Just Eat (Closed)

好耐冇食過越南河，今日下午去西營盤見個朋友，朋友帶左去西環英華臺一間不起眼的小餐廳，餐廳裝潢簡單，掛上幾幅色彩鮮艷各有主題的油彩畫作，點綴左整間餐廳，係呢度竟然俾我食到超好味的濃湯生牛肉河，一試難忘。越南餐廳一定要試佢的牛肉河，我地叫左下面幾樣食物；1. 濃味牛湯浸手切牛肉河 $78， 看餐牌見兩到濃味手切幾個字已被它吸引，第一樣必食，熱辣辣湯河一上餐台，果然係濃湯，濃烈的牛湯香味撲鼻，試似一啖湯頭，哇然一聲，正！配上多塊仍未全熟的手切牛肉，利用湯的熱力將牛肉浸熟，這樣牛肉入口滑流軟熟，河粉粗幼厚簿適中， 又夠滑，浸完濃湯，超入味，結果整配吃清光，一點湯都不漏。2. 雞絲扎肉蝦頭抽炒金邊粉$78， 加了好多種蔬菜絲配上較幼身的金邊粉一起炒，食落好多種口感,味道亦適中。3. 小食叫左蒜香牛油雞翼$38和香茅中燒牛$40， 牛油蒜翼炸得好香脆，亦醃得好入味，表面撒上蒜蓉；串燒牛燒得肉質嫩滑，一d都唔鞋身，點上濃厚的沙爹醬，超好食。

係西環想食正宗泰國及越南野，就要來just eat 呢間餐廳拉，之前來試過，覺得環境好野食好味，就緊系再來約朋友食飯聚下拉。我們三人點了幾款特色主食，有泰式生菜包，濃味牛湯浸手切牛肉河，半隻越式雞。個人超愛這三味菜式，首先泰式生菜包份量好多，肉粒炒得超香超入味，包在新鮮生菜裡面鎖住肉汁，一次過食生菜及肉碎口感更佳。濃味牛湯浸手切牛肉河味如其名，湯味道更濃郁，牛肉嫩滑，邊食邊飲湯好正。越式雞就好滑身，份量也是剛剛好，半隻算大份，肉質鮮嫩配上秘制醬汁，好味到震。呢度服務也是不錯，服務員都很有禮貌，讓我們在舒適服務中進餐，有說有笑，度過開心的晚餐。

I saw many good comments on openrice, so decided to give it a go.蕃茄濃湯海鮮檬I ordered the tomato seafood noodle. It looks very attractive and pretty! 😍 There was one big pawn, 3 pieces of squid ring, and look at how rich the tomato puree was! However, I think the taste was OK, not as good as expected. Tomato puree didn't taste as rich as expected. There wasn't enough seafood, so ending up left with the plain noodles.🤣 Noodle is ok and the soup is at least warm. Maybe my expectation was too high.

A very petite Vietnam and Thai food place Cozy seatingSquid cakeTo be honest it’s not the biggest portion you can get for this priceBut the texture is extremely goodUnlike those which squash the squid into paste It chopped real squid in big pieces and mix it with cakeSo you can chew them at every bitePhoVery cool Vietnamese sausage with a hint of pepperThe portion is huge that it’s definitely enough for big guys as well

今日係西環見完客，唔想諗食乜，經過見到間餐廳幾小店feel，餐廳野食都岩食，就幫襯下try try . .▪️蒜蓉炒菜$66炒椰菜芯 本身菜係好嫩 所以炒菜夠獲氣 加點點蒜蓉就好出名😋❤️.▪️越式燒蝦卷$78米紙春卷 包著燒蝦 蝦肉夠爽 唔會梅身 另外米紙配上青瓜 蘿蔔絲 好fresh ! 好有越南feel ! .▪️越南三文治$62最好食呢個 😋 有札肉 腩肉 加上特色醬汁 又鬆脆 加上少少青瓜 同炸脆條 同埋個包包係焗到脆身 真係食過返尋味。.▪️咖哩脆皮牛腩$108咖哩醬配 薯仔🥔 同炸牛腩 😍 炸牛腩會將個牛腩鎖著個肉汁 咬落去外皮脆皮 一咬就爆汁 加埋個咖哩醬一流 最正既食法應該係點薄餅🙉 但我地實在太飽食唔落 😂

How are you?🎈Just Eat /This reminds me of one of my best friends who came from Vietnam. Miss you so much!/ ❤️都有一段時間未食過越南菜啦 🇻🇳 越南餐我哋通常第一時間會諗起火車頭 米紙卷等等今次試下其他菜式先🤪燒雞撈檬 ($62)Cold Vermicelli Bowl with Grilled Chicken 燒雞味道甜甜地 好大塊😝燒得好香 表面燶燶地嘅感覺係正好似散件雞串咁 好大程度上懷疑雞串應該係同樣嘅味道 咁就可以一雞檬兩食 檬粉撈埋特別調製甜甜酸酸醬汁 感覺清新開胃🥗芒果軟殼蟹卷 ($68) Soft Shell Crab with Mango Rolls🥭軟殼蟹加芒果呢個咁創新既配搭都係第一次試😂 芒果 青瓜 米粉 軟殼蟹加起來 軟腍酸甜中帶有一點爽脆 不過如果軟殼蟹再脆身啲 就更好啦👍越南三文治 ($62)🥪Vietnamese Baguette Sandwich比想像之中好食喎😋 一直好好奇越南三文治嘅餡料 終於試左啦 中間主要材料有五花腩 蝦醬 扎肉 肉鬆 同青

西環其實有好多隱世美食今次揾到呢間越南菜-just eat裝修簡約，以白色為主，令人好舒適~🌠濃味牛湯浸牛肉檬粉個名冇改錯~個湯底真係好濃牛味，略帶香草清新！我個人就覺得食越南檬粉係要再加青檸汁，可以令牛湯味更有層次！湯煮滾時，放入鮮嫩嘅生牛肉，令牛肉生熟度適中，口感嫩滑而且味道鮮美，呢個就係我鐘意食越南牛肉湯檬嘅原因，係其它嘅牛肉湯粉麵都無法取代！🌠越式蝦卷呢款係食越菜必點嘅菜式~米紙質地薄而黏軟，Q彈嘅米紙包裹爽脆生菜同鮮蝦，低卡健康真係食多都唔怕！🌠香茅豬扒湯粉越南湯粉係我既至愛因為湯底好濃牛骨湯味，飲完唔會好口渴，湯底真材實料！無味精~香茅豬扒外脆內鬆切開上，方便客人食同share‼😂🌠青蘋果柚子大蝦沙律沙律酸酸甜甜，作為前菜好開胃！平時好鐘意食柚子，但要剝就比較煩，依家沙律係剝好晒，一羹羹甘食好滿足！岩曬懶人嘅我😜加埋酸酸甜甜既青蘋果同爽口既大蝦，絕對要 encore ~

原定今年去越南，可惜去唔到啦，惟有食下越南菜當去左啦‼😆香茅豬扒檸粉：嘩~越南湯粉係我既至愛，湯底勁濃牛骨湯味，飲完唔會好口渴，湯底真材實料，無味精~豬扒碎上，方便share‼青蘋果柚子大蝦沙律：成個沙律酸酸甜甜，好開胃。平時就好鐘意食柚子，但要剝比較煩，而家沙律係剝好晒，一羹羹甘食好滿足吖，加埋酸酸既青蘋果同爽口既大蝦，絕對有下次哦~濃味牛湯浸牛肉檸粉：牛肉上來個陣仲未熟晒，用湯既熱力慢慢浸熟左D牛肉，一口牛肉一口檸粉，真係大飽口腹😋越南蝦卷：呢個就無咩特別，可以唔使叫。😂

突然想食越南野，附近近近地就來左呢間食。呢到既menu 好齊全，越南湯粉、撈檬、小食，越式三文治，沙律，小菜⋯真係樣樣齊 🤩 但實在太想念越南既生牛河喇，所以都係叫左呢到既牛肉湯河止下口癮先 😎- 濃味牛湯浸手切牛肉河 - 湯底味道好濃郁，一d都吾覺得重味精，相信係真材實料的。將d湯連埋河粉一齊食好夠味，半生熟既牛肉入口好腍，就算浸到全熟，過一陣之後都吾覺得韌。👍🏻👍🏻- 燒牛肉撈檬 - d 牛燒得好香，入口時口感好似食緊串燒豬肉，味道吾太濃亦吾淡，岩岩好，都幾有驚喜 😋- 芒果脆脆蟹柳卷 - 皮薄餡靚，非常足料，入面有青瓜，蟹柳，蛋，生菜，配搭埋個甜酸醬，酸酸地甜甜地，好開胃。吾好見呢到得3樣野咁少，份量都幾多下，兩個人食完真係好飽。

好久沒來西營盤，今天與閨蜜來到高街附近覓食，發現這間位於高街上方扶手電梯東邊英華臺平臺位置的越南餐廳。平日晚上六點半人並不多，我們兩人基本上已經可以包場。餐廳環境舒適很有藝術氣息，餐牌選擇好多看上去已經好吸引。芒果軟蟹殼卷&香茅燒豬扒：蟹殼卷超大大件，芒果好滑好甜，軟殼蟹配搭埋芒果一齊食，濕加乾兩種嘅口感，啱啱好！燒豬扒亦都燒的香脆可口，都幾香口，超飽肚。柚子蝦沙律: 青瓜絲柚子肉都幾多，配埋彈牙大蝦仁及腰果，清甜好開胃越食越好食。濃味牛湯浸手切牛肉河：見到好多網友推薦，裏面有好多不同的配料，湯底充滿牛肉味，牛肉本身都軟硬適中，好滿足~薄荷青檸蘇打&柑橘蘇打：閨蜜飲完一杯又一杯，真是最佳拍檔！

喺華輝閣地下嘅「Just Eat」，主理越南/泰國菜。要提提大家餐廳位置唔係咁易搵，要喺般咸道搭電梯落去先到。踏入餐廳覺得環境乾淨企理，以白色為主調，明亮舒適。牆上有一幅幅畫，為餐廳增添藝術氣息。加上播着熟悉的流行曲純音樂，令我不自覺邊食邊哼起歌來，感覺悠閒。蕃茄濃湯海鮮檬一上枱個賣相好吸引！有蝦、魷魚、帶子粒，海鮮種類多。湯底有新鮮蕃茄，重試到有d蝦醬嘅鹹香味。另外配菜重有肉碎、芽菜同莞茜，莞茜令湯底更香！芽菜同檬粉一齊食，一爽一腍，口感好正！湯底用新鮮蕃茄整，酸酸甜甜，好開胃！好味到連湯底都飲埋！菠蘿海鮮炒飯飯旁邊有預先切好左嘅新鮮菠蘿。飯入面都有菠蘿粒。重有好多配料！同海鮮檬一樣有蝦、魷魚同帶子。飯加左蛋去炒，份量多，有鑊氣，粒粒分明，口感煙煙韌韌似糯米。越式蝦卷入面有花生粒同青瓜粒，重有成塊香葉添。蝦夠新鮮唔鯹。質地似熟蝦壽司。生菜鮮綠爽脆。

西營盤有不少隱世美食，在橫街窄巷也可能找到特色料理。就好像越南餐館「Just Eat」開在位於斜坡上的英華臺，第一次到訪或需找找路。餐廳主打各種越式粉麵和小食，價錢親民，份量又多，因此很受附近的居民、學生歡迎。番茄濃湯海鮮檬 ($68)番茄湯底香甜濃郁，海鮮、檬粉吸收了湯底的精華後亦變得份外鮮甜。海鮮種類多，除了鮮蝦，還有魷魚圈、珍珠帶子...... 另外，檬粉份量多，很飽肚，整體性價比高。柚子蝦沙律 ($56)沙律中除了柚子和蝦，還加入青蘋果粒、青瓜皮、紅蘿蔔絲、腰果碎等，非常豐富。與越式魚露混合後，沙律酸甜開胃，清新宜人。

Just eat呢間越南嘢近我又幾抵食，所以月頭食完今日又食。今日放學同咗一班女人一齊食。返學真係好攰，放咗學都好攰。呢度環境唔錯，有啲靚畫可以提升我哋嘅藝術素質，我哋都分析左啲畫一陣。呢度仲會播張學友啲歌，例如你的名字我的姓氏、分手總要在雨天、愛是永恆。燒雞撈檬 $62啲燒雞好香口，同埋都幾滑一啲都唔鞋。檬粉乾身，加埋啲汁好好味！餐廳俾咗300mL嘅醬我哋撈，一啲都唔吝嗇。酸酸甜甜，越食越開胃。仲有好多蔬菜，健康有益！你哋鍾唔鍾意食撈檬呢？馬拉盞炒椰菜苗 $70食菜好重要，所以我地叫咗椰菜苗。馬拉盞有少少辣，不過加埋啲蝦米好香。啲菜好爽好新鮮，食完即刻覺得自己健康咗！馬拉盞即係好香呀！濃味牛湯浸手切牛肉河 $78呢個濃味牛湯真係好濃味，真係有一種去咗越南嘅感覺。啲牛肉好腍，啲河粉啲好滑。呢度啲嘢真係好足料，幾十蚊嘅一碗麵都有好多牛肉！越南除咗越南妹出名之外，第二樣可以話係生牛肉河粉，好食。

今日同朋友食飯。同朋友食嘅最大好處就係可以叫多啲野食一齊share，試多啲唔同野食啦，啱曬為食嘅我地。🍜蕃茄濃湯海鮮檬（走青）$68有兩隻蝦、一堆帶子粒同埋魷魚圈。湯底食落都幾有蝦蟹嘅海鮮味，因為叫左走青，所以我唔知佢本身有冇蔥嗰啲啦。湯底入面仲有幾舊番茄味，不過我覺得海鮮味比番茄味更出，味道都唔錯。🥩濱海伴燒牛肉$56本身諗咗好耐咩叫濱海，望一望餐牌上嘅英文譯名，見到寫住vermicelli cake，推斷應該姐係粉絲整成一舊咁，所以就叫黎試下啦。呢個四個人share啱啱好，因為佢有四片生菜、四件燒牛肉同埋四團粉絲，仲有一啲汁同埋蘿蔔絲咁。咁我哋就推斷係用塊生菜包住啲牛肉同埋粉絲，再加少少蘿蔔絲同汁咁樣食。成個combination都幾好食，啲燒牛肉都幾好食，都幾軟淋同埋調味得唔錯。🥭芒果軟殼蟹卷$68其實係米紙卷，米紙包住少少軟殼蟹、芒果、檬粉、生菜同埋蘿蔔絲。因為我本身都幾鍾意食米紙卷，所以我覺得呢個都唔錯。點少少汁，酸酸地幾好食。如果軟殼蟹同芒果嘅份量多啲，應該會再好食啲。🍚雞絲扎肉頭蝦油炒飯$76好想食飯，所以點都要叫個飯，就揀咗個炒飯啦。炒飯入面有啲雞絲，扎肉切成粒狀，炒埋

蕃茄濃湯海鮮檬呢個真係推介首先以$68泥講係性價比超高先講個湯底有濃濃蕃茄香仲有海鮮加肉碎淨係個湯我都飲左一大半而料有新鮮蕃茄，肉碎，兩隻蝦，迷你帶子，魷魚圈，再配上檬粉口感好好一啲都唔唔漏完全係色，香，鮮甜味區存牛油雞翼香口鬆脆大大隻雞翼$36係合理抵食價👍🏻柑桔梳打又係真材實料同食物一樣一啲都唔差唔會好似其他餐廳咁冰估七成😂呢間餐廳仲要冇加一真心抵食而家平日晚餐時間一啲都唔多人真係超推薦