金記冰室 (Closed)

係街食飯好多時都會遇到一個情況。就係一係飽得黎唔滿足一係滿足得黎唔飽。前者多數係多澱粉冇乜味又冇乜肉。後者多數係啲野好好食但係唔飽。始終唔夠完美。由其係忙左一日身心俱疲之時。係呢啲時候一定要搵啲又飽又滿足既。呢個撈面係一例。輕輕淥過揚開既福面。面上係又香又濃既咖哩薯仔牛腩。薯仔夠粉。牛腩夠淋。重點係啲餸夠多。鋪滿個面。食得夠曬滿足。正呀喂！

呢排响公司好清閑，多咗上Openrice搵食，見到有食評講農夫包，真係好吸引，即刻有個藉口約媽咪去食。星期六中午十二點，要排幾分鐘，估唔到咁早就咁旺場，但大部份食客都係叫午餐，應該唔係為得意／懷舊裝修而嚟，而係為食物質素而嚟，我試食完都有理由相信此店貨真價實。我哋叫咗一個主打農夫包同一個懷舊燴意粉，意粉唔駛一陣就上枱，農夫包需要等十分鐘左右，因為係即焗，保証新鮮出爐。美國牛扒燴意粉 $48 + 熱檸水 $2有兩塊薄牛扒，好林身無根，而意粉軟硬適中，燴得好好味，略嫌粉量較少馬來咖喱豬扒農夫一口包 $71 + 熱好立克 $2一上枱已經好吸睛，賣相靚之餘仲嗅到好香麵包味，咖喱汁係另上既，一ｄ都唔辣仲好香，帶少少椰香，而豬扒就好林好入味。首先食咗個蓋先，嘩！個皮實在太正喇，刀一切ｄ麵包碎飛到周圍係，脆得好利害，但內層又唔會乾同硬，真係好功夫，淨點咖喱汁已經好好味，跟住就開始食麵包盤ｄ內涵，原來豬扒底有少少飯墊住架，感覺無咁寡囉，而麵包盤外層有ｄ位焗到燶咗，當然唔食得啦，但其他地方就焗到卜卜脆，就算凍咗都係好味，其實個包比想像中大，仲要加埋少少飯，最後飽到食唔晒。但係咁，我都真心推介農夫包比大家

【2016 年 1 月 8 日】金記冰室已有 48 年歷史，舊舖位於筲箕灣但是在港島東長大的我，真是無咩印象 ... 這日咁啱經過，就入去食個早餐先 ~~這兒的裝潢以舊式冰室設計 ... 這兒的裝潢以舊式冰室設計 ... 木板卡位，仲掛了幾個西瓜波乒乓球板是餐牌嚟的 ~~點了份金記招牌早餐《乙餐》火腿通粉配火腿奄列跟牛油多士和熱奶茶... 非常港式的早餐現在好多『茶餐廳』都將奄列改為炒滑蛋，我就鍾意食火腿奄列多點尤其是奄列中間煎到半熟的蛋漿加埋火腿的甜味，好好味的烘香的厚多士熱騰騰，面層脆脆裡面又鬆軟而杯醒神奶茶又夠香滑，仲有濃濃的茶香味牆上的仲有搞笑的漫畫『絲襪奶茶』『補身牛肉汁』睇著咁搞笑的漫畫食早餐，心情都靚 D ... have a good day ~~ ** 以上分享是以我的口味、喜好和情況作出分享和感受，一試 / 合用與否請自行決定

金記除左好味, 就係貪佢食物種類多, 絕對係非一般嘅茶餐廳沙律先到了, 但沙律中番茄及青菜伴碟, 都好新鮮, 薯仔口感都正, 加埋沙律汁真係無得輸, 都係$22我同個friend share食, 佢都話好好味.雞扖炒麵, $42, 雞扖又大又厚, 好惹味, 麵條口感都好爽, 彈牙, 鹹度剛好鮮茄豬扖飯, $47, 豬扒 大塊, 焗到有少少脆口, 內裡肉質嫩滑又鬆化, 但又唔會太腍,茄汁濃左少少, 略蓋左豬肉味,個焗飯炒底，好夾鮮茄汁, 正.呢上兩個菜都係同朋友share食, 大家都食得好happy.

今日收工找地方晚飯，想都有一排無食金記的各樣美食，又想來食下，於是就和朋友一齊來了。先來個蓮藕豬骨湯，味道鮮甜開胃。咖哩農夫包($89)當然不少得。咖喱汁依然出色，包的皮又鬆脆可口，牛腩大件嫩滑，真是很難忍口。蒜茸汁牛扒跟薯條鐵板餐($80)牛扒肉味好濃郁， 而且扒身厚薄適中配搭面層稠濃的蒜茸汁好惹味最後還點了鮮豬潤福字面($40)豬潤口感軟腍鮮味，加上味精粉的香濃味，相當吸引!下次再enocre

媽媽今天沒有煮飯,就誠意邀請她一起到附近的冰室吃個便飯。 我們點了條清蒸魚， 他們有很多煮法，有豆豉/清蒸 等等我們當然點了清蒸，健康點吧！魚的肉質鮮甜而滑滑的。今天例湯，木瓜紅蘿蔔青蘿蔔豬骨， 不太咸，味道濃郁，清甜！再點了，田雞煲， 味道一般，火喉不太夠，田雞肉質鮮而滑，田雞要煮得好吃，配料要配得好。金記還有更大的進步空間。

我跟表妹來到妹家附近的一間冰室，我們二人點了雞腿沙律， 沙律有點搞笑的是，有點冰塊，雪得夠冰凍而沒有一點雪味！神奇而味道夠。雞腿，則先滷水然後炸的，炸得適中，不太燶而脆口！飲味我點了滾水蛋， 我的最愛，我歡喜加鹽！味道就像蒸水蛋的味道般，卻是流質成了熱呼呼的飲品一樣。再加一件鮮油多， 一塊大約5mm厚的鮮油！非常足料！多士夠香口，加上鮮油夾在內！入口的質感，非常豐富滿足！

最愛雞翼薯條我到了金記冰室，由於等人的關係，又不知道該到那裡去好呢，地方又要清潔。點了雞翼薯條+凍檸蜜，要煮得好吃，真的難找。雞翼要炸得好吃 就講求不太過火，雞翼肉夠不夠味，炸前有否經過處理 等等... 這裡的雞翼正是我的雞翼mr.right他先經過滷水醃製，再炸雞翼，味道更香更入味，炸得外脆內軟，只是我不歡喜全翼，我只喜歡雞中翼。薯條，又不能過火！味道適中，不咸也不膩！這裡恰到好處。

還記得很早前看過新聞報導，知道其中一家在筲箕灣的老字號冰室「金記冰室」不敵貴租要結業，後來冰室覓得接班人，在西營盤和灣仔重開。這個下午剛好在灣仔想找個地方歇歇腳、吃點東西，便記起附近有間一直有興趣一訪的「金記冰室」。「金記冰室」由門面至內在裝修都帶濃濃的懷舊味道。牆上貼了昔日「金記冰室」的相片和報導，連menu設計成乒乓球拍，有心思呢。沒想到這裡menu上的種類頗多，當中不少屬懷舊冰室食物。除了全日會供應的冰室小食和通粉、意粉、咖喱等套餐/常餐外，到了晚市時段更會供應小菜。我看到這裡有很久沒用吃過的焗飯，一於不作他想，就點吃一份迷你焗飯下午茶餐。金記的下午茶原來星期一至日2點至6點半天天供應。我選的迷你焗飯是白汁芝士焗龍脷飯，而飲品選了熱奶茶，全部才$36，很便宜。熱辣辣的奶茶先送上，茶香不錯，飲起來滑溜不澀。白汁芝士焗龍脷飯同樣熱辣辣。白汁芝士汁濃稠適中，粒粒分明的飯底並非一般的蛋炒飯，而是加上不少海鮮如小蜆肉、青口等的蛋炒飯，看出用料的誠意（這個價錢當然不能期望會有新鮮海鮮粒，但難免因此味道淡之餘亦有點韌，其實單單蛋炒飯已經夠好吃了）。整體來說，這次初訪對「金記冰室」留下蠻好的印象

自從食過金記冰室之鮮油厚多士後，已經回不了頭，平常其他餐廳只能做到鮮油普通多士，食落口的感覺完全不一樣。 今日又到金記，又來一客鮮油厚多士，多士真的夠厚，牛油也是厚身的，熱熱的多士夾著冰凍的牛油，所以非常好咬口，那種半溶的感覺，又是邪惡的食物。

見客, 又來到灣仔, 好, 又同同事去金記先!(錢要留番來買狗糧,我只可以食金記……)今日好餓,就重手少少, 好,咖喱牛腩農夫包咖喱好香, 牛腩好有牛味, 夠林身, 無渣包外脆內軟, 香口而且入面仲有飯, 完全適合我這種食量驚人的女生! 因為extra 有碗汁, 真係好開胃,好得我一個人食晒所有, 係,係所有, 連個包都食晒, 同行同事呆晒~~~~~~~~但係我竟然仲有少少空虛感最後叫左佢:雪糕紅豆冰(同事見我叫又跟風)紅豆都ok大粒, 粉糧足, 夠大杯, 雪糕同紅豆溶混合起來真是好香, 我跟同事都飲到見低!成餐飯大件夾抵食!!! 而且好味!就此, 多謝收看(鞠躬)

我都算喜歡食沙律還記得兩年前到西營盤金記食過幾次沙律，我話雪到好似結冰一樣，啲生果雪到實哂，曾經成為我的一時佳話，但幾個月前天樂里新店去幫襯時見到隔離枱點了沙律，好似幾對辦，所以點了一份浄沙律再試試。沙律到，心想對辦了，沒有見到結冰的沙律，雖然賣相不太好，但沙律中之蘋果及紅蘿蔔、伴碟之番茄及青瓜都夠甜夠新鮮，薯仔質感也很好，配上撈得均勻的沙律汁，味道真的很配合，仲要只是$22，抵食。

同朋友想下午茶一下，食少少嘢，就走左入金記！人唔多，唔駛等位~之前我去金記試過黑牛，不過我可能唔鐘意飲可樂，覺得一般..今次試左另一個奶水！呢個無期望下叫呢個，膽粗粗試~我本身又鐘意飲奶，好好味呀好香奶味，飲落奶味好重朋友叫左滾水蛋，話要落鹽先好飲，佢上次已經有叫架啦，但我仲未敢試好想食麵，佢既特餐唔係麵，叫左個牛腩炒公仔面SHARE食咖哩味適中，牛腩肉唔會太韌，仲有D綿綿牛根沙律仍然係我每次入唻都會想叫既食物明明係有我唔太鐘意既紅蘿蔔，但食落唔會硬！D沙律醬調得少少少酸，夠晒開胃噢...呢個失左準同之前食唔同樣既？師傅轉左人？之前係厚多士，配呢個牛油，真係人間極品架呢個就唔夠平衡朋友話有時外賣都會叫呢個"常餐"羅宋湯意粉我試左少少，原來羅宋湯咁襯意粉又幾好入口少少酸又多雜菜個多士一流啦，我最愛厚多士又夠牛油~蛋我就覺得薄左少少..唔夠質感

假如我沒有金記有時一個人總會有情緒波幅時間，好似我有陣時遇到一啲問題，好多時即時反應唔到，然之後隔左幾個鐘就會呆坐，要有返d energy 先回到魂。我我嘅回魂術就係金記的豬潤公同周記的蝦多士今次因為啲工事令到我頭痕左一個下午，為咗快啲令自己回復狀態，即刻沖左去金記食返個主人公仔麵！一個好食嘅豬潤公仔麵唔係深水埗先搵得到，金記嘅豬潤公仔麵都好出色，首先用想大人細路都食嘅福面，配上好新鮮嘅厚切豬潤同薑絲，幅面煮得剛好唔會太淋，其實我覺得硬身少少上台幾好！因為最怕個麵淋曬走樣，留意記得提醒佢哋要攞埋包味粉，呢個係重點所以！豬潤全熟卻唔會太硬份量夠，食咗不下十次嘅我，最欣賞係佢哋嘅出份都keep到水準！再嚟多個蛋牛治 ，蛋味香濃配上鹹香牛肉碎，令我回想當年同個同學仔係修打蘭街茶記食早餐再返學的日子。人係應該很不同嘅時間為自己補充能量，呢啲能量唔一定係貴價餐廳先有，反而係一啲令人回味嘅食物先製做到正能量！

已不知有多久沒有吃過炒牛河, 於是就拉了好友來一間茶餐廳, 滿足下自己的食慾.到了金記冰室, 二話不說就點了一碟瑞士汁炒牛河. 看這瑞士汁炒牛河, 無論是河粉, 還是牛肉塊, 都掛滿了深啡色的瑞士汁, 炒得均勻之餘, 亦炒得乾身. 原以為這碟牛河味道會偏鹹, 出乎意料地, 它的鹹度是剛好, 更帶有少許甜味. 至於牛肉塊, 份量頗多, 吸收了瑞士汁之後, 更是軟腍香甜哩.另外, 又點了西多士給大家開心share. 西多士不算是十分厚, 但它卻是沾滿糖漿. 西多士上的那片半溶牛油, 功不可沒, 它令整件西多士的甜膩度減低了不少.自從幾年前因喝過凍奶茶, 導致胃痛入急症室之後, 我就甚少再喝奶茶, 就算熱的也不喝. 不過, 既然此時已經不是空肚, 就點一杯熱奶茶吧. 熱奶茶的茶味頗為濃郁, 有輕微苦澀味, 奶香又夠幼滑, 我沒有加糖, 也可整杯喝光.