金記客棧 (Closed)

中秋將至，又是品嚐月餅的好時節，今時今日，任何零售食品店舖皆有售賣月餅，毛利可觀，聰明的香港商人怎不會分一杯羮。今年新發現，懷舊茶餐室亦有自家製品牌，金記冰室有兩款月餅供應，低糖雙黃白蓮蓉及金腿伍仁月餅，據說後者是招牌，但我覺得自己未必喜歡這個口味，還是選擇前者。低糖雙黃白蓮蓉月餅，售價$296，原來在21/8前預訂，只賣$168，相差這麼遠，自己少買月餅，真的不知價！禮盒包裝絕對得體，紙袋亦印上招牌，看似大集團的出品。傳統大小的月餅禮盒有份量，嫦娥奔月圖案刻意令印刷富懷舊味。一盒四個，每個獨立包裝，亦備有膠刀膠叉。每個月餅皆印上金記冰室1967的標誌。雙黃蓮蓉，切開八件，每件皆有蛋黃，月餅皮略脆，基本皆是軟柔質地，黏稠度夠不鬆散，蓮蓉幼滑，不泛油光，低糖的似乎真的不過甜，微微足夠的甜度，不影響食味，亦吃得安心，蛋黃亦是軟滑的，欠一些香。整體上，沒有特別出色之處，但完全對辦，都幾好呀，我唔覺得會遜色於其他大牌子。

香港的懷舊冰室愈來愈少，亦該漸變成連鎖經營的模式，小時候冰室曾有的滾水蛋亦隨著時間的轉變而消失，有些時候我也很懷念爺爺帶著我去冰室的種種。先來一杯保衛爾牛肉汁未聽過?? 唔緊要我都未聽過，見到餐牌上有，心頭怯一怯，牛肉汁當餐飲，乜料??雞尾飽無雞尾，碗仔翅無魚翅早已不是趣事，保衛爾牛肉汁你地又估下有冇真·牛肉係入面。其實佢係叫牛肉茶，早在50,60年代，是用真真正正用牛肉而製成，在缺乏物資的年代，開發補充營養之用，時至今日，配方亦轉用酵母整成，取代了原有的牛肉汁，適合素食朋友飲用。味道有點像中藥及肉骨茶的味道，喜歡藥膳的朋友相信會特別鐘意。懷舊沙律懷舊沙律是用薯仔、甘筍而製成，口感爽脆，特別之處是沙律醬會帶有濃濃的胡椒味道，味道帶一點辛香，調配別出心栽。椒鹽一口豆腐一口豆腐外脆內嫩，金黃色的外皮，炸的香脆唔油膩，內層是嫩滑無比的豆腐，加上惹味的椒鹽，十分香脆可口，好食到停唔到口。金記亦趕上了素食的潮流，提供了2款素食的SET LUNCH，點了蕃茄蛋菇飯，採用新鮮的蕃茄，帶一點香甜的味道，加上滑蛋，充滿了兒時在家吃的味道，很久也沒有嚐過爺爺煮的一手好菜，但已吃不回，金記除了環境充滿懷舊氣

朋友都知道我對茶餐廳有情義結，由其是懷舊的。「金記茶餐廳」是其中一間經活化後的出土文物，數年前由西環擴充到數碼港。此區對於南區人來說，未必是經常會到的地方，但自「金記客棧」出現後又多了一個選擇。它除了供應茶餐外，更添加了高質素燒味，也是唯一一間有酒牌的。午餐吃乜好，梗係套餐好「豬潤麵套餐」$48 識食必轉福麺底 +$5，味粉另上，自己衡量可以吃幾重口味。我平時吃得非太重口味，但今日吾知點解好想吃咸啲，於是將整包味粉倒曬入去、味道即時大升呢。其實吃得即食麵別太在意它有幾邪惡，最重要是吃得夠盡興。雖然它的豬潤不是全城最好, 但尚算入味、加入了薑絲癖味，口感爽，加上吾系週圍可以吃到，所以我對它是百吃不厭的。茶餐還有牛油厚多士和火腿奄列，所以絕對吃得飽。餐後嘆多杯茶香奶滑的奶茶就是無敵了。

上年，嚐過 <金記冰室> 出品的傳統口味金腿伍仁月餅既足料又回味！ 今年，訂購一盒跟家人再度回味！幸好！食友好姊妹當日放假，順便幫我走到 <金記客棧> 取月餅！ 麻煩了她！金腿伍仁月餅 (8/21 提早訂購價 $228) 零售價 $336嫦娥圖案的月餅紙盒，更添上中秋節氣氛！ 一盒 4個金腿伍仁月餅，斤兩十足，連硬身的月餅紙盒，拿上手都幾重！ 成份：伍仁包括瓜子仁、腰果、白芝麻、欖仁、杏仁；還有金華火腿、糯米粉、糖冬瓜、糖柑桔、檸檬汁、花雕酒、五香粉、雞蛋…等！相當豐富的配料！與家人嚐過後，媽咪最心水清！的確少料咗，金華火腿很細碎而欠缺鹹香，不及以前的香氣十足及咁多金華火腿咁足料！ 正如媽咪話齋質感不夠結實及有咬口， 主要食材得瓜子同白芝麻，果仁如腰果、欖仁、杏仁相對減少了！ 佢話又縮水又少料喎！ 勝在調味恰到好處，很合大家胃口而挽回分數！

還有不足兩個星期就到中秋節了，象徵團圓嘅月餅，自然是必備的應節食品，唔知今年大家又有無收到親友送贈的月餅呢？雖然近年月餅的花款層出不窮，而且愈出愈潮，甚麼法式月餅、黑松露月餅、麥芽糖奶皇月、甚至涼果月餅等等都有，真令人有點眼花瞭亂，不過要數筆者至愛，還是傳統口味的雙黃白蓮蓉月。前兩天，筆者就收到友人送贈的《金記冰室》低糖雙黃白蓮蓉月，其實這款月餅，去年已經試過，所以今年就決定邀請住在隔壁的鄰居一起品嘗，一於分甘同味。一如往年，今年《金記冰室》的低糖雙黃白蓮蓉月，同樣以復古硬皮紙盒盛載，一盒四個，盒上印有嫦娥賞月的圖案，並且標榜其月餅乃「香港製造」及「選用一級湘蓮，配以精選足油的鹹蛋黃」。拿出切開一看，今年月餅鹹蛋黃的漏油程度雖然仍是略遜一籌，但餅皮水準不俗，帶焦棕色，而且切開之後皮料非常薄，加上入面以低糖慢火熬成的白蓮蓉，食落甜而不膩，口感豐富滑溜，即使鹹蛋黃方面未有出色表現，但整體來說仍然唔輸蝕！知道《金記》還有另一款「金腿五仁月」，雖然明知老公對這種加入五仁的金華火腿月興趣不大，不過下年是否應該要轉換一吓口味呢？

今日同男朋友拍拖去到數碼港睇戲食飯, 睇完戲, 正當諗住今晚食Candle Light Dinner,最後因為朋友係附近，一齊食飯，又泥到金記客棧, 雖然有種失落感, 但食完E餐，飽肚感充斥著我個肚, 咩都唔記得晒緊記: 記得叫定碗白飯避風塘炒蟹正，非常期待避風塘炒蟹既出現,蒜蓉甘口焦香, 脆而不糊, 同姜蔥混合一齊炒, 蒜味與辣味交織。蟹肉吸收蔥蒜既味道，食落香味濃郁, 令人越食越開胃。我説過，希望找個和我食米線，和我吃街邊檔，dook 魚蛋的那個對的人。另外一樣，就係願意mook 蟹鉗的人，唔係因為我中意食蟹鉗而係因為你願意將最好分比我。我收到了蟹鉗了，不過我唔捨得食，影左相後。我都將我有最好留比你。所以你食我最開心！燒鵝遠遠都聞到燒鵝既香氣燒鵝脂肪比例適中, 肉嫩多汁, 咬落啖啖鵝油溢出, 至令仍然令我回味涼瓜炒班腩涼瓜完全冇苦澀味而爽, 班腩夠肥美而嫩滑,兩者合而為一, 非常惹味小菜三幾樣。拍拖變左聚會唔係第一次。不過，如果你睇少陣what's app 會更好囉！

個MENU好搞笑 星期六一班人去睇戲所以就ORDER 一小枱餸再叫飯食燒肉义燒出奇地好食WO!!!燒肉皮仲係脆GA!!! 义燒好淋!!!!佢個底係有野熱住!!!!!好耐冇食乳鴿所以ORDER左 好采都好味受歡迎唔洗被問責制我喜歡就咁食唔洗點側邊的SALT~夠晒味~~炒花甲, 避風塘蝦都有啲水準WO~~!!!!!! 有WOK氣之餘味道也剛好!!!!!!避風塘蝦好味 蝦又大隻!!!! 好味 到想食埋手指頭啲GARLIC 難怪間野咁多人食!!!!!!!!!!!!!!

這日來開數碼港探朋友，發現有間看來如此吸引的金記客踐就入來一試。有兩味菜，讓我一試難忘。叉燒燒腩仔雙併 ($128)，外皮燒得帶焦脆，內裡肉質肥瘦適中，鬆化又多汁，好美味。椒鹽一口豆腐 ($78)，每件都剛好一口吃完，外脆內軟，椒鹽的調味帶畫龍點晴之效，正。下次有機會再帶朋友來食。

今日難得朋友約我去數碼港睇戲，順便入去行下草地。竟然咁啱得咁橋戲院隔離又係金記品牌，數碼港呢間名為客棧，唔係冰室。呢間多左個燒味部同埋有避風塘系列，但其實冰室嘅野都有提供。Menu唔再玩乒乓波拍而係美味秘笈，可惜嘅係因為時間太早，試唔到避風塘海鮮，要試只能食晚餐了。黎金記當然都係唔少得紅豆冰，紅豆大大粒，奶味重，雖然肥到爆，但炎炎夏日，肥就肥啦。叫左個椒鹽九肚魚，炸得好鬆脆，鹹味啱啱好，魚肉嫩，份量都足架！仲有個燒鴨，上碟好似貴價酒樓咁，碟底有蠟燭仔熱住，值得讚下，味道方面都正，有汁唔會太難咬，估唔到做開冰室都可以做到酒樓燒味水準，例牌都大大碟。可惜要趕住去睇戲，其實環境真係好好坐。希望下次有機會試到海鮮啦，不過數碼港真心有點遠呢！

奶油包係一個懶人但近嚟卻為左一個手機遊戲『PxxxxxN GO』而四處去捉小精靈但可能因為奶油包真係Hea玩所以明明傳說香港島好多小精靈但奶油包捉極都係得6X隻襯星期日奶油包就決定去數碼港一轉同埋朋友一齊去捉多幾隻小精靈入到去咁『遠』既地方就梗係要醫下肚係呢個時候竟然俾我見到我既飯堂...『金記』咦...呢間『金記』同銅鑼灣既好似有D唔同咁佢叫『金記客棧』...餐牌都同出面用乒乓波板做既唔同好有古時D武學秘笈咁FEEL唔好講咁多睇下奶油包叫左D咩先Waiter話呢度既燒味好出名所以奶油包and friends就決定叫燒鴨(例牌)同蜜汁叉燒再嚟多個椒鹽九肚魚同蒜茸西蘭花飲品方面就叫左紅豆冰同凍檸啡味道呢...燒鴨(例牌)同蜜汁叉燒真係好正而且仲好貼心咁有個小火爐係個碟下面暖住D燒味唔會食食下就凍晒燒味真係新鮮熱辣辣先好食而椒鹽九肚魚就好乾身好香口以奶油包唔食魚既人嚟講都狂食就知道佢有幾好食而且冇油既味道師傅控制火侯控制得好好而蒜茸西蘭花就一般般啦下次要試試其他清菜先得飲品方面...紅豆冰係朋友要既而奶油包就叫左出面比較少見既凍檸啡凍檸啡做得唔錯咖啡味好香而檸檬都好新鮮冇個D苦澀味『金記客

今日約左成斑朋友朋友去數碼港睇電影，睇戲前食下午餐先，比我哋喺附近搵到間餐廳: 金記客棧。仲記得之前喺西營盤和銅鑼灣都食過金記冰室，都覺得幾有特色和味道唔錯，所以見到呢間金記客棧嘅裝修幾精致，幾寬敞、同埋都幾有中國傳統特色，我哋就再決定試下佢。之前都聽講過金記客棧嘅避風港炒蟹幾出名，但今日好可惜待應話呢道菜夜晚先有，有d失望食唔到，但都點左幾道小菜，有椒鹽九肚魚、椒鹽豆腐、咖哩牛腩煲、燒鴨、叉燒燒腩雙併、菲菜蝦仁炒蛋。我最鍾意就喺d叉燒同燒鴨啦，好好食，鬆化多汁，肥瘦適中。椒鹽豆腐都有驚喜，外脆內軟，幾美味 ，油味唔重👍🏻而椒鹽九肚魚嘅九肚魚炸得幾好 👍🏻咖哩牛腩d咖哩都幾美味呀，不過牛腩有d硬，而其它幾道小菜都覺得唔錯啦。講真呢度環境坐得幾舒服，岩成班朋友一齊去都幾開心，不過食肆位置系數碼港都比較遠😂 如果喺入來睇電影，都值得推薦過來一試希望下次再來，可以食到佢招牌菜，避風港炒蟹啦。 😋😋😋

今日中午同朋友過數碼港睇電影 順便試食 附近既金記客棧 之前食過金記冰室 都覺得好好食 金記客棧裝修精致 比較寬敞 布置似酒樓 我地知道金記客棧既避風港炒蟹幾出名 可惜待應話呢道菜未有得供應 雖然有d失望 但都點左幾道想食既小菜 椒鹽九肚魚 椒鹽豆腐 咖哩牛腩煲 豆腐班腩隻 燒鴨例牌 叉燒燒腩雙併 菲菜蝦仁炒蛋 我覺得呢度d叉燒好好食 鬆化多汁 肥瘦恰中好處 椒鹽九肚魚和椒鹽豆腐都係我至愛菜式 呢度整得好食過大排檔個d 外脆內軟 味道好好 又無煙油味 我諗師傅應該落過功夫吸走剛剛洗完既九肚魚的水份 所以先令炸出來既九肚魚內里唔太濕 賣相幾好 無炸到好散 😋咖哩牛腩d咖哩都幾好味呀 送飯一流 其它幾味系我朋友點 我都覺得都幾好食 呢道d小菜價都唔算貴 但做得好好味 環境又舒適 不過位置系數碼港 比較遠 絕對系入來睇電影既朋友唔錯美食選擇 希望下次再來 可以食到佢招牌菜 避風港炒蟹 😋

今日中午同朋友一齊入到數碼港 打算一試佢既招牌菜避風塘炒蟹 結果發現蟹未到 未能試到 雖然有d失望 但都點左幾道小菜 分別有 燒味雙併叉燒加燒腩仔 椒鹽九肚魚 豆腐班腩煲 咖哩牛腩煲 燒鴨例牌 菲黃蝦仁炒蛋 椒鹽豆腐 叉燒好好味 好鬆化 嫩嫩地充滿肉汁 九肚魚外脆內軟 好明顯師傅有落過功夫去除九肚魚多餘既水份 所以炸出來九肚魚內裡都唔太干亦濕 椒鹽豆腐都好外脆內軟 好美味下 至於燒鴨 咖哩牛腩煲 豆腐班腩 味道都幾唔錯既 不過無太大驚奇 至於菲黃蝦仁炒蛋 略覺口感唔夠滑 總體來講 金記客棧內𥚃布置寬敞舒服 幾散致 價錢唔貴 絕對系一間性價比高既食肆 值得推介 希望下次再入數碼港可試到佢既避風塘炒蟹啦

每逢星期日，如果自己的schedule唔係太急，我都會想預留一些時間到郊外走走。這個星期，來到數碼港和友人的bb在貝沙灣的後花園玩。玩完身水身汗的下午，當然要找個地方下午茶，你都知呢個地方冇乜選擇，做生不如做熟，於是再次來到金記客棧吃過下午茶。之前有個星期日，在土瓜灣吃下午茶的時候，我釀著要吃西多士，因為我覺得呢個係最自然的假日下午茶之物，就如法國人係有品味飲咖啡食麵包，日本人會食壽司，星期日吃西多士就是那種有品味的表現。這裡的下午茶好多，不過我還是選擇了吃西多士和紅豆冰。西多非常吸引，樣子不算是現在流行的厚多士，薄薄的兩塊麵包炸到金黃色，加上牛油和糖醬，那塊多士完完全全吸收了所有的精華所在。然後我話，星期日真係好啱吃西多，佢報以一個非常勉強的笑容，好似我係個傻仔咁。唔鬼理佢，朋友個仔同我食得津津有味。紅豆冰有點淡，我較喜歡多奶味一點，不過紅豆份量好多，如果你像我一樣對紅豆冰的紅豆，你就未必會鐘意。當然，如果來到薄扶林知道冇乜好野食，又唔想食貴野，呢個係絕對好選擇，特別是星期日吃下午茶，呢度係不錯的又平又坐得舒適的餐廳。金記客棧 Kam Kee Dining Room薄扶林數碼港道10

每一次來到數碼港都會走到戲院和海旁看看，中午的時候，當我過馬路發現這間餐廳，才知道她和銅鑼灣那間金記冰室原來是有關係的。翻開這本美味秘笈，處處都是客棧的珍藏，圖文並茂，價錢和菜式一目了然。我對燒味的要求也相當講究，想不到這一份燒鵝比想像中咁好味，皮脆香濃，肉質嫩滑。這份叉燒更是無敵，肉質嫩滑，入口即溶，比起一般嘅燒味店質素更高。還有這份避風塘海蝦，這些將大排檔出品嘅質素，竟然能在數碼港享用到，實在是難能可貴。第一次點了這份唂咕，味道是像可可，十分香濃，但沒有什麼甜味。今次點的菜色，都是水準之上，值得難得到數碼港的朋友一試。