金記冰室 (Closed)

放工後約左朋友7點食飯 每次想食港式野都諗起金記 可能食慣左唔想諗坐低左就望下餐牌睇下想食咩 我每次都會叫沙律雞翼隻雞翼好香又唔會好干 正 每次食左沙律都飽左幾成 哈叫左份中式小炒 蝦醬牛肉炒芥蘭 跟餐有白飯同餐湯 由於好耐冇食過蝦醬炒既餸 一上枱聞到蝦醬味已經流口水 牛肉好林帶咸香味 芥蘭爽口 好快就排左半碗飯熱飲杯會印住懷舊建築物 有特色

和朋友來金記食飯，最驚喜是看到竟然有魚食，當然要order。黃鱲鯧，外表好肥美，食落亦的確好鮮美。芝麻黑糖醋骨，味道酸酸甜甜，肉質軟滑。($68)豉油王雞翼連沙律 ($48)豉油配上脆嫩雞翼好惹味，沙律都清新可口實在幾特別的冰室享受!

聽過朋友話呢間餐廳農夫包好食，但一直未有機會。終於比我等到啦。一坐低，二話不說，一定係咖哩豬扒農夫包。撲香"咖哩豬扒農夫包"是我大力推介，麵包表皮香口，再配合濃香芝士，豬扒都好腍，正！呢個係要熱食先好，凍左反而有d硬，所以通常好味既野，一上枱就即食架啦，唔好等！炸雞髀，表面炸得好香脆，內裡雞肉滑嫩，又好juice,食完後，齒頰留香。Size方面，都算大隻，而且唔油膩。懷舊沙律有口感，份量足夠2人食，其實3個人都可以。酸酸甜甜的，醒神又開胃。下次去，好想試下佢既黑牛或紅豆冰，呢個都聽過話好味。

早上來到金記食早餐。記得以前筲箕灣金記結業果時係因為捱不過昂貴的鋪租，香港每日都重覆發生小店難為的故事。然後，今日看見金記係港島區開左唔少分店，再去新金記，一踏入門口，感覺好靚，但已經唔係以前既感覺，舊金記老闆當然唔係店度，抬頭到處都係舊金記的新聞報導，仲有新式的懷舊裝潢，擺幾個懷舊玩具，痴張牆紙就想厄到我？咁就以為有舊式冰室的感覺？傻啦，只會令我越食越唔自在，心裡好唔舒服。食物質素當然無問題，我食左個榨菜肉絲蛋米，個湯要讚，都都幾好味，食完仲可以飲哂d湯。但我只係會想，金記究竟經歷過幾多，才走到這步？

收工經過天樂里，看見門面光鮮的金記，便決定在此吃晚餐！瑞士汁乾炒牛河 - 香氣滿瀉～河粉炒得乾爽且條條粉明！醬汁甜甜的，不太油膩之外食落有穫氣。面層滲上芝麻增加口感！炎熱又焗促的天氣，明知凍飲對身體是不好，但始終會按捺不住！黑牛即是可樂加朱古力雪糕，可樂夠冰，飲完很舒服很爽快！雪糕挺身不易溶，食落朱古力味頗濃！

香港太多「摩登」的飲食地方，有時真想感受一下懷舊的風味。相約一班認識多年的同學，來到這間充滿七十、八十年代風格的冰室，一起細數兒時趣事。先來一客炸雞脾沙律：雞脾雖名為炸，但同時吃到滷水的味道。用炸鎖住滷水汁，雞皮帶有香脆的口感，肉質鬆軟，香口無比。吃過一口經典冰室沙律後，沒有滯的感覺，反而更加醒胃，為迎接隨後出場的主菜打開序幕。必點之選，長期在最受歡迎名菜排行榜No.1：咖哩豬扒農夫包剛開上檯已聞到非常濃郁的味道。趁同學們還在「想當年」的同時，我已先食為快。麵包的軟熟，配上大大件牛腩，加上少少芝士，三合一的味道刺激味蕾，就這樣簡單食已是令人感到回味無窮。再試沾上味道香濃的咖哩汁，嗯...有一點點辣的感覺，小女子不是太受到辣的刺激。但身邊的同學們都把麵包點滿咖哩汁，想必美味非常。 (喜歡食辣的朋友，不仿一試)刺激過後，要用清淡來平衡一下：鮑片西蘭花西蘭花吸引了鮑汁，味道不錯，爽口。鮑片口感不錯，厚身彈牙。同學們都喜歡食辣，所以主食方面點了：星洲炒米份量有點少，每人都分不到很多。初時以為很辣，但原來是可以接受的程度，米粉炒得很乾爽，很有鑊氣，雖然味道不辣，但口裡仍有淡淡咖哩的味與香。由於吃

天時暑熱，行街都行到人燥，近近地金記食個tea順便涼下。唔洗等位即入得，咁死熱緊係叫杯野飲下先啦，叫左杯黑牛唔好誤會，唔係紅牛d fd，老一輩應該一聽就知，其實係朱古力雪糕加可樂！就錦聽實會覺得好奇怪，但飲落係幾有新鮮感既，雪糕同碎冰一齊食成個人即刻爽晒，飲埋啖可樂直頭滿足，一次過滿足你兩個願望，夏天必點。懷舊沙律友人非常想叫黎試下，話想睇下幾懷舊。正常沙律啦，唔算好新奇，不過真係細個係屋企整沙律個d用料。炸肶食tea點可以唔食炸肶，今日一起身已經想食。佢個炸肶其實睇相你已經覺得同出邊唔同，唔會炸到塊皮好乾，但又保持到係香脆，雞肶肉滑過我隻肶d肉，外邊仲有醬汁味，食完想再食。最後補個公司三文治，兩個人差唔多啦上碟仲係熱辣辣，識食緊係趁熱食，外脆內軟，充滿層次，但四件兩個人分最後真係幾飽，不過係正既！

鮮茄焗豬扒飯真係色香味俱全 ，豬扒鬆軟，而且很貼心已經切好，飯吸收濃濃茄香味，最後一啖都食埋乾炒牛河 細細碟，分量岩晒女少，牛肉又唔會太硬，而且炒得唔太乾身同油膩懷舊餐廳不少得有雞脾，沙律同紅豆冰，不過見餐牌寫炸雞脾但上碟不是炸 有小小失望，不過味道還不錯，另外沙律不是用一般沙律醬，而是蛋黃醬，感覺冇咁肥，而且生果大粒，令口感更豐富。我選了沒有加雪糕嘅紅豆冰，因為一般紅豆冰已經很甜，怕加了雪糕會更肥膩，幸好這杯紅豆冰不太甜，紅豆亦都多，配搭懷舊小食一流

朋友相聚，不一定要到講究氣氛的高級餐廳，有時反而到富有特色的懷舊餐廳也不錯。這間餐廳，令我覺得最有特色的是乒乓球餐牌。今次終於有機會食到乾炒牛河。其實炒野都幾講功夫，要鑊氣夠，又要夠乾身，又要唔肥膩，這個乾炒牛河已經做到了。懷舊沙律，配上沙律醬，酸酸的，又有少許冰涼，使人更開胃。而且青瓜和蕃茄也很新鮮，份量也十足的。焗豬扒飯，豬扒好腍身，醬汁酸甜度剛剛好之前一直想試的炒粉麵飯，一直是我想試的。一試之後，果然性價比高。

今晚和五個朋友一起到了金記冰室晚膳，這所冰室位於灣仔天樂里，裝修非常懷舊此有特色，給人感覺像回到童年時代似的。第一次來到這裡進膳，裝修除了給人有種特別驚喜外，最吸引的地方是他們的餐牌，用乒乓球拍製成的菜單，非常有心思。食物款式亦非常吸引，今晚我們點了雞脾、沙律、西蘭花鮑片、豬排包、乾炒牛河、星洲炒米、豬排焗飯、公司三文治和飲品，食物味道「非常之正」！份量亦夠十足，乾炒牛河和星洲炒米不太油膩，最適合最怕油膩的朋友，值得推介；沙律份量足本，非常新鮮，入口酸酸味味，非常開胃；雞脾、豬排焗飯，肉夠鮮，非常可口，而且焗飯的番茄汁滲透飯中，吃起來帶酸，絕對非常入味，西蘭花鮑片的西蘭花軟硬適中，鮑片軟滑爽口，非常美味。而公司三文治，當然不少得餐肉、蛋、火腿、番茄這些配料，這些配料混合起來，餡料十足，值得品嚐。這所「懷舊的冰室」，給人有種回到過去的感覺之外，也可以品嚐到昔日的滋味，再有機會，一定會再來呢！

下午茶 牛扒配薯仔沙拉 熱奶茶，價錢40以下，於銅鑼灣黎講非常經濟！牛扒煎得剛剛好，唔會老過頭，煎得好香富咬口。薯仔沙律同片蕃茄都好新鮮，份量適中。Really Nice!簡單一個下午茶都好好味！服務不錯，環境也舒適！

路過這家，一個人就坐在離門口很近的桌子。不斷有食客進入，店員也都熱情招待。餐牌是製作成乒乓球拍的樣子，很有特色。點了最經典的吐司雞翼和紅豆冰的組合。食物送上後卻沒有餐具，原來我不知道它們在桌子下面的抽屜裏。吐司配上半溶化的牛油很香軟，雞翼也味道十足，紅豆冰無可挑剔。非常滿意的一次snack。不愧老牌。價格也是非常美麗，33hkd。桌子設計的有些不符合人體工學，下面的空間太小，只能雙腳平放，疊腿不可能。

今晚同朋友行街，經過天樂里，咁就再次光顧金記冰室。我們點左晚市小菜套餐，包中湯或羅宋湯，白飯，餐飲。如果加$13，有懷舊的黑白牛飲品。魚香茄子雙腩煲一上枱先來嗅覺的享受，一陣一陣薑蔥爆香魚香味，够鑊氣！茄子，肉絲，雜菌好好味，不過燒腩肉就炒得過乾身，麻麻啲。黑松露蝦仁炒蛋估唔到咁的價錢都可以食黑松露，當然要點黎食啦！ 炒蛋有很多黑點點，相信就係黑松露菌，一入口好香。炒蛋除左都有蝦，還有蔥花，有D住家飯的味道。

在灣仔收工, 正苦惱晚餐食乜時, 同事就提議我之前一直讚好的金記冰室，於是就帶她來試試了。一坐底已聞到隔離枱個炒公仔麵香氣撲鼻，於是好快就ORDER咗。就甘睇好似好簡單，但食落唔簡單，雞扒質感夠腍身多汁，鬆軟可口。個公仔麵條彈牙，炒出來的麵乾身，好滋味。黑松露炒蛋，好特別嘅菜，好少茶餐廳仲有呢道餸，仲要$88食到，好抵食個蛋夠嫩滑d，黑松露香氣襯托出蛋味，勁正。

完成左單大job, 難得老闆請食下午茶。同事揀左金記冰室叫外賣，我揀左深海吉列魚柳併薯條，飲熱奶茶，呢份餐價值$34，仲未計送過黎額外收取既的士錢。黎到，都預左炸野係會冇咁脆口，但真係冇諗過塊魚柳真係細過老麥既早餐薯餅，厚度得薯餅既1/3。而D薯條，慘不忍睹，係薯條上面pat 左堆沙律醬，真係淋上加淋。係繼上次要外賣可樂，而呢間餐廳用左熱飲杯黎裝，夾埋D熱飲一齊送，變左杯熱可樂外，又一經典。杯奶茶係正常的。至於另一同事既金記炸雞脾，同係佢舖頭食唔同左樣，唔同左味之外。仲有少少燶左。而且，呢隻應該唔係"炸"脾！$24蚊一隻雞脾，不連餐飲既下午茶其實幾貴下lo 下次，如果可以，唔好叫呢間喇