火間土 (Closed)

已經不是第一次幫趁火間土的日式料理放題。皆因在銅鑼灣吃晚飯一般也比別區昂貴，而且在繁忙時間，經常也不容易找到座位。每位 HK$210 左右的日式放題，就成為了銅鑼灣吃晚飯的最佳選擇。那天突然要和兩位朋友找地方吃晚飯，於是第一時間想起這裏。享用日式放題，即送一客北海道雪場蟹脚。可以點的飲品雖然款式不多，是熱飲勝在夠熱，不像坊間很多日式放題般，熱飲送來時只有室溫。頭盤和刺身味道也不錯，甜蝦和帶子刺身，一吃再吃。可惜三文魚刺身不夠肥美。燒物比想像中出色。燒牛肉保持5成熟的黄金狀況，是日式放題中少見的好。揚物還可以，但始終不及燒物有水準。這個價錢在銅鑼灣吃日式放題，又要隨時有位，兼坐位舒適，非火間土莫屬。

坊間好多日式放題, 好食的都要訂定位, 特別係weekend, 訂咗位仲要係出面排隊等入座, 入到去又迫又嘈, 有D黏立立.所以每次行行下街, 想即興食放題, 都會諗起 CWB　的火間土, 大多數時候 walk in 都會有位，　　又乾淨，　食物質素都唔錯。　 食咗几年啦, 刺身差咗, 但熱食味道依然保持水準.　 一坐低, 侍應問我地想要生蠔定長腳蟹做頭盤. 啖啖肉呀.有大路的三文魚, 劍魚, 油甘魚, 甜蝦，几種貝殼類, 吞拿魚都有 2款, 但可惜有筋. 左邊必吃的燒蠔sushi. 係尖沙咀的火間土食都唔平架. 再 叫多round sashimi, 只叫咗2款 白色魚同甜蝦, 唉吔, 唔記得叫scallop, 我第一round 個時啪晒落口, 超甜.掛住食, 都好少影相. 熱辣辣爆汁炸蠔又出現啦. 牛舌, 粟米, 鯖魚係我的最愛燒物類食物. 已經食到好飽, 但係呢個泡菜豚肉窩好開胃. 甜品都有几種, ice cream 呀, 布甸呀.其實menu 只有一張紙, 但每類型食物, 前菜, 串燒, 炸物, 料理都有好多選擇, 出邊有的食物呢度都有。　另外呢度有個好處，係order 几多俾几

We came arcoss this japanese restaurant in the Causeway Bay which we tried the japanese combo set by ordering it. The rice especially came from the origin of japan i think because i can certainly tell the differences to the rice that I uptake daily. The rice is smooth and well cooked, which the even i can taste a little sweetness from the rice. The pork cooked is soaked with unique japanese saucing, which indeed fits well with the served rice as a combo set.

誤打誤撞之下黎左火間土食放題-第1Round魚生刺身ok!-串燒唔錯!特別雞翼好好食!-炸物不過不失,火炙壽子一般-食物選擇太少-沒有說好的鵝肝壽司-烤牛肉好似無烤過咁, 燒玉子完全燒過-9點幾入座,淨係黎左1Round刺身之後就無, last Order再特意提醒無黎既食物, 都係無黎,最後要order一次,先黎到,然後逼我係短時間內食哂佢總結:不值這個價錢! 咁漏單法,仲要咁早last order,不如唔好做放題啦!

從前好鍾意嘅一間餐廳 以前來哩度食放題有好多野食, 甜品仲有好好味嘅士多啤梨布甸, 而家好似咩都無哂咁@@ 一睇張紙已經少左好多選擇, 雪糕又無得任食, 每人得一杯, 味道仲要... 淨間再講. 都叫左D刺身同小食先啦, 刺身叫左三文魚, 甜蝦果D基本野, 食落都覺得無以前禁新鮮, 誇張D講好似無左陣海水味. D玉子仲誇張... 食落有陣益味, 好似壞左咁! 個個即刻lur番出來, 好難食>< 一件半件都算啦, 繼續食, 有碟蟹子沙律, 不過不失啦, 仲有另一碟係炸野, 佢係將所有炸野放埋同一碟, 全枱7個人, 佢放得幾粒雞軟骨, 唔講真係見唔到@@ 同埋D炸野好多都林左, 唔好味 隻生蠔就佢送嘅 一人一隻, 不過唔係好新鮮... 到甜品啦, 佢個綠茶紅豆布甸好淡, 不過還可以, 但個雪糕真係唔店... 佢唔係普通雪糕, 係唔係咩牌子, 入面唔係雪糕質地, 雪糕中間有白玉, 但個texture好奇怪, 個味係甜到漏, 簡直係趕客... 總結就係水準愈來愈差, 下次未必會再食哩間...@@

魚生質素一般，無驚喜油炸食品，啲油索哂入食物，油淋淋燒烤食品，過晒火，食物又乾又硬無依奌菜數目，過量出菜，唔食又怕浪費服務態度劣，經理至侍應都面黑黑，笑容欠奉，埋單之後，馬上用逐客令語氣叫客人走，佢叫"火間土"，食完後包你火都起

其實之前已來過此店數次, 不過過往問題沒今次遇到的多 ~ → 先說侍應生態度好好, 不過應不太夠人手所以會有點遲才得到他們的服務→ 初頭食物是快來的, 但之後要等一輪才來、有時會漏單、有時需要催催店員去跟進食物→ 所以雖然有兩小時食飯時間, 但除非密密落單, 否則一餐飯也食不了幾轉 ~ 但吃放題啫, 又不需要密密落單那麼進取吧* * * * * * * * * * * * * * * * * * * * * * * * * * * * * * * * * * * * * * * * * * * * * * 說完食物, 想說說所得到的 {服務} 了 ~→ 9:10pm 入座沒為意關店時間, 而侍應帶位時只是強調是日收費→ 10:30pm 經理走來說 last order, 我說明入座時間而現在應該還有 40 分鐘吃東西時間→ 但經理說十一點關門 .... 我說入座時侍應生沒提醒我們, 他便說門口已寫→ ok, 只能說我一心跟著侍應而 {自己沒看清楚}, 不過我也有提出帶位的除了價錢但吃東西時間也同樣重要, 是需要提示客人的→ 至於 last ord

本身同爸爸係book左食新寧餐廳，但去到個門口就比隔離間日本餐廳吸引左，$250放題，價錢比其他日式放題高，咁諗住個質素應該唔差啦！一問之下walk-in都有位，可以食到10:30pm，咁就轉軚食哩間喇！睇睇order紙，刺身、壽司、炸物等每樣都係得幾款，都有D驚會唔會中伏，但就自我安慰話可能D質素好好呢，咁就儘量點D有興趣既食物啦~「蟹腳」：每檯送一客，得丁咁多肉，仲要係無味既，唔送好過送！「刺身」：有三文魚、吞拿魚、甜蝦等大路野，都幾新鮮既，但真係太少款了！「壽司」：超唔得，應該係機製，D飯壓到好死實，醋飯亦太酸，軍艦D紫菜係淋既，好令人懷疑係咪整定哂，客人order就攞出去「小食」：芝士脆片係淋既，同埋好咸；枝豆有陣怪味；雜菜好油！食到哩道已經無心機影相，其他野食（天婦羅、鍋物、串燒等）統統唔掂，結果食得最多竟然係……雪糕，唉比成兩舊幾水入黎食雪糕，用哩個價錢去超市買既話應該食到我痾都仲得極度失望，永無下次！

睇見篇篇食評都好似咁差，不過我地都係想試試BOOK左7點半，一去到就有枱喇！即刻睇下有咩食先，選擇都算多喎！先來一個刺身拼盤甜蝦~~~雖然細細隻，但味道鮮甜喎:bowl三文魚~~~都算係厚切喎！而且質素不錯喎！好肥美墨魚~~~鮮甜喎吞拿魚~~~有點還未溶雪......魷魚~~~GOOD GOOD蟹子沙律~~~太濕了NO GOOD雜菜炒得不錯，幾好味燒物牛舌~~~燒得好 香好"林"喎銀杏~~~唔係太多地方有的，而且仲去左心GOOD菇菇~~~好喜歡食燒菇菇，燒得唔錯京葱豬肉串~~~京葱配上豬肉及醬汁，GOOD粟米~~~粟米係新鮮的粟米，唔係雪藏野，粟米好香好甜壽司~~~做得不錯喎！飯的質感都算可以的，而且飯的份量細細件的GOOD茶碗蒸~~~好滑滑喎！天婦羅 南瓜、日本蕃薯、蝦蝦、魷魚圈~~~粉漿唔厚GOOD雞翼~~~大大隻，味道又幾GOOD喎炸雞軟骨~~~好香好脆又好乾身喎！正 秋刀魚&鯖魚，唔腥喎又好乾身！泡菜鍋~~~夠熱好味，味道真的很不錯至於服務及環境方面沒有漏單的情況出現侍應好似得三個到，好似唔太夠，有侍應見到客人舉手當看不見的情況枱與枱之間有好遠的空間，而且環境都算靜靜的食物質素

睇到之前食評很差，未試過都吾信！真係好吾好 lor. 等左1小時10分鐘才到刺生，吹左最少8次！有D食物點左3次先來！有D冇叫又黎！仲有好多叫左吾黎..食物尚算多種類，但叫左吾黎都冇法熱食及熟食，黎到都係熱 or 溫暖的但魚就吾夠凍，感覺不太好，話曬都係夏天唯一 Encore 食物，炸雞軟骨，熱又脆天婦羅番薯都ok, 其他就好麻麻汽水冇氣，可能放太耐冇人拎，我都等左大半個鐘，兼追左3次見到隔離枱食到火都離，同個 waiter 講有野未到，個 Waiter 問有咩未到，個女士叫個 waiter 吾好再問，寫左好多次！基本上圍繞我地個張枱，每張枱都吹過好好好幾次！

從未食過一間放題食到火滾兼唔飽......話就話食2小時，但等食物都等左粒幾鐘，種類已經唔多，食材質素又麻麻，有d食物仲唔新鮮添........炸蠔有(腥)臭味第一轉好快十幾分鐘到，之後再落order的食物，足足等30分鐘以上至比一碟、又再等30分鐘以上至再比多一碟，實在太離譜，想客走都唔應該做到咁，人手又唔夠，叫極都冇侍應，雪糕溶到好似奶式咁.....咁樣o既放題，比佢搵笨一次就夠！離哂譜

平日經常周圍去搵好野食，今天開始決定寫下食評，以後食野記得提我影相今次是我第一次寫食評，但這次的經歷簡直是惡夢！昨晚是好朋友的生日飯，有朋友提議到銅鑼灣利舞台16樓的火間土放題。一行15人，預早訂枱都係得張12位的枱，而且要預早去落訂，都知道此間放題比大喜屋、吉壽那些貴一點點，心裡都抱著一點的期望。我們訂了8:30pm，落了第一round order到9:00pm都未有剌身等食物上枱，桌上只有飲品、枝豆、蟹子沙律及幾串燒牛舌等，餓等發荒！ 但老友聚頭也未有什麼情緒出現，大家依舊嘻嘻哈哈，到了9:30pm才有一碟剌身拼盤上桌，大家一窩蜂的馬上只剩下碟子！於是又落了2nd round order(但是1st round的食物仍然未齊)，而大家落了的飲品又很慢才上桌，由落單到飲品出現都幾乎要等20分鐘！說說食物的質素，我們都覺得是可以的，三文魚是比較新鮮，其次就是甜蝦，其他諸如油甘魚、魷魚等都有輕微出水的現象。熱食方面有串燒、雞翼、湯面等等，串燒牛舌是可以的，略嫌不夠味道；雞翼燒得恰恰好，金黃色的，咬落亦相當香口；湯面則比較硬，好像煮得不夠熟。再說說員工的服務態度，他們的工作態度之惡劣，是我

Had such an angry dinner As we were going in, we were told that the all-you-can-eat dinner was going to cost $238 since it was easter period. We specifically asked when we called to make reservations how much it was going to cost on the day we made the booking for and was told $218. The waiter did nothing but put all the blame on his 'new colleague' giving us the wrong price. He tried to ask us the name of the waiter who spoke to us on the phone, how am I supposed to remember?The food wasn't ac

午膳時間人客不算太多，加上座位擺放挺鬆動，用餐環境都算寧靜舒適。一份銀鱈魚味噌燒定食，銀鱈魚口感挺滑，肉質結實，魚香一般喇！沙律賣相選材普通，調味醋汁味道有點怪。凍豆腐滑度不足，入口鬆散，豆香不強。味噌湯口味貌似但欠靈魂，不突出。另一定食葱吞拿魚腩飯，香葱香口清爽，吞拿魚腩軟腍豐溢，配搭美味。其如配菜小食未有品嚐，不作評價。追加帶子壽司一客，帶子屬中小體型，鮮甜度中等，未有特別驚喜。

食物質素唔錯, 包飲品, 刺身唔錯, 布甸好味,但係全店職員祗有2個待應+2個經理, 廚房就唔知喇!想落單叫極都冇人應, 男經理正面望住都視而不見, 飲品超過15mins.先有, 出菜勁慢,2個待應真係做唔停手, 咁嘅工作量, 態度算好好,女經理就做到斷氣, 叫埋單都唔想聽, 勁抹檯!男經理將張單45°角車埋嚟就走咗, 最後我拎張單埋收銀機等佢錄卡 > 0tips > 走人!