韓宮 (Closed)

點餐後，店員好快就遞上前菜。三款醬醃菜口感清爽，有青瓜蘿蔔、菠菜同埋醃泡菜，大部份口感爽脆。泡菜似係自家醃製，唔會過酸或者過辣，啱口味我哋揀咗個set A有三款豬肉，包括五花腩、辣醬花腩同埋豬頸肉。本身個拼盤嘅配菜都好豐富，有豆芽菜、泡菜、雪耳、茄子、腸仔同埋芝士辣醬五花腩醃製得好入味，甜甜辣辣咁，好有韓國嘅風味難得配埋雪耳，食落都幾清爽，係好特別嘅體驗燒烤盤係向其中一邊傾斜，為咗嘅係燒肉嘅油可以滴落下面嘅小碟度，呢個設計幾貼心，啱晒又想食韓燒，但係又怕肥嘅港女醬油蟹係今次呢一餐飯嘅重點，好期待$68可以食到點樣質素嘅一隻蟹。首先原隻蟹上，蟹殼、蟹身切開四件，好多肉，而且呢亦都有膏蟹肉滑捋捋好似啫喱咁，加埋蟹膏甘香，配飯一流，醬油蟹絕對擔當起米飯小偷呢個角色

韓迷請入一入嚟 韓國餐廳基本上大家都食過 不外乎係炸雞 芝士排骨 燒肉 味道都不外乎係嗰一種好濃嘅醬味🫨所以對韓國食物感覺都係一般🫠不過呢一間餐廳成功打破咗我呢個什心魔🤗出奇地咁好食😍而且唔係幻想到韓國嗰隻煎煎炒炒嗰隻味😂==============================𝐅𝐨𝐨𝐝 𝐋𝐢𝐬𝐭📌🦀醬油蟹以新鮮及天然的食材為基礎 細心挑選營發肥美爆膏蟹🥰每一隻蟹都經過嚴格的挑選 確保質量&爆膏程度 獨特醬油配方醃製 韓國主理人代代相傳，風味與別不同🤤🥩呢個set包括咗豬肉好似五花腩同埋牛肉 切得厚薄均勻 燒起上嚟基本上10秒內就可以食得 點少少醬油已經非常之好食🩵🍝粉絲類似薯粉煙煙韌韌 吸收晒個sauce❤️冇得輸 仲要份量非常之大 啱晒兩個人share😍==============================餐廳坐得舒服 食得正宗 真係啱豬媽主理😳就算去唔到韓國都冇損失喺度食補返數👍🏻

放工約埋朋友食個韓餐，太耐無見，又太耐無食韓式燒肉喇！.雖然舖頭細細，但係韓國菜基本款式都有，我地仲叫左隻醬油蟹食添！$198一隻醬油蟹，配埋個紫菜飯，又唔算太貴喎👍🏻依度嘅醬油蟹係韓國老闆娘自己醃製，唔會死咸，仲食到蟹肉嘅鮮味。蟹膏撈埋個紫菜飯真係一流呀！.兩個人食唔到太大set嘅燒肉，我地叫個豬肉二人set，包括有五花腩肉，辣醬五花腩肉同豬頸肉。五花腩肉可以燒耐少少，燒到迫出肥油，到油脂變香，再配合旁邊嘅泡菜食，味道剛好。辣醬五花腩肉有豆瓣醬嘅香，實在唔太辣，醃得剛好。仲可以配旁邊燒至拉絲嘅芝士食，又係另一享受。我地慢慢燒豬頸肉到爽脆，我地就係少叫份生菜去包肉食，不過配上芽菜都係不錯。仲有個燒雪耳都好正呀，爽脆爽脆.燒肉食到差不多，係時候食個水冷麵清新一下味蕾。我喜歡水冷麵加少少白醋，配上韓國嘅梨子切條一齊食，好清新，好解油膩。

服務質素差，服務態度差，服務態度差。餐廳裏已經沒有標明要叫兩份燒烤嘅食材才可以BBQ，叫咗其他食物先出聲，焗住要嗌多咗食物。買兩份牛小排又話唔得要嗌其他食物，好似俾人焗住要嗌其他佢想要的東西。燒到半路中途，因為隻鑊黐底同埋有啲燒焦，叫服務員換，但他話淨係燒一份就要換，有冇咁嘅需要？點解換來這樣的對待？餐廳已經沒有什麼客人，還用這個服務態度對待客人，實在非常差。嬲到震。沒有最差，只有更差。太不專業。

今日突然好掛住韓國菜🇰🇷即刻去朋友讚口不絕嘅韓宮食晚飯，老闆娘仲要係韓國得獎嘅大廚🥇絕對有質素保證，一坐低店員就俾咗前菜我哋，老闆娘秘方醃製嘅泡菜真係好好味🫣-BBQ Set C (2人) $499個set有調味牛肋骨🥩牛五花🔥烤五花腩🐷烤豬頸肉，份量多到其實夠三個人食😂食材新鮮😛牛肋骨肉質鮮嫩，牛五花同五花腩食落唔會好肥膩，豬頸肉爽口彈牙😋配埋芝士真係好邪惡😈-醬油韓國蟹 $198醬油蟹蟹肉鮮甜🥵仲有濃郁嘅蟹膏，食落完全唔腥，將啲飯擺落蟹蓋撈蟹膏食🤪真係停唔到手呀🙊-人蔘雞湯 (半雞) $148雞湯味道甘甜，雞肉好嫩，好輕鬆就可以將佢骨肉分離🦴但又唔會煮到好老🥹

天氣一凍就想食韓燒🥩 上次經過無機會試，今次晚飯梗係要即刻book來食！好彩有book，晏多少少超級多人！原來咁受歡迎！😦今次嗌左個豬肉套餐，醬油蟹同牛骨濃湯。對我來講全部都係必點之選！先講個醬油蟹 🦀 好多人都怕食醬油蟹，驚好腥同唔新鮮。但韓宮嘅醬油蟹原來係店主(一位阿豬媽)親自醃製。味道正宗又鮮甜，重勁勁勁多糕！再講個豬肉set 🐖 🍖 本身以為一碟碟上，點知一上就成個盤放係爐上面，我重心諗個盤阻住曬，點燒🤣原來個盤係店家嘅貼心之舉，成盤直接燒，個盤已經係烤板，勁方便，唔使夾來夾去！個盤有豬五花，豬頸肉，醃豬肉，重有好多好好食的配菜同泡菜！尤其是舊燒芝士，本身好怕滯嘅我都忍唔到食左，真係勁正！🧀最後講牛骨濃湯 🦴 🍲 本身都無諗過個BBQ set咁大盤，食完都已經飽飽地。但個牛肉濃湯真係太好味，忍唔住都要食到底。牛肉味濃，勁多牛骨肉，唔同平時普通果啲，得大舊骨，一啲肉都無。有肉有湯，食完真係暖到落腳趾尾。總結來講，韓宮真係一間超正宗又勁抵食嘅餐廳，重要係正黃埔站出口，方便到爆。唯一要彈嘅可能就係太受歡迎😂唔係咁容易book到

黃埔站一出，近在咫尺的韓式餐廳，老闆娘是韓國人，親自主理。内裡是小店格局，每枱都有燒肉的設備。
醬油蟹，炸雞，燒肉，石鍋飯，其實大部分韓式料理都有得食。醬油韓國蟹將蟹肉唧出，在蟹蓋撈勻，再加到奉送的紫菜飯，蟹羔加持，勁有風味。燒肉拼盤有齊豬牛，但特別在於雪耳同芝士，平時都好少會係燒肉拼盤見到。燒雪耳直頭未試過，芝士原來可以變芝士燒肉。主角一定係調味牛肋骨，一匹布咁長，仲有爽嫩的牛五花，口感豐富的五花腩，厚厚的豬頸肉，食到你飽。牛肋骨湯勁多舊牛肋骨係幾有誠意，清甜味道，飽肚又暖肚。

平時都好鍾意去食韓國菜，聽朋友講紅磡呢間韓國都好正，有好食嘅醬油蟹同埋夠正宗，老闆娘係一個好Nice嘅韓國人！🍴醬油韓國蟹&白飯 $68我哋嗌咗一隻醬油蟹，配咗麻油紫菜飯勁好食！係醬油味好適中，唔會太濃，亦都好新鮮，蟹蓋撈飯一流，價錢亦都唔錯 👍🏻🍴BBQ SET C $499賣相幾好睇，有豬頸肉，豬五花，牛肋骨，牛五花，韓燒亦配更多嘅配菜，蔬菜有幾特別嘅烤雪耳同埋茄子！鍾意芝士嘅亦都可以燒埋芝士，份量十足！🍴牛肋骨湯 $128食完海鮮都會想飲啲湯，牛肋骨湯夠清甜！

韓宮位於黃埔站出口旁邊，非常之易搵。 晚飯時間唔使等好耐位， 啱曬我已知唔鍾意等位嘅懶人。醬油蟹醬油蟹肥美爆膏，蟹肉晶瑩通透， 唧少少蟹肉落去紫菜飯到，再配上豉油同生雞蛋撈勻嚟食非常之開胃韓式海鮮煎餅煎餅非常之厚身，用料充足， 既有魷魚又有蔬菜， 兩者配合起嚟口感非常之豐富，食落香脆可口，又未至於好油膩 。燒烤拼盤有豬五花,，豬頸肉，茄子，仲有雪耳。雪耳係煮糖水嗰隻，好特別， 平時燒烤拼盤好少見雪耳。 烤至香脆，食落索索聲，好過癮。兩舊芝士烤至拉絲狀， 纏係豬五花上面， 豬肉油花嘅香氣配上芝士嘅味道非常之惹味，值得一試。

餐廳由韓國人主理，老闆好熱情會主動黎打招呼，主要都係做街坊生意，但平日都坐滿人，感覺好正宗地道。前菜有泡菜、菠菜同醃蘿蔔青瓜，全部都可以refill 醬油蟹 $198蟹肉鮮甜，肉質紥實，蟹膏非常多，醬油唔會太咸蓋過蟹肉嘅鮮味，加埋蛋黃，撈飯一流，唔怪之得又叫白飯小偷！韓國燒牛+豬肉 Set C $499有牛肋骨、五花腩、肥牛同豬頸肉，全部都調左味，牛肋骨長長一條，肉質幼嫩，五花腩油脂豐富，要烤耐少少，入口焦香香脆，肥牛同樣油脂豐富，配埋泡菜一齊食會無咁膩，豬頸肉爽口彈牙。旁邊仲有配菜，泡菜、芽菜、雪耳、茄子、腸仔同芝士。燒芝士幾特別，烤完外脆內軟，仲有拉絲，好正！牛肋骨湯飯 ＄128牛肋骨大大件、肉質軟淋，入面仲有蘿蔔同粉絲，湯清甜帶有少少胡椒味，非常暖胃！

喺黃埔一隻叫韓宮嘅餐廳，真係好正，特別係佢哋嘅燒烤盤，一試就愛上！佢哋嘅BBQ Set C入面有調味牛肋骨、牛五花、烤五花腩同烤豬頸肉，全部都好入味，肉質又嫩又多汁。係餐桌上自己燒烤，仲配埋啲韓式醬料，真係食到嘴都開心。同朋友或者屋企人一齊嚟食都好正，絕對係唔可以錯過嘅選擇！真係爽到爆！仲有佢哋嘅石鍋牛肉飯，真係叫人驚艷！熱熱嘅米飯同切碎嘅牛肉一齊放喺石鍋入面，米飯底部會煮出一層鍋巴，牛肉香氣四溢。一食落去，每一口都食到牛肉嘅鮮甜味道，真係令人念念不忘。唔好忘記試下佢哋嘅海鮮煎餅，好驚喜嘅一份美食！入面有新鮮嘅蝦、蟹肉同魷魚，再加埋啲蔬菜同麵粉煎至金黃酥脆。一口落落去，海鮮嘅鮮味即刻爆發，再加上外面嘅香脆口感，真係令人食到停唔到口。總括嚟講，韓宮餐廳絕對係一個值得一試嘅地方。佢哋嘅BBQ Set C、石鍋牛肉飯同海鮮煎餅一定會令你滿足。而且餐廳嘅環境舒適，服務又好，真係令食飯體驗更加完美。唔洗猶豫，黎韓宮餐廳一試，享受正宗嘅韓國美食啦！

同朋友約左食晚飯，又好耐無食韓國野，於是近近地就揀左黃埔呢間韓宮。雖然係平日夜晚但餐廳都差唔多坐滿人，好彩有打電話訂定檯。一坐底店員就先比左三樣前菜，有泡菜、醃蘿蔔&青瓜片同埋薯仔，三樣都醃得好好食，店員仲幫我地refill多轉薯仔，熱辣辣食落更好味。我地嗌左一隻醬油蟹，燒肉set同人參雞湯。首先上嘅係醬油蟹，食落好鮮而且無腥味，淋埋檸檬汁上去更加好食。另外有一碟紫菜飯係拌蟹膏食，蟹膏非常多，拌埋飯食真係好滿足。然後燒肉set我地揀左豬肉，有五花腩、辣醬烤五花腩同豬頸肉。五花腩肥瘦相間，入口唔會感到好肥膩，非常有嚼口。而豬頸肉則爽口彈牙，辣醬烤五花腩味道於我呢啲唔太食得辣嘅人都接受得到。而且佢有雪耳、茄子等菜一齊燒，第一次食燒雪耳，爽口而且可以解膩。自己燒豐衣足衣!最後上人參雞湯，個湯調味唔會好重，而且雞肉唔會燉煮到好老，飲完全身暖哂。同朋友食到好滿足!

同朋友講開韓燒，突然好想食醬油蟹，上網搵到依間好多人大推醬油蟹，所以專登過九龍搵食。重點當然有醬油蟹啦，蟹肉鮮甜，入味得嚟唔會太鹹，第一次蟹膏加生蛋黃食，令蟹膏口感綿滑，用嚟配紫菜飯ball真係冇得輸😋😋因為朋友唔食牛，所以揀左唯一冇牛嘅BBQ Set A，有五花腩，辣醬五花腩，豬頸肉，配料亦非常豐富，有香腸，芝士，茄子，雪耳，大豆芽菜，泡菜。特別係雪耳，烤雪耳真係第一次食，好爽脆，驚喜十足。食到熱辣辣，叫個韓式牛腩冷麵降下溫。食韓國菜點會少得韓國前菜呢~我最愛嘅泡菜，亦都係我愛嘅味道，辣之中唔太酸，亦唔咸，應該醃得唔算好耐，口感好清爽。另外醃蘿蔔同烤肉好perfect match，可以中和烤肉嘅油脂，好食到忍唔住refill咗幾次🤭

過完年想食中菜以外既菜式兩姊妹簡咗一輪決定食韓國菜上網book定位方便撐枱腳餐廳係黃埔站A出口一出右轉就見到 幾方便之前幫襯過佢地隔離既外賣店今次試下堂食先( ˘ ³˘)一開始會有三款基本前菜泡菜 酸蘿蔔同埋菠菜每款都幾開胃🔺BBQ set A $399配菜有芽菜 茄子 腸仔 芝士 泡菜仲有比較少見既燒雪耳真係幾特別 估唔到雪耳配肉汁幾好食套餐有三款唔同既豬肉係一款全豬既套餐分別係原味同辣醬五花腩 豬頸肉辣醬五花腩唔算太辣 調味好惹味燒完好香 豬頸肉肉質都唔錯 燒完仲好爽彈配埋原片芝士燒到拉絲再捲住片片五花腩 正燒過既泡菜芽菜好香口🔺醬油蟹加白飯見到做緊$68優惠價換醬油蟹 (價值$198)當然要試返一份🦀!!!醬油蟹既蟹膏好足 撈落有滿滿紫菜既白飯🍚醬油蟹蟹蓋仲附上咗隻生雞蛋蛋汁 蟹膏撈埋一齊食 맛있어요!🔺海鮮純豆腐湯 $118食韓國野通常都會嗌返個湯飲今次簡海鮮純豆腐湯 飲落好夠辣味 配飯一齊食剛好湯入面幾足料 有蜆有豆腐有蝦有翠肉瓜食完又暖胃又飽肚ｰ(•̃͡ε•̃͡)∫

平時都鍾意去黃埔覓食，餐廳選擇多，又有鐵路十分方便。今次朋友就選擇左一間係黃埔站一出就係的韓式餐廳，地點好方便。餐廳除左韓燒外，仲有新鮮醬油蝦、醬和韓國料理，各式選擇都好豐富。前菜有3碟，有泡菜、蘿蔔同菠菜，調味剛好很開胃，而且份量都唔細。點左一隻醬油蟹，大大隻，好多肉，而蟹身仲帶有金黃色蟹膏，非常鮮味。另外蟹殼部份仲加埋蛋黃，拌埋紫菜飯更加惹味。點左牛豬燒肉Set C，好豐富嘅燒肉套餐，有調味牛肋骨、牛五花、五花腩同豬頸肉。款式都好多，而且每一款份量都唔少，一次可以試晒幾種牛和豬肉。牛五花比較快熟，食落夠牛的鮮味。五花腩一層脂肪一層豬肉，燒到外層金黃色，食落帶點油脂，味道好香。豬頸肉好厚身，肉質爽脆。另外仲有大大份泡菜、蔬菜同芝士。仲點左個較清淡的韓式牛肉炒粉絲，加點麻油香味味道更好。