金記客棧 (Closed)

不知何時，偽文青們都開始打咭去野歺，去行山，上大東山。文青這回事，向來都是一門學問。秋高氣爽，是日來到早幾天傳媒推舉説是港島後花園的數碼港草地野餐，人多的是。朋友們都很錫我，早一晚我這個如樹懶一樣懶的人説要野歺，住到元朗上水的朋友都二話不説到來。問到地點。。。ER .... 當然是數碼港。就我嗎！幸好他們都不反對，有車揸車，無車搭車，山長水遠來到這個荒地。大家都不想看到我的樣，只拍我的腳和泡泡啦！這個後花園應該很快如旺角般多人啦！我不是個不識趣的人，當然要盡偽地主之宜請勞苦工高的友人晚餐吧。這裡必來金記是常識。咕嚕肉: 炒得好鑊氣是金記專長，肉夠多份量又足，青紅椒，波羅，洋蔥應有盡有，惹味得很。這個黃金𥖁是我必點菜式，看似簡單，絕非簡單，要做到皮脆又薄，內軟美味，還有夾起來不散，豪不容易，這裡每次都出色。還有這個美味肉質嫩，蜜味甜的叉燒，我記為這個叉燒也應該要有米米推薦(這是我認為的) 還有我喜歡的西蘭花，炒西蘭花還是在街外吃比自已煮好，有鑊氣又不會老。一行八人叫了五個菜，好少？當然不會。因為野餐時有我一手包辦的食物供應，吃得又飽又快樂。來金記補個晚餐就剛剛好看電影。何時開始文青成了文

每次來到金記，都想起上一次喺呢度食嘅燒味嘅味道係好正。燒腩仔，肥瘦同脆皮都係嘅份量都係好一致，每一塊都有脆皮亦都有肥嘅部份亦都有瘦嘅部份。呢度嘅叉燒味道真係唔錯，同外面燒味舖食到嘅叉燒飯係好唔同，一來佢有控制住微熱，二來每日都好軟淋淋。燒鴨呢，好完整切口好整齊，味道唔錯。每一次食完都好滿足咁離開

又到左每月既c 奶同學會聚餐 今次改左去數碼港睇戲+食飯一大班師奶 當然要去經濟實惠地方好彩數碼港有間金記客棧 入面有間VIP房 足夠容納2圍人我地習慣每人點一道菜， 朋友點左碟椒鹽一口豆腐 ！ 食完印象難忘 ， 所以又再寫食評分享～ 即點即炸 ，入口非常酥脆 豆腐軟滑， 一d 油膩既感覺都無， 椒鹽份量適中 唔太咸👍最後唔夠分 我地再點多一碟！😂😂😂

又黎食我最鐘意的叉燒！叉燒底下有一個小蠟蠟，保持叉燒的溫度，今次冇令我失望，叉燒肉質鬆軟，非常多汁，有微微的蜜糖味道，而且因爲有蠟燭保持溫度，令肉質不會太乾太凍，叉燒屬於半肥瘦，入口不會太油膩，啱晒女仔食^_^

今個中秋友人介紹金記冰室的月餅，因為他推出的低糖白蓮蓉適合家中的老人家，於是買左盒試試看，家人一試就喜歡，原因味道不甜，蓮蓉好滑，蛋黃俗稱好‘油水’，至於自己買了盒金華火腿月餅，一開就好甘金，咬下口好柔軟，而且比起其他牌子月餅，呢個比較足料，比我想像中好吃，不愧是老自號，經過多年的努力，才有今天的成就！

近秋天的日子,就勾起了我想去野餐的慾望，頓時想起數碼港，然後就駕車到數碼港，原先真的想野餐呢，我再想想倒不如到客棧，午餐完再左去放狗會更加方便！之後去到金記客棧我們點了一個豉油雞，還有蜜汁叉燒，當然亦都有我最喜愛的避風塘一口豆腐，西多士作我們的甜點。首先提提豉油雞，雞的肉質非常滑,而且味道好入味，不咸而食物惹味。再來蜜汁叉燒，叉燒外脆內軟，蜜汁香甜肉質非常軟林，令到入口的感覺，更加豐富！避風塘一口豆腐，豆腐非常滑，避風塘做得非常之足夠，完全做到外脆內軟，這兩種的感覺非常可口！令到完全停不了口！

數碼港位處港島一隅，一向是港島人嘅後花園，泊車去商場然後去戲院睇戲，出外面行陣公園，咁就可以消磨大半日。不過數碼港一向問題就係缺乏比較似樣，價錢又合理嘅餐廳，因此睇戲之外食嘢就要走返出去。今日又係過去睇戲，見酒樓旁邊開咗「金記客棧」，於是睇完戲，食埋飯先走。呢間嘢特別在有燒味供應，於是例牌叫叉燒切雞嚟食。叉燒肥瘦適中又夠滑，仲有小燭台響下面暖碟，吹多陣水都無怕啲叉燒凍咗，幾好。有兩份肉當然要整返份菜，蒜蓉西蘭花呢類簡單得嚟可以好大鑊嘅菜就最好。嚟到見到炒得幾靚，食落又唔覺好多油，唔錯。素食成為潮流，好多餐廳為照顧素食人士都推出咗素食碟頭飯，呢度都唔例外。上面食咁多肉，叫埋呢個碟頭飯，有番茄煮蛋有白飯，拎嚟送飯送菜送肉更開胃。整體而言，金記進駐數碼港係好事嚟，最少去數碼港睇戲後，唔需要走返出去食嘢，亦唔需要局食牡丹樓。

呢日同老公帶左狗仔去數碼港朋友家玩,午餐當然要去最愛的<金記>啦~呢間分店都幾大間, 裝潢簡潔得黎帶少少古代風味~<椒鹽一口豆腐> 朋友超推介, 一口豆腐的大小,炸到金黃色的香脆外皮, 入面是嫩滑的豆腐,灑上惹味的椒鹽, 口感十足, 令人食不停口~<脆皮燒腩仔>  特別的地方是底部用一個小爐, 可以保持著溫度外皮脆卜卜, 肉質好肥美~<紅燒乳鴿>  因為我地個個都好鐘意食, 所以點左2隻,乳鴿香噴噴, 皮好香脆,肉質唔會太多脂肪<避風塘焗中蝦>  我最愛的避風塘口味,蝦隻隻都好大隻, 啖啖蝦肉, 仲有好多蝦膏非常惹味~

話說我一向只吃蛋黃蓮蓉月餅，上年試過金記的雙黃白蓮蓉月餅已經讚口不絕。但友人話金記的金腿伍仁月餅超好吃，加上媽媽愛吃金腿伍仁月的，今年就買給她試試。 金腿伍仁月餅，有她獨有的鹹香味道，喜愛的會是十分喜愛的。 金記冰室的月餅是以紙盒包裝，盒面為嫦娥圖，懷舊中見特色⋯⋯ 月餅色澤金黃油潤，皮薄餡多。 內裡果仁包括: 瓜子仁、欖仁、腰果、白芝麻及杏仁，還有大量金華腿絲。當中的果仁超多，相當有嚼勁，鹹香味出眾，肥肉不多。 每個獨立包裝也有註明食用日期。 媽媽完全是讚口不絕⋯⋯估不到作為冰室的金記，往往出品也是佳作。

數碼港..以前入過來一兩次, 只係記得有戲院同間SUPERMARKET..今日數碼港有活動, 帶埋BB 入黎一齊玩, 原來已經多左好多間食店LA..金記客棧蜜汁叉燒燒鴨(半隻)金記客棧出名燒味部, 果然名不虛傳,又入味, 又淋身, 口感一流椒鹽一口豆腐一口豆腐非常開胃, 又香口新鮮熱辣送上枱面, 好適合拌飯一齊食小朋友都食左成碗飯蜜桃咕嚕肉蜜桃好香甜, 咕嚕肉SIZE 適中火侯足夠...食過幾間金記, 每間分店都保持到水準, 難得哦

星期六日想睇戲，數碼港仍是不錯選擇。睇完戲，食埋飯，又唔需要出市區同人迫，真係自在些!避風塘油鹽水大蜆$88 大蜆大大隻，份量都好多。蜆肉肥美、無沙。雖然以鹽水煮，咸度適中。底下粉絲爽身彈牙，食埋都唔駛叫飯吃。燒鴨 (例)$88 金記燒味其實不錯的。例牌其實都夠3-4人食。燒鴨大件、暖身、肉味濃又不會太乾。法蘭西多士 $30 即炸的法蘭西多士， 我喜歡切大大塊。炸得透所以外皮比較脆。加埋牛油、糖漿塞滿個口，perfect match 令當下忘記Calorie，好滿足!薑檸檬可樂(熱)$18  滾熱可樂有埋檸檬同濃薑味，我認為值得推介。滾水雞蛋(和尚跳海) $16少數提供滾水雞蛋的店，混了水後可加糖或鹽。腸胃受得的可以一試。飲落是清淡又感絲絲蛋白般的感覺。

每年中秋我都會買月餅送比媽咪~~次次佢都叫我揀特別D 既, 我就揀左金記既金腿伍仁月餅!!!早買就梗係有著數啦!!!只需要 HK$228 咋, 比正價平左 HK$100 丫~~(想買既記得下年唔好蝕"*)金記既金腿伍仁月餅配方沬於1967年~真係好耐歷史, 相信味道一定好傳統架啦!!最重要既係100% 香港製造丫"*一盒4個大大個, 好清楚睇到"金記冰室"買個字~而且聞到好香既味道!!! 佢係用左金華火腿同埋五種果仁而成~其實我都係第一次食咋, 感覺好似比有蛋黃既月餅健康D"*切開個時月餅好結實, 冇散開到"*清楚見到有好多果仁係入面, 應該有核桃仁, 杏仁, 橄欖仁, 瓜子仁 , 芝麻仁!!!食落去有金華火腿既味道, 果仁香脆, 咬落每啖都有唔同既果仁, 同樣有月餅個種油香~下年要買記得趁早啦~~~

真金白銀用錢買既月餅...我唔知點解OPENRICE成日都話係試食我玩GAME入數碼港順手買埋月餅啫...家下犯法架咩???發完火....入正題一年容易又中秋有睇過奶油包舊年既月餅文既朋友應該都知道奶油包對『金記』出既月餅係俾左好高既評價無他既...真係好食既野...奶油包係會不斷Encore既今年中秋前就已經一早買左『金記』既月餅不過今次有D特別...唔係去『金記冰室』買而係去左之前去捉小精靈既『金記客棧』買8月26日前買好抵....HK$168/盒奶油包就忍唔住買左Lu當然到差唔多中秋先拎返屋企啦唔係未到中秋就已經俾我家兩老食晒『金記冰室雙黃白蓮蓉月餅』既設計同舊年一樣懷舊紙盒裝...個盒勁實淨...用嚟放野一流之後切開個月餅...一睇就見到2個蛋黃好平均咁係個月餅入面即係你將個月餅切8件8件都有蛋黃師傅手藝一流超級值得我今年ENCORE再買既放入口食一如舊年既感覺簡直係享受唔『痴』牙既蓮蓉『咸香』既蛋黃真係令人想一次過食一個...所以...今年同舊年一樣...成盒月餅過左中秋幾日就俾奶油包一家三口食晒LU

九月份。心情唔好嘅日子好多。累了。要吃點食物嗎！就約埋兩個好知己，再次嚟到金記客棧。三個人我們吃了必定要食嘅美味燒鵝。鵝味十足，皮膽香口，超水準，鵝油甘香，回味無窮。仲有點左炒聖子，本身唔係想食炒聖子係想食避風塘炒蟹，但係當日炒蟹賣晒，原來呢度嘅避風塘炒鞋超級受歡迎。所以就點左呢個炒聖子，炒得10分乾身唔會太多汁。聖子全部都好粗，而且好惹味！呢個豉招汁好正啊！而且分量很夠多！椒鹽九肚魚亦都係出色的餸菜。呢個餸歺歺都有叫。10分乾身無油，九肚魚滑得很，雖然有點熱氣但係極速清碟。香口無比。大概生活累了，痛了，哭了。還好。還有美味食物和朋友陪伴我。

這日在金記客棧食過飯後，發現有盒「低糖雙黃白蓮蓉月餅 」，竟然早鳥平到只售$168這排正打算買定月餅準備過節，就買盒回家同家人分享盒面精美又有懷舊FEEL，有好優雅的嫦娥造型。返到屋企過幾日就開了來食，正如右下角兩張圖所見，質感一流，色澤鮮明。蓮蓉一流，又滑又香，蛋黃沒漏油，不會太油膩。厚薄適中，口感好好。質素比起大牌子不相伯仲，而且好似仲重秤些。