金記冰室 (Closed)

自從上次來過位於灣仔的金記冰室食飯後, 上星期突然心血來潮, 做完FACIAL後, 過來這裡食過簡單晚飯才返屋企.這裡的裝修充滿懷舊的風味.連餐牌也充滿玩味.由於不是太肚餓的關係, 我點了這裡出名的豬膶配福字麵.平日食豬膶我多是配粥食, 配麵就較少, 因為好怕豬膶又硬又乾.但這裡的豬膶夠腍身, 但唔會覺得乾, 口感不俗. 這樣食與配粥食口感完全不同.福字麵我間中也會係屋企煮來食, 方便又快捷.入口時麵是較我自己煮時彈牙, 還是大廚煮的好味. 食完麵後, 當然要嘆番一杯黑牛.以前我唔知黑牛是甚麼,直到後來我問店員才知道.冰凍的可樂配上香濃的朱古力雪糕, 兩者真係非常之夾.

同朋友經開灣仔，見到又係金記？咁呢個對於我唻講，方便過西營盤好多呀！想食都唔駛去到咁遠...都係一樣有特色既裝修...上次聽朋友講黑牛好飲，我今次都叫唻試下先朋友話要撈埋d雪糕先飲係佢應有做法um...我可能始終都唔係太鐘意飲可樂，覺得一般啦..中湯同西湯..我個人都比較鐘意西湯..好傳統呀我揀左中湯..果日係南瓜...唔記得咩湯..好足料架都一樣有叫農夫包..上次揀左牛脷今次係牛腩，唔知係咪始終唔同師父...我覺得呢個好鬼好食呀芝士味又夠重！牛腩又好嫩喎！個包蓋都好好食...下次都仲會食！朋友鐘意食魚，本身想食鯇魚，但無..要左呢條...我都唔記得係咩..但都唔錯喎！雖然未到十分嫩，但係都少少嫩啦...我都挾左唔少唻食之後見到呢個餐牌，我鐘意炒飯呀！試下呀喂！嘻...我眼殘，以為係炒糯米飯，原來係普通飯黑松露就真係唔係太食得出，加左蠟味..鹹鹹地炒飯咁呢個南瓜飯拼芝士西蘭花抵，2個咁拼都係$118(我記得係)個飯好正！不過食到底就只有白飯，唔夠撈唻食如果底底面面都咁多南瓜同芝士就滿分啦！呢個都係淡淡黑松露味呢個係雙雞煲，有雞同田雞不過我唔係好識欣賞，只係食左1舊，我食果舊d肉唔嫩..

今日放假，同BB去拍拖，天氣又凍，我地就去左食臘味啦~我地叫左個黑松露臘味炒飯，同埋火噴噴鴛鴦雞煲。黑松露臘味炒飯黑松露香唔會蓋過臘味炒飯嘅味道，反而臘腸香味濃郁，整體味道適中，口感亦不錯~火噴噴鴛鴦雞煲內有大蔥做配料，有切雞和田雞，仲有豬膶，切雞肉質一般，但田雞滑到飛起，豬膶肉質唔老，加埋個醬汁，配餸食飯，正有野食就有野飲BB叫左個白雪公主，襯佢嘛~我就叫左個黑牛食完呢餐，天氣凍都變暖笠笠啦，加埋BB,就等於sweet了~啜卜

的確甚少去冰室, 在我心目中, 冰室只供應一些懷舊食物, 如菠蘿包、蛋撻、西多士、奶醬多、奶茶、鴛鴦等等, 通通都不是我喜愛, 故走入冰室的機會少之又少, 但今次跟朋友來到這間冰室聚餐, 令我對冰室有另一番體會。金碧輝煌的門面配上金光閃閃的招牌, 極之搶眼, 透過落地的玻璃門窗可清楚看到冰室內裏的環境。推門而入, 內裏的裝潢與充滿霸氣的外表完全不同, 門口設有一個放滿玻璃樽汽水的大雪櫃、牆身畫上通卡公仔、以漫畫介紹冰室的食物, 還有掛了一些懷舊的玩具, 如西瓜波、波波池中的小膠波等等, 帶點淘氣和歡樂。冰室的地方不大, 設有一排卡座, 還有一些圓枱和方枱, 座位不算多, 今日七時多來到已差不多坐滿客人, 挺熱鬧。每枱已放好餐具、餐簿和一個懷舊的砂糖壺, 馬上已被那本色彩繽紛兼設計有趣的餐簿吸引着。乒乓球拍外型很有特色, 內有不少可愛的插圖, 分門別類編寫, 有懷舊特餐、沙律餐、秘製咖喱、公仔麵、中式小菜等等。除了乒乓球拍餐簿外, 牆上亦有冬季精選餐牌、臘味精選餐牌和是日晚餐牌, 的確選擇極多, 差不多想食乜都有乜, 總有一款合大家心水, 厲害!*********************

拍拖都唔一定要食到好貴既，想要平又有驚喜，呢間冰室實幫到你……今次點既野食，係出面真係搵唔到。唔好諗住佢係一個包，因為佢more than 一個包。其實初初有d淆，因為我唔太食辣，但呢度係出名呢個包嘛！不過食落口，隻咖哩充滿住濃濃芝士味，辣既程度大幅下降。牛腩煮到岩岩好又夠冧。個包蓋卜卜脆，點住咖哩食，簡直perfect match。當你以為咁就完?咁就錯曬啦，原來下面仲有飯係底！！！好飽肚不過美中不足既係，個包底吸左好多汁，所以唔太脆……食左咁耐，緊係叫返杯野飲。女友天生愛挑戰，點左杯窩蛋牛肉汁。究竟係杯咩飲品，我真係完全冇概念…真係有隻蛋唔係講笑。個味道真係幾難形容，就好似一杯牛肉濃湯咁，咸咸地。飲幾啖又真係幾過引，不過成杯就………我覺得自認好奇既你地可以一試~叫返個湯黎中和下先……呢間野連羅宋湯都整得好好味。佢唔止係蔬菜湯，仲有好多蕃茄蓉係入面，夠足料。

又同朋友到金記食晚飯，每次去到都要等一陣，因為都幾多人，上星期食咗黑松露臘味炒飯，今次試下火噴噴鴛鴦雙鷄煲($88)，跟湯及熱飲，再加一客咖哩牛脷撈公仔麵($38)，跟熱飲。咖哩牛脷撈公仔麵先到，金記咖喱不嬲夠香濃，不會太辣，撈麵/飯食一流，牛脷算腍但又好咬口，不過今次啲麵淋咗少少。我要了中湯，南瓜肉排湯，南瓜味濃，湯頭夠甜。火噴噴鴛鴦雙鷄煲上枱，侍應叫小心個煲好熱，真的堅熱，問侍應甚麼是雙鷄？是田鷄及冰鮮鷄，田鷄剛熟肉質夠彈牙、鷄件雖是冰鮮鷄，不過都夠嫩滑，還有煙韌的豬潤、香噴噴洋蔥等，配上白飯，好食。飲品當然繼續點較早前從網上得知「甜飲全球每年殺18萬人，凍檸茶是兇手之一」成日害人不淺嘅兇手凍「檸茶」，我當然唔怕死，呢杯飲料夠凍夠茶味，合格。

今日又到了灣仔附近交收，之後會行去銅鑼灣，途經天樂里，又去金記醫肚，見到有廚師冬季精選，有臘味精選套餐，凍凍地，叫了一碟油香臘味飯，$55，送羅宋湯/中湯及熱飲，凍飲加$3。叫了羅宋湯，好重番茄味，又夠多雜菜，不錯。油香臘味飯，臘肉夠肥美，臘腸夠香口，更不可忽視是豉油汁，配白飯一流。凍檸茶，茶味算濃又夠凍。

這天晚上同Mr.K去完電腦中心買野，打算行去銅鑼灣開飯，行過電車路竟然見到金記冰室的新店！裝修仲幾得意，我係食裝修大的死港女，一於就決定今晚食港式茶餐做晚餐！餐廳一角掛滿左西瓜波，仲有膠鴨仔，不過最吸引我係嗰隻雞，我以前都有一隻，因為我太頻繁地玩，一個星期內俾我玩死左，都算童年回憶啦......雪櫃仲用傳統舊式雪糕放樽裝汽水，好懷舊！咁我地都叫左個懷舊飲品，我叫左外表清純的白雪公主，即係七喜加雲呢拿雪糕上面再加忌廉，呢個公主一啲都唔純潔，邪惡到爆炸！Mr.K就叫左黑牛，即係可樂加朱古力雪糕，So Sweet 啦！唔凍的冬天已經到達！金記都有冬天的餐牌隆重推出，我地叫左火辣辣鴛鴦雞煲！鴛鴦雞係切雞同田雞，用窩仔熱住咁上枱，熱辣辣又香噴噴，聞到都好想食呀！滑雞田雞固然滑溜，又入味，好快我就食左半煲了，當中仲有幾片豬潤夾雜在入面，竟然地，豬潤好好食，無渣又唔臭！第一次食豬潤係咁enjoy !（平時叫阿媽買粥，艇仔永遠買左及第，我都會掉晒啲豬潤！）另外仲叫左兩個飯，先嚟係黑松露臘味炒飯，用得黑松露，當然香味唔會輸蝕，金黄色的蛋炒飯，配上點點的松露，賣相好吸引。輕嚐一啖不得了，臘腸的肥油漏晒出嚟

✿╮❤╭✿✿雜感女生 好味日記✿˚*•✰。金記冰室 冬日溫粒粒 。✰•*˚✿✿被南瓜海鮮飯征服✿✿❤餓底食影❤❤金記，是一家令人試完想再去的冰室天氣突然轉冷金記今季冬天限定的好味菜式剛好上市於是下班後就和朋友到灣仔找金記今次試了超正的✿ 南瓜海鮮飯和黑松露西蘭花✿兩個菜都有好香的芝味！南瓜海鮮飯香口南瓜甜，海鮮香配上熱辣辣的飯，真的好好味！黑松露西蘭花的芝士超多西蘭花是本小姐最愛的菜黑松露的調味非常出色芝士拉絲引人入口！✿羅宋湯 ✿個人認為一到金記必點的招牌湯好味到震震震震我次次來，次次都飲色香味全！飲杯！✿油香臘味飯✿秋風起，食臘味肉質香口，油香而不肥臘肉油脂分布得剛剛好臘腸更充滿甜甜的肉汁配,豉油香飯，吃多幾啖冬天不用怕了！✿ 咖哩公仔麵✿為食之過也，根本已經飽仲想食咖哩！呢間的咖哩真係好好味

第一次食豬潤公仔面，啲豬潤唔老，亦唔粉頭。但我食落去果種感覺似分開煮。豬潤還豬潤味，公仔面還公仔面味。火腿奄列，好滑，似落左糖去煮。口感一流。份量夠一個唔大食的人食嘅。

行完銅鑼灣想搵飯食，誤打誤撞入左黎，叫左個薑蔥魚腩配飯同湯＄78，另外見到有樣飲品叫窩蛋牛肉汁，抱住打大佬既心態叫埋！ 魚腩幾多骨，但個味調得幾好啲蔥唔會唔熟咁，正好辟到腥味，魚腩肉又唔會散晒，可以真係一舊舊咁送飯，餐湯係羅宋湯，蕃茄味好濃烈，鍾意蕃茄味既應該會鍾意，唔鍾意酸既就揀返中湯lol 至於個牛肉汁.....好似細個偷呀媽煮完餸啲汁飲咁，好搞笑！

冰室乃香港既集體回憶。作為偽文青, 當然要感受一下這股懷舊的風味。餐廳裝潢佈置別樹一格，充滿港式風味，就連餐牌也悉心設計。因為想閑坐一段時間，為了可以好好享受一下。 所以特地點了個下午茶餐，好讓我可以嘆一個下午。-------------------招牌鮮豬潤套餐 $41 --------------奄列配牛油方包這個組合毫不陌生，配上香滑咖啡是每個茶餐廳必備。重點在於豬潤麵 ，特地加$5轉福字麵底，有福麵既茶記應該絕無僅有。大片豬潤厚切充滿口感，加上薑絲辟去腥味，是一種吃得到的心思。褔麵超市雖然有得買，但加上薑葱調味，就成了豪華版即食麵。 作為下午茶，在懷舊的環境下享受慢活確是個不錯選擇。 

超級無敵農夫包朋友介紹我黎間冰室食農夫包，果然名不虛傳。其實我本身諗住黎食個下午茶，一聽個名諗住淨係一個包唔會好飽肚，點知一見到農夫包真身，就知今晚可以唔使食飯。我叫咗咖喱牛腩農夫包，個包好明顯係特別訂製，大大個，外脆內軟，同啲咖哩勁夾，個包底因為吸得多咖喱所以有啲林，但係食食一定係食個包蓋，個頂脆到咬落去有聲，啲咖喱又勁重椰汁同芝士味，怕辣嘅人其實完全唔使驚，因為根本一啲都唔辣！你以為咁就完？錯啦！個底仲有飯啊，係炒飯呀！個飯一啲都唔頹，加埋啲咖喱同個包好似世紀絕配咁lol配埋杯白雪公主真係絕配完全唔使食晚飯！

西環食堂嘅分支 灣仔食堂 又泥金記睇來我對金記真係充滿情意結，只要金基有開嘅地方我都係出現。今次同朋友去咗鵝頸橋附近買打邊爐用料，買買下攰攰地就行咗過去咁幾時食返個茶餐。坐低叫左個常餐豬潤麵套餐。面改豬膶通粉，因為通粉會吸到多啲湯，而且禁忌啲通粉都幾好味唔會腍到一pat. 呢度嘅豬潤實屬出色，可以媲美深水埗，用上新鮮黃沙豬膶，厚切，雖然全熟，但絕對唔會硬！配上薑絲劈味，正！套餐仲有炒蛋同埋方包，一個土泡下午茶餐咪就係咁囉！唔夠喉再叫多個鹹牛肉三文治烘底！煎個嘅鹹牛肉，加上看得救嘅三文治底，配上少少牛油，簡單好食！

有哪些食物能代表香港的懷舊和集體回憶?  也許在這冰室能找到答案?朋友推介下便一齊來到這家冰室吃晚飯，一坐下已被牆上的漫畫所吸引，簡介這店的特色飲品和歷史，色彩繽紛也很有特色原來金記冰室前身為筲箕灣的大排檔，老闆陳桂秋伯伯於1967年租下筲箕灣道的舖位開設金記冰室，至今已有45年歷史，想知更多就留待大家去到再慢慢看了。先來的羅宋湯已先聲奪人，味道夠香濃，酸中帶辣又足料。跟住試另一懷舊飲品的窩蛋牛肉汁，不是難飲，但味道是非常之獨特地...怪。想起以前讀書時阿媽給我飲的白蘭氏雞精。這個是非一般的粟米班腩，魚柳意想不到的大塊和厚，爽脆內軟，爽口又新鮮。有肉當然要有返個菜，炒西蘭花，不錯，口感適中，不會太腍。傳說中的咖哩農夫包，上枱已被其獨特賣相和咖喱香味吸引。法包好脆，咖喱夠惹味，牛腩好稔! 相當豐富美味的晚餐，又有懷舊感覺。每人也只是約一百幾十蚊。而且想不到區區一間冰室，Menu居然還有很多菜式，下次再來慢慢試。