金記冰室 (Closed)

去到金記冰室食晚飯，梗係要叫佢嘅招牌菜~咖哩牛腩農夫包識得食梗係食咖哩牛腩農夫包重口味的菜式，咖哩香濃惹味、微辣，食唔到辣嘅都唔怕～仲分上咗咖哩汁，可以狂點包食牛腩煮得夠諗身，跟咖哩更是絕配。農夫包外脆內軟，絕對是麵包痴的至愛。一個人食哂成個或HAPPY SHARING 都好正~食食下農夫包，見到有人叫西多，為食嘅我地又跟住叫。即叫即炸，炸得漲卜卜，上枱時仲見到閃令令嘅油。但咁先係正！外脆內軟，內層夾住滿滿嘅花生醬，對出面嘅西多已經失望夠，係呢度食番細個時嘅味道，每一啖都係傳統嘅好味道！另一要試就是家常小菜㰖菜肉鬆四季豆，屋企少煮四季豆，因火喉唔夠就炒得唔好食。夠火喉之餘亦不會太油，㰖菜嘅鹹香味，送飯一流！唔夠訓有D作病，叫咗杯熱薑檸樂唻順喉，薑味濃，飲完鼻塞都通埋～今次食嘅全部都係細個鍾意食嘅，跟回憶嘅味道一樣，值得再來。

一入門口就見金記冰室個金漆招牌果然歷史悠久店內的牆仲有好多相片同文字簡介歷史至於今日黎金記就係為左食呢個傳說中的咖哩牛腩農夫包 ($89)呢個咖哩唔太辣, 少少辣多多趣牛同包的香氣聞落已好吸引, 牛腩好味夠腍又有口感成個包脆脆地都好好食真係一試難忘

經常在灣仔，金記可以說是我的飯堂。這天來這裡，兩個人，第一次叫餸食飯，又不錯呀！㰖菜肉鬆四季豆與梅菜蒸鯇魚⋯⋯兩樣都是很家常的小菜。㰖菜肉鬆四季豆炒得夠火喉，很香㰖菜味又不會很鹹，味道剛剛好！梅菜蒸鯇魚也不錯，鯇魚也很新鮮，加上是幾大條的鯇魚，肉質滑得來不會太稔！飲品仍是黑牛 － 是我最愛的呀！這一餐很滿意，很有家的味道！

恩人去年誕下羊女，坐月後已成功收身 ，週五有空即相約小肥午聚。為方便大家返工，地點就揀喺兩人公司中間o既「金記冰室」。「金記冰室」不但招牌用上金漆打造 ，原來歷史仲好悠久添，詳情可於店子牆上o既相片及敘述睇到。冰室用上o既裝飾似乎都屬於小肥出世前o既年代，如浴盆、金盆、玩具波波等，喺電視電影中可能會見過，實物都係第一次見 。造成乒乓波拍形o既散叫餐牌好有特色。為節省時間，午飯時間當然係叫返精選午餐安全啲啦 ！一如其他港式冰室及茶餐廳般，餐具全為自助式。套餐包有餐湯，可選例湯或羅宋湯。是日中湯為「蓮藕湯」，味道甜濃，冰室貨式尚算合格。另送熱飲一杯，連隻杯都帶有懷舊味，睇得出有花過心思 。細佬所揀o既齋啡熱辣甘香 ，意外地好好飲！恩人點咗個照燒汁雞扒飯（$42）。 冬菇蒸肉餅飯（$41）：XO仔叫o既蒸肉餅清甜鬆軟，而且一啲都唔肥膩，夠味得黎食落好健康，屬高水準之作 ，$41真係抵食呀！與恩人首次光臨「金記冰室」，二人對其美味o既午餐都非常滿意，亦抱有驚喜，老店金漆招牌果真堅過石堅 ！

之前喺西營盤金記冰室早已聽聞灣仔金記冰室很不一樣，好想嚟呢間食下～ 原本打算平安夜同朋友們順道嚟灣仔呢間食宵夜，點知晚上十一點去到原來關咗門，是晚同3位朋友再嚟呢間食晚餐。一入到去就見到好多舊玩具間隔兩邊，牆上仲有大大幅康樂棋畫，極有懷舊時光。呢間同西營盤分店有咩唔同？最大分別係呢度多咗好多小菜食，所以今次我哋主要都係叫小菜同飯～至於懷舊飲品同茶餐廳小食，呢度都有供應。先嚟蒜蓉炒雜菜，雜菜有聖瓜、西蘭花、苦瓜同菜心，炒得幾爽口，連苦瓜都有得食，食落唔苦，估唔到大家最搶手食晒嘅係苦瓜～HAHAHA蟲草蒸雞，侍應話呢個SET晚餐係2星期先有一次，肉頗滑，啲汁用嚟送飯好味道！蒸鯇魚腩餐，魚頗滑，加埋甜豉油送飯亦一流，傾下計食下魚，食下食下KO晒成條魚喇XD 咖喱牛脷撈麵，我麻麻地牛，如果餐牌有咖喱魚柳撈腩就好喇！我不嬲都欣賞金記嘅咖喱汁，依舊係少少辣好惹味，以前食咖喱飯／農夫包多，不過一樣嘅汁，改撈公仔麵卻略嫌濃咗啲，如果溝稀少少無咁「漏／結」更加好，都係掛住咖喱農夫包多D～ 哈哈茶餐廳嚟講，食物算係好唔錯，支持金記！

宅女的獨獨樂下午茶成日有女仔同我講唔鍾意自己一個，好難自己一個食飯自己一個去睇戲自己一個人行街但我就幾享受適當時間去自己一個，當然唔係希望長期係自己一個啦！但係好多時例如約咗朋友，如果有時間又會早少少去自己行街食少少野就好似一日約咗朋友去睇戲，剛好佢會少少遲，咁我就出去自己食咗個快餐下午茶。一個宅女，同你講話走去酒店食下午茶都唔信啦！宅的一刻，最好去食茶記，茶記能給每個香港人好多回憶。一個人，食咩好呢？就叫個西多啦即叫即整，上枱新鮮滾熱辣，炸得金黃，外層蛋漿豐腴，蛋味都幾香，沾上蛋漿嘅面包外脆內軟，你知唔知點解大型連鎖快餐廳西多咁難食，爭咁咩？係heart , 有heart 嘅西多最緊要係裡面係認真地塗花生醬，你每啖都食到花生醬的香味，而唔係得中間一個位無啦啦有一Pat ，嗱！金記呢個西多就真係有heart la!記得小時候西多必記配炸雞翼金記有樣好，雞翼，雞脾，魚柳，豬扒係可以散叫，好似中學係小食部落單咁，逐樣叫，所以我就叫左炸雞翼，自行組合並懷想過去。炸雞翼用瑞士汁煮過，外皮香脆，内層多汁，又夠大隻宅女下午茶，咁先似樣咖媽！

大家有睇奶油包既食評既都知我有幾鍾意食金記而係天樂里呢間金記真係俾到一個非一般感受俾奶油包唔係話佢同西營盤既金記係食物上有咩分別而係係Service上話說天樂里金記有個waiter好鬼正既佢會同你講『唔好食咁多旦』『幫你個餐轉XX啦』呢D好溫馨又好攪笑既對白就係因為呢位waiter奶油包今次就冇再食我既至愛『豬潤福面餐』講左咁多...不如睇睇我今次食左D咩先啦首先就要左個咖哩牛腩農夫包對於唔食spicy既奶油包嚟講呢個咖哩唔spicy之餘仲好香...牛腩又好味個包個蓋位仲有牛油一個字....正...當然有食物就要有飲品啦今次奶油包冇要紅豆冰改行要左杯黑牛朱古力雪糕配可樂簡直係perfect match....打緊呢篇文既時間都好想再去金記叫返杯飲...

上次食完今次又因為做完野係灣仔諗唔到食咩又走左入黎😂老老實實，冰冰茶餐廳真係好friendly,自己一個毒毒黎又得，兩三個人黎又得。今次同朋友一齊，叫得多過上次。當然唔少得我最愛既咖哩牛脷撈公仔麵！又入味又足料！不過今次啲咖哩太傑，所以有啲乾，同辣過上次，而牛脷就一貫地林😍好正！跟住試新野：魚腩，有幾種煮法，我地叫左豉椒蒸，ok冇失望，蒸得啱啱好，又滑又入味。然後叫多個冬松草蒸雞，伙記推介先叫，送飯一流！可能我食得幾咸，所以食清淡既朋友可以三思😂最後順帶一提，飲品隨便叫左忌廉，點知...係樽裝嫁！！！！好靚好有味道😂😂😂

小時候, 假期賴床, Rei 媽總會在樓下大排檔買公司三文治我跟細佬做早餐, 那時候一人兩件很飽肚, 很滋味!人大了, 很久都沒有吃過地道的公司三文治, 某日, 見完客,在老銅, call 埋附近上班的朋友去了一趟金記, 決定重拾童年回憶賣相跟小時候一樣, 厚厚的, 色彩鮮明, 叫人食指大動,一副”吃我啦” 的樣子!才拿起來, 未吃已聞到很香!等等. 神馬? 芝士??????? (我唔制呀, 我唔食芝士架, 要了番出來)除左芝士之外(我個人問題), 包烘得脆, 足料! 蕃茄加生菜帶來清爽感! 跟回憶的味道很似!再加一支可樂! 係飲可樂一定要一支! 才夠氣,才好味!吃完”ur” 一聲的感覺真好!就此, 多謝收看(鞠躬)

可能大家見到我的網誌上都是些貴價一點的餐廳，其實小弟是十分喜歡地道的平民餐廳，特別是茶餐廳的食物，甚麼蛋牛治、西多士、沙嗲牛麵及凍檸茶等等。在租金壓力下，不少舊式冰室及茶餐廳結業，幸好最近，有不少舊式冰室陸陸續續回來，其中一間就是金記冰室了。店內帶有懷舊的色彩，連餐牌都經過特別的設計，用上乒乓球拍，相當有趣。說回食物方面，最喜歡的必定是西多士，有餡、無餡、煎的及炸的都吃過，沒有餡及經半煎炸的西多士已不復見，總是在加入花生醬在內，顯得更為豐富，味道更有層次，不過我還是喜歡簡單一點的。既然還未滿足，就來個鮮牛油多士。厚厚的凍牛油夾在熱辣辣的多士內，非常邪惡，可是又很美味，真是情義兩難全。最後，加上一杯懷舊的菠蘿冰就非常心滿意足了。金記冰室灣仔天樂里6-18號恆安大廈地下D及E舖下午茶($30-$40)******************************Email (zysk@ymail.com)Blog (www.jamelchui.com)FB Page (fb.com/jamel.food)Instagram (instagram.com/jamel_zysk)

去完灣仔道電腦商場，又要找地方醫肚，又去返最近的天樂里金記冰室，想叫咖哩農夫包，但一定食唔哂，所以叫了咖哩牛腩撈公仔麵，$45，咖哩汁香濃，撈公仔麵後更入味，公仔麵沒有過腍，幾彈牙，牛腩不會太韌，整體上好食，叫了凍奶茶，加$3，夠凍茶味又夠香滑，不過忘了拍照。

中秋節，應節食品當然是我們多變的月餅啦！伍仁一向是我家必備的月餅款式，家人對此著迷得不行。反而似乎更為家傳戶曉的蓮蓉，或是新穎多變的冰皮月餅也非他們所好。今年除了榮華等大牌子的伍仁月外，得見早前嚐過的金記冰室也推出了月餅。當然也是傳統口味，但就只有兩款，雙黃白蓮蓉及伍仁。我只喜歡黃蓮蓉，而家人就最愛伍仁，想也不用想，後者才對嘛。　　跟傳統懷舊的冰室主題同樣，連月餅盒設計也是舊式的。有點樣在看香港歷史博物館入面的展覽配飾，中秋時節更見氣氛。營養標籤正規，重點是有明細列出熱量之類，又要食又驚肥不就是我們平日的寫照嗎？金腿伍仁月餅　$336（8月31前訂　$228）　　印上金記冰室四字的月餅大大份，不是盒大餅小的呃稱版。切下去的時候總覺得有阻滯，一直硬實得很，切都切不開。直到看到其切面就不言而喻了，這麼足料重手的話又有什麼可能不難切分呢？完全堆滿伍仁，填充整個畫面的不是粉漿，拿上手也不太油膩又不易鬆散。伍仁包括瓜子、腰果、白芝麻、欖仁及杏仁，果仁脆口嚼感豐富。本來果仁的味道及香氣都算不俗，用的又是花生油，更為添香。　　金華火腿佔量多得出奇，隨便咬一小口已經會有絲絲鹹香不油膩的火腿絲。糖冬瓜及

過到嚟灣仔做左大半日野，唔知唔覺連hi tea時間都過曬，就近簡左呢間金記，話說呢個金記冰室已有半個多世紀既老字號，有咁長歷史既字號，D嘢應該可以既，一於試試距。一入去就知道呢度D服務就麻麻哋，呢D店都系咁上下服務既啦。環境還算可以，用吊燈做下裝飾，個後氛都可以。好多款式任君選擇，睇住個菜牌就覺得可以下既。我簡左個咖喱豬扒撈麵，香濃既咖喱淋係豬扒同個麵度，睇住個樣都好吸引人，餓得等不及待，影完相馬上開動。入口仲慢慢食？ 餓到不得了，一下就一半無左啦，老世，呢份嘢系咪一只麵都無啊，豬扒系唔系放少舊比我啊整返杯奶杯奶茶嘆下，嗯，都幾滑下，奶、茶調得還算適中，唔太甜，剛剛好。未食飽，但都頂住下啦，晚上再食返個宵夜，食系我既本能

到了附近的金記冰室，等朋友等得太累了所以就找個位置坐下來我點了一個豬潤福字麵有趣的是多年來了他隨便附上一包味粉很少地方已經會那麼老實保濕的原因是因為軟包福字麵味粉放在旁邊冇花冇假是真實的福字麵味粉。必須要記得落味粉否則會沒香沒味道。豬潤得非常鮮味，想不到連冰室都可以煮得這麼鮮味。福字麵現在很少地方有得吃了！令人多麼的回味呢！ 此外，必須一提的是金記冰室的室內環境呢。設計非常精美，懷舊！相信很快會再來呢。

亞視雖然弱，但偶有佳作，其中一個幾分鐘嘅資訊節目「當年今日」，顧名思意，就喺想當年嘅同一日，世界發生咗咩大事。今晚同朋友嚟到「金記」食餐便飯，睇見啲「西瓜波」就即刻想起當年今日撻拖鞋踢波嘅情景。晌西環重開嘅金記未有幫襯過，嚟新開嘅灣仔店就貪其就脚方便。一室裝修大賣懷舊風，亦喺唔少人特意去幫襯嘅誘因。我依等中佬，睇見咁多懷舊嘢，自不然回憶起唔少以前細細個嘅片段 。翻開盞鬼嘅「乒乓波拍」餐牌，第一版就見到金記嘅介紹，緣來緣去，晌度唔多寫，自己睇睇！以前啲冰室，都喺賣三、五、七類嘢，邊似依家嘅茶記，十項全能乜都有。所以，金記自詡為冰室，實質如茶記般有過百款食物選擇，由早餐、常餐、小菜套餐、沙律餐、懷舊套餐、馬來咖喱、公仔麵餐、懷舊學生餐、精選焗類、意粉、碟頭飯麵、薯條、三文治、多士、漢堡包、新鮮蒸魚套餐、小食、冷熱飲品，到懷舊特色飲品……等等 ，一應俱全，不愁無嘢啱食！本來試吓佢嘅炸雞髀、沙律，回味吓「銀禧小食店」年代嘅味道。不過，遇著佢有啲冬季新嘢，朋友就話要貪新鮮試新嘢 。廚師冬季精選，有4款小菜選擇（$88-$118），另外仲有一個臘味精選套餐，共5款臘味飯選擇（$55-$78）