加多娜天然酵母手作麵包店

Open Now

Now Closed

好耐冇去油麻地呢間買野，咁啱經過居然發現佢地有買埋開心果泡芙，以前要去佐敦間舖頭先買到，依家油麻地都有，勁開心，即刻買左1個原味1個開心果黎食。真係好好味，d開心果味好正，又唔太over, 而且d cream勁多勁豐富，每啖都有，而且個皮都薄，最緊要係唔使排長龍，貨量又足夠，姐姐們keep住出貨， 依家可以經過就買啦，超方便。而且個日好好彩買到綠茶布丁包，個綠色有回甘，而且個麻薯好正，連我唔多鍾意食麻薯既都覺得佢好食，有陣陣奶香，十分軟糯，而且甜度適中，真係可以再encore

有神主位嘅麵包舖🔹京都抹茶紅豆麻薯法式布甸包🔹 $23名字有夠長🥵Size比想像中細啊陰公😭 唔夠滿足我嘅視覺同生理需要o(≧口≦)o小編放入雪櫃第二日拎出嚟食，法包皮較韌同乾。以為係凍食嘅問題，但後來睇返 官方都係建議凍食🤔內餡質地好似焦糖燉蛋咁，呈傑傑地嘅抹茶醬狀態麻薯水嫩 帶點口感，令成個包層次更豐富👍🏻 自身有少少甜味，唔會喧賓奪主🍵抹茶味香甜，係大眾化嘅口味 🫘紅豆硬挺 大粒飽滿質素應該差咗同縮咗水，睇返佢以前啲相抹茶粉都多啲🫥 冇大家講到用晒兩種日本抹茶粉咁犀利

今次黎左油麻地分店買，知道佢好受歡迎，所以一早去排定隊，⏳️每日4點半開賣，當日3點45分去到，已經好長龍喇😱最後終於成功買到✌️買左原味同埋綠茶紅豆味，綠茶味布甸餡配煙韌麻糬，賣相靚靚。布甸包一邊喺廚房熱辣辣新鮮出爐，即刻遞出黎前檯售賣，保證拎上手一定係新鮮滾熱辣😍👍一人只可以限買2個，非常搶手，好快就無貨了。原味就限買4個，流心蛋漿配香脆法包，新鮮熱食嘅時候好香奶香味，好味，不過個人覺得雪凍食更加好味😋

人氣麵包鋪，加多娜麵包店，天然酵母手作麵包，果然名不虛傳，但最馳名嘅麵包布甸要4:30才出爐，大約4:00開始有一兩個人排隊。今次大約4:45 有幾個人排隊，所以今次就買咗個麵包布甸麵包布甸$15果然好好食，布甸好滑，可以連埋麵包一齊食，唔怪得咁多人排隊啦，味道同價錢都好好。，所以就冇得試佢嘅人氣產品麵包布甸。一齊食，唔怪得咁多人排隊啦，味道同價錢都好好。蒜蓉麵包因為見到佢熱辣辣好似啱啱新鮮出爐，好香嘅蒜頭味，所以買來試，都好好食，蒜蓉味好香，麵包外脆內軟，正。布甸泡芙布甸好香，好多，一撕開個泡芙就爆漿，外脆內軟。肉鬆牛奶包麵包非常軟熟，肉鬆又夠多，又唔會跌到成袋都係，好好食。

27/4大概5點半買咗原味同抹茶各二，大退步，未必有下次原本賣相正常，食前160度加熱咗3分鐘，然後就流到下圖咁 (原味抹茶都係咁，但因為我遲食，影嘅時候屋企人已經食晒無影到，只有幫我食咗啲留俾我嘅一半🙏🏻但下圖都見到有抹茶漿)，睇返最近食評嘅布甸都係固體，完全唔係下圖咁嘅流質，流到都唔敢稱之為流心🙈包體同以前差唔多，都係出色嘅，有法包嘅麵粉香同外脆內軟，但布甸包變咗布甸漿包就相當令人失望，流質到咁真係唔好食…

平日都好人買麵包~口感軟腍好好食! 今日買泡芙同泡芙 $20好好味，份量超足墜手~入面勁多奶油醬，一咬落去就爆醬，成個口充滿軟滑冒奶油口感! Nice~原味法式布甸包 $15原味好有蛋味，法式麵包外皮微脆夠薄，包內軟綿~

呢個布甸包真係成日食，各款口味都唔錯。唔知大家買返嚟後，會唔會翻焗／返氣炸再食呢？我係一直以為......只可以凍食🤣焗咗又有咩唔同呢? 我以為焗完內餡就變流心了，究竟焗定唔焗好呢?凍食個布甸，真係又香又濃又滑，食落好似食雪糕甜品咁。麵包部份就會有啲水氣，都係好食的但質感就已經林咗。好啦，我今次氣炸7分鐘，出焗岩岩好 (當然都可以焗啦，我諗睇到佢上色就可以，邊樣方便用邊樣啦~)。就咁睇個外表，炸完麵包表面明顯深色咗，睇上去食慾都大咗。炸完個麵包部份簡直回春！變返18歲卜卜趣。 而布甸部份，食落感覺就有啲似好滑的燉蛋。我鐘意邊樣？就係炸過的麵包mix凍食的布甸🤣。

無可否認我應該係全香港最outdated嘅foodie🤣嘉多娜嘅布甸麵包其實已經出咗十世🤓😂不過咁耐以嚟我都只係食過佐敦分店嘅原味同朱古力味🍫(因為唔使排隊😂)每次聽到人講油麻地店要排成個鐘都覺得好誇張😖出名懶到死嘅我就決定等到有朝一日熱潮過去了我先去買(˶‾᷄ ⁻̫ ‾᷅˵)然後！呢日咁啱早咗放工，6點左右去到油麻地諗住經過望下有冇咩包剩，點知！！見到兩大盤布甸麵包！！😱😱😱嗰下真係以為自己發緊夢😂即刻衝去俾錢買咗佢哋返屋企🥹❤️巧感動🥹經過多次食布甸麵包嘅經驗，個人覺得最好食嘅方法排名👇🏻👇🏻1️⃣🥇先放雪櫃雪凍，然後預熱焗爐，將布甸包180度焗2-3分鐘：外層法包會超級脆！而布甸仲係凍冰冰，一冷一熱超正💗2️⃣放雪櫃凍食：布甸會有啲似雪糕❣️不過外皮就會好韌～3️⃣常溫食：布甸會更流心，而且蛋味再出啲，不過食落冇咁驚艷4️⃣焗熱食：外層法包會超級脆！而裡面嘅布甸會熱辣辣，超澎湃地流心💦個人都係愛布甸質感🍮🤓🌟京都抹茶紅豆麻糬法式布甸包🍵🫘 $23用第1️⃣個方法焗熱，外層超級脆🫶🏻上面係滿滿嘅紅豆🫘切開就見到滿滿嘅布甸同中間白色嘅麻糬🤤布甸凍冰冰，呈軟心狀態，抹茶味好濃，而且唔會覺得苦，甜度適中，係易入口嘅抹

每一次經過嘉多娜都會睇下見唔見到3Q餅既存在。佢係一件黑糖麻糬配蛋黃肉鬆既煙煙unun飽肚感十足既台灣3Q餅。有時食完一個當早餐，會有滿滿既能量，不過偶然食一次就好，始終佢都屬於高鈉既食物。個人建議翻到屋企叮熱三十秒，成件餅熱辣辣更加好食。

近幾年應該都冇人未聽過加多娜布甸包🍮 因為佢除左好味之外仲一包難求 因為我排左差唔多兩個鍾先買到😆佢係限量買的 我今次買左4個原味布甸同芝士吐司有人話雪凍佢會再好食啲 我當然急不及待要即刻食喇😋果然冇失望 等咁耐係值得架布甸餡有好多 成個包唔會乾 包身唔會過硬過厚 正啊🫶🏻芝士粒粒吐司呢個吐司🍞冇切 一條咁買 入面有海量芝士粒粒🧀滿足芝士控之選

今日4月6號 清明節與復活節中間嘅一個工作天，放工時間5:30去到平日都塞滿人買麵包，今日唔使迫入去仲要見到好多麵包布甸放喺度。問一問係咪可以買，姐姐仲喺側邊預先入好盒嘅拎比我，其實仲有幾排紙盒入好晒嘅可以賣😍 即刻買2個原味同綠茶紅豆，芝麻布甸各一，當然其他包都每樣買D，難得唔迫人慢慢揀都得。原味好味蛋好厚包夠薄，綠茶好夠甘，但係就唔係好厚包皮太厚，芝麻有驚喜，好濃芝麻糊咁面層奶味好夾，皮都夠薄。正👍🏻👍🏻👍🏻其實舖唔係細，不過次次都人迫人個面包盤一個頂住一個人都，最佔位嘅係收銀位好大，加上同5-6個店員，令到舖入面更少位比客人轉身，點解要咁多姐姐係企喺度🤔🤔🤔多得咁多日紅日假期，又學校假期，好多人又攞假出國去玩，所以令到留港消費嘅一群，可以唔使排隊買到布甸包。😋🥳 如果每次都可以咁舒舒服服買到就好喇🥰🥰🥰

好癲好痴線好好味勁爆多醬既泡芙，先賣$20，份量係人地連鎖店兩三倍，真係食過返唔到轉頭。夾起放落麵包盤個一刻已經feel到勁墜手，知道肯定比足料但估唔到真係咁多充滿晒成個泡芙🤤食得最爽既泡芙omg

🧀芝士酪酪 $20 3個 (8/10)表面芝士鹹香，今次焗得燶咗啲，太焦香😂但入面軟芝士好濃芝士味，好香，真係唔好買燶嘅會好食好多🥺🧀芝士方包 $26 (10/10)麵包好軟熟，較濕潤，上層都有一層焦香鹹香嘅芝士，入面超多芝士，多到分唔到食緊芝士定包，良心得好誇張！每啖都食到，芝士味好香濃，芝士控必食！😋推薦指數: 8.5/10大推芝士系列！

難得經過油麻地！梗係要買嘉多娜既芝士包！26蚊一個，看似好貴！但食落就落就知都幾值！事關芝士粒既份量真係吾吝嗇！芝士粒多過包！每次食完個包，仲淨左成堆芝士，之後我就會買多個豬仔包，將淨餘既芝士夾埋佢食！成本又降低左😂😂岀左今個post，除左超多人排隊買麵包布甸，應該去買芝士包既人都會多左！希望佢下次買吾洗排隊！事關有幾次，我6點半入到店舖，乜都買吾到！所以有心食就早d買！利申，我吾係打手，我都係要真金白銀俾錢買！不過最近我買左次，D芝士粒已經無咁多，希望店主見到止post，可以改善下！

店名: 加多娜天然酵母手作麵包店地址: 油麻地碧街54號地舖油麻地站A2出口，行1分鐘環境: 外賣價錢:3.5/5味道: 3.5/5呢間餸店都算係帶起法式布甸包嘅熱潮，就算依家去到都有人龍排緊🙈不過就排十個人內姐另設佐敦，何文田分店~原味法式布甸🍮$15雖然啲人教話要焗熱食，但我懶放左係雪櫃一夜第二朝凍食，一樣咁好食🤤感覺食緊凍燉蛋配面包咁，入面蛋漿好滑好香蛋味🤩黑白布甸$23面頭牛奶布甸🥛，入面係黑芝麻醬，入口勁濃勁香嘅黑芝麻味🙈但賣23蚊感覺就唔算好值