櫻花瓣都清楚望見靚到唔捨得食， 味道清新， 所以第一樣先食依個甜品就唔會比其他甜品蓋過佢個味道依款甜品另外送玫瑰花茶玫瑰花茶味道清新怡人陣陣玫瑰花味， 淡淡的， 芳香撲鼻「樂糖脆多士」份量都幾多，好彩我地多人Share一齊食多士上面有燒菠蘿及雲呢嗱雪糕多士脆而不濃，上面亦掃左甜甜的菠蘿醬一舊一舊切好再放落多士𥚃面再蘸埋雪糕再一齊食， 好好味「魔鬼朱古力班戟」數塊薄薄濃郁的朱古力味道既班戟配料有迷李棉花糖、新鮮士多啤梨及士多啤梨乾 上面淋左士多啤梨汁同埋朱古力雪糕估唔到清新的士多啤梨同朱古力味道會咁夾濃郁既朱古力味又唔會嗆過士多啤梨味「黑芝麻．豆腐配豆腐雪糕」黑芝麻味道既心太軟真係第一次食味道無平時朱古力味咁甜當切開心太軟時， 入面流出黎唔係朱古力餡而係豆腐慕絲，好似豆腐花咁，

同朋友去左將軍澳天晉匯食完飯，去左旁邊既甜品鋪食，甜品店名叫「樂糖」，相當有趣。餐廳裝潢簡單鮮明，天花佈置左樂多不同顏色的氣球，色彩繽紛。而座位數目不少，分別有卡位亦都有高桌，桌面用以雲石面，睇落好整潔舒適。🍧我同朋友點選了：「霧之花卷：薰衣草·香芋·配香芋雪糕$49」「雪燕紅棗杞子燉鮮奶$59」。🍧「霧之花卷：薰衣草·香芋·配香芋雪糕$49」材料有洋甘菊忌廉、海藻珠。未食都已經聞到陣陣薰衣草的氣味，海棉蛋糕表面好多粒薰衣草粒，而中間卷上紫色薰衣草味cream。另外配上香芋味雪糕，香濃香芋味雪糕香滑。最特別是配上薰衣草熱茶，聽聞飲完會容易入睡，睡覺都甜啲。🍧「雪燕紅棗杞子燉鮮奶$59」熱騰騰的好補糖水，整碗都奶白色，味道香濃。材料包括：拉絲雪燕(印度)、平民燕窩。餐牌說明有美白、袪斑、排毒、通宿便、降血脂、補充膠原、修補傷口及關節的效率。😋「餐牌」我已經影左上載至openrice既「餐牌」入面啦，方便大家查閱相關菜式。📋

Popwalk 新開的特色甜品店，裝修用光亮的rainbow色很cheerful，跟店名很貼題。Ceiling上小小的彩色玻璃balloon 佈置很可愛，喜歡它有高枱的角落。雲石面佈置令到餐廳很clean得黎，見到D顏色好開心。有多種花的介紹，用乾花做甜品主打黎講，呢間餐廳應該算係開創先河吧！好有心思的餐單concept，係坊間絕對小見，好有gimmick，令我每樣都想試，完全係結合左美學和美味的甜品。一行三人就可以share食，試多幾個款式。霧之花卷有lavender 和 rose，薰衣草 +香芋swiss roll 配Taro雪糕($49)好特別喔。咁厚切嘅，海綿蛋糕軟綿綿，加左薰衣草很香又清新。香芋忌廉內藏海藻珠令到口感好特別，香芋ice-cream好香濃，紫色的lavender不遜於綠色的抹茶。可以試下新color，值得推薦！另附lavender tea一杯。要close-up影下D薰衣草，真係有好多粒呀！原本係有分食用的lavender架，呢個係來自法國的，仲要係有機的，好似好健康咁，聽說薰衣草也有助睡眠的作用。D薰衣草食落好香好natural，一D都唔odd。黑芝麻lava

當吃進第一口慕之花卷時，你匆匆的推門而入，亦看到坐在落地玻璃窗前的我。 你問這淡紫色的花卷好吃嗎？好靚，我笑著附和。 用上了真的薰衣草，不但卷蛋上面有粒粒的薰衣草，幼滑細緻的忌廉也滲著淡淡的薰衣草香，更咬到一粒粒爆珠，吃得到甜品師傅在細節上的用心。 你吃了一口旁邊的香芋雪糕，猛說好吃，淡紫色的雪糕，配上淡紫色花卷，就是那麼的令人賞心悅目，就像今天便服下的你，帶點陽光。 你說你剛忙完，很餓。我說早為你點了個重份量脆多士，有你最喜歡的菠蘿。一排無見，也許你變了，但喜歡菠蘿的心未變。 我又點了份甘酒丸子，湖水綠色日本酒瓶盛著甘酒，樽身和酒杯是白色的，可愛的小花。 我為你酙了杯酒，也酙滿自己的，二人有默契地碰了一下杯。把那甜甜的酒喝下，祝大家新的一年，事事順利。 這口酒感覺似層相識，有點似那次我們在台灣喝過的甜酒釀，奶白色的酒，入面浮著經發酵的酒渣，那份又甜又暖的滋味，就像如今喝的，令人暖在心頭。 吃上一粒丸子，煙煙韌韌，是我喜歡的質感，好食。你笑著說我一點都沒變，還是喜歡這種小物。是的，其實大家生活習慣也沒變，只是人生方向不同了。 就像你喜歡菠蘿的甜，我喜歡丸

友人新居入伙, 便去了將軍澳探佢, 平日甚少來這區, 難得來到, 便去了附近的一間叫樂糖的甜品店食嘢. 店內的怖置色彩繽紛. 這裡的甜品選擇不算好多, 但勝在較為特別. 我選了霧之花卷 – 薰衣草, 香芋配香芋雪糕, 並配有一杯薰衣草茶. 店員先奉上薰衣草茶. 茶夠熱, 入口有淡淡的薰衣草香味, 令人感覺相當舒服, 好放鬆. 接着, 甜品上枱. 賣相相當精緻, 以我最鍾意的紫色為主, 特別開心. 先試下卷蛋, 這是自家製. 卷蛋夠鬆軟, 蛋香味還可以. 而餡是香芋忌廉, cream夠幼滑, 而食的時候多了一份卜卜脆的口感, 原來當中混入了海藻珠, 感覺特別. 好耐無食過香芋雪糕, 感覺特別好味. 食完一個甜品有點唔夠喉, 忍不住再點了一杯芭菲杯, 選了莓子樂園. 賣相都幾精緻. 材料幾豐富, 包括士多啤梨雪糕, 乳酪忌廉, 黑加侖子啫喱, 配上士多啤梨汁, 一層層擺放着. 芭菲最上面放了一個士多啤梨雪糕. 中間用上乳酪忌廉, 我覺得幾特別, 食的時候多一份帶酸的味道, 無咁膩, 而且混入了脆脆的米通, 多重口感. 最底層是黑加侖子啫喱. 甜度適中,